1 Kɔlɛntiɛ́ŋ 3
3
Ndényé yá béli buol bá Gɔdányá
1Belimen, anyɛ́ imáabá aganuá, ndɛmagálá gán anɛ band bányá na Ɛsámb yá Mefúny yá Gɔdányá, imagálá gán anɛ band bámányá agá manda má gus, anyɛ duábayábáy dúbányɛgana gɔládan Kilíse. 2Ndimenúnyísenyi, mabána imáanúfánán gágual nudɛmabá wɔguɔ́d manyán gesí, ta gusiám ínen ewe, nudibá bɔ́guɔ́d mɔ́. 3Gágual ká gusɔ́d gán nyɛ́ anyɛ gá band bá gus egue. Anyɛ nunyá na yaág na bidul, saá anaány gudíyenyi ká nunyɛ anɛ band bá gus egue e? Gubá gán dɛbá sɔ́n anyɛ gá ebe bányá agá gus egue e? 4Gigúl omoom ɔ́yɔnɔ́ ká: «Yaŋuá, inyɛ wa Pólo», ewúné ɔ́yɔ́ ká: «Yaŋuá inyɛ wa Apolóso», saá anaány gúdíyenyi ká gubá gán nyɛ anyɛ gá band bá gus egue e? 5Ány gɔg, ányá unyá Apolóso? Ányá unyá Pólo e? Dinyɛ gɔɔ́gɔ bél buol ɔbɔ́ Gɔdányá nyá gunúdɔ́mɛ́n ká dɛ́nuɔ́yɔn ndág ya nsɔ́m ká nuádáb. Agás gá ɔlɔŋɔ, mɔnd gidigid águala buol agá nɛnama ɛnɛ́ Ɔgúnɔ́ méeŋín wɔ́. 6Yaŋuá ngugɔ́ná, Apolóso uwelibigen, Gɔdányá eŋényé uwegumenyi. 7Ewe ugúnaná dɛbá ta buanda, ta ewe ulibigené, Gɔdányá gɔg ugumenyé. 8Na ewe ugɔ́naná na ewe ulibigené bányɛ buanda búmoom. Gɔdányá geéŋin sig mɔnd a bɛnama bɛ́sɛ́gɛ́mananá na buol bág. 9Gágual ká, diguála buól ɔlɔŋ góbusió bá Gɔdányá. Banuá nunyɛ gisién gá Gɔdányá, banuá sɔ́n gɛfuág gá Gɔdányá. 10Ngudágɛ́n niaŋ ná efuég bians wa nsiŋi gɔɔ́gɔ anɛ́ Gɔdányá maamfá, sɔ́gɔ́ ondodi gaab nobusió na gɛfuág. Nsɛ́ sig efuégie bínyáŋanyaŋ na nɛnama ɛnɛ́ ufuáganá.
11Yésu Kilíse unyá gɛdágɛ́n ganyɛ kɔ́, ta mɔnd omodió wagudágɛ́n gɛdágɛ́n gímodió dɛbá. 12Ta gians báganúfuág agá gɛdágɛ́n igiány na gól, na muonyi, na biomi bá mfi, na madɛ́d, na magáwa amakɔ́dán ta ɔ́gɔ ká gisóy, 13buol bá sig mɔnd a gadambɔg buɔ́s bá nɛgál, band gánaan bú gágual ká, giant gá yoóg gabá. Ígedíyenyi nanyá buol bá sig mɔnd a nyaá. 14Gians mɔnd máafuág agá gɛdágɛ́n maál gɛ́dɛ́bɛgɛ, ugabia bɛnama. 15Búmánɛ́g ká gians gág mábɛgɛ́, ugáyɛ́n. Udɛ́gabia bɛnama. Uwɔ́ ugabia gisódio, búgábá anɛ mɔnd usɔɔ́gubɛ́sɔ́dɔ́g agá yoóg. 16Nudɛgɔ́lɛnsan ká nunyɛ ɔnyɛ́b wá Gɔdányá, na ká Ɛsámb yá Mefuny yág nyɛ aganuá e? 17Mɔnd mágad ɔnyɛb wá Gɔdányá, Gɔdányá gagad mɔnd uwaány. Gágual ká ɔnyɛb nyɛ wá Gɔdányá. Banuá nunyá ɔnyɛb waád. 18Ta mɔnd udibíneŋ. Mɔnd mábá agán gá gadágadá ubiɔ́yɔnɔ́ ká unyɛ na nsiŋi anɛ́ band bá gus egué biananá, nsɛ́ waál guɛ́y giál ká úbia mbanda nsiŋi. 19Gágual ká nsiŋi yá gus egue nyɛ buál agá busió bá Gɔdányá. Buád buanda búnyá buɔ́ŋɔ́n ká: Gɔdányá guádɛ́gan band bá nsiŋi agá madámbɛd ɔmɔ́ bɔbɔ́ muát bádámbaná, 20búnyɛ́ sɔ́n buɔ́ŋɔ́n ká: Ɔgúnɔ́ gɔ́lɛnsan ɛmbɛ́dágɛ́dɛn sá band bá nsiŋi, ugɔlɛnsan ká sɛdɛ́bá ta buanda. 21Ta mɔnd udɛdálɛ́n ɔmbiɔ́yɔ wág gá band, gágual ká buanda gidigid nyɛ bán. 22Ta yaŋuá Pólo, ta Apolóso, ta Piéle, ta gus, ta gusɔ́d, ta nigú, ta manda mányá nɛ́nuán, ta manda má nŋɔ́guɔ́, buanda gidigid nyɛ bán. 23Banuá gɔg, nunyɛ bá Kilíse, Kilíse uwɔ́ unyɛ wa Gɔdányá.
လက္ရွိေရြးခ်ယ္ထားမွု
1 Kɔlɛntiɛ́ŋ 3: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
1 Kɔlɛntiɛ́ŋ 3
3
Ndényé yá béli buol bá Gɔdányá
1Belimen, anyɛ́ imáabá aganuá, ndɛmagálá gán anɛ band bányá na Ɛsámb yá Mefúny yá Gɔdányá, imagálá gán anɛ band bámányá agá manda má gus, anyɛ duábayábáy dúbányɛgana gɔládan Kilíse. 2Ndimenúnyísenyi, mabána imáanúfánán gágual nudɛmabá wɔguɔ́d manyán gesí, ta gusiám ínen ewe, nudibá bɔ́guɔ́d mɔ́. 3Gágual ká gusɔ́d gán nyɛ́ anyɛ gá band bá gus egue. Anyɛ nunyá na yaág na bidul, saá anaány gudíyenyi ká nunyɛ anɛ band bá gus egue e? Gubá gán dɛbá sɔ́n anyɛ gá ebe bányá agá gus egue e? 4Gigúl omoom ɔ́yɔnɔ́ ká: «Yaŋuá, inyɛ wa Pólo», ewúné ɔ́yɔ́ ká: «Yaŋuá inyɛ wa Apolóso», saá anaány gúdíyenyi ká gubá gán nyɛ anyɛ gá band bá gus egue e? 5Ány gɔg, ányá unyá Apolóso? Ányá unyá Pólo e? Dinyɛ gɔɔ́gɔ bél buol ɔbɔ́ Gɔdányá nyá gunúdɔ́mɛ́n ká dɛ́nuɔ́yɔn ndág ya nsɔ́m ká nuádáb. Agás gá ɔlɔŋɔ, mɔnd gidigid águala buol agá nɛnama ɛnɛ́ Ɔgúnɔ́ méeŋín wɔ́. 6Yaŋuá ngugɔ́ná, Apolóso uwelibigen, Gɔdányá eŋényé uwegumenyi. 7Ewe ugúnaná dɛbá ta buanda, ta ewe ulibigené, Gɔdányá gɔg ugumenyé. 8Na ewe ugɔ́naná na ewe ulibigené bányɛ buanda búmoom. Gɔdányá geéŋin sig mɔnd a bɛnama bɛ́sɛ́gɛ́mananá na buol bág. 9Gágual ká, diguála buól ɔlɔŋ góbusió bá Gɔdányá. Banuá nunyɛ gisién gá Gɔdányá, banuá sɔ́n gɛfuág gá Gɔdányá. 10Ngudágɛ́n niaŋ ná efuég bians wa nsiŋi gɔɔ́gɔ anɛ́ Gɔdányá maamfá, sɔ́gɔ́ ondodi gaab nobusió na gɛfuág. Nsɛ́ sig efuégie bínyáŋanyaŋ na nɛnama ɛnɛ́ ufuáganá.
11Yésu Kilíse unyá gɛdágɛ́n ganyɛ kɔ́, ta mɔnd omodió wagudágɛ́n gɛdágɛ́n gímodió dɛbá. 12Ta gians báganúfuág agá gɛdágɛ́n igiány na gól, na muonyi, na biomi bá mfi, na madɛ́d, na magáwa amakɔ́dán ta ɔ́gɔ ká gisóy, 13buol bá sig mɔnd a gadambɔg buɔ́s bá nɛgál, band gánaan bú gágual ká, giant gá yoóg gabá. Ígedíyenyi nanyá buol bá sig mɔnd a nyaá. 14Gians mɔnd máafuág agá gɛdágɛ́n maál gɛ́dɛ́bɛgɛ, ugabia bɛnama. 15Búmánɛ́g ká gians gág mábɛgɛ́, ugáyɛ́n. Udɛ́gabia bɛnama. Uwɔ́ ugabia gisódio, búgábá anɛ mɔnd usɔɔ́gubɛ́sɔ́dɔ́g agá yoóg. 16Nudɛgɔ́lɛnsan ká nunyɛ ɔnyɛ́b wá Gɔdányá, na ká Ɛsámb yá Mefuny yág nyɛ aganuá e? 17Mɔnd mágad ɔnyɛb wá Gɔdányá, Gɔdányá gagad mɔnd uwaány. Gágual ká ɔnyɛb nyɛ wá Gɔdányá. Banuá nunyá ɔnyɛb waád. 18Ta mɔnd udibíneŋ. Mɔnd mábá agán gá gadágadá ubiɔ́yɔnɔ́ ká unyɛ na nsiŋi anɛ́ band bá gus egué biananá, nsɛ́ waál guɛ́y giál ká úbia mbanda nsiŋi. 19Gágual ká nsiŋi yá gus egue nyɛ buál agá busió bá Gɔdányá. Buád buanda búnyá buɔ́ŋɔ́n ká: Gɔdányá guádɛ́gan band bá nsiŋi agá madámbɛd ɔmɔ́ bɔbɔ́ muát bádámbaná, 20búnyɛ́ sɔ́n buɔ́ŋɔ́n ká: Ɔgúnɔ́ gɔ́lɛnsan ɛmbɛ́dágɛ́dɛn sá band bá nsiŋi, ugɔlɛnsan ká sɛdɛ́bá ta buanda. 21Ta mɔnd udɛdálɛ́n ɔmbiɔ́yɔ wág gá band, gágual ká buanda gidigid nyɛ bán. 22Ta yaŋuá Pólo, ta Apolóso, ta Piéle, ta gus, ta gusɔ́d, ta nigú, ta manda mányá nɛ́nuán, ta manda má nŋɔ́guɔ́, buanda gidigid nyɛ bán. 23Banuá gɔg, nunyɛ bá Kilíse, Kilíse uwɔ́ unyɛ wa Gɔdányá.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ