Mui Psalm 65
65
1Tolahai palahenga iemi ko maohio God, i Sion: na huni haaoaie haiholotaine ioe.
2Oke hahurongo hunie arelamu: ahutana hasio ke mango mai takoio.
3Wala ni orahaa ko aailaa honosieu: Oke usuri asie mui tataalanga mwaani emi.
4Mwane ie mwane ana haadianaanga o lio hunie, o opa hunie ke karainio mai hunie ke onihu laona lolata ioe: hunie emi ke ngau ni pote ana Moola diana ana leu maai ana nume maai ioe.
5Oke alami emi mei ana Moola e odotai na e ngaingedi God a haaurilamami: lai huleana ngengedena walumalau emi meni norutoo amu, na muini lou asi e liu honosire.
6Na tae mwaemwaenga Ioe ke rodi meutaa ana mu toloi henue: na nanamanga ke dau keli ani.
7Na haadianaanga ioe, e rau hahie asi na ahe: e si lai aqaqana, na esi lai sulu ilohona muini hunge.
8Na muini hunge e io hailiu i laona asi kire si meu i nunuhaana mui tolima ioe: o qaoi wai qaalana sato na lou i sulana sato nge kire si lai ileilenimwae.
9Ana o matolie walumalau, ani lotohilana; ana nanamanga ioe e liuta: na wai ni meurihe e ure ana ngidumu God; oke niie mai hunie mui Corn ana o dau akau ana anohu.
10Oko loto manirei ana taenanga ola ana; oko haamwaeroa mui toloi henue ana ara ni meurihe ioe: oko toliase mai nemo iriiri huni haamalumue anohu oko haadianaa moola ko qito tauta.
11Na okei tooni hahie hahalisi ana saediananga ioe: nge kesi tangalu hunire suli helisi.
12E siho ana leu ni hahalisi ana hanue sala na e tooni hahire mui toloi henue nge kire si ileilenimwae.
13Na mu hakaani Sheep kire piru keli ana hahalisi: na mui kaokaonaa lolohono ani Corn; na kire kosi mawa ani saediananga ani sulu kananga.
လက္ရွိေရြးခ်ယ္ထားမွု
Mui Psalm 65: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.