Mariko 14
14
Njama ya kumugaa Yesu
Matayo 26:1-5; Luka 22:1-2; Yohana 11:45-53
1Heemerisie maaze manu kuhe elha ya Pasaka naya mikate isibutuiwe hamira. Vagiru va muaresi na vahinya va miku yakwe Kiumbi emuo Musa veekudaa kwalhi ya kumdara Yesu kwa njama na kumgaa. 2Mira vekaba, “Tusiboi ya mburi heya madamo ya elha ya Pasaka, vahe vemuru vaboi kweti.”
Yesu etalhomiwe malhoma are Betania
Matayo 26:6-13; Yohana 12:1-8
3Yesu eaha are Betania ang'a hakwe Simoni, hu eutiwe urukho wa lukoma. Areakhwa ea viaghu vya chamagheri, mlage muwe ekalita etie nyhupa yeeboiwe na isaheru lisewa alabasta ka nyhupa yeelo malhoma ewewe kwa mihaku mikumure ekakha ka nyhupa ekamlhomi Yesu ka malhoma he mua. 4Vahe vakuwe veaha to, vekabayana, “Kwaahoni ulhalhahaya malhoma ya mihaku mikumure? 5Ya malhoma yeseedidiwe mihaku mikumuresha, naka mihaku veseowe vahuye.” Vekamjoghoisha ka mlage.
6Mira Yesu ekavaba, “Kwaakhoni mumnyamarisha ya mlage? Mroni ya aniboiya mburi kulhosha. 7Vahuye muaha navo maaze makhabuna, na madamo makhabuna yo mudumu, mumuru kuvalhaari. Mira temkakhwa na ani maaze makhabuna. 8Ya mlage eniboiye choemuru, ekaeye kulhomi msa gho malhoma kuuboi kikulho muaze gho ninekewe. 9Nitamubaya kweri, kira hodi he ya idi ho Mburi Kulho ikunebirikirwa, kira mburi jo eboie ya mlage jineyowe, kwato vahe venemhulha.”
Yuda kuli Isikarioti etadumu kumkhirii Yesu
Matayo 26:14-16; Luka 22:3-6
10Niho Yuda kuli Isikarioti, muwe wa hu vahina ikado na vanu, ekaso he vaaresi vagiru kalo amkhirii Yesu hakini. 11Vekalhamuishwa kuko ka mburi, vekamkeiya kilagha ite venemuo mihaku. Kwato, Yuda kuli Isikarioti ekalholhoshi kudaa kwalhi kulho ya kumlhi Yesu hakini.
Yesu etaa viaghu vya Pasaka na vahina kuu
Matayo 26:17-25; Luka 22:7-14; Yohana 13:21-30
12He muaze wa bosi wa elha ya mikate isibutuiwe ishimbe, iaze lo ialu la elha ya Pasaka inegaawe, vahina veemlhasue Yesu, “He Udumu tuso le kalo tukuboiye viaghu vya elha ya Pasaka?”
13Kwato Yesu ekavasugha vahina kuu vanu ekavaba, “Soni he muang'a, are munesahe na muagiru etiiye sange ya mai. Mliaheni.” 14sari he minda yo enebuu, mremba elo ka minda, “Mhinya elhasu, su gho kwa mburi ya vagalho ho nineaya viaghu vya Pasaka na vahina gho iaha le? 15Niho enemuaija su giru iaha ana he igorofa iboiiwe na kukewa kikulho. Kuni vanu tuboieni kaviaghu vya Pasaka ata.”
16Hu vahina vanu vekaso he muang'a, vekaheiya kira kigi chiaha kikulho sakigi Yesu evabaiye. Kwato vekadaa viaghu vya Pasaka.
17Hareahe chamagheri, Yesu ekahe ekakhwa hawe na vahina kuu ikado heka minda. 18Vareakhwa vea, Yesu ekavaba, “Kweri nimubaya, muwe kaghu ea hawe na ani, enenikherii.”
19Vahina kuu vekadarwa ni vuhuye, kira muwe ekamlhasu, “Dilao, hile ni ani?”
20Yesu ekavaba, “Ni muwe he kune ikado na vanu, niya eginha mkate he kikhonho hawe na ani. 21Ni kweri Muinyi wa Muhe enega sakigi hegondiwe he magondo ya Kiumbi, mira kariuwa hehu enemkhirii Muinyi wa Muhe enedarwa ni kharo! Ni keba ka mhesaka esiahoike!”
Viaghu vya Dilao vya chamakheri
Matayo 26:26-30; Luka 22:14-20; 1Vakorinto 11:23-25
22Vareakhwa vea, Yesu ekadori mkate, ekauaresia makulho he Kiumbi ekaubendula, ekavao vahina kuu, ekavaba, “Dorini mua, ya ni msa gho.”
23Niho ekadori kikhonho chilo divai, ekagimbika he Kiumbi, ekavao vahina kuu, vakhabuna vekawahiya ka kikonho. 24Yesu ekavaba, “Ya ni sako gho ya iaghano la Kiumbi na vahe isuika kwa mburi ya vahe vakumure. 25Kweri nimubaya, sikawaha kahali divai sari iaze hu nineiwaha divai kuale he Udilao wa Kiumbi.”
26Niho vekafaru lufaru naho vekaso he Lubwa lwa Mizeituni.
Yesu etayo ite vahina kuu venemro
Matayo 26:31-35; Luka 22:31-34; Yohana 13:36-38
27Yesu ekavaba vahina kuu, “Kune vakhabuna munegugulu na kuniro, kwaite Magondo Manyakare ite, ninemma mzemo, na maalu yeneparaa. 28Mira nikuneka kuli he kigame, ninemukaeiya twai Galilaya.”
29Petro ekamba Yesu “Chikhwa vakhabuna vekukuro, ani sikakuro neri.”
30Yesu ekamba Petro, “Kweri nikubaya wai naama nkuruve isinazo kanu, unenilhi kagi kakai ite tuniilie.”
31Mira Petro ekayoisha ekaba, “chikukhwa kai nidumuwe niga hawe na ari!” Hai sikakulhi. Vahina vahali vakhabuna navo vekayo sato.
Yesu etaaresi he kaseu kesewa Getisemane
Matayo 26:35-46; Luka 22:39-46
32Niho vekaso hodi hesewe Getisemane, Yesu ekavaba vahina kuu, “Zokhodini ii ani nitaso twei kuraaresi.” 33Niho ekavadori Petro ne Yakobo ne Yohana. Nau Ekahuyeti he swaho kuu nakunyamarika, 34ekavaba, “Swaho gho ihue uhuye mgiru iaha sina nakuga. Fufuni ii naho kukeni kikulho.”
35Ekadaha hagitutu, ekakama mamuro di ekadudukhu, ekaaresi ekuba, kai chichimuruika, asitakhoiye ka kharo. 36Ekaba, “Abba, nisakuba Aba gho, heari vigi vikhabuna vimuruika. Unikaiye ya kikhonho cha kharo. Chisikhwa sakigi nidumue ani, mira sakigi ari udumu.”
37Niho ekakhirii hehu vahina kuu vakai ekavahea vebodie. Yesu ekamlhasu Petro “Simoni, waai? Ho Tumurue kumuaresi Kiumbi neri kela we?” 38Niho ekavaba, “Mukhwa maila naho muaresi kalo msiregaliwe. Swaho idumu kuboi makulho mira msa teudumu.”
39Ekaso kuraaresi kahali, ilai ekuyo viome wahuuhu. 40Niho ekakhirii kahali ekavahelha vahina kuu vaai, kwaite veelo luireno. Vekabeni kigi cha kumbaya Yesu.
41Yesu areakirii ka kakai, ekavaba, “Murecheri bodie na kufufu? Kani iji, kwaite kela yaahe iji ya Muinyi wa Mhe etaotijwa he miheregha ya vahe vakusa. 42Kani! Tusoni! Wesiani hu enikherii elitie.”
Yesu etadarawe
Matayo 26:47-56; Luka 22:47-53; Yohana 18:3-12
43Wato oto Yesu erecheri yo niho Yuda, muwe wahu vahina ikado na vanu, ekahe. Eelitie hawe na ifyo la vahe velo mahamba na viboi. Vesukhawe ni vagiru va muaresi, vahinya va miku yakwe Kiumbi emuoe Musa na madilao. 44Iji Yuda emlhi Yesu ekavao lhaa ekavaba, “Ka mhe ninemholu kwa kumdara miharegha niu mumdumu. Mdarani, mumtii he madilao naho mumuwesie asiegugulu.”
45Wato oto Yuda areahe, ekamliaha Yesu nakuba, “Mhinya!” Niho ekamholu kwamiharegha minu kumdara. 46Niho, ka vahe vekamdara Yesu vakamuotija he vakilaaru. 47Niho muwe wahu veaha mlha muwe ne Yesu eumae sina nau, ekagu sime kuu, ekampaa ilama mnyamalo wa mgiru wa muaresi. 48Mira Yesu ekavaba, “He mutelita na mahamba na viboi kunidara, sauraba ani ni mgwalo? 49Maaze khabuna nereaha hawe na kune nikumuhinya he lugo lwa minda ya Kiumbi, neri temunidaraye. Mira chidumuwe Magondo yaguanye.”
50Niho vahina kuu vakhabuna vekamro, vekagugulu.
51Mburatu muwe eeghubike gomae iakhu bi, eekumliaha Yesu. Varemdara, 52ekaro hu gome eeghubike, ekaguguglu eseilo gomae.
Yesu eaha he madilao Vayahudi
Matayo 26:57-68; Luka 22:54-55; Yohana 18:13-14,19-24
53Niho, vekamtii Yesu he minda ya mgiru wa kirurumo, ata madilao va muang'a, vagiru va muaresi na vahinya va miku yakwe Kiumbi emuoe Musa vebungurue hawe. 54Petro ekakwa emliaha Yesu kwa uda sari he lugo lwa muaresi mgiru. Ekazokhodi hawe na vakilaaru, ilai vekakati mwalha. 55Vagiru va muaresi na vahe vakhabuna va ibaraza vekadaa ukweri wa kumdara Yesu kalo vamuru kumgaa, mira teveakhoe. 56Vahe vakumure vekamyoiya Yesu lame, mira hucho vemyoe vikalhiana.
57Vahe vahali vekauma, vekamyoiaya Yesu lame vekuba, 58“Tweemkoe ekuba, nineipu ya minda ya Kiumbi ikwaiwe ni vahe, nae maaze makai ninekwa hali isikwaiwe kwa miharegha ya vahe.” 59Mira neri ite viome kini tevitotie.
60Mgiru wa muaresi ekauma he vahe vakhabuna, ekamlhasu Yesu, “Ho ari tulo chakukheriti kwaya makusa makhabuna yeyowe niya vahe?”
61Mira Yesu teandue. Mgiru wa muaresi ekamlhasu kahali, “Ho ari niu Kiristo, Muinyi wa Kiumbi eyoiwa makulho?”
62Yesu ekamba, “Ani niu. Nakune munemuakho Muinyi wa Mhe ezokhodie mlha wa sughano wa Kiumbi elo u na ekulita kuli are ana.”
63Mgiru wa muaresi ekakhaa gomae kuu eeoroe ekaba, “Tetudumu ukweri mhali wa! 64Kune mwaako ya cho emuolhu Kiumbi. Kune mubamo iji?”
Vakhabuna vekakho ite chiye agaawe.
65Niho vahe vakuwe vekalholhoshi kumbusuya Yesu mapae, vekamkubika vubasa, vekamma nkundi. Vekamba “Rota ite niji ekumae!” Ata vakilaaru navo vekamma mazokhera.
Petro etamlhi Yesu
Matayo 26:69-75; Luka 22:56-62; Yohana 18:25-27
66Petro areakhwa ereaha hehu lugo lwa minda ya udilao, mualeta muwe eemnyamalo wa mgiru wa muaresi ekalita. 67Areamuakho Petro ekukakati mwalha, ekamuwesiisha ekamba, “Naari wato weaha hawe ne Yesu Mnazareti.”
68Mira Petro ekalhi, ekaba, “Siilie naho siilie chouyo,” Niho Petro ekali ata ekaso he luhige lwa kubuiya.
69Hu mnyamalo wa kilage areamuakho Petro kahali to, ekavabaiya vahe veumae sina ite, “Ya mhe ni muaro kini.” 70Mira Petro ekalhi kahali. Kalufunda vahe veeumae to, vekamba petro kahali, “Nikweri ari uaha hawe nau, kwaite ari udie Galilaya.”
71Mira Petro ekalholhoshi kujogho na kulapa, “Ani sim'ilie ya mhe mumuyoiya mburi kuu!”
72Waata ata nkuruve ikazo kakanu. Niho, Petro ekahulha viome vyo Yesu embae, “Nkuruve yesinazo ka kanu, unenilhi kakakhaii ite tuniilie.” Niho Petro ekahiri swaho ekalholhoshi kuzo.
လက္ရွိေရြးခ်ယ္ထားမွု
Mariko 14: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Mariko 14
14
Njama ya kumugaa Yesu
Matayo 26:1-5; Luka 22:1-2; Yohana 11:45-53
1Heemerisie maaze manu kuhe elha ya Pasaka naya mikate isibutuiwe hamira. Vagiru va muaresi na vahinya va miku yakwe Kiumbi emuo Musa veekudaa kwalhi ya kumdara Yesu kwa njama na kumgaa. 2Mira vekaba, “Tusiboi ya mburi heya madamo ya elha ya Pasaka, vahe vemuru vaboi kweti.”
Yesu etalhomiwe malhoma are Betania
Matayo 26:6-13; Yohana 12:1-8
3Yesu eaha are Betania ang'a hakwe Simoni, hu eutiwe urukho wa lukoma. Areakhwa ea viaghu vya chamagheri, mlage muwe ekalita etie nyhupa yeeboiwe na isaheru lisewa alabasta ka nyhupa yeelo malhoma ewewe kwa mihaku mikumure ekakha ka nyhupa ekamlhomi Yesu ka malhoma he mua. 4Vahe vakuwe veaha to, vekabayana, “Kwaahoni ulhalhahaya malhoma ya mihaku mikumure? 5Ya malhoma yeseedidiwe mihaku mikumuresha, naka mihaku veseowe vahuye.” Vekamjoghoisha ka mlage.
6Mira Yesu ekavaba, “Kwaakhoni mumnyamarisha ya mlage? Mroni ya aniboiya mburi kulhosha. 7Vahuye muaha navo maaze makhabuna, na madamo makhabuna yo mudumu, mumuru kuvalhaari. Mira temkakhwa na ani maaze makhabuna. 8Ya mlage eniboiye choemuru, ekaeye kulhomi msa gho malhoma kuuboi kikulho muaze gho ninekewe. 9Nitamubaya kweri, kira hodi he ya idi ho Mburi Kulho ikunebirikirwa, kira mburi jo eboie ya mlage jineyowe, kwato vahe venemhulha.”
Yuda kuli Isikarioti etadumu kumkhirii Yesu
Matayo 26:14-16; Luka 22:3-6
10Niho Yuda kuli Isikarioti, muwe wa hu vahina ikado na vanu, ekaso he vaaresi vagiru kalo amkhirii Yesu hakini. 11Vekalhamuishwa kuko ka mburi, vekamkeiya kilagha ite venemuo mihaku. Kwato, Yuda kuli Isikarioti ekalholhoshi kudaa kwalhi kulho ya kumlhi Yesu hakini.
Yesu etaa viaghu vya Pasaka na vahina kuu
Matayo 26:17-25; Luka 22:7-14; Yohana 13:21-30
12He muaze wa bosi wa elha ya mikate isibutuiwe ishimbe, iaze lo ialu la elha ya Pasaka inegaawe, vahina veemlhasue Yesu, “He Udumu tuso le kalo tukuboiye viaghu vya elha ya Pasaka?”
13Kwato Yesu ekavasugha vahina kuu vanu ekavaba, “Soni he muang'a, are munesahe na muagiru etiiye sange ya mai. Mliaheni.” 14sari he minda yo enebuu, mremba elo ka minda, “Mhinya elhasu, su gho kwa mburi ya vagalho ho nineaya viaghu vya Pasaka na vahina gho iaha le? 15Niho enemuaija su giru iaha ana he igorofa iboiiwe na kukewa kikulho. Kuni vanu tuboieni kaviaghu vya Pasaka ata.”
16Hu vahina vanu vekaso he muang'a, vekaheiya kira kigi chiaha kikulho sakigi Yesu evabaiye. Kwato vekadaa viaghu vya Pasaka.
17Hareahe chamagheri, Yesu ekahe ekakhwa hawe na vahina kuu ikado heka minda. 18Vareakhwa vea, Yesu ekavaba, “Kweri nimubaya, muwe kaghu ea hawe na ani, enenikherii.”
19Vahina kuu vekadarwa ni vuhuye, kira muwe ekamlhasu, “Dilao, hile ni ani?”
20Yesu ekavaba, “Ni muwe he kune ikado na vanu, niya eginha mkate he kikhonho hawe na ani. 21Ni kweri Muinyi wa Muhe enega sakigi hegondiwe he magondo ya Kiumbi, mira kariuwa hehu enemkhirii Muinyi wa Muhe enedarwa ni kharo! Ni keba ka mhesaka esiahoike!”
Viaghu vya Dilao vya chamakheri
Matayo 26:26-30; Luka 22:14-20; 1Vakorinto 11:23-25
22Vareakhwa vea, Yesu ekadori mkate, ekauaresia makulho he Kiumbi ekaubendula, ekavao vahina kuu, ekavaba, “Dorini mua, ya ni msa gho.”
23Niho ekadori kikhonho chilo divai, ekagimbika he Kiumbi, ekavao vahina kuu, vakhabuna vekawahiya ka kikonho. 24Yesu ekavaba, “Ya ni sako gho ya iaghano la Kiumbi na vahe isuika kwa mburi ya vahe vakumure. 25Kweri nimubaya, sikawaha kahali divai sari iaze hu nineiwaha divai kuale he Udilao wa Kiumbi.”
26Niho vekafaru lufaru naho vekaso he Lubwa lwa Mizeituni.
Yesu etayo ite vahina kuu venemro
Matayo 26:31-35; Luka 22:31-34; Yohana 13:36-38
27Yesu ekavaba vahina kuu, “Kune vakhabuna munegugulu na kuniro, kwaite Magondo Manyakare ite, ninemma mzemo, na maalu yeneparaa. 28Mira nikuneka kuli he kigame, ninemukaeiya twai Galilaya.”
29Petro ekamba Yesu “Chikhwa vakhabuna vekukuro, ani sikakuro neri.”
30Yesu ekamba Petro, “Kweri nikubaya wai naama nkuruve isinazo kanu, unenilhi kagi kakai ite tuniilie.”
31Mira Petro ekayoisha ekaba, “chikukhwa kai nidumuwe niga hawe na ari!” Hai sikakulhi. Vahina vahali vakhabuna navo vekayo sato.
Yesu etaaresi he kaseu kesewa Getisemane
Matayo 26:35-46; Luka 22:39-46
32Niho vekaso hodi hesewe Getisemane, Yesu ekavaba vahina kuu, “Zokhodini ii ani nitaso twei kuraaresi.” 33Niho ekavadori Petro ne Yakobo ne Yohana. Nau Ekahuyeti he swaho kuu nakunyamarika, 34ekavaba, “Swaho gho ihue uhuye mgiru iaha sina nakuga. Fufuni ii naho kukeni kikulho.”
35Ekadaha hagitutu, ekakama mamuro di ekadudukhu, ekaaresi ekuba, kai chichimuruika, asitakhoiye ka kharo. 36Ekaba, “Abba, nisakuba Aba gho, heari vigi vikhabuna vimuruika. Unikaiye ya kikhonho cha kharo. Chisikhwa sakigi nidumue ani, mira sakigi ari udumu.”
37Niho ekakhirii hehu vahina kuu vakai ekavahea vebodie. Yesu ekamlhasu Petro “Simoni, waai? Ho Tumurue kumuaresi Kiumbi neri kela we?” 38Niho ekavaba, “Mukhwa maila naho muaresi kalo msiregaliwe. Swaho idumu kuboi makulho mira msa teudumu.”
39Ekaso kuraaresi kahali, ilai ekuyo viome wahuuhu. 40Niho ekakhirii kahali ekavahelha vahina kuu vaai, kwaite veelo luireno. Vekabeni kigi cha kumbaya Yesu.
41Yesu areakirii ka kakai, ekavaba, “Murecheri bodie na kufufu? Kani iji, kwaite kela yaahe iji ya Muinyi wa Mhe etaotijwa he miheregha ya vahe vakusa. 42Kani! Tusoni! Wesiani hu enikherii elitie.”
Yesu etadarawe
Matayo 26:47-56; Luka 22:47-53; Yohana 18:3-12
43Wato oto Yesu erecheri yo niho Yuda, muwe wahu vahina ikado na vanu, ekahe. Eelitie hawe na ifyo la vahe velo mahamba na viboi. Vesukhawe ni vagiru va muaresi, vahinya va miku yakwe Kiumbi emuoe Musa na madilao. 44Iji Yuda emlhi Yesu ekavao lhaa ekavaba, “Ka mhe ninemholu kwa kumdara miharegha niu mumdumu. Mdarani, mumtii he madilao naho mumuwesie asiegugulu.”
45Wato oto Yuda areahe, ekamliaha Yesu nakuba, “Mhinya!” Niho ekamholu kwamiharegha minu kumdara. 46Niho, ka vahe vekamdara Yesu vakamuotija he vakilaaru. 47Niho muwe wahu veaha mlha muwe ne Yesu eumae sina nau, ekagu sime kuu, ekampaa ilama mnyamalo wa mgiru wa muaresi. 48Mira Yesu ekavaba, “He mutelita na mahamba na viboi kunidara, sauraba ani ni mgwalo? 49Maaze khabuna nereaha hawe na kune nikumuhinya he lugo lwa minda ya Kiumbi, neri temunidaraye. Mira chidumuwe Magondo yaguanye.”
50Niho vahina kuu vakhabuna vekamro, vekagugulu.
51Mburatu muwe eeghubike gomae iakhu bi, eekumliaha Yesu. Varemdara, 52ekaro hu gome eeghubike, ekaguguglu eseilo gomae.
Yesu eaha he madilao Vayahudi
Matayo 26:57-68; Luka 22:54-55; Yohana 18:13-14,19-24
53Niho, vekamtii Yesu he minda ya mgiru wa kirurumo, ata madilao va muang'a, vagiru va muaresi na vahinya va miku yakwe Kiumbi emuoe Musa vebungurue hawe. 54Petro ekakwa emliaha Yesu kwa uda sari he lugo lwa muaresi mgiru. Ekazokhodi hawe na vakilaaru, ilai vekakati mwalha. 55Vagiru va muaresi na vahe vakhabuna va ibaraza vekadaa ukweri wa kumdara Yesu kalo vamuru kumgaa, mira teveakhoe. 56Vahe vakumure vekamyoiya Yesu lame, mira hucho vemyoe vikalhiana.
57Vahe vahali vekauma, vekamyoiaya Yesu lame vekuba, 58“Tweemkoe ekuba, nineipu ya minda ya Kiumbi ikwaiwe ni vahe, nae maaze makai ninekwa hali isikwaiwe kwa miharegha ya vahe.” 59Mira neri ite viome kini tevitotie.
60Mgiru wa muaresi ekauma he vahe vakhabuna, ekamlhasu Yesu, “Ho ari tulo chakukheriti kwaya makusa makhabuna yeyowe niya vahe?”
61Mira Yesu teandue. Mgiru wa muaresi ekamlhasu kahali, “Ho ari niu Kiristo, Muinyi wa Kiumbi eyoiwa makulho?”
62Yesu ekamba, “Ani niu. Nakune munemuakho Muinyi wa Mhe ezokhodie mlha wa sughano wa Kiumbi elo u na ekulita kuli are ana.”
63Mgiru wa muaresi ekakhaa gomae kuu eeoroe ekaba, “Tetudumu ukweri mhali wa! 64Kune mwaako ya cho emuolhu Kiumbi. Kune mubamo iji?”
Vakhabuna vekakho ite chiye agaawe.
65Niho vahe vakuwe vekalholhoshi kumbusuya Yesu mapae, vekamkubika vubasa, vekamma nkundi. Vekamba “Rota ite niji ekumae!” Ata vakilaaru navo vekamma mazokhera.
Petro etamlhi Yesu
Matayo 26:69-75; Luka 22:56-62; Yohana 18:25-27
66Petro areakhwa ereaha hehu lugo lwa minda ya udilao, mualeta muwe eemnyamalo wa mgiru wa muaresi ekalita. 67Areamuakho Petro ekukakati mwalha, ekamuwesiisha ekamba, “Naari wato weaha hawe ne Yesu Mnazareti.”
68Mira Petro ekalhi, ekaba, “Siilie naho siilie chouyo,” Niho Petro ekali ata ekaso he luhige lwa kubuiya.
69Hu mnyamalo wa kilage areamuakho Petro kahali to, ekavabaiya vahe veumae sina ite, “Ya mhe ni muaro kini.” 70Mira Petro ekalhi kahali. Kalufunda vahe veeumae to, vekamba petro kahali, “Nikweri ari uaha hawe nau, kwaite ari udie Galilaya.”
71Mira Petro ekalholhoshi kujogho na kulapa, “Ani sim'ilie ya mhe mumuyoiya mburi kuu!”
72Waata ata nkuruve ikazo kakanu. Niho, Petro ekahulha viome vyo Yesu embae, “Nkuruve yesinazo ka kanu, unenilhi kakakhaii ite tuniilie.” Niho Petro ekahiri swaho ekalholhoshi kuzo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.