کاریا رسولیا 26
26
1آگریپاس ری کِرد وِ پولُس وُ گُت: «ایی اِجازَه نِه داری دِ دفاع دِ خُوت چیئی بُوئی.»
اوسِه پولُس دَس بُرد وا وَر وَ دفاع خُوشِه چِنی عرض کِرد: 2«آگریپاسِ پاتشا، چَنی بَخت وا مِه یار بییَه کِه اِیمرو دِ حضورِ شِما اِیسامَه، دِ بِرُووَرِ گِردِ شکایتیا یهودیُو دِ خُوم دفاع بَکِم. 3بخصوص یَکِه دُونِم شِما وا گِردِ آییندایینِ یهود وَ اختلافیائی کِه ها مابِینِشُو وِ تمُومی آشنائی داریت. ایسِه، خواهِشت میکِم، وا حوصلَه وِ عرایِضِم گوش بِئیت.
4«یهودیُو گِردِشُو زِنِهئی مِه نِه دِ اولِ جِوُونیم دُونَن، هِه دِ او اول کِه دِ مینِ ملت خُوم وَ دِ اورشلیم زِنِهئی میکِردِم. 5وِنُو دِ زی خَوَر دارَن وَ اَر باحان، تُونَن شاهادَتی بِئَن کِه مِه وِ عنوانِ یِه فَریسی، مُریدِ سخگیرتِرین فِرقَه دینِمُو بیمَه. 6وَ اِیمرو سی خاطرِ اُمید وِ او چیئی کِه خدا وِ بُوَهیا اِیما وَعدَه دِئَه، محاکمَه موئِم. 7یَه هِه او وَعدِهای اَ کِه دُوازَه طایفَه اِیما وا دِلوُجُو، شُو وُ روز وِ اُمیدِ وِ دَس اُوِردِهنِش، خدا نِه میپِرَسَن. بله، پاتشا، سی خاطرِ هِه ایی اُمید اَ کِه یهودیُو مِه نِه متهم مِیکَن. 8سی چی بایِس سی هَر کُوم دِ شِما بِلاجی بیایَه که خدا مُردَهیا نِه زِنَه میکَه؟
9«مِه هَم اِتقاد داشتِم کِه بایِس دِ اَنجُومِ هیچ کاری وِ تیشک وا نُومِ عیسی ناصری کوتائی نَکِم. 10وَ یَه دُرِس هِه او کاری بی کِه دِ اورشلیم کِردِم. وا گِرِتِهنِ اختیار دِ سَرُونِ کاهِنیا، مقدسینِ زیادی نِه میوَنِم وِ هُلِفدُو، وَ هِه کِه وِ مرگ محکوم مِویئِن، وِ تیشکِشُو رأی مِیدَم. 11بارها دِ دُمِ مجازاتِ وِنُو، کنیسَه وِ کنیسَه مِیرَتِم وَ تَقِلا میکِردِم وادارِشُو بَکِم کِفِر بُوئَن. تاوِ غیظِ مِه چِنُو بی وِشُو کِه حتی تا شهریا غیرِیهودی هَم مِیرَتِم دِ تُرِشُو.
12«دِ یَکی دِ ایی سَفَریا، وا حُکم وُ اختیارِ کامل دِ لا سَرُونِ کاهِنیا، مِیرَتِم وِ دمشق. 13نِزیکِ ظهر، پاتشا، دِ مینِ رَه یِگِلی نیری بِرچَهدارتِر دِ نیرِ اَفتُو دِ آسمُو دُورِ مِه وَ هُمرَهیام هورَه کِرد. 14گِردِمُو اُفتاییم وِ ری زِمی، وَ مِه دَنگی اِشنَفتِم کِه وِ زِوُونِ عبری وِ مِه میگُت: ”شائول، شائول، سی چی مِه نِه عَذُو مِئی؟ سیت سخت اَ کِه لَقَه بُونی وِ میخیا، سی یَکه یَه هِه خُوتِه دالِهدِر میکی!“
15«پُرسیئِم: ”خداوند، تو کیئی؟“
«خداوند گُت: ”مِه هِه او عیسیآم کِه تو عَذُوِش مِئی. 16وِری وا راس. سی یَه خُومِه وِت نِشُو دَمَه تا تو نِه پاکار وَ شاهدِ خُوم بَکِم، تا وِ او چیئی کِه دِ وَه مِه نِه دیئیَه وَ وِ اوچیئی کِه دِ وَه خُومِه وِت نِشُو مِیئِم، شاهادَتی بِئی. 17مِه تو نِه دِ دَسِ قُومِ خُوت وَ دِ دَسِ غیرِیهودیُونی کِه تو نِه وِ تِهشُو کِل میکِم راها میکِم 18تا چَشیاشُو نِه بَگُشنی، تا دِ تاریکی وِ نیر، وَ دِ قدرتِ شِیطُو والا خدا وِرگَردَن، تا گُنَهیاشُو آمُرزیَه با، وَ دِ مینِ وِنُو کِه وا ایمُونِ وِ مِه مقدس بینَه، بَری بُورَن.“
19«پس، آگریپاسِ پاتشا، مِه دِ او رُویائی که دِ آسمُونَه سَر واز نَکِردِم. 20بلکِم اول دِ مینِ وِنُو کِه دِ دمشق بییِن، اوسِه دِ اورشلیم وَ گِردِ دیارِ یهودیَه، وَ هَم دِ مینِ غیرِیهودیُو دَس وِ کارِ اِعلُومِ ایی پِیغُوم بیئِم کِه بایِس توبَه بَکَن وَ والا خدا وِرگَردَن وَ کاریا قابلِ توبَه داشتوئَن. 21زوتا، یهودیُو مِه نِه دِ معبد گرفتار کِردِن وَ میحاسِن مِه نِه بَکُشَن. 22اما تا وِ اِیمرو، خدا کمکِم کِردَه وَ ایمدال ایچِه اِیسامَه وَ وِ همَه، دِ کُچِک وُ گَپ، شاهادَتی مِیئِم. یَه نِه کِه مُوئِم چیئی نی غیرِ او چیئی کِه پِیغَمَریا وَ موسی گُتِنَه کِه میبایِس اتفاق بِفتَه: 23یَکِه مسیح بایِس عَذُو بَکَشَه وَ اولین کسی با کِه دِ مُردَهیا زِنَه موئَه، تا نیرِ نِه هَم وِ ایی قُومِ اِیما وَ هَم وِ باقی قُومیا اِعلُوم بَکَه.»
24هِه کِه پولُس وا ایی حرفیا دِ خُوش دفاع میکِرد، فِستوس قارَن گُت: «پولُس، تو عقلِ خُوتِه دِ دَس دِئیَه! عِلمِ زیاد، تو نِه لیوَه کِردَه.»
25اما پولُس جُئُو دَه: «لیوَه نیسِم، عالیجناب فِستوس، بَلکِم دِ کمالِ هُوشیاری عینِ حقیقتِه مُوئِم. 26پاتشا خُوش دِ ایی چیا خَوَر دارَه وَ مِه هَم بیپَردَه واشُ قِصَه میکِم، سی یَکِه اِطمینُو دارِم هیچ کُوم دِ یِنُو دِ وَرِ چَشِش دیر نَمَنَه، سی یَکِه ایی اتفاق دِ خَفا نِویَه. 27آگریپاسِ پاتشا، وِ پِیغَمَریا اِتقاد داریت؟ دُونِم کِه داریت.»
28آگریپاس وِ پولُس گُت: «هِه وِ ایی زیئی میحای مَسیحیم بَکی؟»
29پولُس دِ جُئُو گُت: «دِ خدا میحام کِه دیرِ زی، نَه تَنیا شِما، بلکِم گِردِ وِنُو کِه اِیمرو وِ مِه گوش مِیئَن، هِه چی مِه بوئَن، اَلوَتَ نَه دِ زالِنَه!»
30اوسِه پاتشا وِریسا، واردِش والی وَ بِرنیکی وَ باقی وِنُو کِه دِ مجلس بییِن هَم وِریسان، 31دِ حالی کِه وا یَک قِصَه میکِردِن، کِردِن وِ دَر وَ وا یَک میگُتِن: «ایی پیا کاری کِه قابلِ مرگ یا هُلِفدُو با، نَکِردَه.»
32آگریپاس وِ فِستوس گُت: «اَر ایی پیا دِ قیصر دادخوائی نَکِردی، مِوی او نِه هِیسِه آزاد کِرد.»
လက္ရွိေရြးခ်ယ္ထားမွု
کاریا رسولیا 26: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسولیا 26
26
1آگریپاس ری کِرد وِ پولُس وُ گُت: «ایی اِجازَه نِه داری دِ دفاع دِ خُوت چیئی بُوئی.»
اوسِه پولُس دَس بُرد وا وَر وَ دفاع خُوشِه چِنی عرض کِرد: 2«آگریپاسِ پاتشا، چَنی بَخت وا مِه یار بییَه کِه اِیمرو دِ حضورِ شِما اِیسامَه، دِ بِرُووَرِ گِردِ شکایتیا یهودیُو دِ خُوم دفاع بَکِم. 3بخصوص یَکِه دُونِم شِما وا گِردِ آییندایینِ یهود وَ اختلافیائی کِه ها مابِینِشُو وِ تمُومی آشنائی داریت. ایسِه، خواهِشت میکِم، وا حوصلَه وِ عرایِضِم گوش بِئیت.
4«یهودیُو گِردِشُو زِنِهئی مِه نِه دِ اولِ جِوُونیم دُونَن، هِه دِ او اول کِه دِ مینِ ملت خُوم وَ دِ اورشلیم زِنِهئی میکِردِم. 5وِنُو دِ زی خَوَر دارَن وَ اَر باحان، تُونَن شاهادَتی بِئَن کِه مِه وِ عنوانِ یِه فَریسی، مُریدِ سخگیرتِرین فِرقَه دینِمُو بیمَه. 6وَ اِیمرو سی خاطرِ اُمید وِ او چیئی کِه خدا وِ بُوَهیا اِیما وَعدَه دِئَه، محاکمَه موئِم. 7یَه هِه او وَعدِهای اَ کِه دُوازَه طایفَه اِیما وا دِلوُجُو، شُو وُ روز وِ اُمیدِ وِ دَس اُوِردِهنِش، خدا نِه میپِرَسَن. بله، پاتشا، سی خاطرِ هِه ایی اُمید اَ کِه یهودیُو مِه نِه متهم مِیکَن. 8سی چی بایِس سی هَر کُوم دِ شِما بِلاجی بیایَه که خدا مُردَهیا نِه زِنَه میکَه؟
9«مِه هَم اِتقاد داشتِم کِه بایِس دِ اَنجُومِ هیچ کاری وِ تیشک وا نُومِ عیسی ناصری کوتائی نَکِم. 10وَ یَه دُرِس هِه او کاری بی کِه دِ اورشلیم کِردِم. وا گِرِتِهنِ اختیار دِ سَرُونِ کاهِنیا، مقدسینِ زیادی نِه میوَنِم وِ هُلِفدُو، وَ هِه کِه وِ مرگ محکوم مِویئِن، وِ تیشکِشُو رأی مِیدَم. 11بارها دِ دُمِ مجازاتِ وِنُو، کنیسَه وِ کنیسَه مِیرَتِم وَ تَقِلا میکِردِم وادارِشُو بَکِم کِفِر بُوئَن. تاوِ غیظِ مِه چِنُو بی وِشُو کِه حتی تا شهریا غیرِیهودی هَم مِیرَتِم دِ تُرِشُو.
12«دِ یَکی دِ ایی سَفَریا، وا حُکم وُ اختیارِ کامل دِ لا سَرُونِ کاهِنیا، مِیرَتِم وِ دمشق. 13نِزیکِ ظهر، پاتشا، دِ مینِ رَه یِگِلی نیری بِرچَهدارتِر دِ نیرِ اَفتُو دِ آسمُو دُورِ مِه وَ هُمرَهیام هورَه کِرد. 14گِردِمُو اُفتاییم وِ ری زِمی، وَ مِه دَنگی اِشنَفتِم کِه وِ زِوُونِ عبری وِ مِه میگُت: ”شائول، شائول، سی چی مِه نِه عَذُو مِئی؟ سیت سخت اَ کِه لَقَه بُونی وِ میخیا، سی یَکه یَه هِه خُوتِه دالِهدِر میکی!“
15«پُرسیئِم: ”خداوند، تو کیئی؟“
«خداوند گُت: ”مِه هِه او عیسیآم کِه تو عَذُوِش مِئی. 16وِری وا راس. سی یَه خُومِه وِت نِشُو دَمَه تا تو نِه پاکار وَ شاهدِ خُوم بَکِم، تا وِ او چیئی کِه دِ وَه مِه نِه دیئیَه وَ وِ اوچیئی کِه دِ وَه خُومِه وِت نِشُو مِیئِم، شاهادَتی بِئی. 17مِه تو نِه دِ دَسِ قُومِ خُوت وَ دِ دَسِ غیرِیهودیُونی کِه تو نِه وِ تِهشُو کِل میکِم راها میکِم 18تا چَشیاشُو نِه بَگُشنی، تا دِ تاریکی وِ نیر، وَ دِ قدرتِ شِیطُو والا خدا وِرگَردَن، تا گُنَهیاشُو آمُرزیَه با، وَ دِ مینِ وِنُو کِه وا ایمُونِ وِ مِه مقدس بینَه، بَری بُورَن.“
19«پس، آگریپاسِ پاتشا، مِه دِ او رُویائی که دِ آسمُونَه سَر واز نَکِردِم. 20بلکِم اول دِ مینِ وِنُو کِه دِ دمشق بییِن، اوسِه دِ اورشلیم وَ گِردِ دیارِ یهودیَه، وَ هَم دِ مینِ غیرِیهودیُو دَس وِ کارِ اِعلُومِ ایی پِیغُوم بیئِم کِه بایِس توبَه بَکَن وَ والا خدا وِرگَردَن وَ کاریا قابلِ توبَه داشتوئَن. 21زوتا، یهودیُو مِه نِه دِ معبد گرفتار کِردِن وَ میحاسِن مِه نِه بَکُشَن. 22اما تا وِ اِیمرو، خدا کمکِم کِردَه وَ ایمدال ایچِه اِیسامَه وَ وِ همَه، دِ کُچِک وُ گَپ، شاهادَتی مِیئِم. یَه نِه کِه مُوئِم چیئی نی غیرِ او چیئی کِه پِیغَمَریا وَ موسی گُتِنَه کِه میبایِس اتفاق بِفتَه: 23یَکِه مسیح بایِس عَذُو بَکَشَه وَ اولین کسی با کِه دِ مُردَهیا زِنَه موئَه، تا نیرِ نِه هَم وِ ایی قُومِ اِیما وَ هَم وِ باقی قُومیا اِعلُوم بَکَه.»
24هِه کِه پولُس وا ایی حرفیا دِ خُوش دفاع میکِرد، فِستوس قارَن گُت: «پولُس، تو عقلِ خُوتِه دِ دَس دِئیَه! عِلمِ زیاد، تو نِه لیوَه کِردَه.»
25اما پولُس جُئُو دَه: «لیوَه نیسِم، عالیجناب فِستوس، بَلکِم دِ کمالِ هُوشیاری عینِ حقیقتِه مُوئِم. 26پاتشا خُوش دِ ایی چیا خَوَر دارَه وَ مِه هَم بیپَردَه واشُ قِصَه میکِم، سی یَکِه اِطمینُو دارِم هیچ کُوم دِ یِنُو دِ وَرِ چَشِش دیر نَمَنَه، سی یَکِه ایی اتفاق دِ خَفا نِویَه. 27آگریپاسِ پاتشا، وِ پِیغَمَریا اِتقاد داریت؟ دُونِم کِه داریت.»
28آگریپاس وِ پولُس گُت: «هِه وِ ایی زیئی میحای مَسیحیم بَکی؟»
29پولُس دِ جُئُو گُت: «دِ خدا میحام کِه دیرِ زی، نَه تَنیا شِما، بلکِم گِردِ وِنُو کِه اِیمرو وِ مِه گوش مِیئَن، هِه چی مِه بوئَن، اَلوَتَ نَه دِ زالِنَه!»
30اوسِه پاتشا وِریسا، واردِش والی وَ بِرنیکی وَ باقی وِنُو کِه دِ مجلس بییِن هَم وِریسان، 31دِ حالی کِه وا یَک قِصَه میکِردِن، کِردِن وِ دَر وَ وا یَک میگُتِن: «ایی پیا کاری کِه قابلِ مرگ یا هُلِفدُو با، نَکِردَه.»
32آگریپاس وِ فِستوس گُت: «اَر ایی پیا دِ قیصر دادخوائی نَکِردی، مِوی او نِه هِیسِه آزاد کِرد.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company