ACT - BUU 11
11
Bitrus a la tre riwa hu Izhi ri Urushelima
1Rima wandu Izhi ri miri vayi wawa wa he ri meme Yahudiya wawo ri wawa wana to Izhi ran wa kpa tre Izhi. 2Riwa Bitrus a ye Urushelima, wawa wa fon wanju waka wan nyu. 3Waka ka tre <<ngyen ngan wu gra ri wawa wa ran fon nju ran uba, hari wuri ri bibi iwawa.<<
4Imba Bitrus ka gbuchi, ran mɨlan ran lawa tre ran hu ritu tre ri: 5<<Ame me he rigbu Yafa ri bre, tse ira ye rimo. Me to kya gɨzhi ri ye rimo ka ncho tsro ri ka kpa, wa tru zhu ri shu zu nju wan nza, ran ka ye rɨme. 6Riwa me sro si riwu, me ya meri to wa nɨma wa ko, ri nɨma wa ji, riwa wa gban ri meme nga wa chenchen rimi mba. 7nga me wo raan ri tre rimo,<<Bitrus, Wurunde, han, wuri tan.>
8Ama me tre wu, Bachi, me ran tan ran, ritu kya riwa wana tsiri-u nga riwa wa shɨma-u ran gra nyu won zari ran.>
9Imba iran ka zhu rishu tre mo ri hari, <Ikya riwa Izhi tsiri-u, ran tre ri wa hon tsiri-u ran.> 10Wati nganyi mkpa tra, gbi wu,hishu.
11Ba yo sron tse ga nji tra wa kɨri kusi ko riwa ki he. Wa tiwandu zhu ri kasai riya ye ri me. 12Tse Yuu ka tre rimo ri nowen me hi iwawa, me ran hon yo sron ran. <<Imiri vayi won tanren waka kawen gon hi, hari ki ka gra rimi ko nji-a. 13Imba Bitrus ka lata bibi riwa a to nji rindu Izhi a kɨri ri kowan, ran ran tre ri, <Ti wandu hi Yafa nowa yo Sima riwa wayo ri Bitrus. 14Wawu ri la wa tre riwa wuti wuri fe kpa chuwo ritu wan.>
15Riwa me gbuchi ri tre, Iyu ri Tsitsri ka gɨzhi riwa, bibi riwa a gɨzhi ritagbuci. 16Imba me tika,< Yohana, rima nyen a son nji rimi wan, ama biyi ri Yuu ri Tsitsri nyen bi ti riwa.<< 17Tu nde Izhi nowa de bibi riwa a nota, riwa ki kpa yɨme ri tre <<Yeso Alimasiu, ame ngan riwa me kawon ri tre Izhi?<< 18Riwa wawo Bitrus a tre nganyi waka ka janyu chuwo wari gra gbre Izhi wari tre,<<Izhi kpa nyime no wawa wana kpa Izhi ran chuwo kɨma ye riwu, nga ran kpawa chuwo.<<
Wa hu Izhi ri Antakiya
19To, wawa wa shan ritu yaa riwa a wurunde ritu Istifanus, wa zɨrehari ri meme Finikiya, nga kubrus ri gbu Antakiya, wana ran tre tre ji ri konjo ran ara wa Yaudawa nkankshe. 20Ama nji kubrus wari wa ri wa kurane rimi wawa ri ye mba ri Antakiya waka tre ri wawa wana kpa ji ran, wa ran tre tre Yeso Bachi riwa. 21Mgbembren Bachi a he ri wa, hari nji kigbu riwa wa de sron mba wari kpa tre tre Bachi wari kɨma ye ri Bachi. 22Imba itre-a ka gra riton wa tra Izhi wawa wa ri Urushelima, wa hu Izhi waka ti Banaba ndu hi ri Antakiya. 23Riwa waka zhu ran to dindi ti riwa Izhi a ti riwa ti kikɨlan sron ran lawa ri nowa kuki ri nkakshi wan ri sron mba wawu 24Ritu a he nji dindi riwa a sho ri Yuu ri Tsitsri ri yo sron. Tse nji kigbu waka ye kusi Izhi.
25Imba Banaba ka tarsus bubu wa shawulu. 26Kugon riwa a tou, ran ngɨzhi-u hi ri Antakiya Ise ri chi wa kana kabiru ri tira Izhi, wari ran tsro nji wa kɨgbumgbajiuu ran. Ri Antakiya nyen wa gbuchi yo wa hu Izhi ri krista.
27Ri vi mba nyen wa la tre Izhi wari waka zhu Urushelima ye ri Antakiya. 28Tse iri rimi mba wana yo ri Agabas, a wurunde ran tre ri gbengbren wu ri, nchon yo ri ri gra, ri mgbumgbɨru menyi wawa, watiu ri vi riwa Kaludiyas a he chu. 29Imba wa hu Izhi waka yo sron riwa wa tru zon hiri miri vayi ri bibi senkpa riwa wa riwu ri meme Yahudiya. 30Ngamba nyen waka tiru wari ri sako mba hi zu riwo wa Banaba mba Shawulu hi wa rinkon tra Izhi.
လက္ရွိေရြးခ်ယ္ထားမွု
ACT - BUU 11: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria