Mui Psalm 21
21
1King ke ileilenimwae ana ramolamu, Lord: ilenimwaenga ingeie ke paine uritaa itehulaana haauringe ioe!
2O maaie oto hunie nga moola saena e harihunie: na o kaa saenie ike nga moola ngidune e sukei keu eni.
3Ana o rorahie hunie dianahaana nga moola: na o hoo hahie darana ani gold manola.
4E haatohue maurihe amu, nge osi da wau hunie; uri qongine ke tewa taraasi weu oto di oto di.
5Manikuluanga ingeie e paine itehulaana haauringe ioe: alahanga na raaraa o korue ilengine.
6Ana o haauresie huni ke nei ola ni haadiananga hu: o qaoa huni ke ilenimwae ani sae diananga horana maamu.
7Aena ana King ko noorutoo ana Lord: i nunuhaana sae ni amasinga Ini e Liutaa ngeii saa asuoloolo ike.
8Nimemu ke hele oioie ahutana mui maeloonga hunio: nime i qaloqalomu ke hele odoie muini ko la otoi ngingidu upu hunio.
9Oke qaora kire ke urihana esolana dunge ani dinge ni saewasulemu: a Lord ke onomire hao ani saewasulana, na dunge kei neu asire oto.
10Oke sau asie huehuei ola ikire mwaanie walumalau: na mu litei ola ikire mwaanie i matolana mu inoni.
11Ana kire lapasie tataalahaana moola hunio: kire loonainie eronga, tae e kaa mwadausire ike.
12Ana oke qaora kire ke tolipuri oto: ana pulo ni pesi ioe o kei kelue i maada.
13Oke manikulue, Lord, ani ramolamu: emi kesi sulu kana urine ani paalahelana sakahaamu.
လက္ရွိေရြးခ်ယ္ထားမွု
Mui Psalm 21: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.