Maliku 16
16
Kuhinduka kwa Yesu
Matayu 28:1-8; Luka 24:1-12; Yohana 20:1-10
1Lichuwa lya Kupumulila pa lipitili, Malia ahuma ku Magadala na Salome na Malia nyongo ghaki Yakobu wahemelili manungilu ili wakapakali higha wa Yesu. 2Hinu, malawila pee lichuwa lya mtumbula lya ijuma vilavila ingumanyika jumapili, lipindi lijuwa litumbula kuhomoka, wahikili ku mambi. 3Na weni pawawelili mnjila wawili wangukonyana, “Ni ghani atetuhukumila lila liganga kuhuma ku mlyango wa limambi?” 4Ila pa walolili, wakalola liganga lighuswili kala. Na lyeni liwela likulunga nesu. 5Pawayingilili mula mlimambi, wamwonili msongolo mmonga avalili lihabiti mbulete, atamili upandi wa kuliyila, Walikangasa nesu.
6Ila yula msongolo akawalongela, “Mkotoho kulikangasa. Mngumhaka Yesu wa Nazaleti wamvambili ku lipingika. Kahinduka,” avile ngʼogha baha, Mloli mahala wavile wamwonjesa. 7Myendi mkawalongeli wayitikila ghaki pamonga na Petelo yiwa anguwalongola kula ku Galilaya haku ndiwa watemlola handa awalongelili. 8Hinu wahukili kumamambi kunu wakitula mbilo. Wavile wakihihimila na kukangasa nesu. Na weni wamlongelili ngʼogha mundu yeyose, kwa ikiva watilili nesu.
Yesu angumuhumila Malia ahuma ku Magidala
Matayu 28:9-10; Yohana 20:11-18
9Yesu pa ahindukili malawila pee, lichuwa lya mtumbula lya ijuma vilavila ingumanyika jumapili, atumbulili kumuhumila Malia Magidalena, yula avile Yesu amuhumisilili mahoka isaba mhigha ghaki. 10Malia ahuma ku Magidala akayenda, akawalongela wala wogha wawelili wakilongolana pamonga na Yesu, na lipindi lila wavile wakilumbilila na kulila. 11Ila pawayoghanili yiwa Yesu ni mkomu na yiwa Malia ahuma ku Magidala amwonili, wakwinilili ngʼogha.
Yesu anguwahumila wayitikila waivili
Luka 24:13-35
12Kuulongolo Yesu awahumilili wayitikila ghaki waivili akiva na wuso ghangi. Wayitikila hagha waweli wanguyenda panji gha muji. 13Na weni kangi wakayenda, wakawalongela wamonga ghao. Hata nagha wakwinilili ngʼogha.
Yesu anguwahumila wayitikila ghaki ikumi na waivili
Matayu 28:16-20; Luka 24:36-49; Yohana 20:19-23; Matendu 1:6-8
14Kuulongolo Yesu awahumilili wayitikila ikumi na imonga pawavile pamonga wakilyegha mulyo. Akawakalipila nesu kwa ikiva gha kukwinila ngʼogha kwa weni na utatala wa weni, kwa ikiva wamkwinilili ngʼogha wala wavile wamwonili badili gha kuhinduka. 15Hinu, akawalongela, “Myendi kumlima wogha mkatangase Lilandu Maha kwa wandu wogha. 16Yula akwinila na kubatiswa atelokolwa. Akwinila ngʼogha atesitakiwa. 17Na vilangihi havi vitelandine na wala wakwinila. Kwa lihina lya nenga watehumisa mahoka na watelonga kwa luga hyonu. 18Pawakolili njoka au wakinywegha kindu chochose kiwesa kuwakoma, kitewahakili ngʼogha. Watevikila wavina mawoku, na weni watepokela ukomu.”
Yesu angutolwa kuyeghwa kundumba kwa Sapanga
Luka 24:50-53; Matendu 1:9-11
19Hinu, Bambu Yesu paalongilikala na weni, akatolwa kundumba kwa Sapanga, akatama upandi wa kulihila wa Sapanga. 20Hinu wayitikila wakayenda wakitangasa kogha na kogha. Bambu akaghola lihengu pamonga na weni na kuuvikamaha ujumbi hau kwa vilangihi vilandanili pamonga na weni.
လက္ရွိေရြးခ်ယ္ထားမွု
Maliku 16: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.
Maliku 16
16
Kuhinduka kwa Yesu
Matayu 28:1-8; Luka 24:1-12; Yohana 20:1-10
1Lichuwa lya Kupumulila pa lipitili, Malia ahuma ku Magadala na Salome na Malia nyongo ghaki Yakobu wahemelili manungilu ili wakapakali higha wa Yesu. 2Hinu, malawila pee lichuwa lya mtumbula lya ijuma vilavila ingumanyika jumapili, lipindi lijuwa litumbula kuhomoka, wahikili ku mambi. 3Na weni pawawelili mnjila wawili wangukonyana, “Ni ghani atetuhukumila lila liganga kuhuma ku mlyango wa limambi?” 4Ila pa walolili, wakalola liganga lighuswili kala. Na lyeni liwela likulunga nesu. 5Pawayingilili mula mlimambi, wamwonili msongolo mmonga avalili lihabiti mbulete, atamili upandi wa kuliyila, Walikangasa nesu.
6Ila yula msongolo akawalongela, “Mkotoho kulikangasa. Mngumhaka Yesu wa Nazaleti wamvambili ku lipingika. Kahinduka,” avile ngʼogha baha, Mloli mahala wavile wamwonjesa. 7Myendi mkawalongeli wayitikila ghaki pamonga na Petelo yiwa anguwalongola kula ku Galilaya haku ndiwa watemlola handa awalongelili. 8Hinu wahukili kumamambi kunu wakitula mbilo. Wavile wakihihimila na kukangasa nesu. Na weni wamlongelili ngʼogha mundu yeyose, kwa ikiva watilili nesu.
Yesu angumuhumila Malia ahuma ku Magidala
Matayu 28:9-10; Yohana 20:11-18
9Yesu pa ahindukili malawila pee, lichuwa lya mtumbula lya ijuma vilavila ingumanyika jumapili, atumbulili kumuhumila Malia Magidalena, yula avile Yesu amuhumisilili mahoka isaba mhigha ghaki. 10Malia ahuma ku Magidala akayenda, akawalongela wala wogha wawelili wakilongolana pamonga na Yesu, na lipindi lila wavile wakilumbilila na kulila. 11Ila pawayoghanili yiwa Yesu ni mkomu na yiwa Malia ahuma ku Magidala amwonili, wakwinilili ngʼogha.
Yesu anguwahumila wayitikila waivili
Luka 24:13-35
12Kuulongolo Yesu awahumilili wayitikila ghaki waivili akiva na wuso ghangi. Wayitikila hagha waweli wanguyenda panji gha muji. 13Na weni kangi wakayenda, wakawalongela wamonga ghao. Hata nagha wakwinilili ngʼogha.
Yesu anguwahumila wayitikila ghaki ikumi na waivili
Matayu 28:16-20; Luka 24:36-49; Yohana 20:19-23; Matendu 1:6-8
14Kuulongolo Yesu awahumilili wayitikila ikumi na imonga pawavile pamonga wakilyegha mulyo. Akawakalipila nesu kwa ikiva gha kukwinila ngʼogha kwa weni na utatala wa weni, kwa ikiva wamkwinilili ngʼogha wala wavile wamwonili badili gha kuhinduka. 15Hinu, akawalongela, “Myendi kumlima wogha mkatangase Lilandu Maha kwa wandu wogha. 16Yula akwinila na kubatiswa atelokolwa. Akwinila ngʼogha atesitakiwa. 17Na vilangihi havi vitelandine na wala wakwinila. Kwa lihina lya nenga watehumisa mahoka na watelonga kwa luga hyonu. 18Pawakolili njoka au wakinywegha kindu chochose kiwesa kuwakoma, kitewahakili ngʼogha. Watevikila wavina mawoku, na weni watepokela ukomu.”
Yesu angutolwa kuyeghwa kundumba kwa Sapanga
Luka 24:50-53; Matendu 1:9-11
19Hinu, Bambu Yesu paalongilikala na weni, akatolwa kundumba kwa Sapanga, akatama upandi wa kulihila wa Sapanga. 20Hinu wayitikila wakayenda wakitangasa kogha na kogha. Bambu akaghola lihengu pamonga na weni na kuuvikamaha ujumbi hau kwa vilangihi vilandanili pamonga na weni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.