انجیلِ یوحنا 15
15
مِه دارِ مُو حقیقی‌اِم
1«مِه دارِ مُو حقیقی‌اِم وَ بُوَه‌م باغِوُونَه. 2هَر تَلی دِ مِه کِه میوَه نیارَه، او نِه قطع می‌کَه، وَ هَر تَلی کِه میوَه بیارَه، او نِه هِرَس می‌کَه تا بیشتِر میوَه بیارَه. 3شِما هِه ایسِه وِ سُنَه کلُومی کِه وِ شِما گُتِمَه، پاکیت. 4بَمُونیت دِ مِه، وَ مِه هَم می‌مُونِم دِ شِما. هِه چِنُو کِه اَر تَل دِ دارِ مُو نَمُونَه، نَتُونَه دِ خُوش میوَه بیارَه، شِما هَم اَر نَمُونیت دِ مِه، نَتُونیت میوَه بیاریت.
5«مِه دارِ مُواِم وَ شِما تَل‌یا وَه. وَه کِه می‌مُونَه دِ مِه وَ مِه دِ او، میوَه زیاد میارَه؛ سی یَکِه جِگا دِ مِه، هیچ نَتُونیت بَکیت. 6اَر کسی دِ مِه نَمُونَه، چی تَلی اَ کِه مُونَنِش وِ دیر وَ حُشک موئَه. تَل‌یا حُشک بی‌یَه نِه جمع می‌کَن وَ مُونَن دِ تَش، می‌سوزنَن. 7اَر بَمُونیت دِ مِه وَ کلُومِ مِه بَمُونَه دِ شِما، هَر چیئی کِه می‌حایت، باحایت کِه سیتُو موئَه. 8جِلالِ بُوَه مِه دِ یِنَه‌آ کِه شِما میوَه زیاد بیاریت؛ وَ وِ چِنی شاگردِ مِه موئیت.
9«هِه چِنُو کِه بُوَه مِه نِه دوس داشتَه، مِه هَم شِما نِه دوس داشتِمَه. دِ محبتِ مِه بَمُونیت. 10اَر هُدیا مِه نِه نِئَه داریت، دِ محبتِ مِه می‌مُونیت؛ چِنُو کِه مِه هُدیا بُوَه خُومِه نِئَه داشتِمَه وَ دِ محبتِ او می‌مُونِم. 11ایی قِصَه‌یا نِه وِ شِما گُتِم تا شایی مِه دِ شِما هَم بوئَه وَ شایی شِما کامل با.
12«هُدِ مِه یِنَه‌آ کِه یَکتِری نِه محبت بَکیت، چِنُو کِه مِه شِما نِه محبت کِردِمَه. 13محبتی گَپتِر دِ یَه نی کِه کسی جُونِ خُوشِه دِ رَه دوس‌یاش بِئَه. 14دوس‌یا مِه شِمانیت اَر هَر چیئی کِه وِ شِما هُد می‌کِم، اَنجُوم بِئیت. 15دَ شِما نِه غُلِم نِمُوحُونِم، سی یَکِه غُلِم دِ کاریا اربابِش خَوَر نارَه. بَلکم شِما نِه دوسِ خُوم مُوحُونِم، سی یَکِه هَر چیئی کِه دِ بُوَه اِشنَفتِمَه، شِما نِه دِ وَه واخَوَر کِردِمَه. 16شِما نِویئیت کِه مِه نِه انتخاب کِردیت، بَلکم مِه شِما نِه انتخاب کِردِم وَ شِما نِه قِرار دَم تا رُوئیت وَ میوَه بیاریت وَ میوَه شِما بَمُونَه، تا هَر چیئی کِه دِ بُوَه وِ نُومِ مِه باحایت وِ شِما عطا بَکَه. 17هُدِ مِه وِ شِما یِنَه‌آ کِه یَکتِری نِه محبت بَکیت.
دنیا دِ مُریدیا عیسی بَیئِش میا
18«اَر دنیا دِ شِما بَیئِش میا، وِ ویرِتُو با کِه وِرَز شِما، دِ مِه بَیئِش مِی‌ما. 19اَر هینِ دنیا بیئیت، دنیا شِما نِه چی کَسُونِ خُوش دوس مِی‌ئاشت. اما سی یَکِه هینِ دنیا نیسیت، بلکِم مِه شِما نِه دِ دنیا انتخاب کِردِمَه، دنیا دِ شِما بَیئِش میا. 20کلُومی نِه کِه وِ شِما گُتِم، وِ ویرِتُو با: ”غُلِم دِ اربابِ خُوش گَپتِر نی.“ اَر مِه نِه آزار دَن، شِما نِه هَم آزار مِی‌ئَن؛ وَ اَر کلُومِ مِه نِه نِئَه داشتِن، کلُومِ شِما نِه هَم نِئَه میارَن. 21اما گِردِ یِنُو نِه وِ سُنَه نُومِ مِه وا شِما می‌کَن، سی یَکِه وَه کِه مِه نِه کِل کِردَه نِه نِمی‌شناسَن. 22اَر نیُوماییمی وَ وا وِنُو قِصَه نَکِردیمی، گُنِه‌ای نائاشتِن؛ اما ایمدال دَ بُونِه‌ای سی گُنَه‌یاشُو نارَن. 23کسی کِه دِ مِه بَیئِش بیا، دِ بُوَه مِه هَم بَیئِش میا. 24اَر دِ مینِشُو کاریائی نَکِردیمی کِه غیرِ مِه هیشکَه نَکِردَه، گُنِه‌ای نائاشتِن؛ اما ایسِه، وا یَکه او کاریا نِه دینَه، هَم دِ مِه وَ هَم دِ بُوَه‌م بَیئِشُو میا. 25هِه وِ چِنی، کلُومی کِه دِ توراتِ خُوشُو اُومایَه، وِ اَنجُومِ خُوش مِی‌رَسَه کِه: ”بی دَلیل دِ مِه بَیئِشُو مِی‌ما.“
26«اما هِه کِه او یاوَر کِه دِ تِه بُوَه سی شِما کِل می‌کِم، بیایَه، یعنی روحِ حقیقت کِه دِ بُوَه میا، او خُوش دِ بارَه مِه شاهادَتی مِی‌ئَه. 27وَ شِما هَم بایِس شاهادَتی بِئیت، سی یَکِه دِ اول وا مِه بیئیتَه.
လက္ရွိေရြးခ်ယ္ထားမွု
انجیلِ یوحنا 15: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 15
15
مِه دارِ مُو حقیقی‌اِم
1«مِه دارِ مُو حقیقی‌اِم وَ بُوَه‌م باغِوُونَه. 2هَر تَلی دِ مِه کِه میوَه نیارَه، او نِه قطع می‌کَه، وَ هَر تَلی کِه میوَه بیارَه، او نِه هِرَس می‌کَه تا بیشتِر میوَه بیارَه. 3شِما هِه ایسِه وِ سُنَه کلُومی کِه وِ شِما گُتِمَه، پاکیت. 4بَمُونیت دِ مِه، وَ مِه هَم می‌مُونِم دِ شِما. هِه چِنُو کِه اَر تَل دِ دارِ مُو نَمُونَه، نَتُونَه دِ خُوش میوَه بیارَه، شِما هَم اَر نَمُونیت دِ مِه، نَتُونیت میوَه بیاریت.
5«مِه دارِ مُواِم وَ شِما تَل‌یا وَه. وَه کِه می‌مُونَه دِ مِه وَ مِه دِ او، میوَه زیاد میارَه؛ سی یَکِه جِگا دِ مِه، هیچ نَتُونیت بَکیت. 6اَر کسی دِ مِه نَمُونَه، چی تَلی اَ کِه مُونَنِش وِ دیر وَ حُشک موئَه. تَل‌یا حُشک بی‌یَه نِه جمع می‌کَن وَ مُونَن دِ تَش، می‌سوزنَن. 7اَر بَمُونیت دِ مِه وَ کلُومِ مِه بَمُونَه دِ شِما، هَر چیئی کِه می‌حایت، باحایت کِه سیتُو موئَه. 8جِلالِ بُوَه مِه دِ یِنَه‌آ کِه شِما میوَه زیاد بیاریت؛ وَ وِ چِنی شاگردِ مِه موئیت.
9«هِه چِنُو کِه بُوَه مِه نِه دوس داشتَه، مِه هَم شِما نِه دوس داشتِمَه. دِ محبتِ مِه بَمُونیت. 10اَر هُدیا مِه نِه نِئَه داریت، دِ محبتِ مِه می‌مُونیت؛ چِنُو کِه مِه هُدیا بُوَه خُومِه نِئَه داشتِمَه وَ دِ محبتِ او می‌مُونِم. 11ایی قِصَه‌یا نِه وِ شِما گُتِم تا شایی مِه دِ شِما هَم بوئَه وَ شایی شِما کامل با.
12«هُدِ مِه یِنَه‌آ کِه یَکتِری نِه محبت بَکیت، چِنُو کِه مِه شِما نِه محبت کِردِمَه. 13محبتی گَپتِر دِ یَه نی کِه کسی جُونِ خُوشِه دِ رَه دوس‌یاش بِئَه. 14دوس‌یا مِه شِمانیت اَر هَر چیئی کِه وِ شِما هُد می‌کِم، اَنجُوم بِئیت. 15دَ شِما نِه غُلِم نِمُوحُونِم، سی یَکِه غُلِم دِ کاریا اربابِش خَوَر نارَه. بَلکم شِما نِه دوسِ خُوم مُوحُونِم، سی یَکِه هَر چیئی کِه دِ بُوَه اِشنَفتِمَه، شِما نِه دِ وَه واخَوَر کِردِمَه. 16شِما نِویئیت کِه مِه نِه انتخاب کِردیت، بَلکم مِه شِما نِه انتخاب کِردِم وَ شِما نِه قِرار دَم تا رُوئیت وَ میوَه بیاریت وَ میوَه شِما بَمُونَه، تا هَر چیئی کِه دِ بُوَه وِ نُومِ مِه باحایت وِ شِما عطا بَکَه. 17هُدِ مِه وِ شِما یِنَه‌آ کِه یَکتِری نِه محبت بَکیت.
دنیا دِ مُریدیا عیسی بَیئِش میا
18«اَر دنیا دِ شِما بَیئِش میا، وِ ویرِتُو با کِه وِرَز شِما، دِ مِه بَیئِش مِی‌ما. 19اَر هینِ دنیا بیئیت، دنیا شِما نِه چی کَسُونِ خُوش دوس مِی‌ئاشت. اما سی یَکِه هینِ دنیا نیسیت، بلکِم مِه شِما نِه دِ دنیا انتخاب کِردِمَه، دنیا دِ شِما بَیئِش میا. 20کلُومی نِه کِه وِ شِما گُتِم، وِ ویرِتُو با: ”غُلِم دِ اربابِ خُوش گَپتِر نی.“ اَر مِه نِه آزار دَن، شِما نِه هَم آزار مِی‌ئَن؛ وَ اَر کلُومِ مِه نِه نِئَه داشتِن، کلُومِ شِما نِه هَم نِئَه میارَن. 21اما گِردِ یِنُو نِه وِ سُنَه نُومِ مِه وا شِما می‌کَن، سی یَکِه وَه کِه مِه نِه کِل کِردَه نِه نِمی‌شناسَن. 22اَر نیُوماییمی وَ وا وِنُو قِصَه نَکِردیمی، گُنِه‌ای نائاشتِن؛ اما ایمدال دَ بُونِه‌ای سی گُنَه‌یاشُو نارَن. 23کسی کِه دِ مِه بَیئِش بیا، دِ بُوَه مِه هَم بَیئِش میا. 24اَر دِ مینِشُو کاریائی نَکِردیمی کِه غیرِ مِه هیشکَه نَکِردَه، گُنِه‌ای نائاشتِن؛ اما ایسِه، وا یَکه او کاریا نِه دینَه، هَم دِ مِه وَ هَم دِ بُوَه‌م بَیئِشُو میا. 25هِه وِ چِنی، کلُومی کِه دِ توراتِ خُوشُو اُومایَه، وِ اَنجُومِ خُوش مِی‌رَسَه کِه: ”بی دَلیل دِ مِه بَیئِشُو مِی‌ما.“
26«اما هِه کِه او یاوَر کِه دِ تِه بُوَه سی شِما کِل می‌کِم، بیایَه، یعنی روحِ حقیقت کِه دِ بُوَه میا، او خُوش دِ بارَه مِه شاهادَتی مِی‌ئَه. 27وَ شِما هَم بایِس شاهادَتی بِئیت، سی یَکِه دِ اول وا مِه بیئیتَه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company