انجیلِ یوحنا 13
13
شُشتِه‌نِ پایا شاگردیا
1وِرَز عیدِ پِسَخ، عیسی وا دُونِسِه‌نِ یَکه ساعتِ وَه رَسِسَه کِه دِ ایی دنیا رُوئَه وِ تِه بُوَه، کَسُونِ خُوشِه کِه دِ ایی دنیا دوس داشت، تا وِ آخِر محبت کِرد.
2موقَع شُوم بی. ابلیس جِلوتِر، دِ دِلِ یهودا اَسخَریوطی، کُرِ شَمعون، نِئایی کِه عیسی نِه تسلیمِ دُشمِه بَکَه. 3عیسی کِه دُونِس بُوَه آسمُونی گِردِ چیا نِه سپردَه وِ دَسِ او وَ دِ تِه خدا اُومایَه وَ مِی‌رَه وِ تِه او، 4پس دِ سَرِ شُوم وِریسا وَ رَداشِه دِ وَر کَن وُ حوله‌ای وِرداشت، بَست وِ قِی. 5اوسِه اُو رِخت دِ لِگِنی وَ نِئا وِ شُشتِه‌نِ پایا شاگردیا وَ حُشک کِردِه‌نِشُو وا حوله‌ای کِه بَستی دِ قِی. 6هِه کِه رَسِس وِ شَمعون پِطرُس، او وِش گُت: «آقا، مَه تو می‌حای پا مِه نِه بَشوری؟» 7عیسی جُئُو دَه: «اوچیئی کِه ها می‌کِم تو الان نِمی‌فَمی اما دِما یَه می‌فَمی.» 8پِطرُس وِش گُت: «پایا مِه نِه هرگز نِمی‌شوری!» عیسی جُئُو دَه: «تا تو نِه نَشورِم بَری وا مِه ناری.» 9شَمعونِ پِطرُس گُت: «آقا، نَه تَنیا پایام، بَلکم دَس‌یا وَ سَرِمِه هَم بَشور!» 10عیسی جُئُو دَه: «وَه کِه حَمُوم کِردَه، سَر تا پا تَمیس اَ وَ وِ شُشتِه هُوجَه نارَه، مَر پایاش. ایمدال، شِما پاکیت، اما نَه همَه.» 11سی یَکِه دُونِس کی او نِه تسلیمِ دُشمِه می‌کَه، وَ هِه سی یَه گُت: «همَه شِما پاک نیسیت.»
12دِما یَکه عیسی پایاشُو نِه شُشت، رَداشِه کِرد دِ وَر وَ دُوارَه نِشِس وِ سَرِ سِفرَه شُوم. اوسِه دِشُو پُرسی: «یعنی فَمِسیت چی سیتُو کِردِم؟ 13شِما مِه نِه استاد وَ آقا هِنا می‌کیت وَ دُرِس هَم مُوئیت، سی یَکِه چِنی هیسِم. 14پس اَر مِه کِه آقا وَ استادِ شِمانِم پایا شِما نِه شُشتِم، شِما هَم بایِس پایا یَکِ نِه بَشوریت. 15مِه وا ایی کار، سَرمشقی وِ شِما دَم تا شِما هَم، هِه چِنُو رفتار بَکیت کِه مِه وا شِما کِردِم. 16حقیقت، وِ شِما مُوئِم، نَه غُلِم دِ آقا خُوش گَپتِر اَ، نَه رسول دِ وَه کِه کِلِش کِردَه. 17ایسِه کِه یِنُو نِه دُونیت، خُشالِتُو اَر وِنُو نِه وِ کار بِئیریت.
18«او چیئی کِه مُوئِم دِبارَه گِردِ شِما نی. مِه وِنُونی نِه کِه انتخاب کِردِمَه، می‌شناسِم. اما ایی نیسَنَه مقدس وِ حقیقت مِی‌رَسَه کِه مُوئَه ”وَه کِه نُونِ مِه نِه مُوحُورَه وا مِه وِریسائَه وِ دُوشمِه‌نی“. 19پس یَه نِه ایسِه وِرَز یَکِه اتفاق بِفتَه، وِ شِما مُوئِم تا هِه کِه اتفاق اُفتا، باوَر بَکیت کِه مِه‌نِم. 20وِ راسی وِ شِما مُوئِم، هَر کَه وَه کِه مِه کِلِش می‌کِمِ نِه قبول بَکَه، مِه نِه قبول کِردَه، وَ هَر کَه مِه نِه قبول بَکَه، وَه کِه مِه نِه کِل کِردَه نِه قبول کِردَه.»
21عیسی دِما یَکه یَه نِه گُت، دِ روحِ خُوش پَریشُو بی وَ آشکارا گُت: «وِ راسی وِ شِما مُوئِم، یَکی دِ شِما مِه نِه تسلیمِ دُشمِه می‌کَه.» 22شاگردیا سِیل کِردِن وِ یَک، بِلاجیشُو اُوما کِه یَه نِه دِ بارَه کی مُوئَه. 23یَکی دِ شاگردیا، کِه عیسی دوسِش داشت، تَک زِئی نِزیکِ سینَه او. 24شَمعون پِطرُس وا اشارَه دِش حاس تا دِ عیسی بَپُرسَه وا کیَه. 25پس او خُوشِه کمی کَشی وا دِما وَ تَک زَه وِ سینَه عیسی وَ پُرسی: «آقا، وَه کیَه؟» 26عیسی جُئُو دَه: «هِه وَه کِه ایی گُپِ نُو نهِ دِما یَکِه زَم دِ مینِ جُومیلَه، مِی‌ئِم وِش.» اوسِه گُپی نُو زَه دِ مینِ جُومیلَه وَ او نِه دَه وِ یهودا کُرِ شَمعون اَسخَریوطی. 27یهودا هِه کِه لقمَه نِه گِرِت، شِیطُو رَت دِ مینِش. اوسِه عیسی وِش گُت: «او چیئی کِه دِ دُمِ اَنجُومِشی، زیتِر بَک.» 28اما هیچ کُوم دِ وِنُونی کِه نِشِسینی وِ سَرِ سِفرَه، منظورِ عیسی نِه نَفَمِسِن. 29قَری گِمُو می‌کِردِن کِه سی یَکِه کیسَه پیلِ دَخل‌وُ‌غَرج ها وِ تِه یهودا، عیسی وِش مُوئَه کِه "هَر چی سی عید هُوجَه دارَن بَسُونَه"، یا یَکه چیئی وِ ژاریا بِئَه. 30دِما حَردِه‌نِ لقمَه، یهودا آزِعی کِرد وِ دَر. وَ شُو بی.
حُکمی تازَه
31دِما یَکِه یهودا کِرد وِ دَر، عیسی گُت: «ایسِه کُرِ انسان جِلال پیا کِرد وَ خدا دِ او جِلال پیا کِرد. 32اَر خدا دِ او جِلال پیا کِرد، پس خدا هَم او نِه دِ خُوش جِلال مِی‌ئَه وَ او نِه جاوِرجا جِلال مِی‌ئَه. 33بَچُونِ عزیزِم، مدتِ کمی هَنی هام وا شِما. مِفتیت وِ فِتِراقِ مِه وَ هِه چِنُو کِه وِ یهودیُو گُتِم، ایسِه وِ شِما هَم مُوئِم کِه اوچِه کِه مِه مِی‌رِم، شِما نَتُونیت بیایت. 34حُکمی تازَه وِ شِما مِی‌ئِم، وَ وَه یِنَه‌آ کِه یَکِ نِه محبت بَکیت. هِه چِنُو کِه مِه شِما نِه محبت کِردِم، شِما هَم بایِس یَکِ نِه محبت بَکیت. 35دِ هِه ایی محبتِ شِما وِ یَک، همَه می‌فَمَن کِه شاگردِ مِه‌نیت.»
36شَمعون پِطرُس گُت: «آقا، کجا مِی‌ری؟» عیسی جُئُو دَه: «تو ایسِه نَتُونی وِ جائی کِه مِی‌رِم بیایی دِ دُمِ مِه؛ اما بعدِها دِ دُمِ مِه میای.» 37پِطرُس گُت: «آقا، سی چی ایسِه نَتُونِم بیام دِ دُمِ تو؟ مِه جُونِمِه دِ رَه تو می‌نِم.» 38عیسی گُت: «یعنی جُونِتِه دِ رَه مِه می‌نی؟ وِ راسی وِت مُوئِم، وِرَز یَکه کِلَه‌شیر بُنگ بیارَه، سه گِل مِه نِه حاشا می‌کی.»
လက္ရွိေရြးခ်ယ္ထားမွု
انجیلِ یوحنا 13: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 13
13
شُشتِه‌نِ پایا شاگردیا
1وِرَز عیدِ پِسَخ، عیسی وا دُونِسِه‌نِ یَکه ساعتِ وَه رَسِسَه کِه دِ ایی دنیا رُوئَه وِ تِه بُوَه، کَسُونِ خُوشِه کِه دِ ایی دنیا دوس داشت، تا وِ آخِر محبت کِرد.
2موقَع شُوم بی. ابلیس جِلوتِر، دِ دِلِ یهودا اَسخَریوطی، کُرِ شَمعون، نِئایی کِه عیسی نِه تسلیمِ دُشمِه بَکَه. 3عیسی کِه دُونِس بُوَه آسمُونی گِردِ چیا نِه سپردَه وِ دَسِ او وَ دِ تِه خدا اُومایَه وَ مِی‌رَه وِ تِه او، 4پس دِ سَرِ شُوم وِریسا وَ رَداشِه دِ وَر کَن وُ حوله‌ای وِرداشت، بَست وِ قِی. 5اوسِه اُو رِخت دِ لِگِنی وَ نِئا وِ شُشتِه‌نِ پایا شاگردیا وَ حُشک کِردِه‌نِشُو وا حوله‌ای کِه بَستی دِ قِی. 6هِه کِه رَسِس وِ شَمعون پِطرُس، او وِش گُت: «آقا، مَه تو می‌حای پا مِه نِه بَشوری؟» 7عیسی جُئُو دَه: «اوچیئی کِه ها می‌کِم تو الان نِمی‌فَمی اما دِما یَه می‌فَمی.» 8پِطرُس وِش گُت: «پایا مِه نِه هرگز نِمی‌شوری!» عیسی جُئُو دَه: «تا تو نِه نَشورِم بَری وا مِه ناری.» 9شَمعونِ پِطرُس گُت: «آقا، نَه تَنیا پایام، بَلکم دَس‌یا وَ سَرِمِه هَم بَشور!» 10عیسی جُئُو دَه: «وَه کِه حَمُوم کِردَه، سَر تا پا تَمیس اَ وَ وِ شُشتِه هُوجَه نارَه، مَر پایاش. ایمدال، شِما پاکیت، اما نَه همَه.» 11سی یَکِه دُونِس کی او نِه تسلیمِ دُشمِه می‌کَه، وَ هِه سی یَه گُت: «همَه شِما پاک نیسیت.»
12دِما یَکه عیسی پایاشُو نِه شُشت، رَداشِه کِرد دِ وَر وَ دُوارَه نِشِس وِ سَرِ سِفرَه شُوم. اوسِه دِشُو پُرسی: «یعنی فَمِسیت چی سیتُو کِردِم؟ 13شِما مِه نِه استاد وَ آقا هِنا می‌کیت وَ دُرِس هَم مُوئیت، سی یَکِه چِنی هیسِم. 14پس اَر مِه کِه آقا وَ استادِ شِمانِم پایا شِما نِه شُشتِم، شِما هَم بایِس پایا یَکِ نِه بَشوریت. 15مِه وا ایی کار، سَرمشقی وِ شِما دَم تا شِما هَم، هِه چِنُو رفتار بَکیت کِه مِه وا شِما کِردِم. 16حقیقت، وِ شِما مُوئِم، نَه غُلِم دِ آقا خُوش گَپتِر اَ، نَه رسول دِ وَه کِه کِلِش کِردَه. 17ایسِه کِه یِنُو نِه دُونیت، خُشالِتُو اَر وِنُو نِه وِ کار بِئیریت.
18«او چیئی کِه مُوئِم دِبارَه گِردِ شِما نی. مِه وِنُونی نِه کِه انتخاب کِردِمَه، می‌شناسِم. اما ایی نیسَنَه مقدس وِ حقیقت مِی‌رَسَه کِه مُوئَه ”وَه کِه نُونِ مِه نِه مُوحُورَه وا مِه وِریسائَه وِ دُوشمِه‌نی“. 19پس یَه نِه ایسِه وِرَز یَکِه اتفاق بِفتَه، وِ شِما مُوئِم تا هِه کِه اتفاق اُفتا، باوَر بَکیت کِه مِه‌نِم. 20وِ راسی وِ شِما مُوئِم، هَر کَه وَه کِه مِه کِلِش می‌کِمِ نِه قبول بَکَه، مِه نِه قبول کِردَه، وَ هَر کَه مِه نِه قبول بَکَه، وَه کِه مِه نِه کِل کِردَه نِه قبول کِردَه.»
21عیسی دِما یَکه یَه نِه گُت، دِ روحِ خُوش پَریشُو بی وَ آشکارا گُت: «وِ راسی وِ شِما مُوئِم، یَکی دِ شِما مِه نِه تسلیمِ دُشمِه می‌کَه.» 22شاگردیا سِیل کِردِن وِ یَک، بِلاجیشُو اُوما کِه یَه نِه دِ بارَه کی مُوئَه. 23یَکی دِ شاگردیا، کِه عیسی دوسِش داشت، تَک زِئی نِزیکِ سینَه او. 24شَمعون پِطرُس وا اشارَه دِش حاس تا دِ عیسی بَپُرسَه وا کیَه. 25پس او خُوشِه کمی کَشی وا دِما وَ تَک زَه وِ سینَه عیسی وَ پُرسی: «آقا، وَه کیَه؟» 26عیسی جُئُو دَه: «هِه وَه کِه ایی گُپِ نُو نهِ دِما یَکِه زَم دِ مینِ جُومیلَه، مِی‌ئِم وِش.» اوسِه گُپی نُو زَه دِ مینِ جُومیلَه وَ او نِه دَه وِ یهودا کُرِ شَمعون اَسخَریوطی. 27یهودا هِه کِه لقمَه نِه گِرِت، شِیطُو رَت دِ مینِش. اوسِه عیسی وِش گُت: «او چیئی کِه دِ دُمِ اَنجُومِشی، زیتِر بَک.» 28اما هیچ کُوم دِ وِنُونی کِه نِشِسینی وِ سَرِ سِفرَه، منظورِ عیسی نِه نَفَمِسِن. 29قَری گِمُو می‌کِردِن کِه سی یَکِه کیسَه پیلِ دَخل‌وُ‌غَرج ها وِ تِه یهودا، عیسی وِش مُوئَه کِه "هَر چی سی عید هُوجَه دارَن بَسُونَه"، یا یَکه چیئی وِ ژاریا بِئَه. 30دِما حَردِه‌نِ لقمَه، یهودا آزِعی کِرد وِ دَر. وَ شُو بی.
حُکمی تازَه
31دِما یَکِه یهودا کِرد وِ دَر، عیسی گُت: «ایسِه کُرِ انسان جِلال پیا کِرد وَ خدا دِ او جِلال پیا کِرد. 32اَر خدا دِ او جِلال پیا کِرد، پس خدا هَم او نِه دِ خُوش جِلال مِی‌ئَه وَ او نِه جاوِرجا جِلال مِی‌ئَه. 33بَچُونِ عزیزِم، مدتِ کمی هَنی هام وا شِما. مِفتیت وِ فِتِراقِ مِه وَ هِه چِنُو کِه وِ یهودیُو گُتِم، ایسِه وِ شِما هَم مُوئِم کِه اوچِه کِه مِه مِی‌رِم، شِما نَتُونیت بیایت. 34حُکمی تازَه وِ شِما مِی‌ئِم، وَ وَه یِنَه‌آ کِه یَکِ نِه محبت بَکیت. هِه چِنُو کِه مِه شِما نِه محبت کِردِم، شِما هَم بایِس یَکِ نِه محبت بَکیت. 35دِ هِه ایی محبتِ شِما وِ یَک، همَه می‌فَمَن کِه شاگردِ مِه‌نیت.»
36شَمعون پِطرُس گُت: «آقا، کجا مِی‌ری؟» عیسی جُئُو دَه: «تو ایسِه نَتُونی وِ جائی کِه مِی‌رِم بیایی دِ دُمِ مِه؛ اما بعدِها دِ دُمِ مِه میای.» 37پِطرُس گُت: «آقا، سی چی ایسِه نَتُونِم بیام دِ دُمِ تو؟ مِه جُونِمِه دِ رَه تو می‌نِم.» 38عیسی گُت: «یعنی جُونِتِه دِ رَه مِه می‌نی؟ وِ راسی وِت مُوئِم، وِرَز یَکه کِلَه‌شیر بُنگ بیارَه، سه گِل مِه نِه حاشا می‌کی.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company