Matayu 11
11
Ujumbi kuhuma kwa Yohana Mbatisa
Luka 7:18-35
1Yesu paayomolili kuwapegha malaghililo wala wavulwa ghaki ikumi na waivili, akahuka kula, akayenda kuvula na kutangasa kumimbwani gha Galilaya.
2Yohana Mbatisa paawelili mlighuta lya wawopwa ahyoghanilili matendu yeni kugholwa na Kilisito. Hinu, Yohana akawalaghila wavulwa ghaki, 3wakamkonya, “Ghuli, wenga ndiwa yula atehika, au tumlindili mundu ghangi?”
4Yesu akawayanga, “Myendi mkamlongeli Yohanamighalu muiyughanila na kuilola. 5Wandu wangali kulola wangulola, na walemafu wa maghulu wangutyanga, wenikuwela na ukalawa wangughululwa, majogu wanguyoghanila, wenikuhova wanguhinduliwa pamonga na wandu wenikuwela wakapuku wangulongelwa Habali Maha. 6Kahighilwa mundu yula kahela holu gha kunijumila nenga.”
7Hinu wala wajumbi wa Yohanapawawelile wanguyenda zyau, Yesu akatumbula kuyalongela mapinga gha wandu mighalu gha Yohana, “Myendili kulola kyani kula kuluvagha? ghuli, myendili kulola lunyahi lungutikanyika kula na haku kwa liyegha?” 8Paikawela ng'ogha nagha? Ghuli, mundu mwenikuvala nguu zya maheli? Ninguwalongela wandu wenikuvala nguu zya maheli wangulikala kumaghuta gha kinkosi. 9Hinu, myendili kulola kyani? Ghuli ni kumlola mlota wa Sapanga? Hina, ninguwalongela chakaka, myendili kumlola mundu mkulu nesu kupiti mlota. 10Yohanandiwa yula kangulongelwa kumayandiku gha Sapangama yayandikilwi, “Uloli, nenga ningumyegha mjumbi wa nenga akulonguleli, mweni atekuyandalila njila ghako.” 11Chakaka ninguwalongela paghati gha wana wogha wa wandu kahumila ng'ogha mkulu apiti Yohana Mbatisa. Hata nagha, yula mwenikuwela mnung'una nesu kuunkosi wa kundumba, kamkulu kupiti Yohana. 12Kuhuma lipindi lya Yohana Mbatisa mbaka lelu hai, Unkosi wa kundumba ungulandala kwa makakala, na wala wenikuwela na makakala wanguyesa kuhakila watumikila wa Sapanga. 13Kwaikiva pambila gha kuhika Yohana mavulo hyogha gha laghililo na walota wa Sapanga yalongelelili mighalu gha lipindi hali. 14Na paikawela mnguwesa kujumila hali, hinu Yohanandiwa Eliya yula atehika. 15Yula mweni mapulukilo na ahyoghanile!
16“Hinaa nitekilandanisa kiwelekwa haki na kindu kyani? Ni handa wasongolo wawelili walikala paluvagha, wakilongelana kipinga kimonga kwa kipinga kighangi.” 17“Tuwakuwila ngoma ila mhina ng'ogha! Tukayimba uyimbo wa kulumbilila mhika ng'ogha kulumbilila!” 18Kwaikva Yohanaahikili, akawopa mulyo na hata kunywegha divai, na weni wakalonga, “Hayu kakolwa na lihoka.” 19Mwana wa Mundu akahika, angulyegha na kunywegha, na weni wakalonga, “Mumloli hayu angupala kulyegha lyegha na mlowela, ghanja wa wakungula usulu na weni sambi! Hata nagha luhala lwa Sapanga lunguwoneka yiwa lwa maheli kupitila matendu ghaki.”
Mimbwani gha wandu wakwinila ng'ogha
Luka 10:13-15
20Hinu Yesu akatumbula kuilonga mimbwani hila, pamonga na yiwa agholile makangaso matangala mula, ila wandu ghaki wapalile ng'ogha kuleka sambi. 21“Mtepata mahakilo mwenga wandu wa kolazini! Mtepata mahakilo mwenga wandu wa Betisaida! Kwaikiva, makangaso yagholekili kwa mwenga yangaligholeka ku Tilo na Sidoni, wandu ghaki wangalivala kala nguu zya migunila na kupakala malifu kulangiha yiwa waleka sambi na kumuhuyila Sapanga lipindi litali. 22Hata nagha, ninguwalongela lichuwa lya kutoswa, mwenga mtepeghwa mnyokolu mkulunga nesu kupiti wandu wa Tilo na Sidoni. 23Hilahila mwenga wandu wa Kapelinaumu, mkotoho kuliwachila yiwa Sapanga atewayinula kula kundumba. Ila atewahulusa mbaka kulyoto lijimika ng'ogha! Kwaikiva, vila makangaso yagholekili kwa mwenga yangaligholeka kwa wandu wa Sodoma, wandu hagha wa Sodoma wangalikala mbaka lelo. 24Ila ninguwalongela, lichuwa lya kulamula, mwenga mtepokela unyokolu mkulunga kupiti hula wa wandu wa Sodoma.”
Mhiki kwa nenga mpumulili
Luka 10:21-22
25Lipindi lila Yesu ailongile, ningukushukwile wenga Tati, Bambu wa kundumba na mlima wogha, kwaikiva uwahigha weni luhala na weni kumanya mighalu hai, ukatugubutulila twenga weni kuwela na malangu mayaghani. 26Hina, Tati, kwaikiva nagha ndiwa ikupalile.
27“Tati ghangu kambegha vindu vyogha. kwahela mweni kummanya Mwana ila Tati, kangi kwahela mweni kummanya Tati ila Mwana, na yeyosi yula Mwana angupala kumgubutulila hayu atemmanya Tati.
28Mhiki kwa nenga mwenga wogha weni kutoka kwa kupapa mihigo mitopa, na nenga nitewaghola mpumulili 29Mjumili kulongoswa na nenga handa vila ng'ombi mlumi paanguwopilwa nila lipindi lya kutukutula, na mwenga mhakuli mavulo ghangu kwaikiva nenga na myalinyali na mnyenyekela. Kwa nagha mutepumlila. 30Hai itewela yuyughu kwa mwenga pamulongoswa na nenga, kwaikiva mavulo ghangu yakamala ng'ogha.”
လက္ရွိေရြးခ်ယ္ထားမွု
Matayu 11: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.