انجیلِ یوحنا 10
10
چوپُونِ خو
1«وِ راسی وِ شِما مُوئِم، وَه کِه دِ دِراغِلِ پَرچَه کُوَه‌یا، نَرُوئَه وامی، بَلکم دِ رَئی هَنی بَکَشَه بالا وَ رُوئَه وامی، دُوز وَ رازَن اَ. 2اما وَه کِه دِ دِراغِل میا وامی، چوپُونِ کُوَه‌یا اَ. 3دَربُو، دِراغِلِ نِه وِ ریش واز می‌کَه وَ کُوَه‌یا وِ دَنگِش گوش مِی‌ئَن؛ او کُوَه‌یا خُوشِه وِ نُوم هِنا می‌کَه، وَ وِنُو نِه مُورَه وِ دَر. 4هِه کِه او گِردِ کُوَه‌یا خُوشِه مُورَه وِ دَر، دِ نِها وِنُو رَه مِی‌رَه، وَ کُوَه‌یا مِی‌رَن دِ دُمِش، سی یَکِه وِنُو دَنگِشِه می‌شناسَن. 5اما وِنُو هرگز دِ دُمِ بِغیرَه نِمِی‌رَن، بَلکم دِ وَه می‌جِیئَن، سی یَکِه دَنگِ بِغیرَه‌یا نِه نِمی‌شناسَن.»
6عیسی ایی مَثَلِ نِه سیشُو گُت، اما وِنُو نَفَمِسِن چی وِشُو مُوئَه.
7پس یِه گِل هَنی وِشُو گُت: «وِ راسی وِ شِما مُوئِم، مِه سی کُوَه‌یا، ”دِراغِل“ اِم؛ 8وِنُو کِه وِرَز مِه اُومان، گِردِشُو دُوز وَ رازَن اَن، اما کُوَه‌یا وِشُو گوش نَدَن. 9مِه ”دِراغِل“ اِم؛ هَر کَه دِ رَه مِه بیا وامی، نجات پیا می‌کَه، وَ راحت میا وامی وَ مِی‌رَه وِ دَر، وَ زِمینی سی چِرا پیا می‌کَه. 10دُوز نِمیایَه مَر یَکِه بُئُوزَه وَ بَکُشَه وَ نابود بَکَه؛ مِه اُومامَه تا وِنُو حیات داشتوئَن وَ ایی حیاتِ نِه فَتِ‌فِراوُو داشتوئَن.
11«مِه چوپُونِ خوئی هیسِم. چوپُونِ خو جُونِشِه سی کُوَه‌یا مِی‌ئَه. 12وَه کِه سی پیل کار می‌کَه، چی چوپُو، نی وَ کُوَه‌یا هینِ او نیسِن، هِه کِه بِئینَه گرگ ها میا، کُوَه‌یا نِه مِئیلَه وَ می‌جیئَه، وَ گرگ وِشُو حَلمَت میارَه وَ وِنُو نِه وِرمی‌راقنَه وَ تَرفِه‌تین می‌کَه. 13وَه کِه سی پیل کار می‌کَه می‌جیئَه، سی یَکه ها سی پیل کار می‌کَه وَ دِلدِهولِ کُوَه‌یا نی. 14مِه چوپُونِ خو اِم. مِه کُوَه‌یا خُومِه می‌شناسِم وَ کُوَه‌یا مِه، مِه نِه می‌شناسَن، 15هِه چِنُو کِه بُوَه مِه نِه می‌شناسَه وَ مِه بُوَه نِه می‌شناسِم. مِه جُونِمِه سی کُوَه‌یا مِی‌ئِم. 16کُوَه‌یائی هَنی هَم دارِم کِه دِ ایی پَرچَه نیسِن. وِنُو نِه هَم بایِس بیارِم وَ وِنُو هَم وِ دَنگِ مِه گوش مِی‌ئَن. اوسِه موئَن یِه گَلَه وا یِه چوپُو. 17بُوَه، مِه نِه سی یَه دوس دارَه کِه مِه جُونِمِه مِی‌ئِم تا وَه نِه دُوارَه بَسُونِم وادِما. 18هیشکَه وَه نِه دِ مِه نِمِئی‌رَه، بَلکم مِه وِ میلِ خُوم وَه نِه مِی‌ئِم. اقتدار دارِم وَه نِه بِئِم وَ اقتدار دارِم وَه نِه دُوارَه بَسُونِم وادِما. ایی حُکمِ نِه دِ بُوَه خُوم گِرِتِمَه.»
19وِ سُنَه ایی قِصَه‌یا، دُوارَه دودَسِه‌ئی اُفتا دِ مینِ یهودیُو. 20بُری دِشُو گُتِن: «او دیو دارَه وَ لِیوَه‌آ؛ سی چی وِش گوش مِئیت؟» 21اما قَری هَنی گُتِن: «کسی کِه دیو دارَه، نَتُونَه چِنی قِصَه بَکَه. مَه دیو تُونَه چَش‌یا کورِ نِه واز بَکَه؟»
مِه وَ بُوَه یَکی هیسیم
22دِ او موقَع دِ اورشلیم جَشتِ عیدِ وَخم بی، کِه یادبودِ روزِ تقدیسِ معبد اَ. زِمِسُو بی، 23وَ عیسی دِ صحنِ معبد، دِ اِیوُونِ سِلِیمُو رَه مِی‌رَت. 24یهودیُو جمع بییِن وِ دُورِش وَ گُتِن: «تا وِ کِی می‌حای اِیما نِه دِ شَک نِئَه داری؟ اَر مسیحِ موعودی، آشکارا وِمُو بُو.» 25عیسی جُئُو دَه: «وِتُو گُتِم، اما باوَر نِمی‌کیت. کاریائی کِه مِه وِ نُومِ بُوَه خُوم می‌کِم، وِ مِه شاهادَتی مِی‌ئَن. 26اما شِما باوَر نِمی‌کیت، سی یَکِه دِ کُوَه‌یا مِه نیسیت. 27کُوَه‌یا مِه وِ دَنگِ مِه گوش مِی‌ئَن؛ مِه وِنُو نِه می‌شناسِم وَ وِنُو میان دِ دُمِ مِه. 28مِه وِشُو حیاتِ ابدی مِی‌ئِم، وَ هرگز هِلاک نِموئَن، کس نَتُونَه وِنُو نِه دِ دَسِ مِه وِراقنَه. 29بُوَه مِه کِه وِنُو نِه دِئَه وِ مِه دِ همَه گَپتِر اَ، وَ هیشکَه نَتُونَه وِنُو نِه دِ دَسِ بُوَه مِه وِراقنَه. 30مِه وَ بُوَه یَکی هیسیم.»
31اوسِه دُوارَه یهودیُو بَرد وِرداشتِن تا سنگسارِش بَکَن. 32عیسی وِشُو گُت: «کاریا خو زیادی دِ لا بُوَه خُوم وِ شِما نِشُو دَمَه. سی کُومِشُو می‌حایت سنگسارِم بَکیت؟» 33جُئُو دَن: «سی کارِ خو سنگسارِت نِمی‌کیم، بَلکم سی یَکِه کِفِر می‌کی، سی یَکِه انسانی وُ خُوتِه خدا دُونی.» 34عیسی وِشُو جُئُو دَه: «مَر دِ توراتِ شِما نِیُومایَه کِه ”مِه گُتِم، شِما خدایانیت“؟ 35اَر وِنُو کِه کلُومِ خدا وِشُو رَسِس، ”خدایان“ حَنَه بینَه - وَ هیچ جا دِ نیسَنَه‌یا مقدس دِ اعتبار نِمِی‌فتَه - 36چطور تُونیت وِ کسی کِه بُوَه آسمُونی وَخم کِردَه وَ کِل کِردَه وِ دنیا، بُوئیت ”کِفِر می‌کی،“ تَنیا سی یَکِه گُتِم کُر خداآم؟ 37اَر کاریا بُوَه‌مِه وِ‌جا نِمیارِم، کلُومِ مِه نِه باوَر نَکیت. 38اما اَر وِنُو نِه وِ‌جا میارِم، حتی اَر کلُومِ مِه نِه باوَر نِمی‌کیت، دَسِ‌کَم وِ او کاریا ایمُو بیاریت تا دُونِسوئیت وَ باوَر داشتوئیت کِه بُوَه ها دِ مِه وَ مِه هام دِ بُوَه.» 39اوسِه دُوارَه حاسِن بُونَنِش دِ گیر، اما دِ دَسِشُو جِیست.
40اوسِه هَنی رَت وِ اولانِ گِلالِ اُردُن، اوچِه کِه یحیی دِ نِهاتِر تعمید مِی‌دَه، وَ مَن دِ اوچِه. 41بُریوُشُری اُومان وِ تِه‌ش. وِنُو می‌گُتِن: «هَر چَن یحیی هیچ نِشُونَه وَ معجزه‌ای نَکِرد، اما هَر چیئی کِه دِ بارَه ایی پیا گُت، راس بی.» 42وَ بُریوُشُری دِ اوچِه وِ عیسی ایمُو اُوِردِن.
လက္ရွိေရြးခ်ယ္ထားမွု
انجیلِ یوحنا 10: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 10
10
چوپُونِ خو
1«وِ راسی وِ شِما مُوئِم، وَه کِه دِ دِراغِلِ پَرچَه کُوَه‌یا، نَرُوئَه وامی، بَلکم دِ رَئی هَنی بَکَشَه بالا وَ رُوئَه وامی، دُوز وَ رازَن اَ. 2اما وَه کِه دِ دِراغِل میا وامی، چوپُونِ کُوَه‌یا اَ. 3دَربُو، دِراغِلِ نِه وِ ریش واز می‌کَه وَ کُوَه‌یا وِ دَنگِش گوش مِی‌ئَن؛ او کُوَه‌یا خُوشِه وِ نُوم هِنا می‌کَه، وَ وِنُو نِه مُورَه وِ دَر. 4هِه کِه او گِردِ کُوَه‌یا خُوشِه مُورَه وِ دَر، دِ نِها وِنُو رَه مِی‌رَه، وَ کُوَه‌یا مِی‌رَن دِ دُمِش، سی یَکِه وِنُو دَنگِشِه می‌شناسَن. 5اما وِنُو هرگز دِ دُمِ بِغیرَه نِمِی‌رَن، بَلکم دِ وَه می‌جِیئَن، سی یَکِه دَنگِ بِغیرَه‌یا نِه نِمی‌شناسَن.»
6عیسی ایی مَثَلِ نِه سیشُو گُت، اما وِنُو نَفَمِسِن چی وِشُو مُوئَه.
7پس یِه گِل هَنی وِشُو گُت: «وِ راسی وِ شِما مُوئِم، مِه سی کُوَه‌یا، ”دِراغِل“ اِم؛ 8وِنُو کِه وِرَز مِه اُومان، گِردِشُو دُوز وَ رازَن اَن، اما کُوَه‌یا وِشُو گوش نَدَن. 9مِه ”دِراغِل“ اِم؛ هَر کَه دِ رَه مِه بیا وامی، نجات پیا می‌کَه، وَ راحت میا وامی وَ مِی‌رَه وِ دَر، وَ زِمینی سی چِرا پیا می‌کَه. 10دُوز نِمیایَه مَر یَکِه بُئُوزَه وَ بَکُشَه وَ نابود بَکَه؛ مِه اُومامَه تا وِنُو حیات داشتوئَن وَ ایی حیاتِ نِه فَتِ‌فِراوُو داشتوئَن.
11«مِه چوپُونِ خوئی هیسِم. چوپُونِ خو جُونِشِه سی کُوَه‌یا مِی‌ئَه. 12وَه کِه سی پیل کار می‌کَه، چی چوپُو، نی وَ کُوَه‌یا هینِ او نیسِن، هِه کِه بِئینَه گرگ ها میا، کُوَه‌یا نِه مِئیلَه وَ می‌جیئَه، وَ گرگ وِشُو حَلمَت میارَه وَ وِنُو نِه وِرمی‌راقنَه وَ تَرفِه‌تین می‌کَه. 13وَه کِه سی پیل کار می‌کَه می‌جیئَه، سی یَکه ها سی پیل کار می‌کَه وَ دِلدِهولِ کُوَه‌یا نی. 14مِه چوپُونِ خو اِم. مِه کُوَه‌یا خُومِه می‌شناسِم وَ کُوَه‌یا مِه، مِه نِه می‌شناسَن، 15هِه چِنُو کِه بُوَه مِه نِه می‌شناسَه وَ مِه بُوَه نِه می‌شناسِم. مِه جُونِمِه سی کُوَه‌یا مِی‌ئِم. 16کُوَه‌یائی هَنی هَم دارِم کِه دِ ایی پَرچَه نیسِن. وِنُو نِه هَم بایِس بیارِم وَ وِنُو هَم وِ دَنگِ مِه گوش مِی‌ئَن. اوسِه موئَن یِه گَلَه وا یِه چوپُو. 17بُوَه، مِه نِه سی یَه دوس دارَه کِه مِه جُونِمِه مِی‌ئِم تا وَه نِه دُوارَه بَسُونِم وادِما. 18هیشکَه وَه نِه دِ مِه نِمِئی‌رَه، بَلکم مِه وِ میلِ خُوم وَه نِه مِی‌ئِم. اقتدار دارِم وَه نِه بِئِم وَ اقتدار دارِم وَه نِه دُوارَه بَسُونِم وادِما. ایی حُکمِ نِه دِ بُوَه خُوم گِرِتِمَه.»
19وِ سُنَه ایی قِصَه‌یا، دُوارَه دودَسِه‌ئی اُفتا دِ مینِ یهودیُو. 20بُری دِشُو گُتِن: «او دیو دارَه وَ لِیوَه‌آ؛ سی چی وِش گوش مِئیت؟» 21اما قَری هَنی گُتِن: «کسی کِه دیو دارَه، نَتُونَه چِنی قِصَه بَکَه. مَه دیو تُونَه چَش‌یا کورِ نِه واز بَکَه؟»
مِه وَ بُوَه یَکی هیسیم
22دِ او موقَع دِ اورشلیم جَشتِ عیدِ وَخم بی، کِه یادبودِ روزِ تقدیسِ معبد اَ. زِمِسُو بی، 23وَ عیسی دِ صحنِ معبد، دِ اِیوُونِ سِلِیمُو رَه مِی‌رَت. 24یهودیُو جمع بییِن وِ دُورِش وَ گُتِن: «تا وِ کِی می‌حای اِیما نِه دِ شَک نِئَه داری؟ اَر مسیحِ موعودی، آشکارا وِمُو بُو.» 25عیسی جُئُو دَه: «وِتُو گُتِم، اما باوَر نِمی‌کیت. کاریائی کِه مِه وِ نُومِ بُوَه خُوم می‌کِم، وِ مِه شاهادَتی مِی‌ئَن. 26اما شِما باوَر نِمی‌کیت، سی یَکِه دِ کُوَه‌یا مِه نیسیت. 27کُوَه‌یا مِه وِ دَنگِ مِه گوش مِی‌ئَن؛ مِه وِنُو نِه می‌شناسِم وَ وِنُو میان دِ دُمِ مِه. 28مِه وِشُو حیاتِ ابدی مِی‌ئِم، وَ هرگز هِلاک نِموئَن، کس نَتُونَه وِنُو نِه دِ دَسِ مِه وِراقنَه. 29بُوَه مِه کِه وِنُو نِه دِئَه وِ مِه دِ همَه گَپتِر اَ، وَ هیشکَه نَتُونَه وِنُو نِه دِ دَسِ بُوَه مِه وِراقنَه. 30مِه وَ بُوَه یَکی هیسیم.»
31اوسِه دُوارَه یهودیُو بَرد وِرداشتِن تا سنگسارِش بَکَن. 32عیسی وِشُو گُت: «کاریا خو زیادی دِ لا بُوَه خُوم وِ شِما نِشُو دَمَه. سی کُومِشُو می‌حایت سنگسارِم بَکیت؟» 33جُئُو دَن: «سی کارِ خو سنگسارِت نِمی‌کیم، بَلکم سی یَکِه کِفِر می‌کی، سی یَکِه انسانی وُ خُوتِه خدا دُونی.» 34عیسی وِشُو جُئُو دَه: «مَر دِ توراتِ شِما نِیُومایَه کِه ”مِه گُتِم، شِما خدایانیت“؟ 35اَر وِنُو کِه کلُومِ خدا وِشُو رَسِس، ”خدایان“ حَنَه بینَه - وَ هیچ جا دِ نیسَنَه‌یا مقدس دِ اعتبار نِمِی‌فتَه - 36چطور تُونیت وِ کسی کِه بُوَه آسمُونی وَخم کِردَه وَ کِل کِردَه وِ دنیا، بُوئیت ”کِفِر می‌کی،“ تَنیا سی یَکِه گُتِم کُر خداآم؟ 37اَر کاریا بُوَه‌مِه وِ‌جا نِمیارِم، کلُومِ مِه نِه باوَر نَکیت. 38اما اَر وِنُو نِه وِ‌جا میارِم، حتی اَر کلُومِ مِه نِه باوَر نِمی‌کیت، دَسِ‌کَم وِ او کاریا ایمُو بیاریت تا دُونِسوئیت وَ باوَر داشتوئیت کِه بُوَه ها دِ مِه وَ مِه هام دِ بُوَه.» 39اوسِه دُوارَه حاسِن بُونَنِش دِ گیر، اما دِ دَسِشُو جِیست.
40اوسِه هَنی رَت وِ اولانِ گِلالِ اُردُن، اوچِه کِه یحیی دِ نِهاتِر تعمید مِی‌دَه، وَ مَن دِ اوچِه. 41بُریوُشُری اُومان وِ تِه‌ش. وِنُو می‌گُتِن: «هَر چَن یحیی هیچ نِشُونَه وَ معجزه‌ای نَکِرد، اما هَر چیئی کِه دِ بارَه ایی پیا گُت، راس بی.» 42وَ بُریوُشُری دِ اوچِه وِ عیسی ایمُو اُوِردِن.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company