Mui Psalm 25
25
1Lord, noko suluie mauriheku hunio; God ineu, nou norutoo amu: mwane o toitoliasieu hunie neke masa; mwane o toitoliasie mu maeloonga hunie kire ke aailaa liutaaku.
2Toohu, taena ngaini ko norutoo amu saa masa oto: tae nga muini ko talei qelo ola mola nge ikire ngeena kire kei masa.
3Lord, oke haaliosaieu ana talo ioe oke haausulieu ana mui talo ioe.
4Oke naoku isulie walaimolinge ioe, na oke haausulieu: ana ioe God a haaurileku; ineu ana maohilemu suli heidinge
5Lord, oke amasitoo ana saediananga ioe na amasinge ioe: ana manatamu e diana oto ure mai inao.
6Mwane o amamasitoo ana muola nou deu walaku eni na nou kaa rato ue, na ana mu tateinge ineu; Lord, oke amasitoo ni amasileku ana o diana.
7A Lord e diana, na e odotai: isulie e urine nge ko haausulira orahaa ana tala ingeie.
8Ko naoda teoada hunie kire ke lei toohu; ko haausulira teoada ana tala ingeie.
9Ahutana mu tala a Lord amasinge na walaimolinge: hunire muini ko kinetainie haalunge ingeie na mui haatolanga ingeie.
10Toohu, Lord, isulie satamu: oke saeasie orahaa ineu, ana e paine.
11Ngaini ko haamau ana Lord: nge kei haausulie ana tala ingeie e lio hunie.
12Saena kei lai mango: nge komu ingeie kei io hu ana hanue.
13Kira haamau ana Lord kire hai malahune peie: nge ke haalio saire ana haalunge ingeie.
14Noko toomaia Lord ana maaku: ana kei sike hune mwaanie aeku.
15Oke aliu hahieu, oke amasieu: ana nou io ni leuqala maraaku, na noko siohaa.
16Saeku ko hu oto liutaa: oke haaisitaangainieu mwaanie siohaanga ineu.
17Oke leesie mai siohaanga ineu, na sapesalunge ineu: oke taasie taena nga orahaanga ineu,
18Oke leesie mu maeloonga ineu, ana kire la otoi hunge: na kire ko la otoi ngingiduupu hunieu.
19Oke kinetainie maurihaaku, oke haaisitaangainieu: mwane o toitoliasieu hunie neke masa, ana nou norutoo amu.
20Ionga diana na ionga odotai, ke haaurieu: ana noko mamaohio.
21God, oke hanuia Israel: mwaanie ahutana siohaanga ingeie.
လက္ရွိေရြးခ်ယ္ထားမွု
Mui Psalm 25: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.