Mariko 15
15
Yesu etatiiwe hakwe Pilato
Matayo 27:1-2,11-14; Luka 23:1-5; 18:28-38
1Chalhenu ama ama vagiru va muaresi, vagiru vazime va Iziraeli na vahinya va miku yakwe Kiumbi emuoe Musa vekaiseko vamtii Yesu he Pilato. Niho vekamuoro, vekamtii na kumuotija hakwe Pilato. 2Pilato ekamlhasu Yesu, “Ho ari niu Dilao wa Vayahudi?”
Yesu ekamba, “Niari uyo.”
3Vagiru va muaresi vekamyoija Yesu kwa mburi kumure. 4Kwato Pilato ekamlhasu Yesu kahali, “Ho tulo chakukheriti? Wesia ya vahe vekuyoija mburi me.”
5Mira Yesu teandue niho Pilato ekamaka.
Yesu etapaaiwa kuga
Matayo 27:15-26; Luka 23:13-25; Yohana 18:39-19:16
6Kira elha ya Pasaka ikuhe, Vayahudi veekumlhaiya mhe muwe eoroiwe he igereza huye vahe vemdumue, veekuraboi to kira mko. 7Ka madamo, heelo mhe muwe eekusewa Baraba, eeoroiwe hawe na vaaro veeroe vahe vagaiwe madamo kulhi udilao wa Kirumi. 8Hu ifyo la vahe likabunguru na likaso he Pilato likamgogo avaboie sakigi eraboi. 9Pilato ekavalhasu, “Ho mudumu nimulhamaie dilao wa Vayahudi?” 10Pilato eereila ite vagiru va muaresi vemtiie Yesu heu kwa kumuakhoya luizu.
11Mira vagiru va muaresi vekavahimbija hu ifyo la vahe vamgogo Pilato avalhamaie Baraba amro Yesu. 12Pilato ekalhasu kahali hu ifyo la vahe, “Ho, waijiji mudumu nimboi kiakhoni ya mhe mumse dilao wa Vayahudi?”
13Vahe vakhabuna Vekama gimbe vekuba, “Mmani misumari he msaraba!”
14Pilato ekavalhasu.
“He eonie kiakhoni?” Vekama gimbe kahali, “Mmani misumari he msaraba!”
15Pilato eedumue kulilhamuija ka ifyo la vahe, ekavalhamaiya Baraba. Naho ekavaba vakilaaru kuu vamma Yesu ndate naho ekamgu kalo amawe misumari he msaraba.
Vakilaaru vetamfwa Yesu
Matayo 27:27; Yohana 19:2-3
16Vakilaaru vekamtii Yesu he iminda la udilao niho vekavase vaaro kini vakhabuna. 17Vekamuoro Yesu ijoho libayu la kidilao, vekaboi ankara ya milhae, vekamuoro he mua. 18Vekalholhoshi kumholu kwa kumfwa vekuba, “Tukuholu ari dilao wa Vayahudi!” 19Vekamma na ndate ja muanzi he mua kahali naho vekambusuiya mapae, vekakuboi vemmaiya mamuro sauraba ni dilao kalo vamfwa. 20Vareafiriti kumfwa, vekamgu hu gomae ya kidilao na kumuoro hu gomae kuu. Niho vekamgu gahana he iminda la udilao nakuso nau kalo varemma misumari he msaraba.
Yesu etamawe misumari he msaraba
Matayo 27:32-44; Luka 23:26-43; Yohana 19:17-27
21Veeaha kwalhi, vekasahe na mhemuwe esewa Simoni, mhekuli Kirene, aba kini Alekisanda ne Rufo. Muhe ka eekuli he mbuva kuso he muang'a. Vakilaaru vekamkungumija atii msaraba wakwe Yesu. 22Niho vekamtii Yesu sari hodi hesewa Goligota, “Nisakuba hodi ha Ifwara la Mua.” 23Vekamuo divai ikwarianywe na mkha usewa manemane, mira Yesu ekalhi kuiwaha. 24Kwato, vekamma misumari he msaraba, vekakaana salaghini hu gomae kuu, kwakuma simbi kalo vaakho ite niji enedori hama. 25Madamo ka vekumma Yesu misumari he msaraba nee kela kai hachalhenu. 26Ana he msaraba kuu vekagonda magondo yeba, “Dilao wa Vayahudi.” 27Veemmae Yesu misumari he misalaba, hawe na vagwalo vanu, muwe muharegha kuu wa sughano na muhali muharegha kuu wa hina. 28Ata niho eliijanye hu magondo ya Kiumbi yeba, “Eeboiiwe sa mhe eboie makusa.”
29Vahe veekutakho ata vekahoho mia kini vekamuolhu Yesu, vekayoisha vekuba “Hoo! Ari weebae umuru kupu minda ya Kiumbi na kuikwa kwa maaze makai, 30dimi iji he msaraba ukukombo salaghe.”
31Vadilao va muaresi hawe na vahinya va miku yakwe Kiumbi emuo Musa navo vekamuolhu Yesu, vekuba, “Evautie vahali, mira temuru kukukombo salaghe! 32Ro iji tumuwesie Kiristo elhomiwe malhoma ni DILAO, Dilao wa Isirael, nadimi iji ata he msaraba, na nne tunemuru kumdarisha!” Nahu vahe vanu veemaiwe misumari he misaraba sina ne Yesu navo vekamuolhu.
Yesu etaga he msaraba
Matayo 27:45-56; Luka 23:44-49; 19:28-30
33Ireahe kela sita chakako idi izime likaghubikwa ni kidughu sari kela kenda. 34Ireahe kela kenda chakako Yesu ekazoisha, ekaba, “Eloi, Eloi, lama sabakitani?” Ata nisa kuba, “Kiumbi gho, Kiumbi gho, kwakhoni waniro?”
35Vahe vakuwe veeumaye too sina vareako vekaba, “Lakhonani! Etamse Eliya.” 36Mhe muwe ekamangagugulu ekaginha isiponji he divai ikala, ekalitunga he ndate ekamuo Yesu awaha. Niho vekaba “Ro iji tuakho kai Eliya enelita kumdimiri ii he msaraba!”
37Yesu ekagu kiome kigiru, naho ekaga.
38Mpazia wahe minda ya Kiumbi ukakhaaika vikhao vinu kuli ana sari di. 39Mgiru muwe wa vakilaaru eeumae ata mbere he msaraba wakwe Yesu areakoia hu kiome chakwe Yesu nakuakho cho Yesu eekuga, ekaba, “Kweri ya mhe ne Muinyi wa Kiumbi!”
40Heerelo valage to, vekuwesia kwa uda. Heka valage eeaha Maria kuli Magidala, Maria lage kini Yakobo mgitutu wakwe Yose hawe ne Salome. 41Ka valage veekumlhaari Yesu are Galilaya. Naho heelo na valage vahali vakumure velitie kuli Yerusalemu navo vereaha waata.
Yesu etakewe he mhanga
Matayo 27:57-61; Luka 23:50-56; 19:38-42
42Hareahe hachamagheri, kwaite ne muaze wakukuke kikulho mburi ya muaze wa kufufu, 43Yosefu mhe wa Arimataya eekukoiwa kweri he ibaraza la Vayahudi. Nau wangau ekulaa Udilao wa Kiumbi. Ekamsoya Pilato esilo bughu ekamlhawa audori msa wakwe Yesu. 44Pilato ekamaka areako ite Yesu aaga pere. Ekamse hu mgiru wa vakilaaru, ekamlhasu kai Yesu aafi kuga . 45Pilato areabaiwa nika mgiru wa vakilaaru ite Yesu aaga pere, niho ekamdumuija Yosefu audori ka msa wakwe Yesu. 46Yosefu ekawe sanda, ekaudimiri ka msa wakwe Yesu, ekauoro sanda ekauke he mbira ituiwe he ikamba, niho ekahinka isahu sari to he luhige lwa mhanga. 47Maria kuli magidala ne Maria lage wakwe Yose vekaakho to hodi msa wakwe Yesu wekewe.
လက္ရွိေရြးခ်ယ္ထားမွု
Mariko 15: NTMBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.
Mariko 15
15
Yesu etatiiwe hakwe Pilato
Matayo 27:1-2,11-14; Luka 23:1-5; 18:28-38
1Chalhenu ama ama vagiru va muaresi, vagiru vazime va Iziraeli na vahinya va miku yakwe Kiumbi emuoe Musa vekaiseko vamtii Yesu he Pilato. Niho vekamuoro, vekamtii na kumuotija hakwe Pilato. 2Pilato ekamlhasu Yesu, “Ho ari niu Dilao wa Vayahudi?”
Yesu ekamba, “Niari uyo.”
3Vagiru va muaresi vekamyoija Yesu kwa mburi kumure. 4Kwato Pilato ekamlhasu Yesu kahali, “Ho tulo chakukheriti? Wesia ya vahe vekuyoija mburi me.”
5Mira Yesu teandue niho Pilato ekamaka.
Yesu etapaaiwa kuga
Matayo 27:15-26; Luka 23:13-25; Yohana 18:39-19:16
6Kira elha ya Pasaka ikuhe, Vayahudi veekumlhaiya mhe muwe eoroiwe he igereza huye vahe vemdumue, veekuraboi to kira mko. 7Ka madamo, heelo mhe muwe eekusewa Baraba, eeoroiwe hawe na vaaro veeroe vahe vagaiwe madamo kulhi udilao wa Kirumi. 8Hu ifyo la vahe likabunguru na likaso he Pilato likamgogo avaboie sakigi eraboi. 9Pilato ekavalhasu, “Ho mudumu nimulhamaie dilao wa Vayahudi?” 10Pilato eereila ite vagiru va muaresi vemtiie Yesu heu kwa kumuakhoya luizu.
11Mira vagiru va muaresi vekavahimbija hu ifyo la vahe vamgogo Pilato avalhamaie Baraba amro Yesu. 12Pilato ekalhasu kahali hu ifyo la vahe, “Ho, waijiji mudumu nimboi kiakhoni ya mhe mumse dilao wa Vayahudi?”
13Vahe vakhabuna Vekama gimbe vekuba, “Mmani misumari he msaraba!”
14Pilato ekavalhasu.
“He eonie kiakhoni?” Vekama gimbe kahali, “Mmani misumari he msaraba!”
15Pilato eedumue kulilhamuija ka ifyo la vahe, ekavalhamaiya Baraba. Naho ekavaba vakilaaru kuu vamma Yesu ndate naho ekamgu kalo amawe misumari he msaraba.
Vakilaaru vetamfwa Yesu
Matayo 27:27; Yohana 19:2-3
16Vakilaaru vekamtii Yesu he iminda la udilao niho vekavase vaaro kini vakhabuna. 17Vekamuoro Yesu ijoho libayu la kidilao, vekaboi ankara ya milhae, vekamuoro he mua. 18Vekalholhoshi kumholu kwa kumfwa vekuba, “Tukuholu ari dilao wa Vayahudi!” 19Vekamma na ndate ja muanzi he mua kahali naho vekambusuiya mapae, vekakuboi vemmaiya mamuro sauraba ni dilao kalo vamfwa. 20Vareafiriti kumfwa, vekamgu hu gomae ya kidilao na kumuoro hu gomae kuu. Niho vekamgu gahana he iminda la udilao nakuso nau kalo varemma misumari he msaraba.
Yesu etamawe misumari he msaraba
Matayo 27:32-44; Luka 23:26-43; Yohana 19:17-27
21Veeaha kwalhi, vekasahe na mhemuwe esewa Simoni, mhekuli Kirene, aba kini Alekisanda ne Rufo. Muhe ka eekuli he mbuva kuso he muang'a. Vakilaaru vekamkungumija atii msaraba wakwe Yesu. 22Niho vekamtii Yesu sari hodi hesewa Goligota, “Nisakuba hodi ha Ifwara la Mua.” 23Vekamuo divai ikwarianywe na mkha usewa manemane, mira Yesu ekalhi kuiwaha. 24Kwato, vekamma misumari he msaraba, vekakaana salaghini hu gomae kuu, kwakuma simbi kalo vaakho ite niji enedori hama. 25Madamo ka vekumma Yesu misumari he msaraba nee kela kai hachalhenu. 26Ana he msaraba kuu vekagonda magondo yeba, “Dilao wa Vayahudi.” 27Veemmae Yesu misumari he misalaba, hawe na vagwalo vanu, muwe muharegha kuu wa sughano na muhali muharegha kuu wa hina. 28Ata niho eliijanye hu magondo ya Kiumbi yeba, “Eeboiiwe sa mhe eboie makusa.”
29Vahe veekutakho ata vekahoho mia kini vekamuolhu Yesu, vekayoisha vekuba “Hoo! Ari weebae umuru kupu minda ya Kiumbi na kuikwa kwa maaze makai, 30dimi iji he msaraba ukukombo salaghe.”
31Vadilao va muaresi hawe na vahinya va miku yakwe Kiumbi emuo Musa navo vekamuolhu Yesu, vekuba, “Evautie vahali, mira temuru kukukombo salaghe! 32Ro iji tumuwesie Kiristo elhomiwe malhoma ni DILAO, Dilao wa Isirael, nadimi iji ata he msaraba, na nne tunemuru kumdarisha!” Nahu vahe vanu veemaiwe misumari he misaraba sina ne Yesu navo vekamuolhu.
Yesu etaga he msaraba
Matayo 27:45-56; Luka 23:44-49; 19:28-30
33Ireahe kela sita chakako idi izime likaghubikwa ni kidughu sari kela kenda. 34Ireahe kela kenda chakako Yesu ekazoisha, ekaba, “Eloi, Eloi, lama sabakitani?” Ata nisa kuba, “Kiumbi gho, Kiumbi gho, kwakhoni waniro?”
35Vahe vakuwe veeumaye too sina vareako vekaba, “Lakhonani! Etamse Eliya.” 36Mhe muwe ekamangagugulu ekaginha isiponji he divai ikala, ekalitunga he ndate ekamuo Yesu awaha. Niho vekaba “Ro iji tuakho kai Eliya enelita kumdimiri ii he msaraba!”
37Yesu ekagu kiome kigiru, naho ekaga.
38Mpazia wahe minda ya Kiumbi ukakhaaika vikhao vinu kuli ana sari di. 39Mgiru muwe wa vakilaaru eeumae ata mbere he msaraba wakwe Yesu areakoia hu kiome chakwe Yesu nakuakho cho Yesu eekuga, ekaba, “Kweri ya mhe ne Muinyi wa Kiumbi!”
40Heerelo valage to, vekuwesia kwa uda. Heka valage eeaha Maria kuli Magidala, Maria lage kini Yakobo mgitutu wakwe Yose hawe ne Salome. 41Ka valage veekumlhaari Yesu are Galilaya. Naho heelo na valage vahali vakumure velitie kuli Yerusalemu navo vereaha waata.
Yesu etakewe he mhanga
Matayo 27:57-61; Luka 23:50-56; 19:38-42
42Hareahe hachamagheri, kwaite ne muaze wakukuke kikulho mburi ya muaze wa kufufu, 43Yosefu mhe wa Arimataya eekukoiwa kweri he ibaraza la Vayahudi. Nau wangau ekulaa Udilao wa Kiumbi. Ekamsoya Pilato esilo bughu ekamlhawa audori msa wakwe Yesu. 44Pilato ekamaka areako ite Yesu aaga pere. Ekamse hu mgiru wa vakilaaru, ekamlhasu kai Yesu aafi kuga . 45Pilato areabaiwa nika mgiru wa vakilaaru ite Yesu aaga pere, niho ekamdumuija Yosefu audori ka msa wakwe Yesu. 46Yosefu ekawe sanda, ekaudimiri ka msa wakwe Yesu, ekauoro sanda ekauke he mbira ituiwe he ikamba, niho ekahinka isahu sari to he luhige lwa mhanga. 47Maria kuli magidala ne Maria lage wakwe Yose vekaakho to hodi msa wakwe Yesu wekewe.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbugu @The Word for The World International and Mbugu Language translation, 2025. All rights reserved.