Aba Galatiya 3
3
Ulwitiko pamo ukukonka Indaghilo
1Mwee ba Galatiya, mwe bapunganu! Nkimba wewenu akabalogha? Amwe mukabuziwa akiza nkani nizya bufwe ubwa Yesu Kilisitu pachipinjika ngati po mukachennya na maso ghinyu. 2Leka imbalalusye ichintu chene ichi: Nkimba mukapokela u Muzimu Umuzelu pakuzikonka Indaghilo, pamo pakusubila Amazyu Amiza ghagho mukivwa? 3Fwandi mwe bapunganu nkani? Mukanda nu Muzimu Umuzelu, po ilelo mukumalila pakubombezya amaka agha buntu. 4Nkimba vyosi vivyo mukakomana navyo vikaba vyabulo? Naloli vitakaba vyabulo. 5Nkimba u Chala akabapa u Muzimu Umuzelu nukubomba ivyika mumwinyu pachifukwa ichakuti mukazikonka Indaghilo, pamo pachifukwa ichakuti mukasubila Amazyu Amiza ghagho mukivwa?
6 #
Ubw. 15.6; Lom. 4.3 Pakuti nizya Abulahamu Amasimbo ghakuti, “U Abulahamu akamusubila u Chala, po u Chala akamunena pakuba mugholosu pantazi papache.” 7#Lom. 4.16Po ilelo mwivwisye ukuti abantu babo bakusubila, naloli bo bana ba Abulahamu. 8#Ubw. 12.3Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.” 9Po abantu babo basubila, basayiliwa poka nu Abulahamu, yuyo muntu uwa lwitiko.
10 #
Ubw. 27.26
Abantu bosi babo bakusubila Indaghilo baghuniwe pakuti Amasimbo ghakuti, “Aghuniwanje umuntu wesi yuyo atakukonka vyosi vivyo visimbiwe mwibuku ilya Ndaghilo izya Mozesi.” 11#Hab. 2.4Chili pabuzelu bulo ukuti nayumo umuntu yuyo u Chala akumunena pakuba mugholosu pantazi papache pakukonka Indaghilo, pakuti Amasimbo ghakuti, “Abantu abagholosu bakwiza pakuba nubumi ukwendela mu lwitiko.” 12#Lev. 18.5Loli Indaghilo zitimite palwitiko, pakuti Amasimbo ghakuti, “Umuntu wesi yuyo akubomba zizyo Indaghilo izya Mozesi zikulonda akwiza pakuba nubumi.” 13#Ukk. 21.23U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.” 14Akatwabula aswe ukuti ulusayo lulo lukapeghiwa kwa Abulahamu lungiza pabantu babo bate ba Yuda ukwendela mwa Kilisitu u Yesu, umwakuti ukwendela mu lwitiko tungapokela u Muzimu Umuzelu yuyo akalayiziwa nu Chala.
Nizya Ndaghilo ni layizyo ilya Chala
15Mwee bakamu bane, leka imbombezye ichifwanikizyo icha isiku ni siku: Nanti abantu babili bivwana ichintu choka nukufinga ulufingo, nayumo umuntu yuyo anganangannya chicho bivwana, pamo ukonjelezyako chimo. 16#Ubw. 12.7U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu. 17#Ukf. 12.40Chicho nkung'anamula chakuti u Chala akafingana nu Abulahamu nukumulayizya ukuti akwiza pakusungilila ilayizyo lyache. Indaghilo izya Mozesi, zizyo zikiza pisinda pamaka 430 zitanganangannya ulufingo ulwa Chala. 18#Lom. 4.14Pakuti nanti ichilingo ichakufuma kwa Chala chimite pa Ndaghilo, kokuti chitakwima sona pilayizyo. Loli u Chala muchisa chache akamupacho u Abulahamu ukwendela mwilayizyo lyache.
19Polelo imbombo iya Ndaghilo yo yoni? Indaghilo zikonjeleziwako ukutulanjizya namumo ukunanga kubeleye mupaka uwaluko ulwa Abulahamu yula ize, yuyo u Chala akalayizya. Indaghilo zila zikapeghiwa na bantumi ukwendela mu mufusya u Mozesi. 20Loli nanti tukuti mufusya, kokuti pali imbazu zibili. Loli u Chala ali weka bulo.#3.20 Loli…bulo: Pamo sona u Chala akubomba mwene bulo.
Imbombo iya Ndaghilo
21Nkimba Indaghilo izya Mozesi zikususannya na malayizyo agha Chala? Awe, napo panandi. Pakuti nanti abantu bakapokela Indaghilo izyakubapa ubumi ngali baneniwa pakuba bagholosu pamaso pa Chala pakuzikonka Indaghilo zilazila. 22Loli Amasimbo ghakuti ichisu chosi ichapasi chili pasi pamaka agha mbibi, umwakuti chicho u Chala akalayizya ukwendela mu lwitiko mwa Yesu Kilisitu, chingapeghiwa ku bantu babo bakusubila.
23Loli bo ulwitiko ulu luchili pakwiza, tukaba ngati po twe bakayidi aba Ndaghilo, sona zikatwighalila mupaka papo ulwitiko ulu lwavumbuliwa. 24Polelo Indaghilo zikaba ngati po muzamba witu mupaka papo u Kilisitu akizila, umwakuti tunganeniwa pakuba bantu bagholosu pamaso pa Chala ukwendela mu lwitiko. 25Pakuti ilelo akabalilo aka lwitiko kakwana, tute sona pasi pabuzamba. 26Mwebosi mwe bana aba Chala pakwendela mulwitiko mwa Kilisitu u Yesu. 27Ukwendela mu lozyo mukamamatilana poka nu Kilisitu, sona mwivwika mwebene nubumi ubwa Kilisitu. 28Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu. 29#Lom. 4.13Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.
လက္ရွိေရြးခ်ယ္ထားမွု
Aba Galatiya 3: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Galatiya 3
3
Ulwitiko pamo ukukonka Indaghilo
1Mwee ba Galatiya, mwe bapunganu! Nkimba wewenu akabalogha? Amwe mukabuziwa akiza nkani nizya bufwe ubwa Yesu Kilisitu pachipinjika ngati po mukachennya na maso ghinyu. 2Leka imbalalusye ichintu chene ichi: Nkimba mukapokela u Muzimu Umuzelu pakuzikonka Indaghilo, pamo pakusubila Amazyu Amiza ghagho mukivwa? 3Fwandi mwe bapunganu nkani? Mukanda nu Muzimu Umuzelu, po ilelo mukumalila pakubombezya amaka agha buntu. 4Nkimba vyosi vivyo mukakomana navyo vikaba vyabulo? Naloli vitakaba vyabulo. 5Nkimba u Chala akabapa u Muzimu Umuzelu nukubomba ivyika mumwinyu pachifukwa ichakuti mukazikonka Indaghilo, pamo pachifukwa ichakuti mukasubila Amazyu Amiza ghagho mukivwa?
6 #
Ubw. 15.6; Lom. 4.3 Pakuti nizya Abulahamu Amasimbo ghakuti, “U Abulahamu akamusubila u Chala, po u Chala akamunena pakuba mugholosu pantazi papache.” 7#Lom. 4.16Po ilelo mwivwisye ukuti abantu babo bakusubila, naloli bo bana ba Abulahamu. 8#Ubw. 12.3Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.” 9Po abantu babo basubila, basayiliwa poka nu Abulahamu, yuyo muntu uwa lwitiko.
10 #
Ubw. 27.26
Abantu bosi babo bakusubila Indaghilo baghuniwe pakuti Amasimbo ghakuti, “Aghuniwanje umuntu wesi yuyo atakukonka vyosi vivyo visimbiwe mwibuku ilya Ndaghilo izya Mozesi.” 11#Hab. 2.4Chili pabuzelu bulo ukuti nayumo umuntu yuyo u Chala akumunena pakuba mugholosu pantazi papache pakukonka Indaghilo, pakuti Amasimbo ghakuti, “Abantu abagholosu bakwiza pakuba nubumi ukwendela mu lwitiko.” 12#Lev. 18.5Loli Indaghilo zitimite palwitiko, pakuti Amasimbo ghakuti, “Umuntu wesi yuyo akubomba zizyo Indaghilo izya Mozesi zikulonda akwiza pakuba nubumi.” 13#Ukk. 21.23U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.” 14Akatwabula aswe ukuti ulusayo lulo lukapeghiwa kwa Abulahamu lungiza pabantu babo bate ba Yuda ukwendela mwa Kilisitu u Yesu, umwakuti ukwendela mu lwitiko tungapokela u Muzimu Umuzelu yuyo akalayiziwa nu Chala.
Nizya Ndaghilo ni layizyo ilya Chala
15Mwee bakamu bane, leka imbombezye ichifwanikizyo icha isiku ni siku: Nanti abantu babili bivwana ichintu choka nukufinga ulufingo, nayumo umuntu yuyo anganangannya chicho bivwana, pamo ukonjelezyako chimo. 16#Ubw. 12.7U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu. 17#Ukf. 12.40Chicho nkung'anamula chakuti u Chala akafingana nu Abulahamu nukumulayizya ukuti akwiza pakusungilila ilayizyo lyache. Indaghilo izya Mozesi, zizyo zikiza pisinda pamaka 430 zitanganangannya ulufingo ulwa Chala. 18#Lom. 4.14Pakuti nanti ichilingo ichakufuma kwa Chala chimite pa Ndaghilo, kokuti chitakwima sona pilayizyo. Loli u Chala muchisa chache akamupacho u Abulahamu ukwendela mwilayizyo lyache.
19Polelo imbombo iya Ndaghilo yo yoni? Indaghilo zikonjeleziwako ukutulanjizya namumo ukunanga kubeleye mupaka uwaluko ulwa Abulahamu yula ize, yuyo u Chala akalayizya. Indaghilo zila zikapeghiwa na bantumi ukwendela mu mufusya u Mozesi. 20Loli nanti tukuti mufusya, kokuti pali imbazu zibili. Loli u Chala ali weka bulo.#3.20 Loli…bulo: Pamo sona u Chala akubomba mwene bulo.
Imbombo iya Ndaghilo
21Nkimba Indaghilo izya Mozesi zikususannya na malayizyo agha Chala? Awe, napo panandi. Pakuti nanti abantu bakapokela Indaghilo izyakubapa ubumi ngali baneniwa pakuba bagholosu pamaso pa Chala pakuzikonka Indaghilo zilazila. 22Loli Amasimbo ghakuti ichisu chosi ichapasi chili pasi pamaka agha mbibi, umwakuti chicho u Chala akalayizya ukwendela mu lwitiko mwa Yesu Kilisitu, chingapeghiwa ku bantu babo bakusubila.
23Loli bo ulwitiko ulu luchili pakwiza, tukaba ngati po twe bakayidi aba Ndaghilo, sona zikatwighalila mupaka papo ulwitiko ulu lwavumbuliwa. 24Polelo Indaghilo zikaba ngati po muzamba witu mupaka papo u Kilisitu akizila, umwakuti tunganeniwa pakuba bantu bagholosu pamaso pa Chala ukwendela mu lwitiko. 25Pakuti ilelo akabalilo aka lwitiko kakwana, tute sona pasi pabuzamba. 26Mwebosi mwe bana aba Chala pakwendela mulwitiko mwa Kilisitu u Yesu. 27Ukwendela mu lozyo mukamamatilana poka nu Kilisitu, sona mwivwika mwebene nubumi ubwa Kilisitu. 28Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu. 29#Lom. 4.13Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.