ACT - BUU 12
12
Wa Wuu Yakubu Wari Tren Bitrus
1A he rivi nyin nye ichu Hiridus a vu wa wa wa he wau Izhi ri tasku. 2Waka tsen Yakubu vayi Yohana ri nji mgban. 3Riwa a to ikya riwa a si nji nji Yahuda sron, imba ran vu Bitrus ngawen. A he ri vi ri ro ri ri bi ri riwa wana ri sro mumu ri kpa kpi fu ran. 4Riwa a vuu, a kau yo ri tra trenji, ran kau kabɨu iwa wa lokpa zinza son za nowa ran gben, ri rimɨren riwa wa ngɨzhi-u ye kusi wanji kugon riwa wa kɨrero. 5Waka tre Bitrus ri tra trenji, wa tra Izhi waka gra bre Izhi ritu wan.
Wa Kpa Bitrus Chuwo Ri Tɨra Tɨrenji.
6Ri chu riwa nde mibrekpan Hiridu ri zhu ri Bitrus nowa wuu, Bitrus ka ran kruna ri tsutsu wa lokpa hari, wa lou ri che hari, wa gben wa he rinko ran gben tra trenji. 7Imba tse ga nji ri ndu Izhi a kɨri kusan wan, ikpan ri ka kɨbuu ri san, ran shɨme-u, ran tre, <<Wurunde, gbagbla.<< Imba iche ka su rega riwo wan. 8Inji rindu Izhi ka tre riwu ri, <<Su kpi wen, wuri son tan za wen.<<Ka ti ka tre riwu, <<Ka tsro ri kakpa wen wuri hu wen.<< 9Imba ka zhu hu, a ran to ri kya riwa nji rindu Izhi ti nyi a he jaji wan ran, a yonga wawu ri ra nye. 10Riwa wa vu wa gben ri gbuchi nga ri han, waka zhu ri nkon ri krefi riwa wa zu gra ri gbu, nkon-a ka bu ri tuwan. Waka zhu Riwa wa zren ban kpata ri gbu ri, mba nji rindu Izhi ka kawu don. 11Riwa itu Bitrus a kɨma ye riwu, ka tre, <<Zizan nyen me to ri Bachi nyen tru vren ri nduwan ye, no ye kpawen chuwo riwo Hiridus, nga meme gbre nji Yahuda.<< 12Riwa a to kya riwa Izhi a ti ri wu ngamba, ran hi ko Maremu, iyi Yohana riwa wa yo ri Markusi, bubu riwa wa kabru bran, wari ran bre Izhi. 13Bitrus, riwa a wuru nkon trankon, nga gran ri riwa wana yo ri roda kaye riwa ari wo ko a he ngan nyen. 14Riwa a wo a he Bitrus nye a ran bu nkon ran ritu a ran ti kinklan sron, ran wurutsu bru hi mi ran tre riwa ri Bitrus nye he ri nkon trankon. 15Tse waka tre riwu ri, <<Itu wen ran he bubu riri ran.<< Wawu ka kawan ran lawa iri a he Bitrus wa ka tre, <<Ko, a he bɨzhi wan kya!<< 16Bitrus ka kawan ran ran wurunkon, riwa wa bu nkon waka to, wari sondu ran takpe. 17Riwa a to ngamba ran nzu wo riwa ri nowa son ngbangbi, ran lawa bibi riwa Bachi zhu riwu ri tra trenji. nga ran tre, <<La wa Yakubu ri wa mirivayi kyawa wanyi.<< Riwa a lawa ngamba ran wulunde hi ri bubu ri. 18Riwa mibrea kpan, a ran he fifi kyari nyen a wulunde ri tsutsu wa lokpa a ran, ritu tre Bitrus. 19Riwa Hiridus a wa Bitrus he gyen, ran sondu ngan wa gben. ran de tre ri nowa wa wu ran wuu. A tre ngamba ran wulunde ri meme Yahudiya ran hi ri kasiriya, ran ti vi wari ri muu.
Ikuu Hiridusi
20To, Hiridus a tifu ri nji wa Taya bran ri Sidon. Waka ye riwu ri rimɨren riri kugon riwa wa gyuru Blastus, rinkon ri ko chu, ri nyin nyen wa yo sron ritu ri mba. 21Wa ri vi ri riwa wa zon tu, Hiridus a su kpi wan riwa chu, ran kuson ritu kpanchi wan riwa chu, ran tre tre ri wa. 22Nji waka kpagɨro, wari ran tre<<Rinyi he ran Izhi, a ran he ran nji ran. 23Imba nji rindu Izhi ka wuruu ritu riwa a ran zon Izhi nde ran, imba intsu waka riu harɨ ka kuu. 24Tre Izhi ka sondu ran sro nga ran shan gra gbu. 25Riwa wa Banaba mba shawulu wa kɨrendu mba riwa wa nowa kugon riwa wa zhu ri Urushelima ye, waka ngɨzhi Yohana riwa wa yo ri Markusi.
လက္ရွိေရြးခ်ယ္ထားမွု
ACT - BUU 12: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria