Aba Galatiya 2
2
Nizya Pabuli na batumiwa abanji
1 #
Imbo. 11.30, 15.2 Bo ghachilapo amaka 14 nkabuka sona ku Yelusalemu poka nu Balanabasi. Nkamusenda sona nu Titi. 2Nkabuka kulakula pachifukwa ichakuti u Chala akanvumbulila ukuti imbuke. Nkabalingannya abalongozi Amazyu Amiza ghagho nkalumbilila pakasi pabantu babo bate ba Yuda. Loli nkabomba ichi kubusyefu pakuti nkanyilagha ukuti lumo imbombo yiyo nkubomba, sona yiyo nabomba kale yingaba yabulo. 3Loli napapo umumanyani wane u Titi akaba mu Giliki, atakafyengiwa ukuti asilimuliwe. 4Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya. 5Loli tutakabitikizya napo panandi bulo, umwakuti tubasungile amwe ubwanaloli ubwa Mazyu Amiza.
6 #
Ukk. 10.17
Loli pakunena nizya babo bakaboneka pakuba balongozi—manyi bakaba bawenu, pate ukulekana kukwane pakuti u Chala atakumulonga umuntu pakwennya bulo icheni, awe—nkunena nizya bantu babo batakasakizyapo nachimo ichintu ichipya pavintu vivyo nkalumbilila. 7Loli bakennya ukuti u Chala akampa imbombo iyakulumbilila Amazyu Amiza pakasi pabantu babo bate ba Yuda ukuyana bulo namumo u Pitala akapeghiwa imbombo iyakulumbilila Amazyu Amiza pakasi paba Yuda. 8Pakuti u Chala yuyo akabomba ukwendela mwa Pitala mumbombo yache iya butumiwa pakasi paba Yuda, weyuyo sona akabomba bunubu ukwendela mumwane mumbombo yane iya butumiwa pakasi pabantu babo bate ba Yuda. 9U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda. 10Ichintu chene chicho bakatulaba chikaba chakuti tubakumbuke abantu abapina, ichintu chene chicho ane nkaba nu lweke nacho pakuchibomba.
11Loli bo u Pitala iza mu Antiyokiya, nkamubuzya pamaso na pamaso ukuti akananga nkani. 12Pakuti bo abantu bamo babo bakatumiwa nu Yakobo batafikite, umwene akalyanga poka na bantu babo bate ba Yuda. Loli bo abantu bala bafika, akaleghukako, sona atakalyanga poka na bantu babo bate ba Yuda pakuti akanyilagha akabukatila aka bantu babo bakasilimuliwa. 13Aba Yuda abanji babo bakaba bakilisitu, bakamukonka u Pitala nu buzimbuli bwache, umwakuti u Balanabasi wepe akapetuliwa nu buzimbuli bwabo. 14Bo nennya ukuti batakubomba ukuyana nu bwanaloli ubwa Mazyu Amiza, nkamubuzya u Pitala pamaso pa bosi ukuti, “Awe we mu Yuda, loli awe wabombagha ngati po we muntu yuyo ate mu Yuda. Po ukubafyenga bulibuli abantu babo bate ba Yuda ukuti babombaye ngati po ba Yuda?”
15Aswe twe ba Yuda pakupapiwa, sona tute twe bantu bakuzi abambibi, awe. 16#Mas. 143.2; Lom. 3.20, 22Loli tuzimenye ukuti umuntu atakuneniwa pakuba mugholosu pamaso pa Chala pakuzikonka Indaghilo, loli kwene ukwendela mu lwitiko mwa Yesu Kilisitu. Po naswe bulo tuli nu lwitiko mwa Kilisitu u Yesu, umwakuti tunganeniwa pakuba bagholosu pamaso pa Chala ukwendela mu lwitiko mwa Kilisitu, pate pakuzikonka Indaghilo pene. Pakuti nayumo umuntu yuyo anganeniwa pakuba mugholosu pamaso pa Chala pakuzikonka Indaghilo pene. 17Loli nanti pakuyezya kwitu ukuti tuneniwe pakuba bantu bagholosu ukwendela mwa Kilisitu, tukaghiwa ukuti twe bambibi. Nkimba kokuti u Kilisitu wambombo uwa mbibi? Awe, napo panandi! 18Nanti nkuzenga sona Indaghilo zizyo nkazimongolannya, kokuti nkwisimikizya nemwene ukuti ne munanga Ndaghilo. 19Loli ukuyana ni Ndaghilo, ane infuye. Nkafwa ukwendela mu Ndaghilo, umwakuti ningaba ne mumi mwa Chala. 20Nkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo nkwikala muchisu ichapasi, nkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene. 21Intakuchipima ichisa icha Chala pakuba chabulo. Pakuti nanti umuntu anganeniwa pakuba mugholosu pamaso pa Chala pakukonka Indaghilo, kokuti u Kilisitu akafwa pabulo!
လက္ရွိေရြးခ်ယ္ထားမွု
Aba Galatiya 2: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Galatiya 2
2
Nizya Pabuli na batumiwa abanji
1 #
Imbo. 11.30, 15.2 Bo ghachilapo amaka 14 nkabuka sona ku Yelusalemu poka nu Balanabasi. Nkamusenda sona nu Titi. 2Nkabuka kulakula pachifukwa ichakuti u Chala akanvumbulila ukuti imbuke. Nkabalingannya abalongozi Amazyu Amiza ghagho nkalumbilila pakasi pabantu babo bate ba Yuda. Loli nkabomba ichi kubusyefu pakuti nkanyilagha ukuti lumo imbombo yiyo nkubomba, sona yiyo nabomba kale yingaba yabulo. 3Loli napapo umumanyani wane u Titi akaba mu Giliki, atakafyengiwa ukuti asilimuliwe. 4Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya. 5Loli tutakabitikizya napo panandi bulo, umwakuti tubasungile amwe ubwanaloli ubwa Mazyu Amiza.
6 #
Ukk. 10.17
Loli pakunena nizya babo bakaboneka pakuba balongozi—manyi bakaba bawenu, pate ukulekana kukwane pakuti u Chala atakumulonga umuntu pakwennya bulo icheni, awe—nkunena nizya bantu babo batakasakizyapo nachimo ichintu ichipya pavintu vivyo nkalumbilila. 7Loli bakennya ukuti u Chala akampa imbombo iyakulumbilila Amazyu Amiza pakasi pabantu babo bate ba Yuda ukuyana bulo namumo u Pitala akapeghiwa imbombo iyakulumbilila Amazyu Amiza pakasi paba Yuda. 8Pakuti u Chala yuyo akabomba ukwendela mwa Pitala mumbombo yache iya butumiwa pakasi paba Yuda, weyuyo sona akabomba bunubu ukwendela mumwane mumbombo yane iya butumiwa pakasi pabantu babo bate ba Yuda. 9U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda. 10Ichintu chene chicho bakatulaba chikaba chakuti tubakumbuke abantu abapina, ichintu chene chicho ane nkaba nu lweke nacho pakuchibomba.
11Loli bo u Pitala iza mu Antiyokiya, nkamubuzya pamaso na pamaso ukuti akananga nkani. 12Pakuti bo abantu bamo babo bakatumiwa nu Yakobo batafikite, umwene akalyanga poka na bantu babo bate ba Yuda. Loli bo abantu bala bafika, akaleghukako, sona atakalyanga poka na bantu babo bate ba Yuda pakuti akanyilagha akabukatila aka bantu babo bakasilimuliwa. 13Aba Yuda abanji babo bakaba bakilisitu, bakamukonka u Pitala nu buzimbuli bwache, umwakuti u Balanabasi wepe akapetuliwa nu buzimbuli bwabo. 14Bo nennya ukuti batakubomba ukuyana nu bwanaloli ubwa Mazyu Amiza, nkamubuzya u Pitala pamaso pa bosi ukuti, “Awe we mu Yuda, loli awe wabombagha ngati po we muntu yuyo ate mu Yuda. Po ukubafyenga bulibuli abantu babo bate ba Yuda ukuti babombaye ngati po ba Yuda?”
15Aswe twe ba Yuda pakupapiwa, sona tute twe bantu bakuzi abambibi, awe. 16#Mas. 143.2; Lom. 3.20, 22Loli tuzimenye ukuti umuntu atakuneniwa pakuba mugholosu pamaso pa Chala pakuzikonka Indaghilo, loli kwene ukwendela mu lwitiko mwa Yesu Kilisitu. Po naswe bulo tuli nu lwitiko mwa Kilisitu u Yesu, umwakuti tunganeniwa pakuba bagholosu pamaso pa Chala ukwendela mu lwitiko mwa Kilisitu, pate pakuzikonka Indaghilo pene. Pakuti nayumo umuntu yuyo anganeniwa pakuba mugholosu pamaso pa Chala pakuzikonka Indaghilo pene. 17Loli nanti pakuyezya kwitu ukuti tuneniwe pakuba bantu bagholosu ukwendela mwa Kilisitu, tukaghiwa ukuti twe bambibi. Nkimba kokuti u Kilisitu wambombo uwa mbibi? Awe, napo panandi! 18Nanti nkuzenga sona Indaghilo zizyo nkazimongolannya, kokuti nkwisimikizya nemwene ukuti ne munanga Ndaghilo. 19Loli ukuyana ni Ndaghilo, ane infuye. Nkafwa ukwendela mu Ndaghilo, umwakuti ningaba ne mumi mwa Chala. 20Nkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo nkwikala muchisu ichapasi, nkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene. 21Intakuchipima ichisa icha Chala pakuba chabulo. Pakuti nanti umuntu anganeniwa pakuba mugholosu pamaso pa Chala pakukonka Indaghilo, kokuti u Kilisitu akafwa pabulo!
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.