کاریا رسول‌یا 24
24
محاکمَه دِ حضورِ فلیکس
1دِما پنج رو، کاهِنِ اعظم، حَنانیا، واردِ قَری دِ مشایخ وَ وکیلی وِ نُومِ تِرتولُس اُومان وِ قیصریَه، وِنُو شکایتِشُو نِه وِ تیشکِ پولُس رَسَنِن وِ خدمتِ والی. 2هِه کِه پولُسِ نِه احضار کِردِن، تِرتولُس شکایتِشِه دِ بِرُووَرِ فلیکس چِنی شروع کِرد: «عالیجناب، سی یَکِه خیلی وَخت اَ کِه دِ زِیرِ سات هایم دِ آسایش وَ سی خاطِرِ آیندَه‌نِگری شِما، ایی ملت، اوضاعِ بیتِری نِصیوِش بی‌یَه، 3وظیفَه خُومُو دُونیم کِه دِ هَر جا وُ هَر زِمُو، دِ شِما قدردانی بَکیم. 4اما سی یَکِه بیشتِر دِ یَه وَختِ شِما نِه نِئیریم، تمنا داریم اِیما نِه موردِ لطفِ خُوت قِرار بِئی، کَمِ‌کُتی حرف‌یامُو نِه بَشنُوئی. 5«اِیما وِ ایی نتیجَه رَسِسیمَه کِه ایی پیا، آیِمِ شَرِگَری اَ کِه دِ مینِ یهودیُونِ سَرتاسَرِ دنیا بِلبِشُو وِ پا می‌کَه، وَ یَکی دِ سَرکِردَه‌یا فِرقَه «ناصِری» اَ. 6حتی زِمُونی کِه اِیما او نِه گِرِتیم دِ صِدَد بی معبدِ خدا نِه بی‌قُرپ بَکَه. [وَ حاسیم او نِه طبقِ شریعتِ خُومُو محاکمَه‌ش بَکیم 7اما لیسیاسِ فَرمُوندَه اُوما وُ وِ زور او نِه دِ قَپِ اِیما دِراُوِرد، 8وِ شاکی‌یاش هُد کِرد تا بیایَن وِ حضورِت.] ایسِه، اَر شِما خُوتُو دِش بازجوئی بَکیت، دُرِسی او چیئی کِه وَه نِه وِش متهم می‌کیم، سیتُو دیاری موئَه.»
9یهودیُو هَم یِه دَنگ، گِردِ ایی چیا نِه تایید کِردِن.
10هِه کِه والی وِ پولُس اِشارَه کِرد کِه قِصَه بَکَه، او چِنی جُئُو دَه: «مِه دُونِم چَنی وُ چَن سال اَ کِه کارِ داوَری ایی ملت، ها وا شِما، پس وا خُشالی تمُوم، دفاع خُومِه عرض می‌کِم. 11شِما خُوتُو تُونیت پُرسِ‌جُو بَکیت وَ بَفَمیت کِه دِ زِمُونی کِه مِه سی عبادت رَتِم وِ اورشلیم، دُوازَه رو بیشتِر دِش نَرَتَه، 12وَ دِ ایی مدت، مِه نِه نِئینَه کِه وا کَسی دَم‌رِگِه‌ای بَکِم وَ یا یَکِه جِماعتی نِه آنتریک بَکِم چِه دِ معبد چِه دِ کنیسَه‌یا یهود، چِه دِ شهر. 13وِنُو نَتُونَن بُختُوم‌یائی نِه کِه وِم می‌زِنَن، ثابت بَکَن. 14اما یَه نِه وِ تِه شِما اعتراف می‌کِم کِه وا مُریدی دِ اَهلِ طریقت کِه وِنُو فِرقَه دُونَنِش، مِه خدای اَجدادِمُو نِه می‌پِرَسِم وَ وِ هَر چیئی هَم کِه دِ تورات وَ کِتُویا انبیا نیسَنَه بی‌یَه، باوَر دارِم، 15مِه هَم اُمیدِم ها وِ خدا وَ یَکه یِه روزی مُردَه‌یا زِنَه موئَن چِه آیِم‌یا صالح وُ چِه آیِم‌یا ظالم کِه ایی پیایا خُوشُو هَم قبول دارَن. 16زوتا، سخت تَقِلا می‌کِم تا نِسوَت وِ خدا وُ مردِم وا وجدانِ پاک زِنِه‌ئی بَکِم.
17ایسِه «مِه دِما چَنی‌چَن سال، رَتِم وِ اورشلیم تا سی ژاریا ملتِ خُوم صِدَقَه‌یائی بُورِم وُ قُرُونی تقدیم بَکِم. 18یَه نِه وِجا می‌اُوِردِم کِه مِه نِه هِه چِنُو کِه تطهیر کِردیمی، دِ معبد پیا کِردِن. نَه جمعیتی دِ مینَه بی وُ نَه قِشقِرِقی. 19اما دِ اوچِه قَری یهودی دِ منطقَه آسیا بییِن کِه وِنُو هَم بایِس دیچِه دِ بِرُووَرِ شِما حاضر مِویئِن تا اَر اتهامی وِ تیشکِ مِه دارَن، بُوئَن. 20وَ یا یَکِه وِنُو کِه هان ویچِه، بُوئَن هِه کِه دِ حضورِ شورا اِیساییمی، چِه خطائی دِ مِه پیا کِردِن، 21غیرِ یَکِه دِ مینِشُو وا دَنگِ بُلِن گُتِم: ”وِ سُنَه مسئِلَه زِنَه‌بی‌یِه‌نِ مُردَه‌یا اَ کِه اِیمرو دِ حضورِ شِما محاکمَه موئِم.“»
22اوسِه فلیکس کِه وِ خوئی وا طریقت آشنائی داشت، محاکمَه نِه وَن وِ وَختی هَنی وَ گُت: «هِه کِه لیسیاس فَرمُوندَه بیایَه، ری شِکایَتِتُو اوسِه تصمیم مِئی‌رِم.» 23اوسِه وِ افسرِ مسئول هُد کِرد تا پولُسِ نِه زیرِ نظر بِئیرَه، اما تا قَدی آزادی‌یائی وِش بِئَه وَ مانعِ یَه نوئَه کِه رِفیق‌یاشِه بِئینَه تا وِنُو هُوجَه‌یاشِه بَرطِرَف بَکَن.
24دِما چَن رو، فلیکس واردِ زِئنَه‌ش دروسیلا کِه یهودی بی، اُوما وُ دِ دُمِ پولُس کِل کِرد، وِ حرف‌یا او دِبارَه ایمُونِ وِ مسیح گوش دَه. 25هِه کِه پولُس دِ صالح‌بی‌یِه وَ پرهیزگاری وُ داوَری آیندَه قِصَه کِرد، فلیکس زَرتِلاق بی وُ گُت: «دَ بَسَه! ایسِه رُو. دِ مِجالی هَنی دُوارَه هِنات می‌کِم.» 26دَر ضمن، اُمید داشت پولُس رُشوَتی وِش بِئَه. زوتا، وَختِ بی‌وَخت می‌حاسِش وُ واش قِصَه می‌کِرد.
27دو سال دِش رَت، اوسِه دِما وَه پُورکیوس فِستوس جانشینِ فلیکس بی. وَ اما فلیکس، سی یَکه مِنَتی وِ سَرِ یهودیُو داشتوئَه، پولُسِه هِه چِنُو دِ حَبس نِئَه داشت.
လက္ရွိေရြးခ်ယ္ထားမွု
کاریا رسول‌یا 24: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 24
24
محاکمَه دِ حضورِ فلیکس
1دِما پنج رو، کاهِنِ اعظم، حَنانیا، واردِ قَری دِ مشایخ وَ وکیلی وِ نُومِ تِرتولُس اُومان وِ قیصریَه، وِنُو شکایتِشُو نِه وِ تیشکِ پولُس رَسَنِن وِ خدمتِ والی. 2هِه کِه پولُسِ نِه احضار کِردِن، تِرتولُس شکایتِشِه دِ بِرُووَرِ فلیکس چِنی شروع کِرد: «عالیجناب، سی یَکِه خیلی وَخت اَ کِه دِ زِیرِ سات هایم دِ آسایش وَ سی خاطِرِ آیندَه‌نِگری شِما، ایی ملت، اوضاعِ بیتِری نِصیوِش بی‌یَه، 3وظیفَه خُومُو دُونیم کِه دِ هَر جا وُ هَر زِمُو، دِ شِما قدردانی بَکیم. 4اما سی یَکِه بیشتِر دِ یَه وَختِ شِما نِه نِئیریم، تمنا داریم اِیما نِه موردِ لطفِ خُوت قِرار بِئی، کَمِ‌کُتی حرف‌یامُو نِه بَشنُوئی. 5«اِیما وِ ایی نتیجَه رَسِسیمَه کِه ایی پیا، آیِمِ شَرِگَری اَ کِه دِ مینِ یهودیُونِ سَرتاسَرِ دنیا بِلبِشُو وِ پا می‌کَه، وَ یَکی دِ سَرکِردَه‌یا فِرقَه «ناصِری» اَ. 6حتی زِمُونی کِه اِیما او نِه گِرِتیم دِ صِدَد بی معبدِ خدا نِه بی‌قُرپ بَکَه. [وَ حاسیم او نِه طبقِ شریعتِ خُومُو محاکمَه‌ش بَکیم 7اما لیسیاسِ فَرمُوندَه اُوما وُ وِ زور او نِه دِ قَپِ اِیما دِراُوِرد، 8وِ شاکی‌یاش هُد کِرد تا بیایَن وِ حضورِت.] ایسِه، اَر شِما خُوتُو دِش بازجوئی بَکیت، دُرِسی او چیئی کِه وَه نِه وِش متهم می‌کیم، سیتُو دیاری موئَه.»
9یهودیُو هَم یِه دَنگ، گِردِ ایی چیا نِه تایید کِردِن.
10هِه کِه والی وِ پولُس اِشارَه کِرد کِه قِصَه بَکَه، او چِنی جُئُو دَه: «مِه دُونِم چَنی وُ چَن سال اَ کِه کارِ داوَری ایی ملت، ها وا شِما، پس وا خُشالی تمُوم، دفاع خُومِه عرض می‌کِم. 11شِما خُوتُو تُونیت پُرسِ‌جُو بَکیت وَ بَفَمیت کِه دِ زِمُونی کِه مِه سی عبادت رَتِم وِ اورشلیم، دُوازَه رو بیشتِر دِش نَرَتَه، 12وَ دِ ایی مدت، مِه نِه نِئینَه کِه وا کَسی دَم‌رِگِه‌ای بَکِم وَ یا یَکِه جِماعتی نِه آنتریک بَکِم چِه دِ معبد چِه دِ کنیسَه‌یا یهود، چِه دِ شهر. 13وِنُو نَتُونَن بُختُوم‌یائی نِه کِه وِم می‌زِنَن، ثابت بَکَن. 14اما یَه نِه وِ تِه شِما اعتراف می‌کِم کِه وا مُریدی دِ اَهلِ طریقت کِه وِنُو فِرقَه دُونَنِش، مِه خدای اَجدادِمُو نِه می‌پِرَسِم وَ وِ هَر چیئی هَم کِه دِ تورات وَ کِتُویا انبیا نیسَنَه بی‌یَه، باوَر دارِم، 15مِه هَم اُمیدِم ها وِ خدا وَ یَکه یِه روزی مُردَه‌یا زِنَه موئَن چِه آیِم‌یا صالح وُ چِه آیِم‌یا ظالم کِه ایی پیایا خُوشُو هَم قبول دارَن. 16زوتا، سخت تَقِلا می‌کِم تا نِسوَت وِ خدا وُ مردِم وا وجدانِ پاک زِنِه‌ئی بَکِم.
17ایسِه «مِه دِما چَنی‌چَن سال، رَتِم وِ اورشلیم تا سی ژاریا ملتِ خُوم صِدَقَه‌یائی بُورِم وُ قُرُونی تقدیم بَکِم. 18یَه نِه وِجا می‌اُوِردِم کِه مِه نِه هِه چِنُو کِه تطهیر کِردیمی، دِ معبد پیا کِردِن. نَه جمعیتی دِ مینَه بی وُ نَه قِشقِرِقی. 19اما دِ اوچِه قَری یهودی دِ منطقَه آسیا بییِن کِه وِنُو هَم بایِس دیچِه دِ بِرُووَرِ شِما حاضر مِویئِن تا اَر اتهامی وِ تیشکِ مِه دارَن، بُوئَن. 20وَ یا یَکِه وِنُو کِه هان ویچِه، بُوئَن هِه کِه دِ حضورِ شورا اِیساییمی، چِه خطائی دِ مِه پیا کِردِن، 21غیرِ یَکِه دِ مینِشُو وا دَنگِ بُلِن گُتِم: ”وِ سُنَه مسئِلَه زِنَه‌بی‌یِه‌نِ مُردَه‌یا اَ کِه اِیمرو دِ حضورِ شِما محاکمَه موئِم.“»
22اوسِه فلیکس کِه وِ خوئی وا طریقت آشنائی داشت، محاکمَه نِه وَن وِ وَختی هَنی وَ گُت: «هِه کِه لیسیاس فَرمُوندَه بیایَه، ری شِکایَتِتُو اوسِه تصمیم مِئی‌رِم.» 23اوسِه وِ افسرِ مسئول هُد کِرد تا پولُسِ نِه زیرِ نظر بِئیرَه، اما تا قَدی آزادی‌یائی وِش بِئَه وَ مانعِ یَه نوئَه کِه رِفیق‌یاشِه بِئینَه تا وِنُو هُوجَه‌یاشِه بَرطِرَف بَکَن.
24دِما چَن رو، فلیکس واردِ زِئنَه‌ش دروسیلا کِه یهودی بی، اُوما وُ دِ دُمِ پولُس کِل کِرد، وِ حرف‌یا او دِبارَه ایمُونِ وِ مسیح گوش دَه. 25هِه کِه پولُس دِ صالح‌بی‌یِه وَ پرهیزگاری وُ داوَری آیندَه قِصَه کِرد، فلیکس زَرتِلاق بی وُ گُت: «دَ بَسَه! ایسِه رُو. دِ مِجالی هَنی دُوارَه هِنات می‌کِم.» 26دَر ضمن، اُمید داشت پولُس رُشوَتی وِش بِئَه. زوتا، وَختِ بی‌وَخت می‌حاسِش وُ واش قِصَه می‌کِرد.
27دو سال دِش رَت، اوسِه دِما وَه پُورکیوس فِستوس جانشینِ فلیکس بی. وَ اما فلیکس، سی یَکه مِنَتی وِ سَرِ یهودیُو داشتوئَه، پولُسِه هِه چِنُو دِ حَبس نِئَه داشت.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company