Roméne 8
8
Ireréŋgi yá Irɔŋgɔ é bundyámó moto ncecí
1Naná wó tírevenámó anáá, pwénísi emo e ta ne rií ɔ́wɔ́ na wusó wá ava vá ámó ná Yésusu Kirítu. 2Esené mbéndɔ́ ra Mwáŋ mwáŋ wa Ireréŋgi éjé yo eréenámó esɔ́tɔ́ na Yésusu Kirítu e ma ŋgatá na mbéndɔ́ ra nyéŋgé na nugwé. 3Mbéndɔ́ ra Mósese e ta ma hítí weŋga wandá mwané, esene éyé wosɔ́sé wá vato wó katé me surye nótó. Vedá Irɔŋgɔ ómwané a ma eŋgá até eméye: A ma tómá mwaná waá naáté yá nótó e purana na notó ra vato vá nyéŋgé. Ɔ́wɔ́ Irɔŋgɔ a ma oná ŋguru ra nyéŋgé éjé naáté yá vato. 4A ma eŋgá naná ukú ójó anáá to timbe ŋguru ra osɔ́tɔ́ ámó mbéndɔ́ e susámó. Náná, wó ta ne rií ŋgénéná ra vato kéje esó turámó, wó ámó Mwáŋ mwáŋ wa Ireréŋgi kójo a só túrámó. 5Esené ava vá ndéndámó na vitámáká vyáwó vá eŋgámó até éyé notó rawó e diŋgámó, vedá ava vá ndéndámó na Mwáŋ mwáŋ wa Ireréŋgi vá eŋgámó até éyé Ireréŋgi é díŋgámó. 6Táma éjé moto a byɔɔnɔmó até éyé vato vá díŋgámó, a endámó na nugwé, vedá táma éjé moto a byɔɔnɔmó até éyé Mwáŋ mwáŋ wa Ireréŋgi a diŋgámó, moto mwané a endámó na esɔ́tɔ́ kó na dɔ́ŋgɔrɔ́ɔ́ŋ. 7Ɛɛŋ, vitámáká vyá vato ví ámó vambéembéná vá Irɔŋgɔ, esene éyé ví ta beeryé mbéndɔ́ ra Irɔŋgɔ. Na vámwané, wó ta hítí honó weŋgavena. 8Kó ava vá byɔ́ɔnɔmó vitámáká mwané vá ta hítí owɔ́tɔ́ Irɔŋgɔ. 9Wó je rií anáá vinó, no ta ne byɔ́ɔnɔ vitámáká imíví, no byɔɔnɔmó Ireréŋgi yá Irɔŋgɔ esene éyé anáá é ámó naáté yá vinó. Ŋgé moto a ríi ka timbe Ireréŋgi yá Kirítu, a ta ámó í wa Kirítu. 10Vedá Kirítu a ámó naáté yá vinó. Ó ámó siki vatɔ́ɔ́tɔ́ anáá notó ra vinó e né gwámó esene éyé nyéŋgé, kó ámó vá ma nó bundyé ndíŋgirííŋ, Mwáŋ mwáŋ wa Ireréŋgi a nó hwámó esɔ́tɔ́. 11Irɔŋgɔ a ma honóná Yésusu na nugwé. Ŋgé Ireréŋgi yáa yó a ríi na vinó, ómwané ójó a ma honóná Kirítu na nugwé a né timbaanámó na Ireréŋgi yáa ukú ójó anáá a eréena nótó rá vinó íjí í géremenámó ogwé imíji esɔ́tɔ́. 12Wandá mwané kówo va mbísó, to timbámó ihí. Ihí mwané to ta timbéná vitámáká vyá visó vyá notó, esene éyé to ta geréméná osɔ́tɔ́ ámó ví váŋgámó. 13Ŋgé no a sɔ́tɔ́ hɔrɔ́ no byɔɔnɔ́ vitámáká imívi, no mó gwámó. Vedá ŋgé na yáka yá mwáŋ mwáŋ wa ireréŋgi no a céŋgítyé ŋgeŋgéná rá vinó íjí na wusó wá vinó maté, no mó sɔ́tɔ́mó. 14Esené bimé ává Ireréŋgi yá Irɔŋgɔ é túrámó vá ámó vaná vá Irɔŋgɔ. 15Kó Ireréŋgi éyé no ma timbé é ta eŋgá anáá no rií mbékí íjí yó a ré tíné, vedá yó eŋgámó anáá no rií vaná vá Irɔŋgɔ. Kaá na Ireréŋgi mwané kówo to rumenámó Irɔŋgɔ anáá: «Ába! Ójó a tirevenámó anáá Tetáŋgá!» 16Ireréŋgi mwané maté yo ojánámó etémá rá visó anáá to ámó vaná vá Irɔŋgɔ. 17Táma mwané, ŋgé to ámó vaná vá Irɔŋgɔ, to mó tímbámó táŋgó na mesi ámá a ma tánéná noyɔŋɔ náa, kó mesi mwané, to mó tímbámó orɔŋgɔ na Kirítu. Esené ŋgé to a timbé táŋgó na vitɔɔ vyáa, to mó timbámó honó táŋgó na niimí náa.
Irɔŋgɔ a diŋgámó anáá vato vá tímbe táŋgó na niimí náa
18Ŋgáno to no heyána vitɔɔ íví wusí owó na niimí éné Irɔŋgɔ a mó só tíhíyámó na nimé raá, na ŋgénéná ramé, vitɔɔ mwané ví ta ámó wandá. 19Esené cí ra ndono éjé Irɔŋgɔ a ma héndá e gírámó kɔskɔs itíndíkáná íjí Irɔŋgɔ a mó tíhíyámó niimí ná váná váá. 20Cí ra ndono ejé e ma obéná naáté yá embɔɔ́ ra ŋguru íjí ka na mpí emo. Até émwané kéje e ma vaŋgá anáá wó rií naná, vedá wó ámó Irɔŋgɔ kójo a ma váá na ndiímíyé mwané. Ítɔɔ naná, cí ra ndono e gírámó até éyé yó endámó uré na Irɔŋgɔ, 21esene éyé émwané honó e mó sótówámó na ŋguru íjí í me ndeérámó í wúnde o me bundyé mbékí. Táma mwané e mó tímbámó ŋgava na woncecí kó na niimí ná vaná vá Irɔŋgɔ. 22To jembámó anáá cí ra ndono iŋgimé yo ɔtɔmó kó yo a ré dúké tetee ojó ámó okótó ójó a kokorámó, 23vedá e ta ámó moká, esene éyé visó honó to ɔtɔmó naáté yá etémá ra visó itíndíkáná íjí to gírámó anáá to búndé tɔ́ɔ́tɔ́ wa vaná vá Irɔŋgɔ, to wunde obúndé pirí pɔ́ke na pɔ́ke. Wó je rií anáá to ma maná otimbe Mwáŋ mwáŋ wa Ireréŋgi ójó a ámó makésyé na mesi ámá Irɔŋgɔ a ma só tánéná. 24Tetee ojó eto ámó sótyérí, vedá to arɔ́wɔ́ ka ená mamba mimé na aŋgísó. Esené táma éjé moto a enámó até éyé a pityámó, vá ta ne béráana anáá opiti. Ye moto a hítyámó o ne piti mamba ámá a enámó? 25Opiti ówó até éyé to ta ená, wó ámó ogíré ówó wandá mwané na imeneve mbunu. 26Kó hée, Mwáŋ mwáŋ wa Ireréŋgi honó a endámó só aká, visó ává to ámó ka na ŋguru. To ta jembé ovásoóriye ámó wó géremenámó, kaá Mwáŋ mwáŋ wa Ireréŋgi maté a vásoóriyámó na wusó wá visó na byoti íví uŋgúté ó ta hítí opeseriye. 27Vedá Irɔŋgɔ a enámó naáté yá etémá kó a jembámó até éyé Ireréŋgi é díŋgámó anáá é súsé. Ɛɛŋ Mwáŋ mwáŋ wa Ireréŋgi a vásoóriyámó ámó Irɔŋgɔ a vaŋgámó na wusó wá ava vá ámó íváa. 28To jembámó hée wandá womweésií anáá: Irɔŋgɔ a eŋgámó wimé ukú ójó anáá ava vá me diŋgámó vá rií wusi. Vámwané, a ma wó bérááná na tékéná mamba raá. 29Esené ava Irɔŋgɔ a ma késyé wijatá, a ma késyé honó osómbá anáá vá rií wandá wómwéesií na Mwaná waá. Naná, Mwaná waá a mó riyámó ogonó wa ekáné yá noyómó. 30Ava Irɔŋgɔ a ma késyé wijata, a ma wó bérááná. Ava a ma bérááná, a ma wó bundyé ndíŋgirííŋ, ava a ma búndyé ndíŋgirííŋ, a ma wó hwá honó niimí.
Moto ka sa wandá na andiŋgé rá Irɔŋgɔ
31Até kéye to hítyámó hée o ne járá? Irɔŋgɔ a ríi ŋgambá na visó, áné kójo a ámó opékáana na visó? 32Ómwané ójó a ta ma máméena Mwaná waá ukú ójó anáá itúúryé ka me etíye, vedá a ma me kavá na wusó wá visó. Naná, na Mwaná waá mwané, a né só hwámó wandá wimé na sásáá. 33Áné kójo a ámó osɔ́mɔ́nɔ ava Irɔŋgɔ a ma ijátá? Ka na moto! Esené Irɔŋgɔ a wó bundyámó ndíŋgirííŋ. 34Áné kójo a hítyámó o wó pwénísye? Ka na moto! Esené Kirítu a ma gwé, kó heé, a ma honówá na nugwé: Kaá a ámó na ombaámbáné rá Irɔŋgɔ kó a vásoóriyámó na wusó wá visó. 35Ané kójo a hítyámó o só sá na andiŋgé rá Kirítu? Ye etɔɔ? Kee mayérána? Itúúryé? Njeŋge kee wowora? Wobe kee nugwé? 36Esené va kárate ává mwáŋ mwáŋ vá jarámó anáá: «Esené éyé anáá mámó, to ámó táma iŋgimé berebe na nugwé. Vá só wɔ́rɔ́mó ámó vitómbá íví ví géremenámó osómbávena.» 37Vedá na até yimé éyé é só jínenámó, to ámó na vikáné vyá makevikye na nimé ra ojo a ma só diŋgé. 38-39Ɛɛŋ noó jembámó wusi na wusi anáá wandá womó wó ta ámó ɔ́wɔ́ ówó wó mó hítyámó o só sá na andiŋgé ájá Irɔŋgɔ a ma só tíhíyé na Yésusu Kirítu Okí wa visó. Tɔɔ nugwé, tɔɔ esɔ́tɔ́, tɔɔ va éŋgerese, tɔɔ vireréŋgi, tɔɔ itíndíkáná íjí tetee ojó, tɔɔ itíndíkáná íjí yó urámó, tɔɔ bimé ává vá tímbámó íjwé, tɔɔ ŋguru íjí fɛ́tɛ́ɛ́m na máná, tɔɔ ŋguru íjí cí na cí, tɔɔ motéé mwimé úmú mó ma héndávéná, wandá womó wó ta mó hítí o só sá na andiŋgé rá Irɔŋgɔ.
လက္ရွိေရြးခ်ယ္ထားမွု
Roméne 8: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Roméne 8
8
Ireréŋgi yá Irɔŋgɔ é bundyámó moto ncecí
1Naná wó tírevenámó anáá, pwénísi emo e ta ne rií ɔ́wɔ́ na wusó wá ava vá ámó ná Yésusu Kirítu. 2Esené mbéndɔ́ ra Mwáŋ mwáŋ wa Ireréŋgi éjé yo eréenámó esɔ́tɔ́ na Yésusu Kirítu e ma ŋgatá na mbéndɔ́ ra nyéŋgé na nugwé. 3Mbéndɔ́ ra Mósese e ta ma hítí weŋga wandá mwané, esene éyé wosɔ́sé wá vato wó katé me surye nótó. Vedá Irɔŋgɔ ómwané a ma eŋgá até eméye: A ma tómá mwaná waá naáté yá nótó e purana na notó ra vato vá nyéŋgé. Ɔ́wɔ́ Irɔŋgɔ a ma oná ŋguru ra nyéŋgé éjé naáté yá vato. 4A ma eŋgá naná ukú ójó anáá to timbe ŋguru ra osɔ́tɔ́ ámó mbéndɔ́ e susámó. Náná, wó ta ne rií ŋgénéná ra vato kéje esó turámó, wó ámó Mwáŋ mwáŋ wa Ireréŋgi kójo a só túrámó. 5Esené ava vá ndéndámó na vitámáká vyáwó vá eŋgámó até éyé notó rawó e diŋgámó, vedá ava vá ndéndámó na Mwáŋ mwáŋ wa Ireréŋgi vá eŋgámó até éyé Ireréŋgi é díŋgámó. 6Táma éjé moto a byɔɔnɔmó até éyé vato vá díŋgámó, a endámó na nugwé, vedá táma éjé moto a byɔɔnɔmó até éyé Mwáŋ mwáŋ wa Ireréŋgi a diŋgámó, moto mwané a endámó na esɔ́tɔ́ kó na dɔ́ŋgɔrɔ́ɔ́ŋ. 7Ɛɛŋ, vitámáká vyá vato ví ámó vambéembéná vá Irɔŋgɔ, esene éyé ví ta beeryé mbéndɔ́ ra Irɔŋgɔ. Na vámwané, wó ta hítí honó weŋgavena. 8Kó ava vá byɔ́ɔnɔmó vitámáká mwané vá ta hítí owɔ́tɔ́ Irɔŋgɔ. 9Wó je rií anáá vinó, no ta ne byɔ́ɔnɔ vitámáká imíví, no byɔɔnɔmó Ireréŋgi yá Irɔŋgɔ esene éyé anáá é ámó naáté yá vinó. Ŋgé moto a ríi ka timbe Ireréŋgi yá Kirítu, a ta ámó í wa Kirítu. 10Vedá Kirítu a ámó naáté yá vinó. Ó ámó siki vatɔ́ɔ́tɔ́ anáá notó ra vinó e né gwámó esene éyé nyéŋgé, kó ámó vá ma nó bundyé ndíŋgirííŋ, Mwáŋ mwáŋ wa Ireréŋgi a nó hwámó esɔ́tɔ́. 11Irɔŋgɔ a ma honóná Yésusu na nugwé. Ŋgé Ireréŋgi yáa yó a ríi na vinó, ómwané ójó a ma honóná Kirítu na nugwé a né timbaanámó na Ireréŋgi yáa ukú ójó anáá a eréena nótó rá vinó íjí í géremenámó ogwé imíji esɔ́tɔ́. 12Wandá mwané kówo va mbísó, to timbámó ihí. Ihí mwané to ta timbéná vitámáká vyá visó vyá notó, esene éyé to ta geréméná osɔ́tɔ́ ámó ví váŋgámó. 13Ŋgé no a sɔ́tɔ́ hɔrɔ́ no byɔɔnɔ́ vitámáká imívi, no mó gwámó. Vedá ŋgé na yáka yá mwáŋ mwáŋ wa ireréŋgi no a céŋgítyé ŋgeŋgéná rá vinó íjí na wusó wá vinó maté, no mó sɔ́tɔ́mó. 14Esené bimé ává Ireréŋgi yá Irɔŋgɔ é túrámó vá ámó vaná vá Irɔŋgɔ. 15Kó Ireréŋgi éyé no ma timbé é ta eŋgá anáá no rií mbékí íjí yó a ré tíné, vedá yó eŋgámó anáá no rií vaná vá Irɔŋgɔ. Kaá na Ireréŋgi mwané kówo to rumenámó Irɔŋgɔ anáá: «Ába! Ójó a tirevenámó anáá Tetáŋgá!» 16Ireréŋgi mwané maté yo ojánámó etémá rá visó anáá to ámó vaná vá Irɔŋgɔ. 17Táma mwané, ŋgé to ámó vaná vá Irɔŋgɔ, to mó tímbámó táŋgó na mesi ámá a ma tánéná noyɔŋɔ náa, kó mesi mwané, to mó tímbámó orɔŋgɔ na Kirítu. Esené ŋgé to a timbé táŋgó na vitɔɔ vyáa, to mó timbámó honó táŋgó na niimí náa.
Irɔŋgɔ a diŋgámó anáá vato vá tímbe táŋgó na niimí náa
18Ŋgáno to no heyána vitɔɔ íví wusí owó na niimí éné Irɔŋgɔ a mó só tíhíyámó na nimé raá, na ŋgénéná ramé, vitɔɔ mwané ví ta ámó wandá. 19Esené cí ra ndono éjé Irɔŋgɔ a ma héndá e gírámó kɔskɔs itíndíkáná íjí Irɔŋgɔ a mó tíhíyámó niimí ná váná váá. 20Cí ra ndono ejé e ma obéná naáté yá embɔɔ́ ra ŋguru íjí ka na mpí emo. Até émwané kéje e ma vaŋgá anáá wó rií naná, vedá wó ámó Irɔŋgɔ kójo a ma váá na ndiímíyé mwané. Ítɔɔ naná, cí ra ndono e gírámó até éyé yó endámó uré na Irɔŋgɔ, 21esene éyé émwané honó e mó sótówámó na ŋguru íjí í me ndeérámó í wúnde o me bundyé mbékí. Táma mwané e mó tímbámó ŋgava na woncecí kó na niimí ná vaná vá Irɔŋgɔ. 22To jembámó anáá cí ra ndono iŋgimé yo ɔtɔmó kó yo a ré dúké tetee ojó ámó okótó ójó a kokorámó, 23vedá e ta ámó moká, esene éyé visó honó to ɔtɔmó naáté yá etémá ra visó itíndíkáná íjí to gírámó anáá to búndé tɔ́ɔ́tɔ́ wa vaná vá Irɔŋgɔ, to wunde obúndé pirí pɔ́ke na pɔ́ke. Wó je rií anáá to ma maná otimbe Mwáŋ mwáŋ wa Ireréŋgi ójó a ámó makésyé na mesi ámá Irɔŋgɔ a ma só tánéná. 24Tetee ojó eto ámó sótyérí, vedá to arɔ́wɔ́ ka ená mamba mimé na aŋgísó. Esené táma éjé moto a enámó até éyé a pityámó, vá ta ne béráana anáá opiti. Ye moto a hítyámó o ne piti mamba ámá a enámó? 25Opiti ówó até éyé to ta ená, wó ámó ogíré ówó wandá mwané na imeneve mbunu. 26Kó hée, Mwáŋ mwáŋ wa Ireréŋgi honó a endámó só aká, visó ává to ámó ka na ŋguru. To ta jembé ovásoóriye ámó wó géremenámó, kaá Mwáŋ mwáŋ wa Ireréŋgi maté a vásoóriyámó na wusó wá visó na byoti íví uŋgúté ó ta hítí opeseriye. 27Vedá Irɔŋgɔ a enámó naáté yá etémá kó a jembámó até éyé Ireréŋgi é díŋgámó anáá é súsé. Ɛɛŋ Mwáŋ mwáŋ wa Ireréŋgi a vásoóriyámó ámó Irɔŋgɔ a vaŋgámó na wusó wá ava vá ámó íváa. 28To jembámó hée wandá womweésií anáá: Irɔŋgɔ a eŋgámó wimé ukú ójó anáá ava vá me diŋgámó vá rií wusi. Vámwané, a ma wó bérááná na tékéná mamba raá. 29Esené ava Irɔŋgɔ a ma késyé wijatá, a ma késyé honó osómbá anáá vá rií wandá wómwéesií na Mwaná waá. Naná, Mwaná waá a mó riyámó ogonó wa ekáné yá noyómó. 30Ava Irɔŋgɔ a ma késyé wijata, a ma wó bérááná. Ava a ma bérááná, a ma wó bundyé ndíŋgirííŋ, ava a ma búndyé ndíŋgirííŋ, a ma wó hwá honó niimí.
Moto ka sa wandá na andiŋgé rá Irɔŋgɔ
31Até kéye to hítyámó hée o ne járá? Irɔŋgɔ a ríi ŋgambá na visó, áné kójo a ámó opékáana na visó? 32Ómwané ójó a ta ma máméena Mwaná waá ukú ójó anáá itúúryé ka me etíye, vedá a ma me kavá na wusó wá visó. Naná, na Mwaná waá mwané, a né só hwámó wandá wimé na sásáá. 33Áné kójo a ámó osɔ́mɔ́nɔ ava Irɔŋgɔ a ma ijátá? Ka na moto! Esené Irɔŋgɔ a wó bundyámó ndíŋgirííŋ. 34Áné kójo a hítyámó o wó pwénísye? Ka na moto! Esené Kirítu a ma gwé, kó heé, a ma honówá na nugwé: Kaá a ámó na ombaámbáné rá Irɔŋgɔ kó a vásoóriyámó na wusó wá visó. 35Ané kójo a hítyámó o só sá na andiŋgé rá Kirítu? Ye etɔɔ? Kee mayérána? Itúúryé? Njeŋge kee wowora? Wobe kee nugwé? 36Esené va kárate ává mwáŋ mwáŋ vá jarámó anáá: «Esené éyé anáá mámó, to ámó táma iŋgimé berebe na nugwé. Vá só wɔ́rɔ́mó ámó vitómbá íví ví géremenámó osómbávena.» 37Vedá na até yimé éyé é só jínenámó, to ámó na vikáné vyá makevikye na nimé ra ojo a ma só diŋgé. 38-39Ɛɛŋ noó jembámó wusi na wusi anáá wandá womó wó ta ámó ɔ́wɔ́ ówó wó mó hítyámó o só sá na andiŋgé ájá Irɔŋgɔ a ma só tíhíyé na Yésusu Kirítu Okí wa visó. Tɔɔ nugwé, tɔɔ esɔ́tɔ́, tɔɔ va éŋgerese, tɔɔ vireréŋgi, tɔɔ itíndíkáná íjí tetee ojó, tɔɔ itíndíkáná íjí yó urámó, tɔɔ bimé ává vá tímbámó íjwé, tɔɔ ŋguru íjí fɛ́tɛ́ɛ́m na máná, tɔɔ ŋguru íjí cí na cí, tɔɔ motéé mwimé úmú mó ma héndávéná, wandá womó wó ta mó hítí o só sá na andiŋgé rá Irɔŋgɔ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL