ACT - BUU 5
5
Anania mba Safaratu
1Imba wa ran yo nji rɨ ri Hanania nga wa wan safaratu, riwa wa reri kpimba, 2Imba nyɨme wawan waka ka ngbron kubu kari wari ngji ngbron wan ye sro ri ndoza wa tindu Jii.
3Imba Bitrus ka tre ri, <<Anania, ingye ti ko wu no meme nji no gra wu isron riwa wu ti che ri wu tsitsri riwa wu ka ngbɨron kubu ki ri ngawen ri mi kubu riwa wu kpa ri rɨma riwa wu reri wu? 4Aran he wa me ko wu kareran? Nga kugon ri wa wu kare, kubu-a a ran he wame ran? Ŋgyi ti ko wuti bibi ti nyi? Wuran ti che ri nji ran ama wuti ri Jii.<<
5Riwa Anania a wo nganyi, ka kujoku ran kuu, sisiri ka vu nji riwa wa wo kya riwa a ti iwawu branbran. 6Imba imiri nze waka ye kusi wari nye kpawan ri tsro, wari ban wu zhu ra wari no yibi.
7Riwa a ti awa tra iwa wan ka gra ye, kana to kya riwa a ti ran. 8Bitrus ka miye,<<La wen, rinyi nye he rerɨwan riwa bi reriwu?<<
<<Ka kpa nyɨme ri,<<Een<< <<A he rewan.<<
9Bitrus ka tre riwu,<<wuti se ko wu nyɨme wu ri tsra Tsitsri Yuu Bachi? Tombai! Izanji riwa wano ronwen yibi wa ri nkon tra, wa ban wu zhu ri ra ngawen.<<
10Imba meron ka joku ri za wan ran kuu. Imba imirinze waka gra ye wari, fe ka a kuu, waka ban wu zhu ri ra wari no yibi kusan bubu gru ronwan. 11Sisiri ka vu nji wa hu Jii wa wa wa wo tre-a wawu bran.
Wa ti Ndu Izhi wa den Kpan nji Chuwo
12Wa tindu Jii wa ti kyawa wa mamaki nga kyawa wa de sisiri rimi kpanji nga wawa wa kpa tre Jii wasi kabru ri trankon riwa wawu solomu 13Ama rimi gbron nji njo a ran vu sron riwa ari gra ri wa ran, ri nga mba nji wana to mkpen mba. 14Wawa wa kpa tre Jii imba ri roran wa ka ran kigbu ran sro ngan. 15Ritu ka nyi nji wa vun wa lilo ran ye ri wɨri wari ran sro wa ritu iblakru nga ntanbri ritu no wu Bitrus no ku wa inde a kari hi. 16Ikpa nji wa ka kabru ngawen ri wa gbu Jerusalem, wari ngɨzhi wa lilo nga wawa meme bɨzhi ri yowa ya, imba wawu mba waka fe si.
Wati Wandu Izhi ya
17Imba nji rinkon ndu Jii nga kpandu wan, wawa wa henji wawa wa iwa Sadu kiyawa washo ri ngu. 18Wa vuu wandu Jii wari sro wa ri tra trenji ri mpwan. 19Ama riwa ichu a ti wandu Izhi waka ye wari bu wankon tra tren-a wari zhu riwa 20<<Hi, bi ri ki ri tra Jii<< A tre,<<Bi ri lanji tireri sisa riwa a ye.<<
21Riwa imibrea kpan wa ka gra ri tra Jii, bibi riwa wana la wa, wari gra tsro nji.
Riwa nji rinkon ri tra Jii nga wa zon-u ndu wa ye, wa ka yo wa rinkon kabru ri wa rinkon kabɨrutu wa israila, wari tindu hi ri tra trenji ri nowa ngɨzhi wa ye. 22Ama riwa wandu ri tra wa hi, wa ka ran fe wa ri tra tre nji ran, wa ya wa ri ye lawa ri, 23<<Ki ka to tra tren-a wa tren-u gbengben, wa gben wa ki ri nkon tra, ama riwa ki bu wa ki ran to njo ri mwan ran.<< 24Riwa wa rinkon wa ndu Jii wa wo nganyi, waka ran to bibi riwa ikya a ri he ran.
25Imba nji ri ka ye ran tre,<<Tomba! nji riwa bi yowa ri tra tre waki ri tra Jii wari ri tsro nji.<< 26Imba wa rinkon wandu ri tra Jii ri gbron wandu waka hi wari ka ngɨzhi wandu Jii ye, ama a ran he ri gbengbren ran ritu riwa wa ti sisiri gbron ji riwa wa ka ta wa ri tita.
27Riwa wa ngɨzhi wa ndu Jii ye kusi warinkon imba rinkon nji ri ka miye wa ri, ki gbi yi mvumvu ton no yi ran bru tsro rimi nde nyi 28<< Ki fen yi ton ri ran tsro ri nde nyi ran,<<Ka tre, bi tsro wa nji Urushelima ri tsro mbi,bi ri ri wa bi ri ka alaki yi nji nyi chan ta.<<
29Ama Bitrus nga mgbɨon mba waka ta ri,<<kita ki hu tre Jii han tre nji! 30Iji riwa wati mbu a ta Yeso shɨme rimi kuu riwa bi kpan-u wuu rikpa konkron. 31Wawu nye iji no kuwo riwan, rinkon nga Nji ri kpanji chuwo ritu riwa a bu nkon ri israila wa ka meme timba chuwo wa ka ka meme timba rega riwa. 32Kita ki he wa shada kyawa wanyi, nga Tsitsri Yuu ngawen riwa Izhi no wa wa wa wo tre wan.<<
33Riwa ndu Izhi wa wo nganyi waka ti fu wari wa riwa wa wuu wa. 34Ama nji Farisa ri riwa wa yo ri Gamaliya, nji ri tsro riwa nji wawu wa nyɨme wu, a wulunde krinde ran tre kusi wa rinkon ri nowa no wandu Izhi wanyi zhu ri ra tsa wen ri. 35Imba ka tre riwa ri:<<Biyi wanji israila, kɨma ya bi ri to kya riwa bi hi ran ti ri nji wa nyi. 36Ivi vu yiwa wari tudas a ye, ran tre ri wawu he kyari nga nji gbigba nza waka ka ngamba nga riwu. Waka wuu, wawa wa huu-a waka shan, nga tre-a wawu ka he kukulu. 37kugon wan Yahuda nji Galili ka ye rivi riwa wa ran bla nji ran gyuru nji wari waka gbundo hu, wawu ngawen ka ku wawa wa hu wawu waka vɨra wa 38Imba rimi tre ri zizan me ŋɨron-u kanji wanyi chuwo! nowa hi! inde wa ti kya rimi kpa ari joku 39Ama inde a he riwa Jii bi ran to zu wa ran; bi to ka bi wanyu ri Izhi.<< 40Tre wan a si wa sron wa yo gra wari tsi wa wari rimi nde Yeso ran, wari chu wa wo nowa hi nga mba. 41Wandu Jii wa ka ka wurunde Jii waka ka wurunde kusi wa bla tre ri kunkɨlan sɨla wa sron rimi soya ritu nde wan. 42Bla vi, ko rimi tra Izhi ko rimi koo wana ka tre tre Izhi nga wana ka tsro trewan chuwo zari ran, wana tre ri Yeso nye he Bachi.
လက္ရွိေရြးခ်ယ္ထားမွု
ACT - BUU 5: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria