1 Kɔlɛntiɛ́ŋ 5
5
Gɛdáŋa agá giɔ́b gá beédeb
1Dɛguɔ́bɔn bɔ́yɔ kɔɔ́m gidigid ká gubídɔ́bɔ nyɛ gadágadá wanɔ. Ta band bádiádábaná Gɔdányá, bádɛbá baguál nɛnama na buanda iniány. Dɛguɔ́bɔn ká mɔnd ɔ́gusɔŋɔ agány sié. 2Nugúbídíyenyi na bú! Nugúbianan ká nubá gɔsɔg gɔsɔ́ga, nuónd nukɔ́ŋɛd nɛnama na mɔnd iniány agá giɔ́b gán. 3Inyɛ ɔlɔŋ nanɔ agá ɛmbɛ́dágɛ́dɛn ta anɛ́ inyá ayáyá. Nsaman gugéli mɔnd unyá gual buanda ubuány, anyɛ, inyɛ nanɔ. 4Bɛsɛgɛl gidigid ɛbɛ́ núlumenené agá ɔfɛ́n wá Ɔgúnɔ́ wasɔ Yésu, bugaga bág mábá agá gadágadá wanɔ, inyɛ kɔ́ nanɔ́ agá ɛmbɛ́dágɛ́dɛn. 5Igiány gigúl, nugɔ́l mɔnd uwaány, nuéŋin wɔ́ gá Sátan ká úsɛ́ŋɛn nuɔ́l nág, anaány ká, ɛdány yá mɔnd uwaány sɔ́d buɔ́s Ɔgúnɔ́ gonúsiondo. 6Nugɔ́lɛnsan bese na bese nɔ́ ká nudɛgúbianan ká núbiɔ́yɔ. Nudɛgɔ́lɛnsan ká mɔɔn wá ginudúgin guála ká gidɔ́b nuduge e? 7Énuéli agán gá gadágadá gɛfal gínyá anɛ gilunu gá ginudúgin ká núbá band bányá anɛ gidɔ́b gidiábá ná ginudúgin. Núganyɛ anɛ gidɔ́b giád gágual ká Kilíse megú gán góbusió. Uwɔ́ unyá anyɛ ɛdɔ́dɔ́mba ɛyɛ́ bɔ́nɔnɔ́ gá budɔ́mb ubú bábɛ́laná ká Pásika. 8Nsí diála budɔ́mb bá Pásika, saá na bɛnyɔka bínyá binámbáná ná gilunu gá ginudúgin gá gɛfal na ifíl, diála budɔ́mb ná bɛnyɔka bínyá kand ginudúgin agá begubeg na meliŋítas.
9Mmɔnuɔ́yɛ́dɛ́n agá mbɔbɔnɔ ɛyɛ́ mmáanɔ́dɔ́mɛ́n ká, nudibíbúlényí na band bɔ́bídɔ́bɔnɔ́. 10Ndɛgúgála gá ebe gidigid bányá agá gus egue bɔ́bídɔ́bɔnɔ́, bébisésenyé manda má bɔsɔ́gɔ́, beében ta ɔ́gɔ ká bégúmenyi bagɔdányá bóndodi. Nŋili yá gubínɔn band abaány gidigid dɛbá, asiá mɔnd maádɔ́g agá gus busió bum. 11Buanda inyá guamba gunuɔ́yɛdɛn nyɛ ká, nudibíbúlényí na mɔnd wɔyɔnɔ́ ká unyɛ eŋédéb, uwɔ́ ubídɔ́bɔ, ta ɔ́gɔ ká na gubísésidenyi, gugúmenyi bagɔdányá bóndodi, ɔ́gɔ ká muódón, ta ɔ́gɔ ká ebél magɛ́b, ta ɔ́gɔ ká eŋéb. Mɔnd anɛ uwaány, nudɛgúbianan muát ká, núnyánan kɔɔ́m gómoom naga. 12Saá yaŋuá mbiananá ngélenyi ebe bádiábá beédeb. Banuá nubiánaná ká núgélenyi band bá giɔ́b gán. 13Gɔdányá gegélenyi ebe bádiábá beédéb. Énuéli mɔnd wa ifíl agán gá gadágadá.
လက္ရွိေရြးခ်ယ္ထားမွု
1 Kɔlɛntiɛ́ŋ 5: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
1 Kɔlɛntiɛ́ŋ 5
5
Gɛdáŋa agá giɔ́b gá beédeb
1Dɛguɔ́bɔn bɔ́yɔ kɔɔ́m gidigid ká gubídɔ́bɔ nyɛ gadágadá wanɔ. Ta band bádiádábaná Gɔdányá, bádɛbá baguál nɛnama na buanda iniány. Dɛguɔ́bɔn ká mɔnd ɔ́gusɔŋɔ agány sié. 2Nugúbídíyenyi na bú! Nugúbianan ká nubá gɔsɔg gɔsɔ́ga, nuónd nukɔ́ŋɛd nɛnama na mɔnd iniány agá giɔ́b gán. 3Inyɛ ɔlɔŋ nanɔ agá ɛmbɛ́dágɛ́dɛn ta anɛ́ inyá ayáyá. Nsaman gugéli mɔnd unyá gual buanda ubuány, anyɛ, inyɛ nanɔ. 4Bɛsɛgɛl gidigid ɛbɛ́ núlumenené agá ɔfɛ́n wá Ɔgúnɔ́ wasɔ Yésu, bugaga bág mábá agá gadágadá wanɔ, inyɛ kɔ́ nanɔ́ agá ɛmbɛ́dágɛ́dɛn. 5Igiány gigúl, nugɔ́l mɔnd uwaány, nuéŋin wɔ́ gá Sátan ká úsɛ́ŋɛn nuɔ́l nág, anaány ká, ɛdány yá mɔnd uwaány sɔ́d buɔ́s Ɔgúnɔ́ gonúsiondo. 6Nugɔ́lɛnsan bese na bese nɔ́ ká nudɛgúbianan ká núbiɔ́yɔ. Nudɛgɔ́lɛnsan ká mɔɔn wá ginudúgin guála ká gidɔ́b nuduge e? 7Énuéli agán gá gadágadá gɛfal gínyá anɛ gilunu gá ginudúgin ká núbá band bányá anɛ gidɔ́b gidiábá ná ginudúgin. Núganyɛ anɛ gidɔ́b giád gágual ká Kilíse megú gán góbusió. Uwɔ́ unyá anyɛ ɛdɔ́dɔ́mba ɛyɛ́ bɔ́nɔnɔ́ gá budɔ́mb ubú bábɛ́laná ká Pásika. 8Nsí diála budɔ́mb bá Pásika, saá na bɛnyɔka bínyá binámbáná ná gilunu gá ginudúgin gá gɛfal na ifíl, diála budɔ́mb ná bɛnyɔka bínyá kand ginudúgin agá begubeg na meliŋítas.
9Mmɔnuɔ́yɛ́dɛ́n agá mbɔbɔnɔ ɛyɛ́ mmáanɔ́dɔ́mɛ́n ká, nudibíbúlényí na band bɔ́bídɔ́bɔnɔ́. 10Ndɛgúgála gá ebe gidigid bányá agá gus egue bɔ́bídɔ́bɔnɔ́, bébisésenyé manda má bɔsɔ́gɔ́, beében ta ɔ́gɔ ká bégúmenyi bagɔdányá bóndodi. Nŋili yá gubínɔn band abaány gidigid dɛbá, asiá mɔnd maádɔ́g agá gus busió bum. 11Buanda inyá guamba gunuɔ́yɛdɛn nyɛ ká, nudibíbúlényí na mɔnd wɔyɔnɔ́ ká unyɛ eŋédéb, uwɔ́ ubídɔ́bɔ, ta ɔ́gɔ ká na gubísésidenyi, gugúmenyi bagɔdányá bóndodi, ɔ́gɔ ká muódón, ta ɔ́gɔ ká ebél magɛ́b, ta ɔ́gɔ ká eŋéb. Mɔnd anɛ uwaány, nudɛgúbianan muát ká, núnyánan kɔɔ́m gómoom naga. 12Saá yaŋuá mbiananá ngélenyi ebe bádiábá beédeb. Banuá nubiánaná ká núgélenyi band bá giɔ́b gán. 13Gɔdányá gegélenyi ebe bádiábá beédéb. Énuéli mɔnd wa ifíl agán gá gadágadá.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ