Mui Psalm 17
17
1Lord, Oke rongo hunie odotainge, Oke rongoa noko soisoi: Oke hahurei elinge mai ana aitanainge ineu; ko teuta mwaanie ngidune ini kaa ero.
2Wala ni leinge ineu ke tauta oto ure i naomu: maamu ke toomaie moola e ado.
3O ohoohonge manataku, O matolieu i rodo; O malaahongaku, O saa lio tooana nga meola: nou neisae moutei uri wawaku e saa haataroreau ike.
4Ana palonga ikire mui inoni, ana mu wala e ure ana ngidumu: nou kinetainieu mwaanie tala ikire e mariritaa.
5Nou kama ngaingedi isulie mu tala ioe: aeku e kaa dile.
6Nou soisoi taau takoio, ana okei alamieu God: Oke huise alingemu takoieu, Oke rongo hunie walaku.
7Oke unu tahangainie mai mei sae ni manatanga Ioe e liuta Ioe ena O haaukire mwala e norutoo ana qaloqalomu mwaanie mwala e ure honosire.
8Oke kinetainieu mala mwela ngara i maaka: Oke mumunieu i hahana nimemu.
9Mwaanie kira orahaa ko nguruhieu: ikire mu maeloonga kira talei horo ena kire hoo honosieu.
10Roromaisaeda e poe ana momonahaada kire ere alera ana wawada.
11Kire tari honosiemi ana laelamami: kire lio hahuroto huni asilamami hai ano.
12Mala oto Lion saena ke kusi morumoru: na oto kalei Lion e mumuni ana aliupue.
13Oke taelai, Lord, oke pola hahe, Oke papatainie hao: Oke haaurie maurihaaku mwaanie kira orahaa peie naihi ni ohota ioe.
14Mwaanie mui inoni nimemu oto ena, Lord mwaanie mui inoni ana Walumalau; Popoteda ana Maurihe ienini: Tae okei haapotera ana dianahaana moola ioe na maeni kaleda lou mala e adoda lou, na kire tolipuri ana; toolada e io ue hunie mui kaleda.
15Nge uri ineu, nekei toomaie maamu ani odotainge: nekei lio neke tae isulie manatamu saeku kesi tahanio.
လက္ရွိေရြးခ်ယ္ထားမွု
Mui Psalm 17: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.