انجیلِ یوحنا 14
14
مِه راه وُ راسی وُ حیاتِم
1«دِلِ شِما پَریشُو نوئَه. وِ خدا ایمُو داشتوئیت؛ وِ مِه هَم ایمُو داشتوئیت. 2دِ حُونَه بُوَه آسمُونی مِه، اتاق زیاد اَ، وَرنَه مَه مِه وِ شِما مِی‌گُتِم کِه مِی‌رِم تا جائی سی شِما آمادَه بَکِم؟ 3وَ اوسِه کِه رَتِم وَ جائی سی شِما آمادَه کِردِم، دُوارَه میام وَ شِما نِه مُورِم وِ تِه خُوم، تا اوچِه کِه مِه هیسِم شِما هَم بوئیت. 4جائی کِه مِه مِی‌رِم رَه‌شِه دُونیت.» 5توما وِش گُت: «آقا، اِیما حتی نُئُونیم وِ کجا مِی‌ری، پس چطور تُونیم رَه نِه دُونِسوئیم؟» 6عیسی وِش گُت: «مِه رَه وُ راسی وُ حیاتِم؛ هیشکَه غیرِ توسطِ مِه، نِمیایَه وِ تِه بُوَه. 7اَر مِه نِه می‌شناختیت، بُوَه مِه نِه هَم می‌شناختیت؛ اما دِما یَه، او نِه میشناسیت وَ او نِه دیئیتَه.» 8فیلیپُس وِش گُت: «آقا، بُوَه نِه وِ اِیما نِشُو بِه، کِه هِه یَه سی اِیما بَس اَ.» 9عیسی وِش گُت: «فیلیپُس، مدت زیادی اَ هام وا شِما وَ هَنی مِه نِه نَشناختیَه؟ کسی کِه مِه نِه دیئَه، بُوَه نِه دیئَه؛ پس چطور اَ کِه مُوئی ”بُوَه نهِ وِمُو نِشُو بِه“؟ 10یعنی باوَر ناری کِه مِه هام دِ بُوَه وَ بُوَه ها دِ مِه؟ قِصَه‌یائی کِه مِه وِ شِما مُوئِم دِ خُوم نی، بَلکم او بُوِه‌ای کِه ها دِ مِه، اونَه کِه کاریا خُوشِه وِ اَنجُوم مِی‌رَسنَه. 11ایی قِصَه مِه نِه باوَر بَکیت کِه مِه هام دِ بُوَه وَ بُوَه ها دِ مِه؛ وَرنَه، سی او کاریائی کِه کِردِم مِه نِه باوَر بَکیت.
12«وِ راسی وِ شِما مُوئِم، وَه کِه وِ مِه ایمُو داشتوئَه، او هَم کاریائی نِه کِه مِه می‌کِم، می‌کَه، وَ حتی کاریائی گَپتِر دِ وَه می‌کَه، سی یَکه مِه مِی‌رِم وِ تِه بُوَه. 13وَ هَر چیئی کِه وِ نُومِ مِه باحایت، مِه او نِه اَنجُوم مِی‌ئِم، تا بُوَه دِ کُر جِلال پیا بَکَه. 14اَر چیئی وِ نُومِ مِه دِ مِه بِاحایت، وَه نِه اَنجُوم مِی‌ئِم.
وَعدَه روح‌القدس
15«اَر مِه نِه دوس داریت، هُدیا مِه نِه وِجا میاریت. 16وَ مِه دِ بُوَه می‌حام وَ او، یاوَری هَنی وِ شِما مِی‌ئَه کِه همیشَه وا شِما بوئَه، 17یعنی روحِ حقیقت کِه دنیا نَتُونَه وَه نِه قبول بَکَه، سی یَکِه نَه او نِه مِئینَه وَ نَه او نِه می‌شناسَه؛ اما شِما او نِه میشناسیت، سی یَکه وِ تِه شِما مالگَه می‌کَه وَ دِ وجودِ شِما می‌مُونَه.
18«شِما نِه بی‌کَس نِمِئیلِم؛ میام تِه‌تُو. 19دِما مدتِ کمی دنیا دَ مِه نِه نِمِئینَه، اما شِما مِئینیت، وَ سی یَکِه مِه زِنَه‌آم، شِما هَم زِنِه‌ئی می‌کیت. 20دِ او روز، می‌فَمیت کِه مِه هام دِ بُوَه وَ شِما هایت دِ مِه وَ مِه هام دِ شِما. 21وَه کِه هُدیا مِه نِه دارَه وَ دِشُو اطاعت می‌کَه، وِنَه‌آ کِه مِه نِه دوس دارَه؛ وَ وَه کِه مِه نِه دوس دارَه، بُوَه‌م او نِه دوس دارَه وَ مِه هَم او نِه دوس دارِم وَ خُومِه وِش نِشُو مِی‌ئِم.»
22یهودا، نَه اَسخَریوطی، دِش پُرسی: «آقا، چطور اَ کِه می‌حای خُوتِه وِ اِیما نِشُو بِئی، اما نَه وِ ایی دنیا؟» 23عیسی جُئُو دَه: «اَر کسی مِه نِه دوس داشتوئَه، کلُومِ مِه نِه وِجا میارَه، وَ بُوَه‌م او نِه دوس دارَه، وَ اِیما می‌یاییم وِ تِه‌ش وَ واش زِنِه‌ئی می‌کیم. 24وَه کِه مِه نِه دوس نارَه، کلُومِ مِه نِه وِجا نِمیارَه؛ وَ ایی کلُومِه کِه می‌شنُوئیت دِ مِه نی، بَلکم دِ بُوِه‌ای اَ کِه مِه نِه کِل کِردَه.
25«ایی چیا نِه زِمُونی وِ شِما گُتِم کِه هَنی هام وا شِما. 26اما او یاوَر، یعنی روح‌القدس، کِه بُوَه او نِه وِ نُومِ مِه کِل می‌کَه، او گِرد چیا نِه وِ شِما یای مِی‌ئَه وَ هَر چیئی کِه مِه وِ شِما گُتِم، وِ ویرِتُو میارَه. 27سی شِما صُل‌وُ‌سِلامتی مِئیلِم وِجا؛ صُل‌وُ‌سِلامتی خُومِه مِی‌ئِم وِتُو. او چیئی کِه مِه مِی‌ئِم وِتُو، چی صُل‌وُ‌سِلامتیئی نی، کِه دنیا وِتُو مِی‌ئَه. دِلِ شِما پَریشُو وَ هِراسُو نوئَه. 28اِشنَفتیت کِه وِ شِما گُتِم ”مِه مِی‌رِم، اما دُوارَه میام وِ تِه شِما.“ اَر مِه نِه دوس داشتیت، خُشالی می‌‌کِردیت کِه مِی‌رِم وِ تِه بُوَه، سی یَکِه بُوَه دِ مِه گَپتِر اَ. 29ایمدال یَه نِه وِرَز یَکِه اتفاق بِفتَه وِ شِما گُتِم، تا هِه کِه اتفاق بِفتَه ایمُو بیاریت. 30دَ بیشتِر دِ یَه وا شِما قِصَه نِمی‌کِم، سی یَکِه حاکِمِ ایی دنیا میایَه. او هیچ ادعائی وِ ری مِه نارَه؛ 31اما مِه کاری نِه می‌کِم کِه بُوَه وِ مِه هُد کِردَه، تا دنیا دُونِسوئَه کِه بُوَه نِه دوس دارِم. ایسِه وِریسیت، رُوئیم.
လက္ရွိေရြးခ်ယ္ထားမွု
انجیلِ یوحنا 14: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 14
14
مِه راه وُ راسی وُ حیاتِم
1«دِلِ شِما پَریشُو نوئَه. وِ خدا ایمُو داشتوئیت؛ وِ مِه هَم ایمُو داشتوئیت. 2دِ حُونَه بُوَه آسمُونی مِه، اتاق زیاد اَ، وَرنَه مَه مِه وِ شِما مِی‌گُتِم کِه مِی‌رِم تا جائی سی شِما آمادَه بَکِم؟ 3وَ اوسِه کِه رَتِم وَ جائی سی شِما آمادَه کِردِم، دُوارَه میام وَ شِما نِه مُورِم وِ تِه خُوم، تا اوچِه کِه مِه هیسِم شِما هَم بوئیت. 4جائی کِه مِه مِی‌رِم رَه‌شِه دُونیت.» 5توما وِش گُت: «آقا، اِیما حتی نُئُونیم وِ کجا مِی‌ری، پس چطور تُونیم رَه نِه دُونِسوئیم؟» 6عیسی وِش گُت: «مِه رَه وُ راسی وُ حیاتِم؛ هیشکَه غیرِ توسطِ مِه، نِمیایَه وِ تِه بُوَه. 7اَر مِه نِه می‌شناختیت، بُوَه مِه نِه هَم می‌شناختیت؛ اما دِما یَه، او نِه میشناسیت وَ او نِه دیئیتَه.» 8فیلیپُس وِش گُت: «آقا، بُوَه نِه وِ اِیما نِشُو بِه، کِه هِه یَه سی اِیما بَس اَ.» 9عیسی وِش گُت: «فیلیپُس، مدت زیادی اَ هام وا شِما وَ هَنی مِه نِه نَشناختیَه؟ کسی کِه مِه نِه دیئَه، بُوَه نِه دیئَه؛ پس چطور اَ کِه مُوئی ”بُوَه نهِ وِمُو نِشُو بِه“؟ 10یعنی باوَر ناری کِه مِه هام دِ بُوَه وَ بُوَه ها دِ مِه؟ قِصَه‌یائی کِه مِه وِ شِما مُوئِم دِ خُوم نی، بَلکم او بُوِه‌ای کِه ها دِ مِه، اونَه کِه کاریا خُوشِه وِ اَنجُوم مِی‌رَسنَه. 11ایی قِصَه مِه نِه باوَر بَکیت کِه مِه هام دِ بُوَه وَ بُوَه ها دِ مِه؛ وَرنَه، سی او کاریائی کِه کِردِم مِه نِه باوَر بَکیت.
12«وِ راسی وِ شِما مُوئِم، وَه کِه وِ مِه ایمُو داشتوئَه، او هَم کاریائی نِه کِه مِه می‌کِم، می‌کَه، وَ حتی کاریائی گَپتِر دِ وَه می‌کَه، سی یَکه مِه مِی‌رِم وِ تِه بُوَه. 13وَ هَر چیئی کِه وِ نُومِ مِه باحایت، مِه او نِه اَنجُوم مِی‌ئِم، تا بُوَه دِ کُر جِلال پیا بَکَه. 14اَر چیئی وِ نُومِ مِه دِ مِه بِاحایت، وَه نِه اَنجُوم مِی‌ئِم.
وَعدَه روح‌القدس
15«اَر مِه نِه دوس داریت، هُدیا مِه نِه وِجا میاریت. 16وَ مِه دِ بُوَه می‌حام وَ او، یاوَری هَنی وِ شِما مِی‌ئَه کِه همیشَه وا شِما بوئَه، 17یعنی روحِ حقیقت کِه دنیا نَتُونَه وَه نِه قبول بَکَه، سی یَکِه نَه او نِه مِئینَه وَ نَه او نِه می‌شناسَه؛ اما شِما او نِه میشناسیت، سی یَکه وِ تِه شِما مالگَه می‌کَه وَ دِ وجودِ شِما می‌مُونَه.
18«شِما نِه بی‌کَس نِمِئیلِم؛ میام تِه‌تُو. 19دِما مدتِ کمی دنیا دَ مِه نِه نِمِئینَه، اما شِما مِئینیت، وَ سی یَکِه مِه زِنَه‌آم، شِما هَم زِنِه‌ئی می‌کیت. 20دِ او روز، می‌فَمیت کِه مِه هام دِ بُوَه وَ شِما هایت دِ مِه وَ مِه هام دِ شِما. 21وَه کِه هُدیا مِه نِه دارَه وَ دِشُو اطاعت می‌کَه، وِنَه‌آ کِه مِه نِه دوس دارَه؛ وَ وَه کِه مِه نِه دوس دارَه، بُوَه‌م او نِه دوس دارَه وَ مِه هَم او نِه دوس دارِم وَ خُومِه وِش نِشُو مِی‌ئِم.»
22یهودا، نَه اَسخَریوطی، دِش پُرسی: «آقا، چطور اَ کِه می‌حای خُوتِه وِ اِیما نِشُو بِئی، اما نَه وِ ایی دنیا؟» 23عیسی جُئُو دَه: «اَر کسی مِه نِه دوس داشتوئَه، کلُومِ مِه نِه وِجا میارَه، وَ بُوَه‌م او نِه دوس دارَه، وَ اِیما می‌یاییم وِ تِه‌ش وَ واش زِنِه‌ئی می‌کیم. 24وَه کِه مِه نِه دوس نارَه، کلُومِ مِه نِه وِجا نِمیارَه؛ وَ ایی کلُومِه کِه می‌شنُوئیت دِ مِه نی، بَلکم دِ بُوِه‌ای اَ کِه مِه نِه کِل کِردَه.
25«ایی چیا نِه زِمُونی وِ شِما گُتِم کِه هَنی هام وا شِما. 26اما او یاوَر، یعنی روح‌القدس، کِه بُوَه او نِه وِ نُومِ مِه کِل می‌کَه، او گِرد چیا نِه وِ شِما یای مِی‌ئَه وَ هَر چیئی کِه مِه وِ شِما گُتِم، وِ ویرِتُو میارَه. 27سی شِما صُل‌وُ‌سِلامتی مِئیلِم وِجا؛ صُل‌وُ‌سِلامتی خُومِه مِی‌ئِم وِتُو. او چیئی کِه مِه مِی‌ئِم وِتُو، چی صُل‌وُ‌سِلامتیئی نی، کِه دنیا وِتُو مِی‌ئَه. دِلِ شِما پَریشُو وَ هِراسُو نوئَه. 28اِشنَفتیت کِه وِ شِما گُتِم ”مِه مِی‌رِم، اما دُوارَه میام وِ تِه شِما.“ اَر مِه نِه دوس داشتیت، خُشالی می‌‌کِردیت کِه مِی‌رِم وِ تِه بُوَه، سی یَکِه بُوَه دِ مِه گَپتِر اَ. 29ایمدال یَه نِه وِرَز یَکِه اتفاق بِفتَه وِ شِما گُتِم، تا هِه کِه اتفاق بِفتَه ایمُو بیاریت. 30دَ بیشتِر دِ یَه وا شِما قِصَه نِمی‌کِم، سی یَکِه حاکِمِ ایی دنیا میایَه. او هیچ ادعائی وِ ری مِه نارَه؛ 31اما مِه کاری نِه می‌کِم کِه بُوَه وِ مِه هُد کِردَه، تا دنیا دُونِسوئَه کِه بُوَه نِه دوس دارِم. ایسِه وِریسیت، رُوئیم.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company