Márákoso 9
9
1Yésusu a ma járá hée nawó anáá: Ŋgo nó ojanámó na vatɔ́ɔ́tɔ́, vato ávámó ává vá ámó eéná vá ta né gwé ká ená Tamba ra Irɔŋgɔ yo uré na ŋguru.
Yésusu a céndyámó pwényí
(Mat 17:1-9; Rúk 9:28-36; 2Py 1:17-18)
2Na nímé ra metúú maráátó, Yésusu a ma wɔ́rɔ́ Pyéere, Yáka na Yohánese o wó túrata vaká na ménjá na ekáné yá yene kó a ma céndyé pwényí na aŋgísó ráwó. 3Cunú raá okésyé onanja otómbá wandá wimé na cí tɔɔ eyásá yá máná é ta pumé hée náná. 4Kó vá ma ená honó Eríyasa na Mósese vá rényé na Yésusu. 5Kó Pyéere a ma wɔ́rɔ́ enjárá aye na Yésusu anáá: «Oyéere, ó ámó wusi anáá to dyeene na pandó ejé, índi to nowa virárá vítátó mámó imwésií, Mósese imwésíí, Eríyasa hónó imwésíí.» 6Esené mesisí má ma wó ambááná kó vá tá ma jémbé até éyé vá ma geréméná ojárá. 7Erandó é ma uré owó bútyáana, kó mií e ma húmé naáté yá erandó e járá anáá: «Oojó a ámó mwaná wame wa andiŋgé o me vátɔ́réénámáno!» 8Isimí mwané kó vihoóhóná ví ma núné na kɔɔ́kɔ́ŋgɔ́ wená bɛ́ŋ Yésusu moká orɔŋgɔ nawó. 9Amó vá katé wɔsɔnɔ yene, kó Yésusu a wó tévérámó anáá vá mwané ka ojana moto até éyé vá mó ená ondo húmé isí éyé Mwaná Irɔŋgɔ a mó hónovámó na raaté wa vigwé. 10Vá ma vétééná epéŋgé mwané, vá je vá suúsúsé naáté yá étémá rawó até éyé é tímisanámó anáá: «Ohonowa na raaté wa vigwé.»
(Mat 17:10-13)
11Kó vihoóhóná ví me súsámó anáá: «Na wusó wá até kówo va vayéere vá mbéndɔ́ vá ma járá anáá Eríyasa kójo a né jovámó o mana wuré?» 12A wó wúndiyámó anáá: «Eríyása a né jovámó síkí wuré kó a né heéhendámó mamba mimáná. Kó na wusó wá até kówo ó ámó tirétíre anáá: Mwaná moto a né geremenámó otuúryevena mbunu owunde obyendyevena? 13Ŋgo nó ojánámó anáá Eríyasa a ma uré kó vá ma timbááná naá ámó vá ma diŋgé, ámó ó ámó tirétíré na wusó wáá.»
Yésusu a ondónámó maŋgájó ójó a ma timbé ombé wa ireréŋgi
(Mat 17:14-21; Rúk 9:37-43)
14Ará vá ma endá húmé berebe na vasɔ́ɔ́ vihoóhóná, vá ma ená Ekáné yá ncumbí wa vato na kɔ́ŋgɔ́ rawó, kó vayéere vá mbéndɔ́ vá katé pékáana nawó. 15Wená ówó ncumbí wa vato a ma ená Yésusu, vá ma kémbyé kó vá ma báŋgéyá na etétá ondo me vétíyé. 16A ma súsé vihoóhóná vyáa até éyé vá katé pékáana nawó. 17Kó moto umwesií ójó na ncumbí a ma wɔ́rɔ́ enjárá aye naá anáá: «Oyéere, ŋgo mó wo uréna na mwaná wame a timbámó ombé wa ireréŋgi ójó a katámó me tuúriye o me búndyé múmú. 18Ombé wa ireréŋgi mwané a hítyámó o me ambaanámó tɔɔ háá, kó a me wóbámó na ci kaá maŋgájó okésyé opɔkɔ ŋgúsú na uŋgúté, ovandona vikárátá, okátá dɔ́ŋdɔ́ŋ. Ŋgo mó vásoóriye vihoóhóná vyɔɔ́ anáá ví gúné ombé wa ireréŋgi mwané, o wó pásá.» 19Yésusu a ma járá anaá: «Eé vinó ává vato ává wusóó no ta timbé ŋgɔ́tɔvena, kó no eŋgámó wóbé ŋgo no ryámó na vinó o húmé itíndíkáná ijaté? Ŋgo né nó ménevámó ondo húmé itíndíkáná até? Na nimé ráá Yésusu a ma járá na moto omójo anáá uré na ombwene rɔ́ɔ́ ará.» 20Kó vá ma me uréná na maŋgájó. Wená ówó maŋgájó a ma ená Yésusu, ombe wa Ireréŋgi omojo omo gitata na ŋguru; wo edume na ci o biŋgirana hɔrɔ a pɔkɔ ŋgusu. 21Ko Yésusu a susamo isye maŋgajo anaa: «Wo eta metuu manii kówo wando mwané wo mo humenamo?» A ma me wundíyé anaa: «Okésyé na waájó wáa. 22Eŋgendo emo ombe wa Ireréŋgi mwané a katamo omo nɔ na ate yá ihyáne, eŋgendɔ emo na ate yá mateyá inde a gwe. Ko, ŋge o amo ojo wo eŋga wandá, ure nda o so aka o so enamo noŋgo.» 23Kó Yésusu a ma me wundíyé anáá: «Na wusó wá até kówo o járámó anáá ŋgé o ámó weŋga wandá? Wimáná wó ámó weŋgavena na wusó wá ojo a timbámó ŋgɔ́tééná.» 24Isimí mwané, isyé maŋgájó a ma rumétá anáá: «Timbámó ŋgɔ́tééná kó ŋgakámó esene éyé ŋgɔ́tééná mwané e ámó dekétií!» 25Ará Yésusu a ma ená ncumbi wa vato a váwónjéena, kó a ma bámáná ombé wa ireréŋgi ayáá: «Mámó ombé wa ireréŋgi ójó a eŋgámó anáá mwaná ojó ka járá ka ová, ŋgo wo tévérámó anáá o húmé na nótó raá, mámó ka ne wunde hée na isí!» 26Kó ombé wa ireréŋgi mwané a ma gité maŋgájó na ŋguru ohúmé hɔrɔ́ a té bɔmɔ, maŋgájó a ma edúmé hóhó kó vato bimé vá ma ríi vá etá járá anáá a ogwé. 27Kó Yésusu a ma me wɔ́rɔ́ na ombɔɔ́ o me aka anáá a hateena, kó a ma téréméná eténé. 28Ará Yésusu a ma iŋgááná naáté yá yanje, a ma ríi moká na vihoóhóná vyáa kó vá ma me súsé anáá: «Na wusó wá até kówo ombé wa ireréŋgi omójo a mó só pásá na ogúné?» 29Yésusu a ma járá nawó anáá: «Ukú rá ombé wa ireréŋgi omójo ó humamo bɛ́ŋ na mbásóóríyé.»
Yésusu a ojámó nugwé náá na eŋgendɔ eba
(Mat 17:22-23; Rúk 9:43-45)
30Kó vá ma báréyá, ocaka edɔŋgɔ yá Gariréya. Yésusu a ta ma díŋge anáá moto a jembe ará a katé rií. 31Esené a katé yeére vihoóhóná vyáa anáá: Mwaná moto a né kavanenámó na embɔɔ́ ra vato, vato mwané vá né me onámó, kó na nimé ra metúú mátátó, a mó hónovámó na raaté wa vigwé. 32Wó je rií anáá vihoóhóná ví ta ma ré ová njáréná maté, kó vá ma tíné o me súsé ntimisáná raá.
Áné kójo a ámó ogónó otómbá vasɔ́ɔ́?
(Mat 18:1-5; Rúk 9:46-48)
33Yésusu na vihoóhóná vyáa vá ma endá húmé na Kaperenawúmu. Ará vá ma iŋgááná naáté yá yanje, kó Yésusu a ma wó súsé anaa: «Até kéye no katé petaana pé na pé?» 34Kó vá ma umé ihóhó esene éyé pé na pé vá katé tutuwana wogónó. 35Kó a ma nuumáná, obéráana vihoóhóná vyáa vyábɔ́t na vívé aye nawó anáá: «Moto a diŋgé anáá a rií na makésyé, a geremenamó orií jéréré na vasɔ́ɔ́ owunde orií yeŋga manɔnɔwɔ yá moto uŋgimé.» 36Kó a ma wɔ́rɔ́ mwaná wa maŋgájó, o me vaá na raaté wawó, kó a ma me vétíyé na ŋgundi aye nawó anáá: 37«Moto uŋgimé ójó a akámó vaná vá vaájó ámó ojó na wusó wámé, a mó ŋgáka noó maté, kó ojo a ŋgakomó, a ta oŋgáka noó, a mó áka ojo a ma tómá.»
Ojo a ta pékááná na visó a ámó wa visó
(Rúk 9:49-50)
38Yohánese a ma járá na Yésusu anáá: Oyéere, to mó ená moto omo ójó a katé gúné vambé vá vireréŋgi na ebérááná yɔɔ́, kó to mó me kamaana esene éyé a ta ámó orɔŋgɔ na visó 39Yésusu a mo wundiyámó anaa: Vinó ka mo kamaana esene éyé moto a ta amo wo eŋga idime na ebérááná yáme, na nime raa ohírána okésyé okɔtɔ na niyó namé. 40Ojo a ta pékááná na visó, a ámó ŋgambá na visó. 41Kó moto uŋgimé ójó a né nó hwámó matéyá má ovényú esene éyé no ámó orɔŋgɔ na Etómá yá Irɔŋgɔ, ŋgo nó ojánámó na vatɔ́ɔ́tɔ́ anáá, a ta né déŋgyé Deési waá.
Mbémbéténá
(Mat 18:6-11; Rúk 17:1-2)
42«Ojo a ubyámó ŋgatɔɔvena ra maŋgájó umwesií na ava ava vá ŋgatɔwɔmo, wó geremenamo anaa va mo wotá ekáné yá itááné na itoki vá me umbe na máŋá. 43Wá ríi ombɔɔ́ rɔɔ́ kójo wo wubyámó na nyéŋgé, mamo o somba ombɔɔ́ mwané, taátá anáá wenda na esɔ́tɔ́ éyé kɔ́rɔ́tɔ́tɔ́ na ombɔɔ isímbi, otómbá anáá wenda na ihyáne iji kɔ́rɔ́tɔ́tɔ́ na embɔɔ́ ebané. [44] 45Wo e rii oŋgoro rɔɔ kójo wo wubyámó na nyéŋgé, mamo wo somba oŋgoró mwané, táátá anáá wo enda na iyeme na mpaŋá ra esɔ́tɔ́, o tómbá anaa wo endo na eŋgoro ebane na ihyáne iji kɔ́rɔ́tɔ́tɔ́. [46] 47Wa erii niso nɔɔ kene no wo wubyámó na nyéŋgé, mamo o pókóna nisó mwané, taata anaa wenda na pandó éjé Irɔŋgɔ a jwámó na nisó numwesií, otómba anáá wenda na aŋgísó ábáné na ihyáné íjí kɔ́rɔ́tɔ́tɔ́. 48Ɔ́wɔ́ ŋgubi íjí í nyámó mbimbe í ta gwé kó ihyáné hónó í ta katé híndíye. 49Moto uŋgimé a mó tombénámó na nkata ra ihyáné kó a mó tímbámó wosema wá ŋgono. 50Ŋgono e ámó wandá ówó wusi, wó je rií anáá ŋgono yá déŋgyé wosema wáá, to ámó weŋga twinyí anáá i wunde osema? Timbáno ŋgono naáté yá noto ra vinó, no wunde osɔ́tɔ́ na dɔ́ŋgɔrɔ́ɔ́ŋ vinó na vinó.»
လက္ရွိေရြးခ်ယ္ထားမွု
Márákoso 9: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Márákoso 9
9
1Yésusu a ma járá hée nawó anáá: Ŋgo nó ojanámó na vatɔ́ɔ́tɔ́, vato ávámó ává vá ámó eéná vá ta né gwé ká ená Tamba ra Irɔŋgɔ yo uré na ŋguru.
Yésusu a céndyámó pwényí
(Mat 17:1-9; Rúk 9:28-36; 2Py 1:17-18)
2Na nímé ra metúú maráátó, Yésusu a ma wɔ́rɔ́ Pyéere, Yáka na Yohánese o wó túrata vaká na ménjá na ekáné yá yene kó a ma céndyé pwényí na aŋgísó ráwó. 3Cunú raá okésyé onanja otómbá wandá wimé na cí tɔɔ eyásá yá máná é ta pumé hée náná. 4Kó vá ma ená honó Eríyasa na Mósese vá rényé na Yésusu. 5Kó Pyéere a ma wɔ́rɔ́ enjárá aye na Yésusu anáá: «Oyéere, ó ámó wusi anáá to dyeene na pandó ejé, índi to nowa virárá vítátó mámó imwésií, Mósese imwésíí, Eríyasa hónó imwésíí.» 6Esené mesisí má ma wó ambááná kó vá tá ma jémbé até éyé vá ma geréméná ojárá. 7Erandó é ma uré owó bútyáana, kó mií e ma húmé naáté yá erandó e járá anáá: «Oojó a ámó mwaná wame wa andiŋgé o me vátɔ́réénámáno!» 8Isimí mwané kó vihoóhóná ví ma núné na kɔɔ́kɔ́ŋgɔ́ wená bɛ́ŋ Yésusu moká orɔŋgɔ nawó. 9Amó vá katé wɔsɔnɔ yene, kó Yésusu a wó tévérámó anáá vá mwané ka ojana moto até éyé vá mó ená ondo húmé isí éyé Mwaná Irɔŋgɔ a mó hónovámó na raaté wa vigwé. 10Vá ma vétééná epéŋgé mwané, vá je vá suúsúsé naáté yá étémá rawó até éyé é tímisanámó anáá: «Ohonowa na raaté wa vigwé.»
(Mat 17:10-13)
11Kó vihoóhóná ví me súsámó anáá: «Na wusó wá até kówo va vayéere vá mbéndɔ́ vá ma járá anáá Eríyasa kójo a né jovámó o mana wuré?» 12A wó wúndiyámó anáá: «Eríyása a né jovámó síkí wuré kó a né heéhendámó mamba mimáná. Kó na wusó wá até kówo ó ámó tirétíre anáá: Mwaná moto a né geremenámó otuúryevena mbunu owunde obyendyevena? 13Ŋgo nó ojánámó anáá Eríyasa a ma uré kó vá ma timbááná naá ámó vá ma diŋgé, ámó ó ámó tirétíré na wusó wáá.»
Yésusu a ondónámó maŋgájó ójó a ma timbé ombé wa ireréŋgi
(Mat 17:14-21; Rúk 9:37-43)
14Ará vá ma endá húmé berebe na vasɔ́ɔ́ vihoóhóná, vá ma ená Ekáné yá ncumbí wa vato na kɔ́ŋgɔ́ rawó, kó vayéere vá mbéndɔ́ vá katé pékáana nawó. 15Wená ówó ncumbí wa vato a ma ená Yésusu, vá ma kémbyé kó vá ma báŋgéyá na etétá ondo me vétíyé. 16A ma súsé vihoóhóná vyáa até éyé vá katé pékáana nawó. 17Kó moto umwesií ójó na ncumbí a ma wɔ́rɔ́ enjárá aye naá anáá: «Oyéere, ŋgo mó wo uréna na mwaná wame a timbámó ombé wa ireréŋgi ójó a katámó me tuúriye o me búndyé múmú. 18Ombé wa ireréŋgi mwané a hítyámó o me ambaanámó tɔɔ háá, kó a me wóbámó na ci kaá maŋgájó okésyé opɔkɔ ŋgúsú na uŋgúté, ovandona vikárátá, okátá dɔ́ŋdɔ́ŋ. Ŋgo mó vásoóriye vihoóhóná vyɔɔ́ anáá ví gúné ombé wa ireréŋgi mwané, o wó pásá.» 19Yésusu a ma járá anaá: «Eé vinó ává vato ává wusóó no ta timbé ŋgɔ́tɔvena, kó no eŋgámó wóbé ŋgo no ryámó na vinó o húmé itíndíkáná ijaté? Ŋgo né nó ménevámó ondo húmé itíndíkáná até? Na nimé ráá Yésusu a ma járá na moto omójo anáá uré na ombwene rɔ́ɔ́ ará.» 20Kó vá ma me uréná na maŋgájó. Wená ówó maŋgájó a ma ená Yésusu, ombe wa Ireréŋgi omojo omo gitata na ŋguru; wo edume na ci o biŋgirana hɔrɔ a pɔkɔ ŋgusu. 21Ko Yésusu a susamo isye maŋgajo anaa: «Wo eta metuu manii kówo wando mwané wo mo humenamo?» A ma me wundíyé anaa: «Okésyé na waájó wáa. 22Eŋgendo emo ombe wa Ireréŋgi mwané a katamo omo nɔ na ate yá ihyáne, eŋgendɔ emo na ate yá mateyá inde a gwe. Ko, ŋge o amo ojo wo eŋga wandá, ure nda o so aka o so enamo noŋgo.» 23Kó Yésusu a ma me wundíyé anáá: «Na wusó wá até kówo o járámó anáá ŋgé o ámó weŋga wandá? Wimáná wó ámó weŋgavena na wusó wá ojo a timbámó ŋgɔ́tééná.» 24Isimí mwané, isyé maŋgájó a ma rumétá anáá: «Timbámó ŋgɔ́tééná kó ŋgakámó esene éyé ŋgɔ́tééná mwané e ámó dekétií!» 25Ará Yésusu a ma ená ncumbi wa vato a váwónjéena, kó a ma bámáná ombé wa ireréŋgi ayáá: «Mámó ombé wa ireréŋgi ójó a eŋgámó anáá mwaná ojó ka járá ka ová, ŋgo wo tévérámó anáá o húmé na nótó raá, mámó ka ne wunde hée na isí!» 26Kó ombé wa ireréŋgi mwané a ma gité maŋgájó na ŋguru ohúmé hɔrɔ́ a té bɔmɔ, maŋgájó a ma edúmé hóhó kó vato bimé vá ma ríi vá etá járá anáá a ogwé. 27Kó Yésusu a ma me wɔ́rɔ́ na ombɔɔ́ o me aka anáá a hateena, kó a ma téréméná eténé. 28Ará Yésusu a ma iŋgááná naáté yá yanje, a ma ríi moká na vihoóhóná vyáa kó vá ma me súsé anáá: «Na wusó wá até kówo ombé wa ireréŋgi omójo a mó só pásá na ogúné?» 29Yésusu a ma járá nawó anáá: «Ukú rá ombé wa ireréŋgi omójo ó humamo bɛ́ŋ na mbásóóríyé.»
Yésusu a ojámó nugwé náá na eŋgendɔ eba
(Mat 17:22-23; Rúk 9:43-45)
30Kó vá ma báréyá, ocaka edɔŋgɔ yá Gariréya. Yésusu a ta ma díŋge anáá moto a jembe ará a katé rií. 31Esené a katé yeére vihoóhóná vyáa anáá: Mwaná moto a né kavanenámó na embɔɔ́ ra vato, vato mwané vá né me onámó, kó na nimé ra metúú mátátó, a mó hónovámó na raaté wa vigwé. 32Wó je rií anáá vihoóhóná ví ta ma ré ová njáréná maté, kó vá ma tíné o me súsé ntimisáná raá.
Áné kójo a ámó ogónó otómbá vasɔ́ɔ́?
(Mat 18:1-5; Rúk 9:46-48)
33Yésusu na vihoóhóná vyáa vá ma endá húmé na Kaperenawúmu. Ará vá ma iŋgááná naáté yá yanje, kó Yésusu a ma wó súsé anaa: «Até kéye no katé petaana pé na pé?» 34Kó vá ma umé ihóhó esene éyé pé na pé vá katé tutuwana wogónó. 35Kó a ma nuumáná, obéráana vihoóhóná vyáa vyábɔ́t na vívé aye nawó anáá: «Moto a diŋgé anáá a rií na makésyé, a geremenamó orií jéréré na vasɔ́ɔ́ owunde orií yeŋga manɔnɔwɔ yá moto uŋgimé.» 36Kó a ma wɔ́rɔ́ mwaná wa maŋgájó, o me vaá na raaté wawó, kó a ma me vétíyé na ŋgundi aye nawó anáá: 37«Moto uŋgimé ójó a akámó vaná vá vaájó ámó ojó na wusó wámé, a mó ŋgáka noó maté, kó ojo a ŋgakomó, a ta oŋgáka noó, a mó áka ojo a ma tómá.»
Ojo a ta pékááná na visó a ámó wa visó
(Rúk 9:49-50)
38Yohánese a ma járá na Yésusu anáá: Oyéere, to mó ená moto omo ójó a katé gúné vambé vá vireréŋgi na ebérááná yɔɔ́, kó to mó me kamaana esene éyé a ta ámó orɔŋgɔ na visó 39Yésusu a mo wundiyámó anaa: Vinó ka mo kamaana esene éyé moto a ta amo wo eŋga idime na ebérááná yáme, na nime raa ohírána okésyé okɔtɔ na niyó namé. 40Ojo a ta pékááná na visó, a ámó ŋgambá na visó. 41Kó moto uŋgimé ójó a né nó hwámó matéyá má ovényú esene éyé no ámó orɔŋgɔ na Etómá yá Irɔŋgɔ, ŋgo nó ojánámó na vatɔ́ɔ́tɔ́ anáá, a ta né déŋgyé Deési waá.
Mbémbéténá
(Mat 18:6-11; Rúk 17:1-2)
42«Ojo a ubyámó ŋgatɔɔvena ra maŋgájó umwesií na ava ava vá ŋgatɔwɔmo, wó geremenamo anaa va mo wotá ekáné yá itááné na itoki vá me umbe na máŋá. 43Wá ríi ombɔɔ́ rɔɔ́ kójo wo wubyámó na nyéŋgé, mamo o somba ombɔɔ́ mwané, taátá anáá wenda na esɔ́tɔ́ éyé kɔ́rɔ́tɔ́tɔ́ na ombɔɔ isímbi, otómbá anáá wenda na ihyáne iji kɔ́rɔ́tɔ́tɔ́ na embɔɔ́ ebané. [44] 45Wo e rii oŋgoro rɔɔ kójo wo wubyámó na nyéŋgé, mamo wo somba oŋgoró mwané, táátá anáá wo enda na iyeme na mpaŋá ra esɔ́tɔ́, o tómbá anaa wo endo na eŋgoro ebane na ihyáne iji kɔ́rɔ́tɔ́tɔ́. [46] 47Wa erii niso nɔɔ kene no wo wubyámó na nyéŋgé, mamo o pókóna nisó mwané, taata anaa wenda na pandó éjé Irɔŋgɔ a jwámó na nisó numwesií, otómba anáá wenda na aŋgísó ábáné na ihyáné íjí kɔ́rɔ́tɔ́tɔ́. 48Ɔ́wɔ́ ŋgubi íjí í nyámó mbimbe í ta gwé kó ihyáné hónó í ta katé híndíye. 49Moto uŋgimé a mó tombénámó na nkata ra ihyáné kó a mó tímbámó wosema wá ŋgono. 50Ŋgono e ámó wandá ówó wusi, wó je rií anáá ŋgono yá déŋgyé wosema wáá, to ámó weŋga twinyí anáá i wunde osema? Timbáno ŋgono naáté yá noto ra vinó, no wunde osɔ́tɔ́ na dɔ́ŋgɔrɔ́ɔ́ŋ vinó na vinó.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL