Mui Psalm 24
24
1A nohu a Lord, na waluola ana: walumalau na mwala e ado ani.
2Ana e neie ilengine asi: o roroie ilengi wei aheahe.
3Atei kei tahelai ilengine toloi henue Lord: atei ke uraana leu maai Ingeie?
4Nga ini nimana ko rerea na saena ko manola: e kaa neinei sae ana nga meola ni raomaenga, na e kaa qongi eroero.
5Nge ke helesie haadiananga ana Lord: na odotainge ana God a haaurilana.
6Ingeii ni ie qaunge nga muini ko heitalea: ko heitalea maamu, God Jacob.
7Mu maai para, omu sulie qaumiu, mu maa hu omu suu tai lengi: na Alaha liutaa: kei hane wau.
8Atei nie Alaha liutaa: a Lord e aailaa na e ramo, a Lord e ramo ani ohotaa.
9Mu maai para, omu suluie qaumiu; mu maa hu omu suu tai lengi: na Alaha liutaa kei hane wau.
10Atei nie Alaha liutaa: A Lord Sabaoth, Ingeie e Alaha liutaa.
လက္ရွိေရြးခ်ယ္ထားမွု
Mui Psalm 24: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.