انجیلِ یوحنا 9
9
شفا کورِ مادرزاد
1عیسی دِ رَه کِه مِی‌رَت، کورِ مادرزادی نِه دی. 2شاگردیاش دِش پُرسیئِن: «استاد، نتیجَه گُنَه کیَه کِه ایی پیا، کور اُومایَه وِ دی؟ گُنَه خُوش اَ یا داآ وُ بُوَه‌ش؟» 3عیسی جُئُو دَه: «نَه دِ خُوش اَ، وَ نَه دِ داآ وَ بُوَه‌ش؛ بَلکم چِنی بی تا کاریا خدا دِ او دیار با. 4تا روز اَ بایِس کاریا وَه کِه مِه نِه کِل کِردَه وِ اَنجُوم بَرَسِنیم؛ شُو نِزیک موئَه، کِه دِ وَه کسی نَتُونَه کار بَکَه. 5تا زِمُونی کِه هام دِ دنیا، نیرِ دنیام.» 6یَه نِه گُت وَ تُفکَه وَن وِ ری زِمی، خَرَه دُرِس کِرد وَ وَه نِه سائَن وِ قِی چَش‌یا او پیا. 7وَ وِش گُت: «رُو وَ خُوتِه دِ حوضِ سیلوحا (هِه او حوضی کِه وِش مُوئَن کِل کِردَه ) بَشور.» پس او پیا رَت وِ اوچِه وَ چَشِشِه شُشت، دِ اوچِه بینا وِرگَشت.
8هُمسایا وَ کَسُونی کِه وِرَز یَه او نِه دِ حال گدایی دیئینی، پُرسیئِن: «مَر یَه هِه وَه نی کِه می‌نشِس وَ گدایی می‌کِرد؟» 9قَری گُتِن: «هِه وِنَه‌آ.» قَری گُتِن: «شبیشَه.» اما او خُوش هِه می‌گُت: «مِه هِه اونِم.» 10پس، دِ او پُرسیئِن: «چطور چَش‌یات واز بی؟» 11جُئُو دَه: «پیائی عیسی نُوم، خَرِه‌ای دُرِس کِرد وَ سائَن وِ قِی چَش‌یام وَ گُت ”رُو وِ حوضِ سیلوحا وَ بَشورِش.“ پس رَتِم، شُشتِم وَ بینا بیئِم.» 12دِش پُرسیئِن: «وَه ها کجا؟» جُئُو دَه: «نُئُونِم.»
13اوسِه او پیا نِه کِه دِ نِهاتِر کور بی، اُوِردِن وِ تِه علما فِرقَه فَریسی. 14او روز کِه عیسی خَرَه نِه دُرِس کِردی وَ چَش‌یا وَه نِه واز کِردی، شَبات بی. 15اوسِه فَریسی‌یا هَم دِ او پیا پُرس‌وُجو کِردِن کِه چطور بیناییشِه وِ دَس اُوِردَه. جُئُو دَه: «خَرَه سائَن وِ ری چَش‌یام، وَ شُشتِم وَ ایسِه مِئی‌نِم.» 16اوسِه قَری دِ فَریسی‌یا گُتِن: «او پیا دِ لا خدا نی، سی یَکِه شَباتِ نِه نِئَه نِمیارَه.» اما قَری هَنی گُتِن: «چطور شخصی گُنَه‌کار تُونَه چِنی نِشُونَه وَ معجزه‌ای بَکَه؟» وَ مابِینِشُو دودَسِه‌ئی اُفتا. 17پس گِلی هَنی دِش پُرسیئِن: «دِ اوچِه کِه او چَش‌یا تو نِه واز کِردَه تو خُوت دِ بارَه او چی مُوئی؟» او پیا جُئُو دَه: «پِیغَمَری اَ.»
18اما سَرُونِ یهودیُو هَنی باوَر نائاشتِن کِه وَه کور بی‌یَه وَ بینا بی‌یَه، تا یَکه داآ وَ بُوَه‌شِه حاسِن 19وَ دِ وِنُو پُرسیئِن: «یَه کُر شِما نَه، هِه وَه کِه مُوئیت کور اُومایَه وِ دی؟ پس چطور ایسِه تُونَه بِئینَه؟» 20وِنُو جُئُو دَن: «دُونیم کِه کُرِ اِیمانَه، وَ هَم دُونیم کِه کور اُومایَه وِ دی. 21اما یَه نِه کِه چطور بینا بی‌یَه، وَ یا چِه کسی چَش‌یا وَه نِه واز کِردَه، اِیما نُئُونیم. دِ خُوش بَپُرسیت. او بالغ اَ وَ خُوش تُونَه دِ بارَه خُوش بُوئَه.» 22داآ بُوَه‌ش سی یَه چِنی گُتِن کِه دِ یهودیُو زَلَه‌شُو مِی‌رَت. سی یَکِه یهودیُو دِ نِهاتِر توافق کِردینی کِه هَر کَه اعتراف بَکَه عیسی هِه او مسیح اَ، وَه نِه دِ کنیسَه بُونَن وِ دَر. 23سی یَه بی کِه داآ وَ بُوَه‌ش گُتِن، «او بالغ اَ؛ دِ خُوش بَپُرسیت.»
24پس سی گِلِ دوئِم او پیا نِه کِه دِ نِهاتِر کور بی، هِنا کِردِن، وِش گُتِن: «جِلالِ نِه بِه وِ خدا! اِیما دُونیم کِه او پیا گُنَه‌کاری اَ.» 25جُئُو دَه: «گُنَه‌کار بی‌یِه یا گُنَه‌کار نِویِه‌نِشِه نُئُونِم. اما تَنیا یِه چی دُونِم، وَ یَکِه کور بیئِم، وَ ایسِه بینا بیمَه.» 26پُرسیئِن: «وا تو چی کِرد؟ چطور چَش‌یاتِه واز کِرد؟» 27جُئُو دَه: «مِه کِه وِ شِما گُتِم، اما شِما گوش نِمِی‌ئیت؛ سی چی می‌حایت دُوارَه بَشنُوئیت؟ مَر شِما هَم می‌حایت شاگردِ او بوئیت؟» 28وِنُو گَنِ‌فاشِش کِردِن، گُتِن: «تو خُوت شاگردِ اونی! اِیما شاگردِ موسی‌ئیم. 29اِیما دُونیم، خدا وا موسی قِصَه کِردَه اما ایی شخص، نُئُونیم دِ کُجانَه.» 30او پیا دِ جُئُوشُو گُت: «یَه یِه چی بِلاجیئی اَ! نُئُونیت دِ کُجانَه، وا یَکه او چَش‌یا مِه نِه واز کِردَه. 31اِیما دُونیم کِه خدا دعا گُنَه‌کاریا نِه نِمی‌‌شنُوئَه، اما اَر کسی خداپِرَس با وَ حاسَه خدا نِه وِ‌جا بیارَه، خدا دعا وَه نِه می‌شنُوَه. 32دِ شروعِ دنیا تا ایسِه اِشنَفتَه نِویَه کِه کسی چَش‌یا کورِ مادرزادی نِه واز کِردوئَه. 33اَر ایی پیا دِ لا خدا نِوی، کاری دِش بَرنِمی‌ما.» 34وِنُو دِ جُئُوش گُتِن: «تو کِه سَرتاپا دِ گُنَه اُوماییَه وِ دی، ایمدال، وِ اِیما هَم دَرس مِئی؟» پس او نِه وَنِن وِ دَر.
35هِه کِه عیسی اِشنَفت کِه او پیا نِه وَنِنَه وِ دَر، وَه نِه پیا کِرد وَ دِش پُرسی: «وِ کُرِ انسان ایمُو داری؟» 36او پیا جُئُو دَه: «اِ آقا، بُو کیَه تا وِش ایمُو بیارِم.» 37عیسی وِش گُت: «تو وَه نِه دیئییَه! هِه وِنَه‌آ کِه هِه ایسِه ها وات قِصَه می‌کَه.» 38گُت: «اِ آقا، ایمُو دارِم.» وَ دِ بِرُووَرش ری نِئا وِ زِمی.
39عیسی گُت: «مِه سی داوَری اُومامَه وِ ایی دنیا، تا کوریا، بینا وَ بینایا، کور بوئَن.» 40قَری دِ فَریسی‌یا کِه واش بییِن، هِه کِه یَه نِه اِشنَفتِن، پُرسیئِن: «یعنی اِیما هَم کوریم؟» 41عیسی وِشُو گُت: «اَر کور بیئیت گُنِه‌ای نائاشتیت؛ اما ایمدال کِه ادعا می‌کیت مِئی‌نیت، بارِ گُنَه‌تُو ها دِ مِلِ خُوتُو.
လက္ရွိေရြးခ်ယ္ထားမွု
انجیلِ یوحنا 9: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 9
9
شفا کورِ مادرزاد
1عیسی دِ رَه کِه مِی‌رَت، کورِ مادرزادی نِه دی. 2شاگردیاش دِش پُرسیئِن: «استاد، نتیجَه گُنَه کیَه کِه ایی پیا، کور اُومایَه وِ دی؟ گُنَه خُوش اَ یا داآ وُ بُوَه‌ش؟» 3عیسی جُئُو دَه: «نَه دِ خُوش اَ، وَ نَه دِ داآ وَ بُوَه‌ش؛ بَلکم چِنی بی تا کاریا خدا دِ او دیار با. 4تا روز اَ بایِس کاریا وَه کِه مِه نِه کِل کِردَه وِ اَنجُوم بَرَسِنیم؛ شُو نِزیک موئَه، کِه دِ وَه کسی نَتُونَه کار بَکَه. 5تا زِمُونی کِه هام دِ دنیا، نیرِ دنیام.» 6یَه نِه گُت وَ تُفکَه وَن وِ ری زِمی، خَرَه دُرِس کِرد وَ وَه نِه سائَن وِ قِی چَش‌یا او پیا. 7وَ وِش گُت: «رُو وَ خُوتِه دِ حوضِ سیلوحا (هِه او حوضی کِه وِش مُوئَن کِل کِردَه ) بَشور.» پس او پیا رَت وِ اوچِه وَ چَشِشِه شُشت، دِ اوچِه بینا وِرگَشت.
8هُمسایا وَ کَسُونی کِه وِرَز یَه او نِه دِ حال گدایی دیئینی، پُرسیئِن: «مَر یَه هِه وَه نی کِه می‌نشِس وَ گدایی می‌کِرد؟» 9قَری گُتِن: «هِه وِنَه‌آ.» قَری گُتِن: «شبیشَه.» اما او خُوش هِه می‌گُت: «مِه هِه اونِم.» 10پس، دِ او پُرسیئِن: «چطور چَش‌یات واز بی؟» 11جُئُو دَه: «پیائی عیسی نُوم، خَرِه‌ای دُرِس کِرد وَ سائَن وِ قِی چَش‌یام وَ گُت ”رُو وِ حوضِ سیلوحا وَ بَشورِش.“ پس رَتِم، شُشتِم وَ بینا بیئِم.» 12دِش پُرسیئِن: «وَه ها کجا؟» جُئُو دَه: «نُئُونِم.»
13اوسِه او پیا نِه کِه دِ نِهاتِر کور بی، اُوِردِن وِ تِه علما فِرقَه فَریسی. 14او روز کِه عیسی خَرَه نِه دُرِس کِردی وَ چَش‌یا وَه نِه واز کِردی، شَبات بی. 15اوسِه فَریسی‌یا هَم دِ او پیا پُرس‌وُجو کِردِن کِه چطور بیناییشِه وِ دَس اُوِردَه. جُئُو دَه: «خَرَه سائَن وِ ری چَش‌یام، وَ شُشتِم وَ ایسِه مِئی‌نِم.» 16اوسِه قَری دِ فَریسی‌یا گُتِن: «او پیا دِ لا خدا نی، سی یَکِه شَباتِ نِه نِئَه نِمیارَه.» اما قَری هَنی گُتِن: «چطور شخصی گُنَه‌کار تُونَه چِنی نِشُونَه وَ معجزه‌ای بَکَه؟» وَ مابِینِشُو دودَسِه‌ئی اُفتا. 17پس گِلی هَنی دِش پُرسیئِن: «دِ اوچِه کِه او چَش‌یا تو نِه واز کِردَه تو خُوت دِ بارَه او چی مُوئی؟» او پیا جُئُو دَه: «پِیغَمَری اَ.»
18اما سَرُونِ یهودیُو هَنی باوَر نائاشتِن کِه وَه کور بی‌یَه وَ بینا بی‌یَه، تا یَکه داآ وَ بُوَه‌شِه حاسِن 19وَ دِ وِنُو پُرسیئِن: «یَه کُر شِما نَه، هِه وَه کِه مُوئیت کور اُومایَه وِ دی؟ پس چطور ایسِه تُونَه بِئینَه؟» 20وِنُو جُئُو دَن: «دُونیم کِه کُرِ اِیمانَه، وَ هَم دُونیم کِه کور اُومایَه وِ دی. 21اما یَه نِه کِه چطور بینا بی‌یَه، وَ یا چِه کسی چَش‌یا وَه نِه واز کِردَه، اِیما نُئُونیم. دِ خُوش بَپُرسیت. او بالغ اَ وَ خُوش تُونَه دِ بارَه خُوش بُوئَه.» 22داآ بُوَه‌ش سی یَه چِنی گُتِن کِه دِ یهودیُو زَلَه‌شُو مِی‌رَت. سی یَکِه یهودیُو دِ نِهاتِر توافق کِردینی کِه هَر کَه اعتراف بَکَه عیسی هِه او مسیح اَ، وَه نِه دِ کنیسَه بُونَن وِ دَر. 23سی یَه بی کِه داآ وَ بُوَه‌ش گُتِن، «او بالغ اَ؛ دِ خُوش بَپُرسیت.»
24پس سی گِلِ دوئِم او پیا نِه کِه دِ نِهاتِر کور بی، هِنا کِردِن، وِش گُتِن: «جِلالِ نِه بِه وِ خدا! اِیما دُونیم کِه او پیا گُنَه‌کاری اَ.» 25جُئُو دَه: «گُنَه‌کار بی‌یِه یا گُنَه‌کار نِویِه‌نِشِه نُئُونِم. اما تَنیا یِه چی دُونِم، وَ یَکِه کور بیئِم، وَ ایسِه بینا بیمَه.» 26پُرسیئِن: «وا تو چی کِرد؟ چطور چَش‌یاتِه واز کِرد؟» 27جُئُو دَه: «مِه کِه وِ شِما گُتِم، اما شِما گوش نِمِی‌ئیت؛ سی چی می‌حایت دُوارَه بَشنُوئیت؟ مَر شِما هَم می‌حایت شاگردِ او بوئیت؟» 28وِنُو گَنِ‌فاشِش کِردِن، گُتِن: «تو خُوت شاگردِ اونی! اِیما شاگردِ موسی‌ئیم. 29اِیما دُونیم، خدا وا موسی قِصَه کِردَه اما ایی شخص، نُئُونیم دِ کُجانَه.» 30او پیا دِ جُئُوشُو گُت: «یَه یِه چی بِلاجیئی اَ! نُئُونیت دِ کُجانَه، وا یَکه او چَش‌یا مِه نِه واز کِردَه. 31اِیما دُونیم کِه خدا دعا گُنَه‌کاریا نِه نِمی‌‌شنُوئَه، اما اَر کسی خداپِرَس با وَ حاسَه خدا نِه وِ‌جا بیارَه، خدا دعا وَه نِه می‌شنُوَه. 32دِ شروعِ دنیا تا ایسِه اِشنَفتَه نِویَه کِه کسی چَش‌یا کورِ مادرزادی نِه واز کِردوئَه. 33اَر ایی پیا دِ لا خدا نِوی، کاری دِش بَرنِمی‌ما.» 34وِنُو دِ جُئُوش گُتِن: «تو کِه سَرتاپا دِ گُنَه اُوماییَه وِ دی، ایمدال، وِ اِیما هَم دَرس مِئی؟» پس او نِه وَنِن وِ دَر.
35هِه کِه عیسی اِشنَفت کِه او پیا نِه وَنِنَه وِ دَر، وَه نِه پیا کِرد وَ دِش پُرسی: «وِ کُرِ انسان ایمُو داری؟» 36او پیا جُئُو دَه: «اِ آقا، بُو کیَه تا وِش ایمُو بیارِم.» 37عیسی وِش گُت: «تو وَه نِه دیئییَه! هِه وِنَه‌آ کِه هِه ایسِه ها وات قِصَه می‌کَه.» 38گُت: «اِ آقا، ایمُو دارِم.» وَ دِ بِرُووَرش ری نِئا وِ زِمی.
39عیسی گُت: «مِه سی داوَری اُومامَه وِ ایی دنیا، تا کوریا، بینا وَ بینایا، کور بوئَن.» 40قَری دِ فَریسی‌یا کِه واش بییِن، هِه کِه یَه نِه اِشنَفتِن، پُرسیئِن: «یعنی اِیما هَم کوریم؟» 41عیسی وِشُو گُت: «اَر کور بیئیت گُنِه‌ای نائاشتیت؛ اما ایمدال کِه ادعا می‌کیت مِئی‌نیت، بارِ گُنَه‌تُو ها دِ مِلِ خُوتُو.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company