ACT - BUU 6
6
Ichu nji Tamgban wa wiwɨri
1Ivi wa sen riwa wandu Izhi wa kigbu; wa gbu ri wa wa yo wa ri nji Yahuda wa ka nji wa ri tre nji Yahuda iri wa ran ka wan ya imba ri wa ronron mba wa kuu ran ri bubu ga kpi ko ki bla vi. 2Imba wandu Izhi wuru don hari mba waka yo nji wa hu Jii wawu, wari tre ri,<<Ai a ran bi riwa kita wa hu Izhi ki ka bla tre Izhi chuwo riwa ki ran gben ritu kpanchi ri ri 3Miri vayi, chu nji tamgban rimi mbi wawa wa towa wa sho ri Yuu Tsitsri nga wiwɨri ki ka ndu nyi sa wa riwo 4nga ki ri yo sron mbu ri bre ri tsro tre.<<
5Tre nyi ka ro ri gbu nji. Waka chu Istifanu nji riwa a sho ri yo sron nga Yuu Tsitsri, Filibu, ri Burokoras, ri Nikanari, ri Timan, ri Baminas, ri Nikolas nji riwa a zhu ri Antakiya riwa ri sen a gra ri nji Yahuda. 6Waka kanji wanyi no wandu Jii waka bre Izhi wari sa wa wo ritu mba.
7Imba tre Jii ka shan Urushelima wa ka ran kigbu gbagbla, nga wa hu Izhi kigbu waka wo tre-a wari yo sron.
Wa Rinkon nji Yahuda wa vu Istifanus
8Imba istifanus nji riwa Izhi a ti dindi ti ri wu mba gbengbren wan, a ti kyawa wa wulu siron nga kyawa wa de sisri rimi nji. 9Idan nyu ka gra ri wawa wa he wa tra bre wa wayou ri itra bre ri liba rtiyawa wa kuraniyawa ri Alekzandiriya yowa, nga wari wa meme kilikiya nga Asiya riwa wa ran janyu ri Istifanus 10Ama wa ran to kiri ri wu ri janyu ri tu riwa a tireri wiwɨri, Iyu a ran chu kpa.
11Imba wa ka gyuru nji wari ri yayibi nowa tireri,<< Kiwo tre ri kpande time ritu Musa mba Jii.<<
12Ngmba nye wa no sron nji waka tɨme nga wa rinkon, ri wa tsro tre doka Musa, wawa nga waka vuu wari ngɨzhi-u ye kusi wa bla tre. 13Waka ngɨzhi wa ti che, nowa la ri nji nyi ran ka kpan nga tre doka musa chuwo ran. 14Ritu kiwo-u ari tre ri rinyi he Yeso nji ri Nazareari dzi bubu nyi, ran sran kyawa riwa Musa a ka don rita.<<
15Wawa wa bla tre waka sro si Istifanu, wa ri ti sisri wan a zhu si miri ndu Izhi.
လက္ရွိေရြးခ်ယ္ထားမွု
ACT - BUU 6: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria