Márákoso 8
8
Yésusu a toŋyámó vato toósini iní
(Mat 15:32-39; Már 6:30-44)
1Na itíndíkáná mwané, ámó ekané yá ncumbí wa vato a ma wundé ováwónjéena ka je timbe wandá wá onyá, kó Yésusu a ma bérááná vihoóhóná vyáá aye nawó anáá: 2«Ŋgo ovámó vato ává noóŋgó. Metúú mátátó ojó vá ámó orɔŋgɔ name ka nyá wandá. 3Ŋgo eŋgá nawó anáá vá etáná na vidɔŋgɔ vyáwó na njeŋge na ibumu, vá ta né timbe ŋguru ra ondenda esene éyé mbunu ó má éndá urána urehí.» 4Kó vihoóhóná vyáa ví ma me wundíyé anáá: «Twiŋí kówo to hítyámó weŋga anáá to eréena vato ává manyá na ekwété yá édɔŋgɔ ámó eyé?» 5Yésusu a ma wó súsé anáá: «No timbámó va beréte váníi?» Kó vá ma wundíyé anáá: «Báráátó ná umwesií.» 6Kó Yésusu a ma ruumíyé moto uŋgimé na cí, owɔ́rɔ́ va berété ává báráátó na umwesií amáva, otéŋgyé Irɔŋgɔ kó a ma cécéná weréena vihoóhóná vyáa índi vá téŋgíye vato. 7Vá katé timbé hónó vaná vá cwí kó a ma téŋgyé hée Irɔŋgɔ na wusó wá cwí, owunde o wó hwá anáá vá téŋgíye. 8Vá ma nyá moto uŋgimé a ma wobéyá, kó vá ma wundáná na visáŋgá byáráátó na umwesií táásé na pumbú íjí í ma cánáná. 9Vato ává vá ma nyá vá ma ríi ohúmé vato tóósini iní, ɔ́wɔ́ kówo Yésusu a ma jé eŋga anáá vá etána. 10Isimí mwané, a ma náátá na ŋgɔmbe orɔŋgɔ na vihoóhóná vyáa wenda ówó na edɔŋgɔ éyé vá béráanámó anáá Daramanúta.
Va Fariséna vá súsámó asimbá
(Mat 12:38-39; 16:1-4; Rúk 11:16-29; 12:54-56)
11Va Pariséne vá ma uré, kó vá ma késyé opetaana na Yésusu. Kó ámó vá ma diŋgé anáá vá me támbéna itámbo, vá ma járá naá anáá a eŋga asimbá ámwéesií índi vá káŋga anáá a ámó ojo Irɔŋgɔ a ma tómá. 12Kó Yésusu á ma hérúmétá na ŋguru o járá nawó anáá: «Esené éyé anáá até kówo vato ává wusí owó vá súsámó asimbá? Ŋgo nó ojánámó na vatɔ́ɔ́tɔ́ anáá, vato ává wusí owó vá ta né timbé hée asimbá ájá á endámó uré na máná.» 13Kó a ma wó urúkyé ondo naáta naáté yá ŋgɔmbe anáá a caka mbóró ra osombo ejomo.
Vihoóhóná ví ta ová wandá
(Mat 16:5-12; Rúk 12:1)
14Vihoóhóná ví ma béríhyé owɔrɔ́ ówó va beréte, vá katé timbe bɛ́ŋ beréte umwesií naáté yá ŋgɔmbe. 15Kó Yésusu a ma wó tévéré anáá: «Kéríkyánó na mboŋga ra va Pariséne na mboŋga ra Eróde.» 16Vihoóhóná ví katé petaana vá búŋgana anáá Yésusu a katé járá náná esene éyé vá ta ma timbé va berété. 17Amó Yésusu a ma ijímé mbuŋgáná ráwó, kó a ma wó súsé anáá: «Na wusó wá até kówo no buŋganámó anáá njárámó náná esene éyé no ta timbé va beréte? Ye no ará rií ka ambaana kó no ta ová? Ye no timbámó vireríyé vyá etémá? 18Ye no ámó amó vato ává vá tímbámó aŋgísó ka je ená? Vá tímbe honó etú ka je ová? Buŋgáno, 19Ará ŋgo ma táŋgááná va beréte vátáánó na wusó wá vato toósini ísáánó, no ma wundé na visáŋgá víníi táásé na pumbú íjí í ma cáná?» Vá ma me wundíyé anáá: «Vyábɔ́t na vívé.» 20«Kó ará ŋgo ma táŋgááná va beréte báráátó na umwesií na wusó wá vato tóósini iní, no ma wundé na visáŋgá víníi táásé na pumbú íjí í ma cáná?» Kó vá ma me wundíyé anáá: «Byáráátó na imwéesií.» 21Ko a ma járá nawó anáá: «No arɔ́wɔ́ ka ová?»
Yésusu a ondónámó uŋgewu na Betayída
22Yésusu na vihóhónávyáa vá ma endá húmé na Betayida, kó vato vá ma uré na uŋgewu wa moto okésyé odeekáné Yésusu anáá a me táhéta. 23Kó a ma wɔ́rɔ́ uŋgewu na ombɔɔ́ wenda naá na edɔŋgɔ índyé, o me vaá metí na aŋgísó o me táréena embɔɔ́ kó a katé me súsé anáá: «Ye wo enámó wandá?» 24Uŋgewu obune aŋgísó ayáá: «Ŋgo enámó vato marará marará ŋgo wó enámó ámó marété, vá je ndenda.» 25Yésusu a ma me tárééná hée embɔɔ́ na aŋgísó kó uŋgewu a ma késyé wená ndéŋ ndéŋ a ma tómbá wondówa a ená wusi tɔɔ urehí. 26Yésusu a ma járá naá anáá: «Wundé na yanje yɔɔ́, mámó ka iŋgáana na edɔŋgɔ.»
Pyéere a ojámó anáá Yésusu a ámó ojo Irɔŋgɔ a ma ijátá
(Mat 16:13-20; Rúk 9:18-21)
27Yésusu a ma báréyá na vihoóhóná vyáa, wenda na vidɔŋgɔ íví na kɔ́ŋgɔ́ ra Césaréyá wa Firípi. Kó na pé, Yésusu a ma súsé vihoóhóná vyáa anáá: «Vato vá ma járá anáá ndo ámó áné?» 28Vá ma me wundíyé anáá: «Vá járámó anáá o ámó Yohánese adwe vato, ávámó vá járá anáá o ámó Eríyasa ójó Ahúmíye maró, véndyé hée vá járá anáá o ámó Ahúmíye maró omo.» 29Yésusu a ma wó súsé anáá: «Kó vinó, no járámó anáá ndo ámó áné?» Pyéere a ma me wundíyé anáá: «O ámó Etómá yá Irɔŋgɔ.» 30Kó Yésusu a ma wó tévéré anáá vá mwané ka ojana moto wandá.
Yésusu a ojámó anáá a né gwámó kó a né wundámó ohonowa
(Mat 16:21-23; Rúk 9:22)
31Kó Yésusu a ma késyé otɔ́ŋéna vihoóhóná vyáa anáá Mwaná moto a né geremenámó wená etɔɔ mbunu, vagónó vá edɔŋgɔ, vagónó vá vacekiye mómí na vayéere vá mbéndɔ́ vá né me váráŋgámó kó vá né me onámó kaá na nimé ra metúú mátátó, kó a né hateenámó na raaté wa vígwé. 32A katé wó ojána mamba mwané ka aseena wandá kó Pyéere a ma me turáta na kɔ́ŋgɔ́ okésyé o me njwé. 33Yésusu a ma búndyé aŋgísó onéména vihoóhóná vyáa kó a ma bámáná Pyéere aye naá anáá: «Ndá urehí name Saátana! Esené mbuŋgáná rɔɔ́ í ta ámó mbuŋgáná rá Irɔŋgɔ, mbuŋgáná rɔɔ́ í ámó mbuŋgáná rá vato.»
Twiŋí kówo vá géremenámó obyɔɔnɔ Yésusu
(Mat 16:24-28; Rúk 9:23-27)
34Kó a ma bérááná vato bimé, orɔŋgɔ na vihoóhóná vyáa aye nawó anáá: «Moto a díŋgé anáá a mbyɔɔnɔ, ómwané ka ne vábúŋge ómwané maté, ómwané obyá koroso raá kaá ómwané ombyɔɔnɔ. 35Esené ojo a díŋgámó anáá a beerye esɔ́tɔ́ yáa, a mó déŋgyámó esɔ́tɔ́ mwané, kó ojo a mó déŋgyámó esɔ́tɔ́ yáa na wusó wámé kó hónó na wusó wá Usi wa Cómó, moto mwané a mó sɔ́tɔ́mó. 36Kó ejaté mpí kéje e ámó ɔ́wɔ́ anáá moto a timbe cí ra ndono iŋgimé índi a enda déŋgyé esɔ́tɔ́ yáa? 37Até keyé moto a ámó weréena na céndi ra esɔ́tɔ́ yáa? 38Esené ŋgé moto a ová wuswéní name a wunde hée wová wuswéní na vipéŋgé vyámé na raaté wa vato vá ibamba na nyéŋgé ává, Mwaná moto hónó a mó ovámó wuswéní naá ará a mó urámó naáté yá niimí ná Isyé orɔŋgɔ na va mwáŋ mwáŋ vá va éŋgerese.»
လက္ရွိေရြးခ်ယ္ထားမွု
Márákoso 8: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Márákoso 8
8
Yésusu a toŋyámó vato toósini iní
(Mat 15:32-39; Már 6:30-44)
1Na itíndíkáná mwané, ámó ekané yá ncumbí wa vato a ma wundé ováwónjéena ka je timbe wandá wá onyá, kó Yésusu a ma bérááná vihoóhóná vyáá aye nawó anáá: 2«Ŋgo ovámó vato ává noóŋgó. Metúú mátátó ojó vá ámó orɔŋgɔ name ka nyá wandá. 3Ŋgo eŋgá nawó anáá vá etáná na vidɔŋgɔ vyáwó na njeŋge na ibumu, vá ta né timbe ŋguru ra ondenda esene éyé mbunu ó má éndá urána urehí.» 4Kó vihoóhóná vyáa ví ma me wundíyé anáá: «Twiŋí kówo to hítyámó weŋga anáá to eréena vato ává manyá na ekwété yá édɔŋgɔ ámó eyé?» 5Yésusu a ma wó súsé anáá: «No timbámó va beréte váníi?» Kó vá ma wundíyé anáá: «Báráátó ná umwesií.» 6Kó Yésusu a ma ruumíyé moto uŋgimé na cí, owɔ́rɔ́ va berété ává báráátó na umwesií amáva, otéŋgyé Irɔŋgɔ kó a ma cécéná weréena vihoóhóná vyáa índi vá téŋgíye vato. 7Vá katé timbé hónó vaná vá cwí kó a ma téŋgyé hée Irɔŋgɔ na wusó wá cwí, owunde o wó hwá anáá vá téŋgíye. 8Vá ma nyá moto uŋgimé a ma wobéyá, kó vá ma wundáná na visáŋgá byáráátó na umwesií táásé na pumbú íjí í ma cánáná. 9Vato ává vá ma nyá vá ma ríi ohúmé vato tóósini iní, ɔ́wɔ́ kówo Yésusu a ma jé eŋga anáá vá etána. 10Isimí mwané, a ma náátá na ŋgɔmbe orɔŋgɔ na vihoóhóná vyáa wenda ówó na edɔŋgɔ éyé vá béráanámó anáá Daramanúta.
Va Fariséna vá súsámó asimbá
(Mat 12:38-39; 16:1-4; Rúk 11:16-29; 12:54-56)
11Va Pariséne vá ma uré, kó vá ma késyé opetaana na Yésusu. Kó ámó vá ma diŋgé anáá vá me támbéna itámbo, vá ma járá naá anáá a eŋga asimbá ámwéesií índi vá káŋga anáá a ámó ojo Irɔŋgɔ a ma tómá. 12Kó Yésusu á ma hérúmétá na ŋguru o járá nawó anáá: «Esené éyé anáá até kówo vato ává wusí owó vá súsámó asimbá? Ŋgo nó ojánámó na vatɔ́ɔ́tɔ́ anáá, vato ává wusí owó vá ta né timbé hée asimbá ájá á endámó uré na máná.» 13Kó a ma wó urúkyé ondo naáta naáté yá ŋgɔmbe anáá a caka mbóró ra osombo ejomo.
Vihoóhóná ví ta ová wandá
(Mat 16:5-12; Rúk 12:1)
14Vihoóhóná ví ma béríhyé owɔrɔ́ ówó va beréte, vá katé timbe bɛ́ŋ beréte umwesií naáté yá ŋgɔmbe. 15Kó Yésusu a ma wó tévéré anáá: «Kéríkyánó na mboŋga ra va Pariséne na mboŋga ra Eróde.» 16Vihoóhóná ví katé petaana vá búŋgana anáá Yésusu a katé járá náná esene éyé vá ta ma timbé va berété. 17Amó Yésusu a ma ijímé mbuŋgáná ráwó, kó a ma wó súsé anáá: «Na wusó wá até kówo no buŋganámó anáá njárámó náná esene éyé no ta timbé va beréte? Ye no ará rií ka ambaana kó no ta ová? Ye no timbámó vireríyé vyá etémá? 18Ye no ámó amó vato ává vá tímbámó aŋgísó ka je ená? Vá tímbe honó etú ka je ová? Buŋgáno, 19Ará ŋgo ma táŋgááná va beréte vátáánó na wusó wá vato toósini ísáánó, no ma wundé na visáŋgá víníi táásé na pumbú íjí í ma cáná?» Vá ma me wundíyé anáá: «Vyábɔ́t na vívé.» 20«Kó ará ŋgo ma táŋgááná va beréte báráátó na umwesií na wusó wá vato tóósini iní, no ma wundé na visáŋgá víníi táásé na pumbú íjí í ma cáná?» Kó vá ma me wundíyé anáá: «Byáráátó na imwéesií.» 21Ko a ma járá nawó anáá: «No arɔ́wɔ́ ka ová?»
Yésusu a ondónámó uŋgewu na Betayída
22Yésusu na vihóhónávyáa vá ma endá húmé na Betayida, kó vato vá ma uré na uŋgewu wa moto okésyé odeekáné Yésusu anáá a me táhéta. 23Kó a ma wɔ́rɔ́ uŋgewu na ombɔɔ́ wenda naá na edɔŋgɔ índyé, o me vaá metí na aŋgísó o me táréena embɔɔ́ kó a katé me súsé anáá: «Ye wo enámó wandá?» 24Uŋgewu obune aŋgísó ayáá: «Ŋgo enámó vato marará marará ŋgo wó enámó ámó marété, vá je ndenda.» 25Yésusu a ma me tárééná hée embɔɔ́ na aŋgísó kó uŋgewu a ma késyé wená ndéŋ ndéŋ a ma tómbá wondówa a ená wusi tɔɔ urehí. 26Yésusu a ma járá naá anáá: «Wundé na yanje yɔɔ́, mámó ka iŋgáana na edɔŋgɔ.»
Pyéere a ojámó anáá Yésusu a ámó ojo Irɔŋgɔ a ma ijátá
(Mat 16:13-20; Rúk 9:18-21)
27Yésusu a ma báréyá na vihoóhóná vyáa, wenda na vidɔŋgɔ íví na kɔ́ŋgɔ́ ra Césaréyá wa Firípi. Kó na pé, Yésusu a ma súsé vihoóhóná vyáa anáá: «Vato vá ma járá anáá ndo ámó áné?» 28Vá ma me wundíyé anáá: «Vá járámó anáá o ámó Yohánese adwe vato, ávámó vá járá anáá o ámó Eríyasa ójó Ahúmíye maró, véndyé hée vá járá anáá o ámó Ahúmíye maró omo.» 29Yésusu a ma wó súsé anáá: «Kó vinó, no járámó anáá ndo ámó áné?» Pyéere a ma me wundíyé anáá: «O ámó Etómá yá Irɔŋgɔ.» 30Kó Yésusu a ma wó tévéré anáá vá mwané ka ojana moto wandá.
Yésusu a ojámó anáá a né gwámó kó a né wundámó ohonowa
(Mat 16:21-23; Rúk 9:22)
31Kó Yésusu a ma késyé otɔ́ŋéna vihoóhóná vyáa anáá Mwaná moto a né geremenámó wená etɔɔ mbunu, vagónó vá edɔŋgɔ, vagónó vá vacekiye mómí na vayéere vá mbéndɔ́ vá né me váráŋgámó kó vá né me onámó kaá na nimé ra metúú mátátó, kó a né hateenámó na raaté wa vígwé. 32A katé wó ojána mamba mwané ka aseena wandá kó Pyéere a ma me turáta na kɔ́ŋgɔ́ okésyé o me njwé. 33Yésusu a ma búndyé aŋgísó onéména vihoóhóná vyáa kó a ma bámáná Pyéere aye naá anáá: «Ndá urehí name Saátana! Esené mbuŋgáná rɔɔ́ í ta ámó mbuŋgáná rá Irɔŋgɔ, mbuŋgáná rɔɔ́ í ámó mbuŋgáná rá vato.»
Twiŋí kówo vá géremenámó obyɔɔnɔ Yésusu
(Mat 16:24-28; Rúk 9:23-27)
34Kó a ma bérááná vato bimé, orɔŋgɔ na vihoóhóná vyáa aye nawó anáá: «Moto a díŋgé anáá a mbyɔɔnɔ, ómwané ka ne vábúŋge ómwané maté, ómwané obyá koroso raá kaá ómwané ombyɔɔnɔ. 35Esené ojo a díŋgámó anáá a beerye esɔ́tɔ́ yáa, a mó déŋgyámó esɔ́tɔ́ mwané, kó ojo a mó déŋgyámó esɔ́tɔ́ yáa na wusó wámé kó hónó na wusó wá Usi wa Cómó, moto mwané a mó sɔ́tɔ́mó. 36Kó ejaté mpí kéje e ámó ɔ́wɔ́ anáá moto a timbe cí ra ndono iŋgimé índi a enda déŋgyé esɔ́tɔ́ yáa? 37Até keyé moto a ámó weréena na céndi ra esɔ́tɔ́ yáa? 38Esené ŋgé moto a ová wuswéní name a wunde hée wová wuswéní na vipéŋgé vyámé na raaté wa vato vá ibamba na nyéŋgé ává, Mwaná moto hónó a mó ovámó wuswéní naá ará a mó urámó naáté yá niimí ná Isyé orɔŋgɔ na va mwáŋ mwáŋ vá va éŋgerese.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL