1 Kɔlɛntiɛ́ŋ 4
4
Bafɔ́nɔfɔ́n bá Kilíse
1Ngúbíléne ká band lɛns ká dɛnyɛ bél buol bá Kilíse bábɛ́dɛ́ganá niɔs ná Gɔdányá, nɛ́máabá niɔsɛ́gɔ́n nsua. 2Gá gusúgúdenyi, buanda buófonó bebídíginy nyɛ ká, bábá na nɔládád. 3Gá giáy gɛ́ŋlɛ́ŋaná, ta nuɔyɔ giág gám góbusió, ta bómodió guámbá gɔlɛns ɔ́gɔ ká nguála buól anɛ́ buófonó, gám, buóny dɛbá. Ndɛguámba guɔyɛd ká inyɛ na nɔládád gúmén ndɛbá ná nɔ́. 4Ndɛgɔ́lɛnsan gɛfal ɛgɛ́ mmányá na gɛ́, ta nɔ́, ndɛguámbá guɔyɛd ká inyɛ osi gá buanda gidigid. Ɔgúnɔ́ uganɔsɔ́mb buóny bám. 5Kanɛ́ gúnyá ká, nudɛsɔ́mb buóny bá mɔnd fiaŋ fiaŋ gisiósio ká Ɔgúnɔ́ siám. Uwɔ́ ugenúdeegi ubú búnyá buɔsɛ́gɔ́n agá mbíne, údambɔn ɛmbɛ́dágɛ́dɛ́n sá ɛdɛm agá gise. Ány Gɔdányá ganúkánya sig mɔnd a, agá edény wág wá buol.
6Belimen, gá manda gidigid ɔmɔ́ imánɔmán guɔyɔ, ngúgɔ́lɔn bulinsi aga Apolóso nam ká ínúfúnyifunyi ká nuánda anɛ́ gugál egue ɔ́yɔnɔ́. Gúguɔ́yɔ ká: Búnyɛ bese ká mɔnd dɛyala ɛmbál ɛsɛ́ ɛŋɔ́ŋɛ́n máadágá. Kánɛ mɔnd diábáná wɔguɔyɔ bese wá mɔnd omoom gusúg, usɛ́gɛ́nan bómodió. 7Ányá uguɔyɔnɔ́ ká agúdɔ́mbaan bɔsɔ́gɔ́ e? Buand gidigid ubú ányá na bú, saá Gɔdányá umáagufá e? Mmába ká umagufá, ɔgúbiɔ́yɔ na buanda ubú ányá na bú anyɛ bádɛmagufá bú e? 8Banuá abaány nuganyá gubianan buanda gidigid ubú nubílénené! Nuganyɛ ɛnɔ́m agá nŋili ya Kilíse! Nuganyɛ befuŋ, basuá ta gubá befuŋ! Nguámba ká núbá mbanda befuŋ nɛnama nɛ́nyá ká basuá sɔ́n dɛ́bá befuŋ ɔlɔŋ nanɔ. 9Gá ugám, búnyɛ anyɛ Gɔdányá madiág basuá bedúméb agá niluku négúsúgúdenyi. Dinyɛ anɛ band bányá gusɔ́mb ká bágúsɛgɛmanan ká bɔɔ́n bɔ́ agá kɔɔ́m band bɛ́gɔ́saná. Anaány gúnyá ká ɛngɛlɛs na band bá gus gúdíyɛ́kána. 10Band gúdígɔ́lɔn anɛ dinyɛ biál góbusió bá Kilíse gágual ká digúdúmbenyi Ndág ya Nsɔ́m ya kilíse. Banuá nuguɔ́yɔ ká nunyɛ na nsiŋi gágual ká nunyɛ na Kilíse. Band gúbɛ́dágá ká dinyɛ na buyɛgɛl, banuá na magɛ́nda, bádɛ́sɛ́gɛ́na basuá, bɔ́núgɔ́lɔn banuá gianta gá buanda. 11Gutɔ gusiám ínen sɔ́n digúnúma nsana, diɔ́bɔn nɛɛ́da, diséménén bɛla, bédigídé, dibúlígi disel, 12digúdɔmbɔɔn na guala buol giod na ɛmbɔ́g saás; bádɛ́sɛ́ga, basuá dɛfɔna bɔ́, bódióbígonyi, basuá diɔ́mɛ́nɔn. 13Bádígálɛn galɛn, basuá diondinonyi bɔ́ bese. Band gúdígɔ́lɔɔn ínen sɔ́n anɛ giind ɛgɛ́ bódonó bigud bá gus, anyɛ manda má biíle bómbonó.
Pólo sié wa bá Lomɛŋ
14Ndɛgúnuɔ́ŋɔn bú ká nnufánan ɔduɔ́ gɔnɔ. Ngúnúbiése anɛ baan bám ɔbɔ́ mbílénené. 15Ta dɔns duád dá befúnyifúny ál gunúfúnyifunyi nŋili yá Kilíse, ánɔlɛ́ns ká nunyɛ na sié táŋ omoom, ɔwɔ́ unyá yaŋuá, anɛ́ búnyá ká, numabia gusɔ́d aga Yésu Kilíse agá Ndág ya Nsɔ́m ɛyɛ́ iméenúdúmbínyí. 16Kányɛ inuɔ́yɔnɔ́ gɔg ká, númbígédi. 17Buád buanda inyá gunɔ́dɔ́mɛ́n Timoté unyá mɔɔn wám ɔwɔ́ mbílénené giod na nɔládád gidigid unú unyá nanɔ́ aga Ɔgúnɔ́. Ugenúbídégesenyi bisúŋígín ibí íládaná gágual ká inyɛ wa Yésu Kilíse, gɔɔ́gɔ anɛ́ mfúnyifunyé bí agá biɔ́b bá beédéb gidigid. 18Band bán bómodió nyɛ na bumal giod, bágúbɛ́dága ká ndɛgand guúl aganuá. 19Inyɛ agá nŋili gá guúl aganuá, Ɔgúnɔ́ maádáb. Ány nganɔ́lɛ́ns, saá gugál gá bámálamál abaány gúgú eŋényé, ngalɛns sɔ́n buanda ubú bányá bágual. 20Gágual ká bufuŋ bá Gɔdányá dɛ́bá gúgála agá bɛbábɛ́n gusug, búgúbídíyenyi agá manda dialaná. 21Gán nyaá giág e? Yiíl aganuá na nusue e? gúméne na ɔdɛm ofuógón na ɛlɛ́ga kandɛ ɔndɔndɔ e?
လက္ရွိေရြးခ်ယ္ထားမွု
1 Kɔlɛntiɛ́ŋ 4: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
1 Kɔlɛntiɛ́ŋ 4
4
Bafɔ́nɔfɔ́n bá Kilíse
1Ngúbíléne ká band lɛns ká dɛnyɛ bél buol bá Kilíse bábɛ́dɛ́ganá niɔs ná Gɔdányá, nɛ́máabá niɔsɛ́gɔ́n nsua. 2Gá gusúgúdenyi, buanda buófonó bebídíginy nyɛ ká, bábá na nɔládád. 3Gá giáy gɛ́ŋlɛ́ŋaná, ta nuɔyɔ giág gám góbusió, ta bómodió guámbá gɔlɛns ɔ́gɔ ká nguála buól anɛ́ buófonó, gám, buóny dɛbá. Ndɛguámba guɔyɛd ká inyɛ na nɔládád gúmén ndɛbá ná nɔ́. 4Ndɛgɔ́lɛnsan gɛfal ɛgɛ́ mmányá na gɛ́, ta nɔ́, ndɛguámbá guɔyɛd ká inyɛ osi gá buanda gidigid. Ɔgúnɔ́ uganɔsɔ́mb buóny bám. 5Kanɛ́ gúnyá ká, nudɛsɔ́mb buóny bá mɔnd fiaŋ fiaŋ gisiósio ká Ɔgúnɔ́ siám. Uwɔ́ ugenúdeegi ubú búnyá buɔsɛ́gɔ́n agá mbíne, údambɔn ɛmbɛ́dágɛ́dɛ́n sá ɛdɛm agá gise. Ány Gɔdányá ganúkánya sig mɔnd a, agá edény wág wá buol.
6Belimen, gá manda gidigid ɔmɔ́ imánɔmán guɔyɔ, ngúgɔ́lɔn bulinsi aga Apolóso nam ká ínúfúnyifunyi ká nuánda anɛ́ gugál egue ɔ́yɔnɔ́. Gúguɔ́yɔ ká: Búnyɛ bese ká mɔnd dɛyala ɛmbál ɛsɛ́ ɛŋɔ́ŋɛ́n máadágá. Kánɛ mɔnd diábáná wɔguɔyɔ bese wá mɔnd omoom gusúg, usɛ́gɛ́nan bómodió. 7Ányá uguɔyɔnɔ́ ká agúdɔ́mbaan bɔsɔ́gɔ́ e? Buand gidigid ubú ányá na bú, saá Gɔdányá umáagufá e? Mmába ká umagufá, ɔgúbiɔ́yɔ na buanda ubú ányá na bú anyɛ bádɛmagufá bú e? 8Banuá abaány nuganyá gubianan buanda gidigid ubú nubílénené! Nuganyɛ ɛnɔ́m agá nŋili ya Kilíse! Nuganyɛ befuŋ, basuá ta gubá befuŋ! Nguámba ká núbá mbanda befuŋ nɛnama nɛ́nyá ká basuá sɔ́n dɛ́bá befuŋ ɔlɔŋ nanɔ. 9Gá ugám, búnyɛ anyɛ Gɔdányá madiág basuá bedúméb agá niluku négúsúgúdenyi. Dinyɛ anɛ band bányá gusɔ́mb ká bágúsɛgɛmanan ká bɔɔ́n bɔ́ agá kɔɔ́m band bɛ́gɔ́saná. Anaány gúnyá ká ɛngɛlɛs na band bá gus gúdíyɛ́kána. 10Band gúdígɔ́lɔn anɛ dinyɛ biál góbusió bá Kilíse gágual ká digúdúmbenyi Ndág ya Nsɔ́m ya kilíse. Banuá nuguɔ́yɔ ká nunyɛ na nsiŋi gágual ká nunyɛ na Kilíse. Band gúbɛ́dágá ká dinyɛ na buyɛgɛl, banuá na magɛ́nda, bádɛ́sɛ́gɛ́na basuá, bɔ́núgɔ́lɔn banuá gianta gá buanda. 11Gutɔ gusiám ínen sɔ́n digúnúma nsana, diɔ́bɔn nɛɛ́da, diséménén bɛla, bédigídé, dibúlígi disel, 12digúdɔmbɔɔn na guala buol giod na ɛmbɔ́g saás; bádɛ́sɛ́ga, basuá dɛfɔna bɔ́, bódióbígonyi, basuá diɔ́mɛ́nɔn. 13Bádígálɛn galɛn, basuá diondinonyi bɔ́ bese. Band gúdígɔ́lɔɔn ínen sɔ́n anɛ giind ɛgɛ́ bódonó bigud bá gus, anyɛ manda má biíle bómbonó.
Pólo sié wa bá Lomɛŋ
14Ndɛgúnuɔ́ŋɔn bú ká nnufánan ɔduɔ́ gɔnɔ. Ngúnúbiése anɛ baan bám ɔbɔ́ mbílénené. 15Ta dɔns duád dá befúnyifúny ál gunúfúnyifunyi nŋili yá Kilíse, ánɔlɛ́ns ká nunyɛ na sié táŋ omoom, ɔwɔ́ unyá yaŋuá, anɛ́ búnyá ká, numabia gusɔ́d aga Yésu Kilíse agá Ndág ya Nsɔ́m ɛyɛ́ iméenúdúmbínyí. 16Kányɛ inuɔ́yɔnɔ́ gɔg ká, númbígédi. 17Buád buanda inyá gunɔ́dɔ́mɛ́n Timoté unyá mɔɔn wám ɔwɔ́ mbílénené giod na nɔládád gidigid unú unyá nanɔ́ aga Ɔgúnɔ́. Ugenúbídégesenyi bisúŋígín ibí íládaná gágual ká inyɛ wa Yésu Kilíse, gɔɔ́gɔ anɛ́ mfúnyifunyé bí agá biɔ́b bá beédéb gidigid. 18Band bán bómodió nyɛ na bumal giod, bágúbɛ́dága ká ndɛgand guúl aganuá. 19Inyɛ agá nŋili gá guúl aganuá, Ɔgúnɔ́ maádáb. Ány nganɔ́lɛ́ns, saá gugál gá bámálamál abaány gúgú eŋényé, ngalɛns sɔ́n buanda ubú bányá bágual. 20Gágual ká bufuŋ bá Gɔdányá dɛ́bá gúgála agá bɛbábɛ́n gusug, búgúbídíyenyi agá manda dialaná. 21Gán nyaá giág e? Yiíl aganuá na nusue e? gúméne na ɔdɛm ofuógón na ɛlɛ́ga kandɛ ɔndɔndɔ e?
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ