کاریا رسولیا 25
25
دادخوائی پولُس دِ قیصر
1سِه رو دِما یَکِه فِستوس رَسِسی وِ حوزَه فَرمُونداری خُوش، دِ شهرِ قیصریَه رَت وِ اورشلیم. 2وَ دِ اوچِه سَرُونِ کاهِنیا وَ گَپُونِ قُومِ یهود دِ تِه او حاضِر بییِن وَ شکایتیا خُوشُو نِه وِ تیشکِ پولُس عرض کِردِن. 3وِنُو دِ فِستوس حاسِن لطفی بَکَه وِشُو، پولُسِه وِ اورشلیم احضار بَکَه، سی یَکِه دِ کِرِش بییِن تا او نِه دِ مینِ رَه بَکُشَن. 4فِستوس دِ جُئُو گُت: «پولُس دِ قیصریَه، ها دِ بَن، وَ مِه خُوم قَصت دارِم وِ ایی زیئی رُوئِم وِ اوچِه. 5وَ او گُت: پس قَری دِ گَپُونِتُو کِه اعتبار دارَن، تُونَن واردِم بیایَن تا اَر دِ ایی پیا خبطی سَر زِئوئَه، شکایتِشُو نِه وِ تیشکِش بُوئَن.»
6فِستوس دِما وَه نِزیکِ هشت تا ده رو کِه مَن واشُو، وِرگَشت وِ قیصریَه، وِ صُوش مَحکِمَه نِه رَه وَن وُ هُد کِرد پولُسِه بیارَن. 7هِه کِه پولُس اُوما وامی، یهودیُونی کِه دِ اورشلیم اُومایینی، هورَش کِردِن وُ خیلی بُختُومیا سختی وِش زَن، اما نَتُونِسِن وِنُو نِه ثابت بَکَن.
8پولُس دِ دفاع دِ خُوش گُت: «مِه هیچ خبطی نَه وِ تیشکِ شریعتِ یهود نَه وِ تیشکِ معبد وَ نَه وِ تیشکِ قیصرِ روم نَکِردِمَه.»
9اما فِستوس کِه میحاس مِنتی بَنِئَه وِ سَرِ یهودیُو، وِ پولُس گُت: «میحای رُوئی وِ اورشلیم تا دِ اوچِه سی ایی بُختُومیا دِ حضورِ مِه محاکمَه بای؟»
10اما پولُس دِ جُئُو گُت: «مِه هِه ایسِه هَم اِیسامَه دِ مَحکِمَه قیصر کِه دِ وَه میبایِس محاکمَه بام. شِما خُوت خو خَوَر داری کِه مِه هیچ کارِ خبطی نِسوَت وِ یهود نَکِردِمَه. 11ایسِه اَر خبطی کِردِمَه یا کاری کِردِمَه کِه جَزاش مرگ اَ، دِ مُردِه باکِم نی. اما اَر بُختُومیائی کِه یِنُو وِ مِه میزِنَن، دِرو اَ، هیچ کَه نَتُونَه مِه نِه وِ دَسِشُو تسلیم بَکَه. دِ قیصر دادخوائی میکِم.»
12اوسِه فِستوس دِما یَکِه وا اعضا شورا شُور کِرد، اِعلُوم کِرد: «دِ قیصر دادخوائی میکی، پس مِیری وِ حضورِ قیصر!»
پولُس دِ حضورِ آگریپاس
13دِما یَکِه چَن رو دِش رَت، آگریپاسِ پاتشا وَ بِرنیکی سی خُوشامدگوئی وِ فِستوس، اُومان وِ قیصریَه. 14دوچِه کِه روزیا زیادی دوچِه مَنینی، فِستوس جریانِ پولُسِه وا پاتشا پیش کَشی وُ گُت: «دِ ایچِه پیائی هی کِه فِلیکس او نِه نِئَهداشتَه دِ هُلِفدُو. 15هِه کِه دِ اورشلیم بیئِم، سَرُونِ کاهِنیا وَ مشایخِ یهود بُختُومیائی وِش زَن وَ حاسِن محکوم با.
16«وِشُو گُتِم دِ مینِ رومییا رَسم نی کِه متهمی نِه وِرَز یَکِه وا شاکییاش ریوِری بوئَه وَ بَتُونَه دِ وَرِ بُختُومیا، دِ خُوش دفاع بَکَه، تسلیمِش بَکَن. 17هِه کِه دِ ایچِه جمع بییِن، اَنگِلات نَکِردِم بلکِم وِ صُوش، مَحکِمَه نِه تشکیل دَم وُ هُد کِردِم او نِه بیارَن. 18هِه کِه شاکییا وِریسان تا حرفی دِئَن، او نِه وِ هیچ کُوم دِ بُختُومیا گَنی کِه مِه انتظار داشتِم، متهم نَکِردِن. 19بَلکِم وِ سَرِ چَن چی دِ موردِ دینِ خُوشُو وَ عیسی نُومی کِه مُردَه اما پولُس ادعا میکَه زِنَهآ، دَمرِگَه کِردِن. 20مِه کِه نُئُونِسِم چطور بایِس وِ چِنی چیائی رِسیدِئی کِرد، دِش پُرسیم میحا کِه رُوئَه وِ اورشلیم تا دِ اوچِه سی ایی بُختُومیا محاکمَه با. 21اما هِه کِه پولُس حاس تا صدورِ رأیِ قیصر، هِه چِنُو بَمُونَه دِ بَن. مِه هُد کِردِم نِئَهش دارَن، تا زِمُونی کِه او نِه کِل بَکِم وِ تِه قیصر.» 22آگریپاس وِ فِستوس گُت: «دِلِم میحا خُوم حرفیاشِه بَشنُوئِم.»
گُت: «صُو حرفیاشِه میشنُوئیت.»
23اوسِه وِ صُوش، آگریپاس وَ بِرنیکی وا کَبکَبَه وُ دَبدَبَه اُومان وَ واردِ فَرمُوندَهیا نظامی وَ پیایا سَرشناسِ شهر رَتِن وِ مینِ تالارِ شهر. وِ هُدِ فِستوس، پولُسِ نِه اُوِردِن. 24فِستوس گُت: «اِ آگریپاسِ پاتشا، وَ اِ گِردِ کَسُونی کِه دیچِه حاضریت! ایی پیا نِه کِه مِئینیت، گِردِ جِماعتِ یهود، چِه دِ اورشلیم چِه دِ ایچِه، وِ تِه مِه دِش شکایت کِردِنَه وَ قارَنِنَه کِه نَبایِس زِنَه بَمُونَه. 25اما مِه وِ ایی نتیجَه رَسِسِمَه کِه او کاری نَکِردَه کِه سِزاش مرگ با. اما سی یَکِه ایی پیا دِ قیصر دادخوائی کِرد، پس مِه تصمیم گِرِتِم او نِه وِ روم کِل بَکِم. 26اما دلیلِ دیاریئی نارِم کِه دِ بارَه او سی سَروَرِ خُوم بَنیسِم. پس او نِه وِ حضورِ همَه شِما، بخصوص وِ حضورِ شِما، آگریپاسِ پاتشا، اُوِردِم تا گاس، دِما بازخواست، چیئی سی نیسَنِه پیا بَکِم. 27سی یَکِه وِ عَقیدَه مِه خِلافِ عقل اَ کِه زِندُونی نِه بدونِ گُتِهنِ بُختُومیائی کِه وِش وارِد اَ، کِل بَکِم.»
လက္ရွိေရြးခ်ယ္ထားမွု
کاریا رسولیا 25: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسولیا 25
25
دادخوائی پولُس دِ قیصر
1سِه رو دِما یَکِه فِستوس رَسِسی وِ حوزَه فَرمُونداری خُوش، دِ شهرِ قیصریَه رَت وِ اورشلیم. 2وَ دِ اوچِه سَرُونِ کاهِنیا وَ گَپُونِ قُومِ یهود دِ تِه او حاضِر بییِن وَ شکایتیا خُوشُو نِه وِ تیشکِ پولُس عرض کِردِن. 3وِنُو دِ فِستوس حاسِن لطفی بَکَه وِشُو، پولُسِه وِ اورشلیم احضار بَکَه، سی یَکِه دِ کِرِش بییِن تا او نِه دِ مینِ رَه بَکُشَن. 4فِستوس دِ جُئُو گُت: «پولُس دِ قیصریَه، ها دِ بَن، وَ مِه خُوم قَصت دارِم وِ ایی زیئی رُوئِم وِ اوچِه. 5وَ او گُت: پس قَری دِ گَپُونِتُو کِه اعتبار دارَن، تُونَن واردِم بیایَن تا اَر دِ ایی پیا خبطی سَر زِئوئَه، شکایتِشُو نِه وِ تیشکِش بُوئَن.»
6فِستوس دِما وَه نِزیکِ هشت تا ده رو کِه مَن واشُو، وِرگَشت وِ قیصریَه، وِ صُوش مَحکِمَه نِه رَه وَن وُ هُد کِرد پولُسِه بیارَن. 7هِه کِه پولُس اُوما وامی، یهودیُونی کِه دِ اورشلیم اُومایینی، هورَش کِردِن وُ خیلی بُختُومیا سختی وِش زَن، اما نَتُونِسِن وِنُو نِه ثابت بَکَن.
8پولُس دِ دفاع دِ خُوش گُت: «مِه هیچ خبطی نَه وِ تیشکِ شریعتِ یهود نَه وِ تیشکِ معبد وَ نَه وِ تیشکِ قیصرِ روم نَکِردِمَه.»
9اما فِستوس کِه میحاس مِنتی بَنِئَه وِ سَرِ یهودیُو، وِ پولُس گُت: «میحای رُوئی وِ اورشلیم تا دِ اوچِه سی ایی بُختُومیا دِ حضورِ مِه محاکمَه بای؟»
10اما پولُس دِ جُئُو گُت: «مِه هِه ایسِه هَم اِیسامَه دِ مَحکِمَه قیصر کِه دِ وَه میبایِس محاکمَه بام. شِما خُوت خو خَوَر داری کِه مِه هیچ کارِ خبطی نِسوَت وِ یهود نَکِردِمَه. 11ایسِه اَر خبطی کِردِمَه یا کاری کِردِمَه کِه جَزاش مرگ اَ، دِ مُردِه باکِم نی. اما اَر بُختُومیائی کِه یِنُو وِ مِه میزِنَن، دِرو اَ، هیچ کَه نَتُونَه مِه نِه وِ دَسِشُو تسلیم بَکَه. دِ قیصر دادخوائی میکِم.»
12اوسِه فِستوس دِما یَکِه وا اعضا شورا شُور کِرد، اِعلُوم کِرد: «دِ قیصر دادخوائی میکی، پس مِیری وِ حضورِ قیصر!»
پولُس دِ حضورِ آگریپاس
13دِما یَکِه چَن رو دِش رَت، آگریپاسِ پاتشا وَ بِرنیکی سی خُوشامدگوئی وِ فِستوس، اُومان وِ قیصریَه. 14دوچِه کِه روزیا زیادی دوچِه مَنینی، فِستوس جریانِ پولُسِه وا پاتشا پیش کَشی وُ گُت: «دِ ایچِه پیائی هی کِه فِلیکس او نِه نِئَهداشتَه دِ هُلِفدُو. 15هِه کِه دِ اورشلیم بیئِم، سَرُونِ کاهِنیا وَ مشایخِ یهود بُختُومیائی وِش زَن وَ حاسِن محکوم با.
16«وِشُو گُتِم دِ مینِ رومییا رَسم نی کِه متهمی نِه وِرَز یَکِه وا شاکییاش ریوِری بوئَه وَ بَتُونَه دِ وَرِ بُختُومیا، دِ خُوش دفاع بَکَه، تسلیمِش بَکَن. 17هِه کِه دِ ایچِه جمع بییِن، اَنگِلات نَکِردِم بلکِم وِ صُوش، مَحکِمَه نِه تشکیل دَم وُ هُد کِردِم او نِه بیارَن. 18هِه کِه شاکییا وِریسان تا حرفی دِئَن، او نِه وِ هیچ کُوم دِ بُختُومیا گَنی کِه مِه انتظار داشتِم، متهم نَکِردِن. 19بَلکِم وِ سَرِ چَن چی دِ موردِ دینِ خُوشُو وَ عیسی نُومی کِه مُردَه اما پولُس ادعا میکَه زِنَهآ، دَمرِگَه کِردِن. 20مِه کِه نُئُونِسِم چطور بایِس وِ چِنی چیائی رِسیدِئی کِرد، دِش پُرسیم میحا کِه رُوئَه وِ اورشلیم تا دِ اوچِه سی ایی بُختُومیا محاکمَه با. 21اما هِه کِه پولُس حاس تا صدورِ رأیِ قیصر، هِه چِنُو بَمُونَه دِ بَن. مِه هُد کِردِم نِئَهش دارَن، تا زِمُونی کِه او نِه کِل بَکِم وِ تِه قیصر.» 22آگریپاس وِ فِستوس گُت: «دِلِم میحا خُوم حرفیاشِه بَشنُوئِم.»
گُت: «صُو حرفیاشِه میشنُوئیت.»
23اوسِه وِ صُوش، آگریپاس وَ بِرنیکی وا کَبکَبَه وُ دَبدَبَه اُومان وَ واردِ فَرمُوندَهیا نظامی وَ پیایا سَرشناسِ شهر رَتِن وِ مینِ تالارِ شهر. وِ هُدِ فِستوس، پولُسِ نِه اُوِردِن. 24فِستوس گُت: «اِ آگریپاسِ پاتشا، وَ اِ گِردِ کَسُونی کِه دیچِه حاضریت! ایی پیا نِه کِه مِئینیت، گِردِ جِماعتِ یهود، چِه دِ اورشلیم چِه دِ ایچِه، وِ تِه مِه دِش شکایت کِردِنَه وَ قارَنِنَه کِه نَبایِس زِنَه بَمُونَه. 25اما مِه وِ ایی نتیجَه رَسِسِمَه کِه او کاری نَکِردَه کِه سِزاش مرگ با. اما سی یَکِه ایی پیا دِ قیصر دادخوائی کِرد، پس مِه تصمیم گِرِتِم او نِه وِ روم کِل بَکِم. 26اما دلیلِ دیاریئی نارِم کِه دِ بارَه او سی سَروَرِ خُوم بَنیسِم. پس او نِه وِ حضورِ همَه شِما، بخصوص وِ حضورِ شِما، آگریپاسِ پاتشا، اُوِردِم تا گاس، دِما بازخواست، چیئی سی نیسَنِه پیا بَکِم. 27سی یَکِه وِ عَقیدَه مِه خِلافِ عقل اَ کِه زِندُونی نِه بدونِ گُتِهنِ بُختُومیائی کِه وِش وارِد اَ، کِل بَکِم.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company