Mui Psalm 22
22
1God ineu, God ineu, o ue oto o tahi mwaanieu: o haataulieu, o kaa peieu; o kaa rongoa oto noko laalapa?
2God ineu, noko soisoi susue atowa, na a kaa ala: lou i rodo wawaku kaa amumu.
3Tae ioe o maai: ini ni lahea nana mu Israel.
4Mui weuwamami e norutooamu: kire norutoo, oto o haaisitaangainire.
5Kire totolongainio oto isitaa: kire norutooamu, na kire kaa masa hahie.
6Tae ineu, nga mwadule nou kaa inoni ike: taena nga inoni ko ereere tataalasieu, pulita ko mwamwakaterehainieu.
7Kire ko leesieu pei haamasinge aku: kire ko haatengotengoa qeruqerude, pei alaqaunge,
8Uri, Oke norutoo ana Lord: Hoe! ke taasie, ke oke hadaiana, ana e saetooana.
9Ana ioe o haasitaangainieu mei mwaanie iana nikeku: o da neke norutooamu na noko sususu ue.
10Ure mai mwaanie dinge nou hute oto nou talaai norutoo amu: mai mwaanie iana nikeku Ioe God ineu.
11Mwane o ahaahoa aku, ana moola huihui ko rarangieu oto: ana e kaa ini ni leuhahieu.
12Mui keu mwane e ure kalieu: mui keu mwane paine ni Basan kire ko tekuruhieu.
13Kire awangana mala mui lion; kire ko kerukeru, pei ngunguruhie luada.
14Noko talei mwaa oto mala wai; walu ladoha i sapeku ko ediu oto: saeku ko tararuru oto peie oqaku.
15Hasioku ko rararasi mala kaokao; meaku e rarao oto peie haleku: o haaenohieu ilaona kalinge ni maenga.
16Ana mui usu e piru keli eku: kira orahaa ko tolahuoau.
17Kire ko repu tahaunudara ana nimeku na aeku: noko idu werihana oto suisuiliku; kire ko toomaieu ani lioisulileku.
18Kire ko ado ana mui tooni ineu: kire ko hehutoo ani uri atei kei tooana tooni diana ineu.
19Na tae ioe, Lord, mwane o ahaahoa aku: ioe mone ini ni haasusueu, lauae mai oke peieu.
20Oke waitaa saeku mwaanie naihi: ini maai ineu mwaanie nimei usu.
21Oke haaurieu mwaanie wawai lion: o rongoisulieu dolali rangorangoi keu.
22Nekei haarongoa mui esiku ana satamu: i matolai herahonu nekei saidiana amu.
23Kira haamau ana Lord, omu ke saidiana ana: komu a Jacob, omu ke soi haamanikulue, komu a Israel, omu ke haamau ana.
24Ana e kaa mwamwakaterehainie nga ini, na e saa maasie nga ini ko teona ko haamasie: e saa lio aopa mwaanie; e rongo hunie aitanainge ingeie.
25Oke da neke paalaheo i matolai pulita paine: nekei haaoaie qongi ineu i naona kira haamau ana.
26Kira teoada kei ngeu ni pote: kira haitalea Lord kei sai diana ana; saemiu ke mauri hu.
27Mui ngongoana walumalau kei amasitoo, kei eliu takoia Lord: mu komu ni inoni ana taena nga hanue kei pouruuru hahio.
28Ana a Lord e tooana nga alahanga: Ingeii naohana taena nga komu ni inoni.
29Mwala e mwai mei ana walumalau ko ngeungeu, kire ko pouruuru: muini ko sihotoli hao i laona mwakana ko pouruuru hahie, na e saa inoni lou ni haurie alihoi.
30Nga pooni komu kei esuesu hunie: kire kei laladoa hunie mui qeunge ana a Lord.
31Kire kei lae mai, kei houleinie odoodonga ingeie: hunire muini kei hute mai ana nga dinge, uri ingeie ni e qaoa.
လက္ရွိေရြးခ်ယ္ထားမွု
Mui Psalm 22: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.