Márákoso 10
10
Nobá na osa ówó na nobá
(Mat 19:1-9; Rúk 16:18)
1Yésusu a ma urúkyé hɔ́rɔ́ kó a ma endá na edɔŋgɔ yá Yúdeyá éyé mbóró ra osombo rá Yurudéne. Vato vá ma wundé hée ondo váwónjéena na kɔ́ŋgɔ́ raá kaá a ma késyé o wó yeére ámó a katé eŋgana ŋgana. 2Va Pariséne vámó vá ma me keréna anáá vá me támbéna itámbó kó vá ma me súsé anáá: «Ye mbéndɔ́ ra visó e járámó anáá moto a hítyámó ogúné egé?» 3Yésusu hónó a ma wó súsé anáá: «Ejaté mbéndɔ́ kéje Mósese a ma nó hwá?» 4Váye naá anáá: «Mósese a ma erééná ŋguru anáá moto a hityámó otire kárate wa osa ówó noba kó honó a hítyámó ogúné egé.» 5Kaá Yésusu a ma járá nawó anáá: «Mósese a ma nó tiréná mbéndɔ́ eméje esene éyé no raráanámó etémá. 6Wó je rií anáá na makésyé ará Irɔŋgɔ a ma héndá cí ra ndono, a ma eŋgá onómótó na okótó. 7Wandá mwané kówo onómótó a mó urúkyámó isyé na netí, ovábáyéta na egé, 8kó vámwané váváné vá mó búndámó ámó moto umweesií. Naná wó ámó anáá vá ta né rií váváné, vá ámó amó moto umweesií. 9Moto ka sa sɔɔ́ até éyé Irɔŋgɔ a ma báyétá.» 10Ará vihoóhóná ví ma endá etá na yanje, vá ma wundé osúsé Yésusu cúcáná na ndɔ́ŋɔ́ mwané imweesií. 11Yésusu a ma wó wundíyé anáá: «Moto a gúné egé owunde obá undyeé, a katé eŋga ibamba na wusó wá okótó wa makésyé. 12Sɛ́ɛm honó okótó a gúné enémé owunde obá undyeé, okótó mwané a ámó na ibamba.»
Yésusu a yáránámó vaájó
(Mat 19:13-15; Rúk 18:15-17)
13Vato vá ma uréná Yésusu na vaájó índi a wó táréena embɔɔ́, kó vihoóhóná vyá Yésusu ví katé mgbeetye vato mwané. 14Ará Yésusu a ma ená wandá mwané, a ma ová mbésé kó a ma járá na vihoóhóná vyáa anáá: «Micáno vaájó vá ŋguréna! Vinó ka wó iténa pé esene éyé Tamba ra Irɔŋgɔ e ámó na wusó wá ava vá púranámó nawó. 15Ŋgo nó ojánámó na vatɔ́ɔ́tɔ́ anáá: Ojo a ta aká Tamba ra Irɔŋgɔ ámó maŋgájó a ta mó iŋgáana isí emó.» 16Na nimé raá, a ma wó wɔ́rɔ́ na ŋgundi raá o wó táryáana embɔɔ́ na icé kaá o wó yárana.
Mbútí ra moto na Yésusu
(Mat 19:16-30; Rúk 18:18-30)
17Ará Yésusu a ma ríi na obáréyá, moto omo a ma endá uré na otétá, ogurumana na munú na aŋgísó ráa kó a ma me súsé anáá: «Usi wa Oyéere, até kéye ŋgeremenámó weŋga índi timbe esɔ́tɔ́ éyé kɔ́rɔ́tɔ́tɔ́?» 18Yésusu a ma me wundíyé anáá: «Na wusó wá até kówo o mberáanámó anáá usi? Moto omo a ta ámó usi bɛ́ŋ Irɔŋgɔ moká. 19Wijímámó mbéndɔ́: Mámó ka oná moto, mámó ka eŋga ibamba, mámó ka ibána, mámó ka bátéena moto enjárá, mámó ka wɔ́réna moto wandá na vimacekiye mómí, rukyé tyó na nowétí.» 20Moto a ma wundíyé Yésusu anáá: «Oyéere, mbeeryámó mbéndɔ́ imíji iŋgímé okésyé ówó na wobwene wámé.» 21Yésusu a ma me núné na andiŋgé kó a eŋgámó naá anáá: «Wandá wómwéesií wá rá wo sɔsɔvena; ndá, osérá akúmé rɔɔ́ aŋgímé kaá otéŋgíye vawora mwení, o né timbámó akúmé na máná. Kaá wuré ombyɔɔnɔ.» 22Ará moto a ma ová náná, a ma rií a etá noóŋgo esene éyé a ma ríi ekáné yá mbútí. 23Yésusu a ma néméná vihoóhóná vyáa, kó a ma járá nawó anáá: «Ó yákánámó anáá mbutí ra moto yo iŋgáana na Tamba ra Irɔŋgɔ.» 24Vihoóhóná ví ma obá mayesé ará vá ma ová vipéŋgé mwané. Yésusu a ma wundé hée ojárá ayáá: «Vaná váámé, wiŋgáana ówó na tamba ra Irɔŋgɔ wó yákánámó. 25Ó yákánámó anáá eyákása yó iŋgáana na evana yá ndɔ́ŋɔ́, kó ó na mó cáka oyákána anáá mbútí ra moto yo iŋgáana na Tamba ra Irɔŋgɔ.» 26Vihoóhóná ví katé enda na wusó na okémbyé kó vá katé vásúsé vámwané na vámwané anáá: «Ané sɔ́ɔ́ kójó a hítyámó otimbe esɔ́tɔ́?» 27Yésusu a ma wó núné kwɛ́ɛ́ŋ kó a ma jára nawó anáá: «Na vato wó ta hítí weŋgavena, wó je rií anáá na Irɔŋgɔ wó hítyámó weŋgavena, esene éyé Irɔŋgɔ a ámó wéŋga wandá wimé.» 28Kó Pyéere a ma jára na Yésusu anáá: «Óvá! Visó to ma micé wandá wimé anáá to wo byɔɔnɔ.» 29Yésusu a ma me wundíyé anáá: «Ŋgo nó ojánámó na vatɔ́ɔ́tɔ́ anáá: Moto a mice naŋga raá ítɔɔ va navéne, mbéyí ráa, netí, isyé, vaná váa, kondo ráa, na wusó wámé kó hónó na wusó wá Usi wa Cómó, 30moto mwané a mó tímbámó okésyé ówó tetee ojó na cí ra ndono, a mó tímbámó byanje, va navéne, mbéyí, va maáŋgá, vaná na kondo eŋgendɔ itete. Na itíndíkáná mwané imwéesií, a mó sɔ́pɔ́mó na wusó wámé kó na esɔ́tɔ́ éyé yó urámó, a mó sɔ́tɔ́mó ka na mamana. 31Wó je rií anáá vato mbunu ává vá ámó tetee ojó na makésyé vá mó ríyámó na mamana, kaá ava vá ámó na mamana tetee ojó vá mó ríyámó na makésyé.»
Yésusu a ojamo na eŋgendɔ etato nugwe náá kó na owunde wáa ówó na esɔ́tɔ́
(Mat 20:17-19; Rúk 18:31-34)
32Vá katé rií na pé wenda ówó na Yerúsareme. Yésusu ómwané a ndenda na wusó wá vihoóhóná vyáa, vihoóhóná ví katé yérána kó ava hónó vá katé wó tíráana vá katé timbe wokótó. Yésusu a ma wundé owɔ́rɔ́ Enásá raá yábɔ́t na eba okésyé o wó ojána até éyé é né me jinenámó ará ó kérámó ará. 33Aye nawó anáá: «Óváno, to no endámó na Yerúsereme, ɔ́kɔ́ kówo Mwaná moto vá né me kávámó na embɔ́ɔ́ ra vagónó vá vacekiye mómí na vayéere vá mbéndɔ́. Vá né me sómbénámó ntóró ra nugwé kó vá né me eréenámó na embɔɔ́ ra vato ává ka jembe Irɔŋgɔ. 34Kaá amáva vá né me kpeérámó, vá né me cákámó metí, vá né me núbámó na emwása kó vá né me onámó. Wó je rií anáá na nimé ra metúú mátátó, a né honovámó na nugwé.»
Yáka na Yohánese vá súsámó pandó na kɔ́ŋgɔ́ ra Yésusu
(Mat 20:20-28; Rúk 22:25-27)
35Kó Yáka nawó na Yohánese, embwene ra Sébede vá ma keréná Yésusu váye naá anáá: «Oyéere, to diŋgámó anáá weŋga na wusó wa visó até éyé to né wo súsámó.» 36Yésusu a ma wó súsé anáá: «Até kéye no vaŋgámó anáá ŋgo eŋga na wusó wá vinó?» 37Vá ma wundíyé anáá: «Ará o mó ríyámó naáté yá nohumu nɔɔ́ ná niimí, átɔ́wɔ́ anáá to nuumana na kɔ́ŋgɔ́ rɔɔ omo na ombɔɔ́ rá enémé, omo na ombɔɔ́ rá vakótó.» 38Yésusu a ma járá nawó anáá: «No ta jembé até éyé no katé súsé; ye no hítyámó ovényú ndeya ra wokáná éjé ŋgo né vényámó, ítɔɔ oduwana nduwáná ra etɔɔ éjé ŋgo né duwanámó?» 39Vá ma me wundíyé anáá: «To hityámó.» Yésusu a ma eŋgá nawó anáá: «Ɛɛŋ, no né vényámó ndeya éjé ŋgo né vényámó kó no né duwanámó nduwáná éjé ŋgo né duwanámó. 40Vedá até noó kójo ŋgijatámó áné kójo a né riyámó na ombɔɔ́ ramé rá enémé ítɔɔ na ombɔɔ́ ramé rá vakótó; pandó imíji í ámó na wusó vá vató ává Irɔŋgɔ a ma wó héndéná.» 41Ará vihoóhóná ivyomó ava babɔ́tɔ vá amo ová enjárá mwané vá ma kasí wówena Yáka nawó na Yohánese mbésé. 42Kó Yésusu ama wó béráná bimé aye nawó anáá, no jembámó anáá ava towó nemenámó ámó mahumu ma vidɔŋgɔ vá va madeenámó vidɔŋgɔ mwané kó vagónó váwó vá cakámó ijwé nawó? 43Wó je ríi anáá ó ta geréméná orií náná na rááte wa vinó, ojo a diŋgámó anáá aríí ogónó ná pando rá vinó ómwané oríí yeŋga manɔnɔwɔ yá vasɔ́ɔ́, 44kó ojo a diŋgámó anáá a rií na makesi na rááte rá vinó ómwané oríí kwérí ra bime. 45Esené eye anáá Mwana moto ata ma ure anáá vamo nɔnɔɔvena, ojeríí anáá ómwané ojo a nɔnɔɔvena vato kó a kava esɔtɔ́ yáa na wuso wa yáta yá ombunu rá vato.
Yésusu a ondónámó uŋgewu ebérááná anáá Barátimé
(Mat 20:29-34; Rúk 18:35-43)
46Yésusu na vihoóhóná vyáa vá ma enda húmé na Yeriko. Ará vá ma ríi na wurúkye ówó ɔ́wɔ́, ekáné yá ncumbí wa vato a katé wo byɔ́ɔnɔ. Ombwene rá Timé eberááná anáá Barátimé a katé rií indindíi na kɔ́ŋgɔ́ ra pé a ɔŋgɔɔnɔ motéé esene éyé a katé rií uŋgewu. 47Ará a ma ová anáá ó ámó Yésusu ójó na Nasaréte, kó a ma késyé orume anáá: «Mwaná Dáviti, Yésusu, ŋgénámó noóŋgó!» 48Ombunu rá vato o katé me mgbeetye anáá a támbá kó ómwané hónó a katé rume na ŋguru otómbá náná: «Mwaná Dáviti, ŋgenámó noóŋgó!» 49Yésusu a ma téréméná a ye anáá: «O me béráánámáno.» Vá ma me bérááná váye naá anáá: «Hatééná, wɔ́rɔ́ wónotó, a wo béráanámó.» 50Kó uŋgewu a ma hatééná, wumbe cunú raá ra isíné, ohuruwe mwét ohúmé na Yésusu. 51Kó Yésusu a ma me súsé anáá: «Até kéye o vaŋgámó anaá ŋgo eŋga na wusó wɔɔ́?» Uŋgewu a ma me wundíye anáá: «Oyéere, baŋgámó anáá ŋgunde okésyé wená.» 52Kó Yésusu a ma járá naá anáá: «Ndá, ŋgɔ́tééná rɔɔ yá wo sótyé.» Ikɔkɔ ka mana, a ma késyé wená kó a katé byɔɔnɔ Yésusu na pé raá.
လက္ရွိေရြးခ်ယ္ထားမွု
Márákoso 10: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Márákoso 10
10
Nobá na osa ówó na nobá
(Mat 19:1-9; Rúk 16:18)
1Yésusu a ma urúkyé hɔ́rɔ́ kó a ma endá na edɔŋgɔ yá Yúdeyá éyé mbóró ra osombo rá Yurudéne. Vato vá ma wundé hée ondo váwónjéena na kɔ́ŋgɔ́ raá kaá a ma késyé o wó yeére ámó a katé eŋgana ŋgana. 2Va Pariséne vámó vá ma me keréna anáá vá me támbéna itámbó kó vá ma me súsé anáá: «Ye mbéndɔ́ ra visó e járámó anáá moto a hítyámó ogúné egé?» 3Yésusu hónó a ma wó súsé anáá: «Ejaté mbéndɔ́ kéje Mósese a ma nó hwá?» 4Váye naá anáá: «Mósese a ma erééná ŋguru anáá moto a hityámó otire kárate wa osa ówó noba kó honó a hítyámó ogúné egé.» 5Kaá Yésusu a ma járá nawó anáá: «Mósese a ma nó tiréná mbéndɔ́ eméje esene éyé no raráanámó etémá. 6Wó je rií anáá na makésyé ará Irɔŋgɔ a ma héndá cí ra ndono, a ma eŋgá onómótó na okótó. 7Wandá mwané kówo onómótó a mó urúkyámó isyé na netí, ovábáyéta na egé, 8kó vámwané váváné vá mó búndámó ámó moto umweesií. Naná wó ámó anáá vá ta né rií váváné, vá ámó amó moto umweesií. 9Moto ka sa sɔɔ́ até éyé Irɔŋgɔ a ma báyétá.» 10Ará vihoóhóná ví ma endá etá na yanje, vá ma wundé osúsé Yésusu cúcáná na ndɔ́ŋɔ́ mwané imweesií. 11Yésusu a ma wó wundíyé anáá: «Moto a gúné egé owunde obá undyeé, a katé eŋga ibamba na wusó wá okótó wa makésyé. 12Sɛ́ɛm honó okótó a gúné enémé owunde obá undyeé, okótó mwané a ámó na ibamba.»
Yésusu a yáránámó vaájó
(Mat 19:13-15; Rúk 18:15-17)
13Vato vá ma uréná Yésusu na vaájó índi a wó táréena embɔɔ́, kó vihoóhóná vyá Yésusu ví katé mgbeetye vato mwané. 14Ará Yésusu a ma ená wandá mwané, a ma ová mbésé kó a ma járá na vihoóhóná vyáa anáá: «Micáno vaájó vá ŋguréna! Vinó ka wó iténa pé esene éyé Tamba ra Irɔŋgɔ e ámó na wusó wá ava vá púranámó nawó. 15Ŋgo nó ojánámó na vatɔ́ɔ́tɔ́ anáá: Ojo a ta aká Tamba ra Irɔŋgɔ ámó maŋgájó a ta mó iŋgáana isí emó.» 16Na nimé raá, a ma wó wɔ́rɔ́ na ŋgundi raá o wó táryáana embɔɔ́ na icé kaá o wó yárana.
Mbútí ra moto na Yésusu
(Mat 19:16-30; Rúk 18:18-30)
17Ará Yésusu a ma ríi na obáréyá, moto omo a ma endá uré na otétá, ogurumana na munú na aŋgísó ráa kó a ma me súsé anáá: «Usi wa Oyéere, até kéye ŋgeremenámó weŋga índi timbe esɔ́tɔ́ éyé kɔ́rɔ́tɔ́tɔ́?» 18Yésusu a ma me wundíyé anáá: «Na wusó wá até kówo o mberáanámó anáá usi? Moto omo a ta ámó usi bɛ́ŋ Irɔŋgɔ moká. 19Wijímámó mbéndɔ́: Mámó ka oná moto, mámó ka eŋga ibamba, mámó ka ibána, mámó ka bátéena moto enjárá, mámó ka wɔ́réna moto wandá na vimacekiye mómí, rukyé tyó na nowétí.» 20Moto a ma wundíyé Yésusu anáá: «Oyéere, mbeeryámó mbéndɔ́ imíji iŋgímé okésyé ówó na wobwene wámé.» 21Yésusu a ma me núné na andiŋgé kó a eŋgámó naá anáá: «Wandá wómwéesií wá rá wo sɔsɔvena; ndá, osérá akúmé rɔɔ́ aŋgímé kaá otéŋgíye vawora mwení, o né timbámó akúmé na máná. Kaá wuré ombyɔɔnɔ.» 22Ará moto a ma ová náná, a ma rií a etá noóŋgo esene éyé a ma ríi ekáné yá mbútí. 23Yésusu a ma néméná vihoóhóná vyáa, kó a ma járá nawó anáá: «Ó yákánámó anáá mbutí ra moto yo iŋgáana na Tamba ra Irɔŋgɔ.» 24Vihoóhóná ví ma obá mayesé ará vá ma ová vipéŋgé mwané. Yésusu a ma wundé hée ojárá ayáá: «Vaná váámé, wiŋgáana ówó na tamba ra Irɔŋgɔ wó yákánámó. 25Ó yákánámó anáá eyákása yó iŋgáana na evana yá ndɔ́ŋɔ́, kó ó na mó cáka oyákána anáá mbútí ra moto yo iŋgáana na Tamba ra Irɔŋgɔ.» 26Vihoóhóná ví katé enda na wusó na okémbyé kó vá katé vásúsé vámwané na vámwané anáá: «Ané sɔ́ɔ́ kójó a hítyámó otimbe esɔ́tɔ́?» 27Yésusu a ma wó núné kwɛ́ɛ́ŋ kó a ma jára nawó anáá: «Na vato wó ta hítí weŋgavena, wó je rií anáá na Irɔŋgɔ wó hítyámó weŋgavena, esene éyé Irɔŋgɔ a ámó wéŋga wandá wimé.» 28Kó Pyéere a ma jára na Yésusu anáá: «Óvá! Visó to ma micé wandá wimé anáá to wo byɔɔnɔ.» 29Yésusu a ma me wundíyé anáá: «Ŋgo nó ojánámó na vatɔ́ɔ́tɔ́ anáá: Moto a mice naŋga raá ítɔɔ va navéne, mbéyí ráa, netí, isyé, vaná váa, kondo ráa, na wusó wámé kó hónó na wusó wá Usi wa Cómó, 30moto mwané a mó tímbámó okésyé ówó tetee ojó na cí ra ndono, a mó tímbámó byanje, va navéne, mbéyí, va maáŋgá, vaná na kondo eŋgendɔ itete. Na itíndíkáná mwané imwéesií, a mó sɔ́pɔ́mó na wusó wámé kó na esɔ́tɔ́ éyé yó urámó, a mó sɔ́tɔ́mó ka na mamana. 31Wó je rií anáá vato mbunu ává vá ámó tetee ojó na makésyé vá mó ríyámó na mamana, kaá ava vá ámó na mamana tetee ojó vá mó ríyámó na makésyé.»
Yésusu a ojamo na eŋgendɔ etato nugwe náá kó na owunde wáa ówó na esɔ́tɔ́
(Mat 20:17-19; Rúk 18:31-34)
32Vá katé rií na pé wenda ówó na Yerúsareme. Yésusu ómwané a ndenda na wusó wá vihoóhóná vyáa, vihoóhóná ví katé yérána kó ava hónó vá katé wó tíráana vá katé timbe wokótó. Yésusu a ma wundé owɔ́rɔ́ Enásá raá yábɔ́t na eba okésyé o wó ojána até éyé é né me jinenámó ará ó kérámó ará. 33Aye nawó anáá: «Óváno, to no endámó na Yerúsereme, ɔ́kɔ́ kówo Mwaná moto vá né me kávámó na embɔ́ɔ́ ra vagónó vá vacekiye mómí na vayéere vá mbéndɔ́. Vá né me sómbénámó ntóró ra nugwé kó vá né me eréenámó na embɔɔ́ ra vato ává ka jembe Irɔŋgɔ. 34Kaá amáva vá né me kpeérámó, vá né me cákámó metí, vá né me núbámó na emwása kó vá né me onámó. Wó je rií anáá na nimé ra metúú mátátó, a né honovámó na nugwé.»
Yáka na Yohánese vá súsámó pandó na kɔ́ŋgɔ́ ra Yésusu
(Mat 20:20-28; Rúk 22:25-27)
35Kó Yáka nawó na Yohánese, embwene ra Sébede vá ma keréná Yésusu váye naá anáá: «Oyéere, to diŋgámó anáá weŋga na wusó wa visó até éyé to né wo súsámó.» 36Yésusu a ma wó súsé anáá: «Até kéye no vaŋgámó anáá ŋgo eŋga na wusó wá vinó?» 37Vá ma wundíyé anáá: «Ará o mó ríyámó naáté yá nohumu nɔɔ́ ná niimí, átɔ́wɔ́ anáá to nuumana na kɔ́ŋgɔ́ rɔɔ omo na ombɔɔ́ rá enémé, omo na ombɔɔ́ rá vakótó.» 38Yésusu a ma járá nawó anáá: «No ta jembé até éyé no katé súsé; ye no hítyámó ovényú ndeya ra wokáná éjé ŋgo né vényámó, ítɔɔ oduwana nduwáná ra etɔɔ éjé ŋgo né duwanámó?» 39Vá ma me wundíyé anáá: «To hityámó.» Yésusu a ma eŋgá nawó anáá: «Ɛɛŋ, no né vényámó ndeya éjé ŋgo né vényámó kó no né duwanámó nduwáná éjé ŋgo né duwanámó. 40Vedá até noó kójo ŋgijatámó áné kójo a né riyámó na ombɔɔ́ ramé rá enémé ítɔɔ na ombɔɔ́ ramé rá vakótó; pandó imíji í ámó na wusó vá vató ává Irɔŋgɔ a ma wó héndéná.» 41Ará vihoóhóná ivyomó ava babɔ́tɔ vá amo ová enjárá mwané vá ma kasí wówena Yáka nawó na Yohánese mbésé. 42Kó Yésusu ama wó béráná bimé aye nawó anáá, no jembámó anáá ava towó nemenámó ámó mahumu ma vidɔŋgɔ vá va madeenámó vidɔŋgɔ mwané kó vagónó váwó vá cakámó ijwé nawó? 43Wó je ríi anáá ó ta geréméná orií náná na rááte wa vinó, ojo a diŋgámó anáá aríí ogónó ná pando rá vinó ómwané oríí yeŋga manɔnɔwɔ yá vasɔ́ɔ́, 44kó ojo a diŋgámó anáá a rií na makesi na rááte rá vinó ómwané oríí kwérí ra bime. 45Esené eye anáá Mwana moto ata ma ure anáá vamo nɔnɔɔvena, ojeríí anáá ómwané ojo a nɔnɔɔvena vato kó a kava esɔtɔ́ yáa na wuso wa yáta yá ombunu rá vato.
Yésusu a ondónámó uŋgewu ebérááná anáá Barátimé
(Mat 20:29-34; Rúk 18:35-43)
46Yésusu na vihoóhóná vyáa vá ma enda húmé na Yeriko. Ará vá ma ríi na wurúkye ówó ɔ́wɔ́, ekáné yá ncumbí wa vato a katé wo byɔ́ɔnɔ. Ombwene rá Timé eberááná anáá Barátimé a katé rií indindíi na kɔ́ŋgɔ́ ra pé a ɔŋgɔɔnɔ motéé esene éyé a katé rií uŋgewu. 47Ará a ma ová anáá ó ámó Yésusu ójó na Nasaréte, kó a ma késyé orume anáá: «Mwaná Dáviti, Yésusu, ŋgénámó noóŋgó!» 48Ombunu rá vato o katé me mgbeetye anáá a támbá kó ómwané hónó a katé rume na ŋguru otómbá náná: «Mwaná Dáviti, ŋgenámó noóŋgó!» 49Yésusu a ma téréméná a ye anáá: «O me béráánámáno.» Vá ma me bérááná váye naá anáá: «Hatééná, wɔ́rɔ́ wónotó, a wo béráanámó.» 50Kó uŋgewu a ma hatééná, wumbe cunú raá ra isíné, ohuruwe mwét ohúmé na Yésusu. 51Kó Yésusu a ma me súsé anáá: «Até kéye o vaŋgámó anaá ŋgo eŋga na wusó wɔɔ́?» Uŋgewu a ma me wundíye anáá: «Oyéere, baŋgámó anáá ŋgunde okésyé wená.» 52Kó Yésusu a ma járá naá anáá: «Ndá, ŋgɔ́tééná rɔɔ yá wo sótyé.» Ikɔkɔ ka mana, a ma késyé wená kó a katé byɔɔnɔ Yésusu na pé raá.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL