Matiu 3
3
Yohana a Milan Nkon ti
1Ri vi riwa a vu yɨba Yohana nji ri vunji sontu ri iima ka ye, ran ran tretre Izhi ri kuklu meme riwa Yudiya. 2Ran tre ri, <<Ka meme ti mbi chuwo, ritu kpanchison ri shu he hwire.>> 3Yohana nye a he nji riwa Ishaya nji ri la tre Izhi a tre,
<<Njo ri kpagro ri ji,
< Milan nkon ti ri Bachi;
no nkon wan no hi ndiri!>>>
4Itsro Yohana riwa wa wuran wu ri nfu rakomi; a lo tiri wan kagon ri ntan, nga la wan a he dzi mba iima ton. 5Imba wa nji Urushelima ri Yudiya wawu mba, nga wa meme nyu ne Wurdu, waka sondu ran ye ri wu. 6Ka vu wa ran sontu ri iima ri ne Wurdu riwa wa ran la meme ti mba.
7Ama riwa a to kpanji Farisa nga Sadukiyawa wa ye ritu riwa wa son wa tu ri iima, ka tre ri wa, <<Biyi wa meme manzɨrama! Ingan la yi no yi tsutsu ritu fu Izhi riwa ari ye? 8Ritu ngayin, bi tsro ta kya riwa ari la ta ri bi ka meme ti mbi chuwo. 9Nga ran to mba ri bi tre ri ngambi ri, Ibrahi he timbi ran. Me layi ri rimi tita wanyi Izhi ri ndzu wa no wa he gɨzhi Ibrahi! 10Igla riga he ri nchi konkron riwa a ran klo wulo dindi ran, wa tsen taga wari ta yo rimi wulu.
11<<Me son yi tu iima ri iima ritu ka meme ti mbi chuwo. kugon won nji riwa ari ye a han wen, ko ntan dza wan ima me ran to ndzuu ran. Ari vu yi sontu ri iima ri Yuu Tsitsri nga ri wulu. 12Bibɨre wan he riwo wan, nga ari milan hwi wan ti, ran vu wɨlo kpi wan sro rimi wuron ran gon nfon wan ri wulu riwa wana to yibi ran.>>
Ison Yeso tu ri Mma.
13Imba Yeso ka zhu ri Galili ye ri ne Wurdu riwa Yohana ri son-utu ri iima. 14Yohana a wa ran kawan, ran tre ri, <<Ame riwa me wa no vu wen sontu ri iima, ko wu ye ri me no wen son-u tu ri iima?>>
15Ama Yeso ka tre riwu, <<No he ngamba zizan, ari bi ki ti don no njanji tre no he.>>Imba yoana ka nyime ran vuu sontu rimi iima.
16Riwa Yohana a vu Yeso sontu ri iima, riwa a zhu rimi iima, ri vimba nye ishu wulu ka bu, nga ka to Yuu Izhi ka kan ka ngu ran son ran kpan ritu wan. 17Ngha iran ka zhu ri shu ran tre ri, <<Rinyi he vren won, riwa me nyime-u, ari siwen sron ri wu.>>
လက္ရွိေရြးခ်ယ္ထားမွု
Matiu 3: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria