Maluko 13
13
Yesu khopalaa khougela khonoonwa khwa nyoomba ya Matuunda
Mateo 24:1-2; Luka 21:5-6
1Yesu panaa angile khopuma kho nyoomba ya Matuunda, yomwi wa vahemba vakwe aleamowela, “Molaangi, khuuna venaa mabwe ega ne majeengo ega masoga!”
2Yesu amowela, “Ogawine majeengo ega venaa makolo? Khotopo ninga ibwee lemwi lenaa lelasiga pachanya ya leenge, kela kento kelabomolwa.”
Magayo no khogaya
Mateo 24:3-14; Luka 21:7-19
3Yesu panaa angile ikhalaga pachanya ya ketonda wa Mizeituni, wonaa okhokunana ne nyoomba ya Matuunda, epoo Petulo no Yakhobo no Yohana no Andelea, alevamopetela panaa alepatokhola vantu vamowolya, 4“Khokholoomba okhowele, mpola eje jelapumela nale? Chanuu kelalagela mbe mpola eje jele pepi khopumela?”
5Yesu avawela, “Mwikhalage miso mokhije mopepelwee no muntu. 6Kho nguno vantu vinki valija khokelela lina lyane, kela muntu alapala onenee amwene Kilisto! Nanevo valawapepela vantu vinki. 7Panaa molategela mpola ja wolugo ne lokumo ja wolugo, mokhatungumale. Mpola eje jekhopogiwa khopumeela, ila eloo idugo amba lekhale. 8Nse yemwi ilaawa ikhwikowa ne nse yeenge, no wami womwi olaikhowa ne wami woonge, kholaawa ne matitimya oko no okhoo ne njala nkolo. Owo awenee olaawa mwandyo wa osaati kete venaa mokhiima yunaa alepepi khwitungula mwana.”
9“Ila nywenywe mwikhalage miso. Kho nguno valawagwela no khovakenkha kho mavanza la valaala no khovafwemba menyepo ja ntila kho nyoomba ya khwitangela Vayahudi. Molatengemekhwa paolongolo ya valaala ne vami kho nguno yaane, ili movawele Mpola Nsoga. 10Naneyo Mpola Nsoga a lazima iteengwe kho vantu va nse jensi panaa amba odugo owoo okhale opike. 11Panaa molagwelwa no khositachwa, mokhatungumale chanuu molapalaa, ila palagi lelensi lenaa molapelwa khwi ituungo eloo, kho nguno nkha nywenywe vanaa molapalaa, ila a Moye wa Matuunda yunaa apwale mokhate yenyu amwene yunaa alavapalela. 12Modogo khamogalokha modogoakwee ili afwe no daada alamogalokha mwanakwe no mwana nanoyo alavasita valeli vawe no khokenkelelya vawolagwe. 13Vantu vensi valavasimbila nywenywe kho nguno ya lina laane. Ila yunaa aliikhamelelya mpakha paudugo, amwene alaawa mome.
Magayo makolo ganaa giijile
Mateo 24:15-28; Luka 21:20-24
14“Panaa molawona kento kenaa ‘Kekhosimbya’ kepwale kho lwande yenaa ekhalomwa ewee, nanecho kekhovanoja vawookhe kho nyoomba ya Matuunda, “Apenee evoo vanaa vapwale kho nse ya Yudea vakembelele kho ketonda, yunaa khosomaa amanye. 15Yunaa apwale pachanya ya nyoomba akhiije atelemoke khwingela mokhate mwakwe no khosola kento chechensi. 16Yunaa amba apwale kho mogoonda akhiije atuuwe khokhaye khosola mwenda gwakwe. 17Amba khole magayo makolo kho vakhiima vanaa amba vatite ndaa na vanaa amba vakhoncha nsiko ejoo. 18Lombagi ili mpola ejoo jekiije jepumele nsiko ja mpepo. 19Kho nguno nsiko ejoo kholaawa ne magayo ganaa gakhale khopumela, mpuma mwandyo panaa Matuunda aleawomba liwelelo, mpakha seji ninga khotopo gapumeele khanke. 20Mbe Odaada anga akhapongolye nsiko ejoo, khotopo muntu yunaa alasiga mopanga. Ila Odaada apongolaja ituungo eloo kho nguno ya evoo vanaa aleavasagulaga.
21“Mbe muntu avawele, ‘Kunaa, Kilisto apwale epa,’ ao, ‘Apwale epoo’ mokhamogombele. 22Kho nguno valapumela vantu vanaa vakhwiyeeta Kilisto ne vakuuni va opepi, valanoja lomekho ne matuntumu, no khovapepela vantu vanaa vasagolagwaa no Matuunda. 23Gechoo, mwikhalage miso. Navawelaga mpola jensi ejoo jenaa jekhale khopumeela.
Khwija khwa Mwana wa Muntu
Mateo 24:29-31; Luka 21:25-28
24“Ila nsiko ejoo, panaa ituungo la magayo khokela, lyonse lelatulwa kitii no mweli khotopo khwangalya. 25Njota jelagwaa khopuma pachanya pa ilunde, ne ngulu ja khochanya khwa Matuunda jeladegadega.”
26Apenee vantu vensi valamowona Mwana wa Muntu khotelomokha mwilunde oko atite ngulu nyinki no khong'alala kho olaala wa Matuunda. 27Apenee khavalagelelya vatomami va pachanya pa Matuunda vavakhongan'ye evoo vanaa avasagola khopuma lwande jensi jinee ja liwelelo, khopuma pa udugo wa liwelelo mpakha kho udugo wa khochanya pa Matuunda.
Mofwano gwa ipeke la mtini
Mateo 24:32-35; Luka 21:29-33
28“Ila mwiilige khokelela ipekhe lya mtini. Panaa matambe gakwe gakwandya khofuluma ne khopumya matiti, apenee mokhomanya kete ituungo la khotonya mbula latelelaga. 29Avivyoo, nanywi panaa moliija mowone egoo gakhopumelaga, momanyage kete Mwana wa Muntu alepamolyaango. 30Khapanga nkovawela, olelo ogo khotopo khokela mpakha panaa mpola jensi jepumeele. 31Pachanya kho Matuunda ne liwelelo jelakela, ila mpola jaane khotopo jekele.
Khotopo yunaa amanyile nsiko ya khwija Mwana wa Muntu
Mateo 24:36-44
32“Khwa mpola ya nsiko eyoo ne ituungo, khotopo yeyensi yunaa amanyile, ninga vatomami va pachanya khwa Matuunda, ninga Mwana, ila Odaada aleemwi. 33Mwikhalage miso no khwiyandelela kho nguno mokhamanya ituungo eloo lelaawa nale. 34Ilaawa kete muntu yunaa khowokhaa pakhaye khopeta kho mosenjo ne khovalekela vatomami vakwe vakunage nyoomba, ne khovagawela kela muntu no molemo gwakwe, apenee khomomela avivyoo molendeleli wa molyango ikhale miso. 35Gechoo mwiyandalelage, kho nguno mokhamanya muntu wa nyoomba alatuwa nale, hamo alatuwa mesee ao otikho wa manane ao makingilima panaa njogolo kewekha ao melawo. 36Mbe ije khwa khotimpukelya, akiije avapikhe mwagonaga. 37Egoo ganaa nkovaweela onywenywe, nkovaweela vensi, mwiyandalelage.”
လက္ရွိေရြးခ်ယ္ထားမွု
Maluko 13: NTKIBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Kimbu @The Word for The World International and Kimbu Language translation, 2025. All rights reserved.