1. Mojsije 25
25
E aver Avraamešće potomkurja
1O Avraam lijas pešće još jek romnja savi akhardolas Ketura.
2Voj bijandas lešće e Zimrane, e Jokšane, e Medene, e Midjane, e Jišbake thaj e Šuahe.
3E Jokšanešće bijandile o Ševa thaj o Dedan.
E Dedanošće potomkurja si e Ašurcurja, Letušincurja thaj e Leumcurja.
4E Midjanošće čhave sas o Efa, o Efer, o Enoh, o Avida thaj o Eldaa. Sa akala sas e Keturaće potomkurja.
5Sa so sas les, o Avraam mukla e Isaakošće, 6a e čhavenđe save sas les lešće romnjenca e ropkinjenca dok sas još džudo dijas darurja thaj bičhalda len ande phuv po istok – dur katar lesko čhavo o Isaak.
E Avraamesko meripe
7O Avraam trajisarda šel thaj eftavardeš thaj pandž brš. 8Mulo ando baro phuripe, pošto trajisarda but brš thaj sas prahome. 9Lešće čhave o Isaak thaj o Jišmael prahosardine les ande pećina Mahpela paše ke Mamre, pe njiva e Efronešći, savo sas čhavo katar o Hetito Cohar, 10pe njiva savi o Avraam ćindas katar e Hetiturja. Okote o Avraam si prahome paše piri romnji Sara.
11Posle Avraamesko smrto, o Del blagoslovisarda lešće čhaves e Isaako, savo askal trajilas ke Beer-Lahaj-Roija.
E Jišmaelošće potomkurja
12Akava si ramome palo poreklo e Avramešće čhavesko e Jišmaelosko, saves bijandas lešće e Egipćanka e Agara, e Saraći sluškinja.
13Akava si e alava katar e Jišmaelošće čhave po redo gajda sar bijandile:
E Jišmaelosko prvo čhavo sas o Nevajot, askal o Kedar, o Adbeel, o Mivsam,
14o Mišma, o Duma, o Masa,
15o Hadad, o Tema, o Jetur, o Nafiš thaj o Kedma.
16Akala si e Jišmaelošće čhave, e dešuduj plemenske poglavarja, pe savenđe alava si akharde lenđe gava thaj lenđe taborja. 17O Jišmael trajisarda šel thaj trijanda thaj efta brš. Askal mukla pesko dži thaj mulo thaj sas pridružime pradadenđe. 18Lešće potomkurja avile te trajin ando than maškar e Havile thaj maškar o Šur, drom savo inđarel katar o Egipat prema e Asirija, a trajinas ando dušmanipe e aver Avraamešće potomkonenca.
E Isaavesko thaj e Jakovesko bijandipe
19Akava si ramome palo poreklo e Avraamešće čhavesko e Isakosko:
E Avraamešće bijandilo o Isaak. 20E Isaako sas štarvardeš brš kana lija romnjaće e Reveka, e čhora katar o Aramejco Betuel andar o Padan-Aram thaj e pheja katar o Aramejco Lavan.
21O Isaak molisajlo e GOSPODEŠĆE pale piri romnji, kaj našti bijanelas. O GOSPOD ašundas lešći molitva thaj lešći romnji e Reveka ačhili khamni.
22E čhavra ande lako đi ispidenas pe gajda kaj voj phendas: “Sostar si akava manca?”
Zato đeli te pale godava phučel e GOSPODE.
23A o GOSPOD phendas laće:
“Duj thema si ande ćiro đi;
duj thema podelina pe andar ćiro ođi.
Jek avela majzuralo katar aver
thaj o majpurano čhavo služila e majterne čhavešće.”
24Kana avili e vrjama te bijanel, ande lako đi sas duj blizancurja! 25O prvo savo inkljisto sas sa lolo thaj sa maljavo sago o ogrtači. Zato dine les alav Isav. 26A pale godova inkljisto lesko phral, gajda kaj e vastesa čvrsto inćarelas e Isave pale khuv. Zato dine les alav Jakov. E Isaako sas šovardeš brš, kana e Reveka bijanda.
O Isav bićinel piro pravo sago prvobijando
27Kana e čhavra barile, o Isav postanisarda vešto lovco savo volilas te trajil avri pe pustinjske thana. O Jakov sas mirno manuš savo volilas te ačhel ćhere ande šatorurja. 28O Isaak majbut volilas e Isave kaj volilas te hal mas katar e divljač, ali e Reveka majbut volilas e Jakove.
29Jekhar kana o Jakov ćiravelas habe, o Isav avilo andar e pustinja mulo bokhalo, 30thaj phendas e Jakovešće: “De man godova lolo habe! Merav e bokhatar!” Zbog godova akhardine les Edom.
31Ali o Jakov phendas lešće: “Majsigo bićin manđe ćiro pravo savo si tut sago prvobijando.”
32A o Isav phendas: “Ake, samo so či mulem, so trubul man pravo savo si man sago prvobijando?”
33O Jakov phendas: “Ha manđe majsigo solah.”
Thaj o Isav hala lešće solah thaj gajda bićinda lešće piro pravo savo sas les sago prvobijando.
34Askal o Jakov dija e Isave mangro thaj zumi katar e leća. Vo halas thaj pilas, askal uštilo thaj đelotar.
Gajda o Isav či marisarda pale piro pravo sago prvobijando.
လက္ရွိေရြးခ်ယ္ထားမွု
1. Mojsije 25: RČB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ