Mui Psalm 26
26
1Lord, oke leie walaku, ana nou io manirei: nou hiwalaimoli ana Lord, nou saa uri rerede.
2Lord, oke malahongaaku, oke ohongieu: oke malahongana saeku na oqaku.
3Ana saediananga Ioe e io i naoku: na nou sulu isulie walaimolinge Ioe.
4Nou kaa io peira eroero: na peira raraomae.
5Nou ngidu upu hunire mu inoni ni orahaa: nou kaa hataanira hele ola tataala.
6Neke hoda rerea ana nimeku mwaanie orahaanga: nesi ure suuie ora ni unuunu Ioe, Lord.
7Huni neke da kire ke rongoa tolaha ni palahenga: neke laladoa mu anoa o daui.
8Lord, saeku e tooana nume ioe: leu rarangamu e io ana.
9Mwane o tatararurue mauriheku peira orahaala: na mauriheku peira talei horo.
10Nimada ko hele ola tataala: na nime i qaloqaloda e honu eni tooha ni siwe.
11Tae ineu, nekei lae manirei: oke haaurieu, oke amasieu.
12Aeku e urana leu e sada: nekei paalahea Lord laona Soihaadainge ingeie.
လက္ရွိေရြးခ်ယ္ထားမွု
Mui Psalm 26: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.