Roméne 9
9
Irɔŋgɔ a ma ijátá noyɔŋɔ ná Ísayéere
1Ndo ámó ndata na Kirítu, wandá mwané kówo mbaŋgámó otɔ́ŋɔ́ vatɔ́ɔ́tɔ́, ta vaŋgá ojeénye. Mwáŋ mwáŋ wa Ireréŋgi kójo a turámó ceenyí rame, kó a ŋgojanámó anáá até éyé mbaŋgámó woja é ámó vatɔ́ɔ́tɔ́. 2Otémá ramé ó ámó iménjí kóŋgovámó makáná ka tɔɔ. 3Ɛɛŋ, taátá a ámó anáá Irɔŋgɔ a ŋgumbe noó maté índi ndií seérí na Kirítu na wusó wá va mbísó na mbéyí ramé íjí va Yúdene. Vá ámó noyɔ́ŋɔ nómwéesií name, 4wó ámó vaná vá Ísayéere. Irɔŋgɔ ma wó búndyé vaná váa, o wó tíhíhe niimí náa, weŋga iretye nawó, o wó hwá mbéndɔ́, mísɔnɔ, tánó 5na va kókó ává vá ma byánávéná na noyómó ná Abaraháma. Naáté yá mbɔŋɔ rawó kówo Kirítu a ma byánávéná ámó moto, ómwané ójó a ámó Irɔŋgɔ na máná ra wandá wimé. A geremenámó na esawo na kɔ́rɔ́tɔ́tɔ́! Wó rií naná!
6Ítɔɔ ámó vá ma váráŋgá Kirítu, tánó ra Irɔŋgɔ na wusó wawó e ta ma obá na cí, esene éyé ava vá ma byánávéná na Ísayéere vá ta ámó bimé vato ává na tɔ́ɔ́tɔ́ wa noyɔŋɔ ná Ísayéere, 7kó ava vá ma byánávéná na noyómó ná Abaraháma vá ta ámó bimé váná váa. Vatɔ́ɔ́tɔ́ vá ámó anáá Irɔŋgɔ a ma járá na Abaraháma anáá: «Vaná ává ŋgo ma wo tánéná, na ombwene rɔɔ́ ójó Isáka kówo vá né endámó uré.» 8Ntimisaná ra vipéŋgé mwané kéejé: Até vaná ává vá byánávenámó na mbaŋgéná ra okótó na onómótó káva vá ámó vaná vá Irɔŋgɔ. Vaná mbáambá vá ámó ava vá byánávenámó na tánó ra Irɔŋgɔ. 9Vipéŋgé vyá tánó kíiví: «Na nimé ra bwaá mbímí ŋgo né endámó váwúndye, kó Sára a né riyámó a etá timbe mwaná onómótó embɔɔ́.» 10Até jee omójo: Rebéka honó a ámó ɔ́wɔ́. A ma timbé ambásá embwene eba na moto bɛ́ŋ umwesií anáá Isáka kókó wa visó. 11-13Vaná váa vá ma ríi vá erɔ́wɔ́ ka byánávéná, vá ma ríi vá arɔ́wɔ́ ka eŋga tɔɔ wusi tɔɔ wobé. Vedá Irɔŋgɔ a ma ríi a omána ojárá na Rebéka anáá: Ojo ogónó a mó nɔ́neenámó ojo írímbe. Va kárate ává mwáŋ mwáŋ vá járámó anáá: «Ŋgo ma diŋgé Yákɔwɔ, noó obena Esoó.» Wimé omówo wó ma eŋgávéná ukú ójó anáá tékéná mamba ra Irɔŋgɔ e nwíyévena, a ijatámó vató ává a diŋgámó anáá a ijata, ŋgijéténá mwané e ta ámó esene éyé vató mwané vá mó éŋga wandá womó, vedá e endámó uré bɛ́ŋ na Irɔŋgɔ ójó a wó béráanámó. 14Naná wó tírevenámó eéné? Ye Irɔŋgɔ a ámó téŋgéŋgé? Na vatɔ́ɔ́tɔ́ mbéndɔ́! 15Esené a ma járá na Mósese anáá: «Ojo ŋgo né diŋgámó anáá ŋgo me ová noóŋgó, ŋgo né me ovámó noóŋgó, ojo ŋgo né diŋgámó anáá nyeme otémá naá, ŋgo né nyemámó otémá naá.» 16Naná wó ámó anáá usi wa otémá wa Irɔŋgɔ a ta endá uré na até éyé vato vá váŋgámó, tɔɔ na opaatana wáwó, veda a endámó uré bɛ́ŋ na Irɔŋgɔ ójó a ovámó noóŋgɔ́. 17Naáté yá va kárate ává mwáŋ mwáŋ, Irɔŋgɔ a ma járá na uhumu ájá na Egíptene anáá: «Ŋgo ma wo nuumíyé ahumu ukú ójó anáá tíhíye ekáné yá ŋguru rame na mámó, kó honó índi vá jémbe ebérááná yámé na cí iŋgimé.» 18To enámó anáá, ojo Irɔŋgɔ a diŋgámó anáá a me ová noóŋgó a me ovámó noóŋgó, kó ojo a diŋgámó anáá a me benda otémá a me bendámó otémá. 19Kaá tetee omójo, o hítyámó wowá naná kaá mámó ojárámó name anáá: «Na wusó wá até sɔ́ kówo Irɔŋgɔ a só ríŋgaanámó? Esené áné kójo a hítyámó okáŋgá anáá até éyé ómwané a vaŋgámó ka eŋgavena?» 20Vedá mámó o ámó sɔ́ áné mámó ójó moto, ukú ójó anáá opetaana na Irɔŋgɔ? Ye kúrí e hítyámó osúsé moto ójó a ma me héndá anáá: «Na wusó wá até kówo o ma mpéndá aaná ítɔɔ aaná?» 21Ye ama a ta hítí weŋga até éyé a diŋgámó na ikɔ́nɔ́ ráa? Ye na ikɔ́nɔ́ mwané ímwéesií a ta hítí ohéndá pána éjé e cakámó otimbe mpí, ohéndá honó pána éjé ka na mpí mbunu? 22Irɔŋgɔ a ma diŋgé anáá a tíhíye mbésé raá ukú ójó anáá vato vá jémbe ekáné yá ŋguru raá. Wó je rií anáá vato ává vá ma geréméná anáá a wó tíhíye mbésé raá a wunde o wó pwénísye, a ma gíyé otémá nawó na imeneve iŋgímé. 23Avámó, a ma wó ová noóŋgó. A ma diŋgé anáá a wó tíhíye ekáné yá niimí naá, kó a ma wó héehéŋdá kɔ́ɔ́m anáá vá tímbe niimí mwané. 24Kó vató mwané, wó ámó visó. A ma só bérááná até bɛ́ŋ ra raaté wa va Yúdene, vedá a ma só bérááná honó na raaté wa ává vá ta ámó va Yúdene. 25Naáté yá kárate ójó ahúmíye maró ójó vá béráanámó anáá Oséyá a ma tiré, Irɔŋgɔ a járámó ɔ́wɔ́ anáá: Ojo a ta ma rií noyɔŋɔ namé, ŋgo mó me béráanámó anáá noyɔŋɔ namé, ŋgo mó me béráanámó anáá noyɔŋɔ namé. Noyɔŋɔ éné ta ma ré me tíhíye andiŋgé ramé, ŋgo mó me béráanámó anáá noyɔŋɔ éné ndiŋgámó mbunu. 26Kaá ɔ́wɔ́, pandó éjé vá ma járá nawó anáá: «No ta ámó noyɔŋɔ namé, vá mó wó béráanámó anáá vaná á Irɔŋgɔ ójó a hwenámó.» 27Até éyé Isáyá ómwané a ma járá na até éyé é néménámó noyɔŋɔ ná ísayéere kéeyé: Tɔɔ vaná vá Ísayéere vá mó búndé nyetete ámó aŋgísó rá umbúmú ójó na máŋá, bɛ́ŋ ŋgava emó na vámwané kéje e mó riyámó sótyérí. 28Esené Okí a mó eŋgamɔ́ até éyé a ma járá anáá a né eŋgámó na cí, kó a né eŋgámó kwakwa ondo húmé honó na mamana. 29Isáyá mwané umwesií a ma késyé ojárá anáá: «Irɔŋgɔ ójó ŋguru iŋgimé a ma só céná ŋgava ra vaná emo, ka rií naná, to mó éŋga to búndé ámó oŋgórá rá Sɔ́dɔmɔ, ámó oŋgórá rá Gɔmɔ́rɔ.»
Ava vá atɔ́wɔmó Kirítu, Irɔŋgɔ a wó bundyámó ndíŋgirííŋ
30Naná wó tírevanámó eéné? Wó tírevanámó anáá vato ává ka rií va Yúdene vá ma búndé ndíŋgirííŋ esene éyé vá ma atɔ́wɔ́ Yésusu. Wó je rií anáá vá ta ma ré sɔsɔ anáá vá rií ndíŋgirííŋ na aŋgísó rá Irɔŋgɔ. 31Ndeke noyɔŋɔ ná Ísayéere nómwané nó katé sɔsɔ anáá nó rií ndíŋgirííŋ na aŋgísó ra Irɔŋgɔ na nimé ra mbéndɔ́, kó wó ma me káŋgéná. 32Na wusó wá até? Esené wondíŋgirííŋ mwané, Va Yúdene vá ta ma ré atɔ́wɔ anáá wó endámó uré na ŋgɔ́tééná, vá ma ré buŋgana anáá vá hítyámó otimbe wondíŋgirííŋ na ŋgeŋgéná mamba ráwó. Va ma kúkáná itááné éné nó eŋgámó anáá moto a pepeŋga. 33Esené naáté yá va kárate ává mwáŋ mwáŋ, Irɔŋgɔ a jarámó anáá: «Táréenámó naáté yá oŋgórá rá Siyóŋo, itááné éné nó eŋgámó anáá moto a pepeŋga, ijoto éné nó ubiyámó. Vedá ójó a atɔ́wɔmó ijoto mwané a ta mó vásúmíye.»
လက္ရွိေရြးခ်ယ္ထားမွု
Roméne 9: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Roméne 9
9
Irɔŋgɔ a ma ijátá noyɔŋɔ ná Ísayéere
1Ndo ámó ndata na Kirítu, wandá mwané kówo mbaŋgámó otɔ́ŋɔ́ vatɔ́ɔ́tɔ́, ta vaŋgá ojeénye. Mwáŋ mwáŋ wa Ireréŋgi kójo a turámó ceenyí rame, kó a ŋgojanámó anáá até éyé mbaŋgámó woja é ámó vatɔ́ɔ́tɔ́. 2Otémá ramé ó ámó iménjí kóŋgovámó makáná ka tɔɔ. 3Ɛɛŋ, taátá a ámó anáá Irɔŋgɔ a ŋgumbe noó maté índi ndií seérí na Kirítu na wusó wá va mbísó na mbéyí ramé íjí va Yúdene. Vá ámó noyɔ́ŋɔ nómwéesií name, 4wó ámó vaná vá Ísayéere. Irɔŋgɔ ma wó búndyé vaná váa, o wó tíhíhe niimí náa, weŋga iretye nawó, o wó hwá mbéndɔ́, mísɔnɔ, tánó 5na va kókó ává vá ma byánávéná na noyómó ná Abaraháma. Naáté yá mbɔŋɔ rawó kówo Kirítu a ma byánávéná ámó moto, ómwané ójó a ámó Irɔŋgɔ na máná ra wandá wimé. A geremenámó na esawo na kɔ́rɔ́tɔ́tɔ́! Wó rií naná!
6Ítɔɔ ámó vá ma váráŋgá Kirítu, tánó ra Irɔŋgɔ na wusó wawó e ta ma obá na cí, esene éyé ava vá ma byánávéná na Ísayéere vá ta ámó bimé vato ává na tɔ́ɔ́tɔ́ wa noyɔŋɔ ná Ísayéere, 7kó ava vá ma byánávéná na noyómó ná Abaraháma vá ta ámó bimé váná váa. Vatɔ́ɔ́tɔ́ vá ámó anáá Irɔŋgɔ a ma járá na Abaraháma anáá: «Vaná ává ŋgo ma wo tánéná, na ombwene rɔɔ́ ójó Isáka kówo vá né endámó uré.» 8Ntimisaná ra vipéŋgé mwané kéejé: Até vaná ává vá byánávenámó na mbaŋgéná ra okótó na onómótó káva vá ámó vaná vá Irɔŋgɔ. Vaná mbáambá vá ámó ava vá byánávenámó na tánó ra Irɔŋgɔ. 9Vipéŋgé vyá tánó kíiví: «Na nimé ra bwaá mbímí ŋgo né endámó váwúndye, kó Sára a né riyámó a etá timbe mwaná onómótó embɔɔ́.» 10Até jee omójo: Rebéka honó a ámó ɔ́wɔ́. A ma timbé ambásá embwene eba na moto bɛ́ŋ umwesií anáá Isáka kókó wa visó. 11-13Vaná váa vá ma ríi vá erɔ́wɔ́ ka byánávéná, vá ma ríi vá arɔ́wɔ́ ka eŋga tɔɔ wusi tɔɔ wobé. Vedá Irɔŋgɔ a ma ríi a omána ojárá na Rebéka anáá: Ojo ogónó a mó nɔ́neenámó ojo írímbe. Va kárate ává mwáŋ mwáŋ vá járámó anáá: «Ŋgo ma diŋgé Yákɔwɔ, noó obena Esoó.» Wimé omówo wó ma eŋgávéná ukú ójó anáá tékéná mamba ra Irɔŋgɔ e nwíyévena, a ijatámó vató ává a diŋgámó anáá a ijata, ŋgijéténá mwané e ta ámó esene éyé vató mwané vá mó éŋga wandá womó, vedá e endámó uré bɛ́ŋ na Irɔŋgɔ ójó a wó béráanámó. 14Naná wó tírevenámó eéné? Ye Irɔŋgɔ a ámó téŋgéŋgé? Na vatɔ́ɔ́tɔ́ mbéndɔ́! 15Esené a ma járá na Mósese anáá: «Ojo ŋgo né diŋgámó anáá ŋgo me ová noóŋgó, ŋgo né me ovámó noóŋgó, ojo ŋgo né diŋgámó anáá nyeme otémá naá, ŋgo né nyemámó otémá naá.» 16Naná wó ámó anáá usi wa otémá wa Irɔŋgɔ a ta endá uré na até éyé vato vá váŋgámó, tɔɔ na opaatana wáwó, veda a endámó uré bɛ́ŋ na Irɔŋgɔ ójó a ovámó noóŋgɔ́. 17Naáté yá va kárate ává mwáŋ mwáŋ, Irɔŋgɔ a ma járá na uhumu ájá na Egíptene anáá: «Ŋgo ma wo nuumíyé ahumu ukú ójó anáá tíhíye ekáné yá ŋguru rame na mámó, kó honó índi vá jémbe ebérááná yámé na cí iŋgimé.» 18To enámó anáá, ojo Irɔŋgɔ a diŋgámó anáá a me ová noóŋgó a me ovámó noóŋgó, kó ojo a diŋgámó anáá a me benda otémá a me bendámó otémá. 19Kaá tetee omójo, o hítyámó wowá naná kaá mámó ojárámó name anáá: «Na wusó wá até sɔ́ kówo Irɔŋgɔ a só ríŋgaanámó? Esené áné kójo a hítyámó okáŋgá anáá até éyé ómwané a vaŋgámó ka eŋgavena?» 20Vedá mámó o ámó sɔ́ áné mámó ójó moto, ukú ójó anáá opetaana na Irɔŋgɔ? Ye kúrí e hítyámó osúsé moto ójó a ma me héndá anáá: «Na wusó wá até kówo o ma mpéndá aaná ítɔɔ aaná?» 21Ye ama a ta hítí weŋga até éyé a diŋgámó na ikɔ́nɔ́ ráa? Ye na ikɔ́nɔ́ mwané ímwéesií a ta hítí ohéndá pána éjé e cakámó otimbe mpí, ohéndá honó pána éjé ka na mpí mbunu? 22Irɔŋgɔ a ma diŋgé anáá a tíhíye mbésé raá ukú ójó anáá vato vá jémbe ekáné yá ŋguru raá. Wó je rií anáá vato ává vá ma geréméná anáá a wó tíhíye mbésé raá a wunde o wó pwénísye, a ma gíyé otémá nawó na imeneve iŋgímé. 23Avámó, a ma wó ová noóŋgó. A ma diŋgé anáá a wó tíhíye ekáné yá niimí naá, kó a ma wó héehéŋdá kɔ́ɔ́m anáá vá tímbe niimí mwané. 24Kó vató mwané, wó ámó visó. A ma só bérááná até bɛ́ŋ ra raaté wa va Yúdene, vedá a ma só bérááná honó na raaté wa ává vá ta ámó va Yúdene. 25Naáté yá kárate ójó ahúmíye maró ójó vá béráanámó anáá Oséyá a ma tiré, Irɔŋgɔ a járámó ɔ́wɔ́ anáá: Ojo a ta ma rií noyɔŋɔ namé, ŋgo mó me béráanámó anáá noyɔŋɔ namé, ŋgo mó me béráanámó anáá noyɔŋɔ namé. Noyɔŋɔ éné ta ma ré me tíhíye andiŋgé ramé, ŋgo mó me béráanámó anáá noyɔŋɔ éné ndiŋgámó mbunu. 26Kaá ɔ́wɔ́, pandó éjé vá ma járá nawó anáá: «No ta ámó noyɔŋɔ namé, vá mó wó béráanámó anáá vaná á Irɔŋgɔ ójó a hwenámó.» 27Até éyé Isáyá ómwané a ma járá na até éyé é néménámó noyɔŋɔ ná ísayéere kéeyé: Tɔɔ vaná vá Ísayéere vá mó búndé nyetete ámó aŋgísó rá umbúmú ójó na máŋá, bɛ́ŋ ŋgava emó na vámwané kéje e mó riyámó sótyérí. 28Esené Okí a mó eŋgamɔ́ até éyé a ma járá anáá a né eŋgámó na cí, kó a né eŋgámó kwakwa ondo húmé honó na mamana. 29Isáyá mwané umwesií a ma késyé ojárá anáá: «Irɔŋgɔ ójó ŋguru iŋgimé a ma só céná ŋgava ra vaná emo, ka rií naná, to mó éŋga to búndé ámó oŋgórá rá Sɔ́dɔmɔ, ámó oŋgórá rá Gɔmɔ́rɔ.»
Ava vá atɔ́wɔmó Kirítu, Irɔŋgɔ a wó bundyámó ndíŋgirííŋ
30Naná wó tírevanámó eéné? Wó tírevanámó anáá vato ává ka rií va Yúdene vá ma búndé ndíŋgirííŋ esene éyé vá ma atɔ́wɔ́ Yésusu. Wó je rií anáá vá ta ma ré sɔsɔ anáá vá rií ndíŋgirííŋ na aŋgísó rá Irɔŋgɔ. 31Ndeke noyɔŋɔ ná Ísayéere nómwané nó katé sɔsɔ anáá nó rií ndíŋgirííŋ na aŋgísó ra Irɔŋgɔ na nimé ra mbéndɔ́, kó wó ma me káŋgéná. 32Na wusó wá até? Esené wondíŋgirííŋ mwané, Va Yúdene vá ta ma ré atɔ́wɔ anáá wó endámó uré na ŋgɔ́tééná, vá ma ré buŋgana anáá vá hítyámó otimbe wondíŋgirííŋ na ŋgeŋgéná mamba ráwó. Va ma kúkáná itááné éné nó eŋgámó anáá moto a pepeŋga. 33Esené naáté yá va kárate ává mwáŋ mwáŋ, Irɔŋgɔ a jarámó anáá: «Táréenámó naáté yá oŋgórá rá Siyóŋo, itááné éné nó eŋgámó anáá moto a pepeŋga, ijoto éné nó ubiyámó. Vedá ójó a atɔ́wɔmó ijoto mwané a ta mó vásúmíye.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL