Mui Psalm 66
66
1Ahutana walumalau: omu ke mawa pei rike hunia God.
2Ani tarohainie rarangana na satana ani kananga: ani soihaamanikulua ani palahelana.
3Omu ke unue hunia God uri, aia, meola ani palonga kire lai epuepungaa liuta: tae mui maeloonga ioe ko luluisulie hahaiteli ana ioe o ramo susu.
4Ahutana walumalau ke haamau emu: kire ke sulu kana hunio; ani sulu kana ana satamu.
5Omu ke tohungei lae mai, Omu ke lio namiu ana palonga hunia God: ani palonga peie kira kale ni haahilihilingaa.
6Nge esi ere ana asi esi huitei e aate mala anohu kire lai haamedoa aeda ani wei meuri: na kire si lae otoi saediana hahie ileune.
7Ingeie e alaha hahie nanamanga oto hu: na maana hahie taenanga komu; na kira orahaa na kira haatohainire suuri.
8Alei inoni taenanga komu, ke saidiana ana God ikie: nge kei rongo hunie palahenga ikire.
9Ingeie ko kinetainikie nge kie ko meuri: e saa toliase aaeka uri ke takele.
10Ana ioe, God, oko deu adonga amami: mala nga ini ko deu adonga ana silver.
11Oko loko emi ilaona huo: na o neie hou ludaa e hie i roromai sae mami.
12O toliase hunie mui inoni ke oho honose qau memi: nge emi kesi lae tahaunudara ana wai na dunge; nge okesi tola hadai amami laona mei mwakano ani potenga.
13Nekei lae mumuni peie palonga ineu: tai nume ioe ani hei holotainge ineu hunio.
14Ana ngiduku e unu tahangainie kau: na walaku e unue oto, ana nou io haa amasieu.
15Nekei niie mui ununge su hunio, ni ununge e lai wesu mangoni ani Sheep maomaopue: nekei nei tararuru ana nga kau mwane peie mui goat.
16Omu ke mani mango mai, na omu ke hahurei elinge, muini omu ko haamau ana God: na nekesi houleinie nga meita e da hunie maurihaaku.
17Nge noko soisoi ilengi ana walaku: na mei wala ni palahenga liuta ana ngiduku.
18Uri nou lio mwamwanoto ana tataala nga isaeku: nge a Lord e ala aku.
19A God e hahuei rongo oto: na e alamie arengainge ineu.
20Palahea God: ana e kaa sereinie arengainge ineu na amasinge ingeie hunieu.
လက္ရွိေရြးခ်ယ္ထားမွု
Mui Psalm 66: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.