Roméne 10
10
Va Yúdene na ava vá ta ámó va Yúdene vá tímbámó Okí umweesií
1Va mbísó, até éyé cakámó otámá na otémá ramé, éyé cúcámó honó Irɔŋgɔ é ámó anáá va Yúdene vá rií sótyérí. 2Esené ndo ámó wúsinete anáá vá ámó otémá uŋgímé na até éyé é néménámó Irɔŋgɔ, kó ndiímíyé mwané e ta ámó naáté yá ineŋgí yá njembéná. 3Vá ta ma ová ámó Irɔŋgɔ a bundyámó vato ndíŋgirííŋ, kó vá ma sɔsɔ́ vámwané maté pé ra orií ówó ŋdíŋgirííŋ. Naná, vá ma váráŋgá pé éjé Irɔŋgɔ a wɔ́rɔ́mó ukú ójó anáá a búndyé vato ndíŋgirííŋ. 4Esené ubútú rá mbéndɔ́ ra Mósese wó ámó Kirítu, ukú ójó anáá vato bimé ává vá atɔ́wɔmó Kirítú mwané vá rií ndíŋgirííŋ. 5Ará Mósese a járámó maró wa wondíŋgirííŋ ówó wó endámó uré na mbéndɔ́, ayáá: «Mbéndɔ́ yo eréenámó esɔ́tɔ́ na ojo a beeryámó muki mwá mbéndɔ́ mwané mwimé.» 6Vedá até éyé é járávenámó na wusó wá wondíŋgirííŋ ówó wó endámó uré na ŋgɔ́tééná kéeyé: Mámó ka járá naáté yá otémá rɔɔ́ anáá: «Áné kójo a mó naátámó na máná?» Ukú ójó anáá a sisye kirítu. 7Mámó ka járá honó anáá: «Áné kójo a mó sísámó naáté yá evana yá oŋgimbo ójó ka na mamana?» Kirítu a ma hatééná na raaté wa vigwé. 8Kaá até éyé va kárate ává mwáŋ mwáŋ vá járámó na wusó wá wondíŋgirííŋ kéeyé: Epéŋgé é ámó na kɔ́ŋgɔ́ rɔɔ, naáté yá uŋgúté rɔɔ́ kó na otémá rɔɔ́. Epeŋgé mwané é ámó cómó ra ŋgɔ́tééná éjé to ojámó. 9Ŋgé na uŋgúté rɔɔ́ wo a ojá na aŋgísó rá moto uŋgimé anáá Yésusu a ámó Okí kó ŋgé wo atɔ́wɔ́ na otémá rɔɔ́ uŋgímé anáá Irɔŋgɔ a ma me honóná na raaté wa vigwé, o mó riyámó sótyérí. 10Esené táma éjé to atɔ́wɔmó na otémá rá visó uŋgímáná, Irɔŋgɔ a só buŋdyámó ndíŋgirííŋ, kó a só sótyámó táma éjé to ojámó ŋgɔ́tééná ra visó na aŋgísó rá moto uŋgimé. 11Esené va kárate ává mwáŋ mwáŋ vá járámó anáá: «Ojo a me atɔ́wɔmó a ta mó vásúmíye.» 12Naná, cená e ta ámó ɔ́wɔ́ na mwaná wa va Yúdene na ojo ka rií mwaná wa va Yúdene, esene éyé bimé vá tímbámó Okí umwesií ójó a eréenámó mesí máa na bimé ává vá me béráanámó. 13Va kárate ává mwáŋ mwáŋ vá járámó anáá: «Ojo a mó váŋgenámó Okí a mó riyámó sótyérí.» 14Kó twiiŋí kówo moto a ámó ovaŋgena Okí ŋgé a ríi ka me atɔ́wɔ? Kó honó twiiŋí kówo a hítyámó watɔ́wɔ ŋgé a ríi ká ová vá járá ndɔ́ŋɔ́ raá? Kó twiiŋí kówo a hítyámó wová vá járá ndɔ́ŋɔ́ raá ŋgé moto a ríi ka oja? 15Kó twiiŋí kówo moto a hítyámó woja ŋgé a ríi ka rií tómérí? Va kárate ává mwáŋ mwáŋ vá járámó anáá: «Ivyáté vikáné vyá vitaka táma éjé wo enámó ava vá ojámó vesi vá comó vá endá jine!» 16Vedá bimé vá ta ma atɔ́wɔ Usi wa Cómó. Esené Isáyá a járámó anáá: «Okí, áné kójo a ma atɔ́wɔ́ maró mɔɔ́ ámá to ma ojá?» 17Naná, ŋgɔ́tééná yo urámó táma éjé moto a vátɔ́rɔ́mó comó éjé vá ojámó, kó cómó mwané, e ámó epéŋgé yá Kirítu. 18Tetee ojó cúcámó anáá: Ye va Yúdene vá ta ma ová epéŋgé mwané? Vá ma ová sáá! Esené va kárate ává mwáŋ mwáŋ vá járámó anáá: «Vato vá ma ová mií ra va oja cómó na cí iŋgimé, kó vipéŋgé vyáwó ví ma endá hwɔs na embárá ra cí ra ndono.» 19Cúcámó hée anáá: Ye noyɔŋɔ ná Ísayéere no ta ma ová? Irɔŋgɔ a ma késyé ojárá na uŋgúté rá Mósese anáá: «Ŋgo mó éŋgámó anáá no timbe uŋjíŋí na ava vá ta ámó tɔ́ɔ́tɔ́ wa noyɔŋɔ, ŋgo mó éŋgámó anáá no váhúné na mbésé na noyɔŋɔ éné ka na peyɔ.» 20Irɔŋgɔ a endámó honó urehí ará a járámó na uŋgúté rá Isáyá anaá: «Ava vá ta ma ré cɔcɔ vá ma ŋgwɔ́ŋgɔ́, kó ŋgo ma vátíhíyé na ava vá ta ma ré cúcé wandá.» 21Vedá na até éyé é néménámó noyɔŋɔ ná Ísayéere, Irɔŋgɔ ayáá: «Isí yimé, tóndíyámó ombɔɔ́ ramé na noyɔŋɔ éné ka na mowá nó wúnde obévá ucé.»
လက္ရွိေရြးခ်ယ္ထားမွု
Roméne 10: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Roméne 10
10
Va Yúdene na ava vá ta ámó va Yúdene vá tímbámó Okí umweesií
1Va mbísó, até éyé cakámó otámá na otémá ramé, éyé cúcámó honó Irɔŋgɔ é ámó anáá va Yúdene vá rií sótyérí. 2Esené ndo ámó wúsinete anáá vá ámó otémá uŋgímé na até éyé é néménámó Irɔŋgɔ, kó ndiímíyé mwané e ta ámó naáté yá ineŋgí yá njembéná. 3Vá ta ma ová ámó Irɔŋgɔ a bundyámó vato ndíŋgirííŋ, kó vá ma sɔsɔ́ vámwané maté pé ra orií ówó ŋdíŋgirííŋ. Naná, vá ma váráŋgá pé éjé Irɔŋgɔ a wɔ́rɔ́mó ukú ójó anáá a búndyé vato ndíŋgirííŋ. 4Esené ubútú rá mbéndɔ́ ra Mósese wó ámó Kirítu, ukú ójó anáá vato bimé ává vá atɔ́wɔmó Kirítú mwané vá rií ndíŋgirííŋ. 5Ará Mósese a járámó maró wa wondíŋgirííŋ ówó wó endámó uré na mbéndɔ́, ayáá: «Mbéndɔ́ yo eréenámó esɔ́tɔ́ na ojo a beeryámó muki mwá mbéndɔ́ mwané mwimé.» 6Vedá até éyé é járávenámó na wusó wá wondíŋgirííŋ ówó wó endámó uré na ŋgɔ́tééná kéeyé: Mámó ka járá naáté yá otémá rɔɔ́ anáá: «Áné kójo a mó naátámó na máná?» Ukú ójó anáá a sisye kirítu. 7Mámó ka járá honó anáá: «Áné kójo a mó sísámó naáté yá evana yá oŋgimbo ójó ka na mamana?» Kirítu a ma hatééná na raaté wa vigwé. 8Kaá até éyé va kárate ává mwáŋ mwáŋ vá járámó na wusó wá wondíŋgirííŋ kéeyé: Epéŋgé é ámó na kɔ́ŋgɔ́ rɔɔ, naáté yá uŋgúté rɔɔ́ kó na otémá rɔɔ́. Epeŋgé mwané é ámó cómó ra ŋgɔ́tééná éjé to ojámó. 9Ŋgé na uŋgúté rɔɔ́ wo a ojá na aŋgísó rá moto uŋgimé anáá Yésusu a ámó Okí kó ŋgé wo atɔ́wɔ́ na otémá rɔɔ́ uŋgímé anáá Irɔŋgɔ a ma me honóná na raaté wa vigwé, o mó riyámó sótyérí. 10Esené táma éjé to atɔ́wɔmó na otémá rá visó uŋgímáná, Irɔŋgɔ a só buŋdyámó ndíŋgirííŋ, kó a só sótyámó táma éjé to ojámó ŋgɔ́tééná ra visó na aŋgísó rá moto uŋgimé. 11Esené va kárate ává mwáŋ mwáŋ vá járámó anáá: «Ojo a me atɔ́wɔmó a ta mó vásúmíye.» 12Naná, cená e ta ámó ɔ́wɔ́ na mwaná wa va Yúdene na ojo ka rií mwaná wa va Yúdene, esene éyé bimé vá tímbámó Okí umwesií ójó a eréenámó mesí máa na bimé ává vá me béráanámó. 13Va kárate ává mwáŋ mwáŋ vá járámó anáá: «Ojo a mó váŋgenámó Okí a mó riyámó sótyérí.» 14Kó twiiŋí kówo moto a ámó ovaŋgena Okí ŋgé a ríi ka me atɔ́wɔ? Kó honó twiiŋí kówo a hítyámó watɔ́wɔ ŋgé a ríi ká ová vá járá ndɔ́ŋɔ́ raá? Kó twiiŋí kówo a hítyámó wová vá járá ndɔ́ŋɔ́ raá ŋgé moto a ríi ka oja? 15Kó twiiŋí kówo moto a hítyámó woja ŋgé a ríi ka rií tómérí? Va kárate ává mwáŋ mwáŋ vá járámó anáá: «Ivyáté vikáné vyá vitaka táma éjé wo enámó ava vá ojámó vesi vá comó vá endá jine!» 16Vedá bimé vá ta ma atɔ́wɔ Usi wa Cómó. Esené Isáyá a járámó anáá: «Okí, áné kójo a ma atɔ́wɔ́ maró mɔɔ́ ámá to ma ojá?» 17Naná, ŋgɔ́tééná yo urámó táma éjé moto a vátɔ́rɔ́mó comó éjé vá ojámó, kó cómó mwané, e ámó epéŋgé yá Kirítu. 18Tetee ojó cúcámó anáá: Ye va Yúdene vá ta ma ová epéŋgé mwané? Vá ma ová sáá! Esené va kárate ává mwáŋ mwáŋ vá járámó anáá: «Vato vá ma ová mií ra va oja cómó na cí iŋgimé, kó vipéŋgé vyáwó ví ma endá hwɔs na embárá ra cí ra ndono.» 19Cúcámó hée anáá: Ye noyɔŋɔ ná Ísayéere no ta ma ová? Irɔŋgɔ a ma késyé ojárá na uŋgúté rá Mósese anáá: «Ŋgo mó éŋgámó anáá no timbe uŋjíŋí na ava vá ta ámó tɔ́ɔ́tɔ́ wa noyɔŋɔ, ŋgo mó éŋgámó anáá no váhúné na mbésé na noyɔŋɔ éné ka na peyɔ.» 20Irɔŋgɔ a endámó honó urehí ará a járámó na uŋgúté rá Isáyá anaá: «Ava vá ta ma ré cɔcɔ vá ma ŋgwɔ́ŋgɔ́, kó ŋgo ma vátíhíyé na ava vá ta ma ré cúcé wandá.» 21Vedá na até éyé é néménámó noyɔŋɔ ná Ísayéere, Irɔŋgɔ ayáá: «Isí yimé, tóndíyámó ombɔɔ́ ramé na noyɔŋɔ éné ka na mowá nó wúnde obévá ucé.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL