Aba Galatiya 1
1
1Ane ne Pabuli, nene intakitiziwa nu muntu pamo abantu pakuba mutumiwa, loli nkitiziwa nu Yesu Kilisitu, sona nu Chala Uwise, yuyo akamuzyusya kubufwe. 2Ane na bakamu bane bosi babo bali poka nane, tukuvisimbila ivipanga ivya mu Galatiya. 3Ichisa nu mutende ivyakufuma kwa Chala Utata, sona ni vyakufuma kwa Mwene witu u Yesu Kilisitu vibanje namwe.
4U Kilisitu akiyipa mwene pachifukwa icha mbibi zyitu ukuti atupoke ku nkulilo iya mbibi iyi, ukuyana nu bwighane ubwa Chala witu, sona yuyo we Tata. 5U Chala achindikiwanje bwila na bwila! Ameni.
Ghataliko Amazyu Amiza aghanji
6Nkubaswigha nkani pakuti mwamuleka umwalubilolubilo bulo, yuyo akabitizya amwe ni chisa icha Kilisitu nukupindukila ku mazyu amiza aghanji bulo, 7ghagho ghate Mazyu Amiza aghanaloli, awe. Loli balipo abantu bamo babo bakubapungannya nukuyezya pakughanyongannya Amazyu Amiza agha Kilisitu. 8Loli napapo tungaba aswe, pamo uwantumi uwakumwanya, alumbilile kukwinyu amazyu ghagho ghalekanite na Mazyu Amiza ghagho tukalumbilila kukwinyu, umuntu yunuyu ichighune chibanje papache. 9Ngati mumo twanenela kale, po losi ulu nkupyanizya sona ukuti nanti umuntu yumo akulumbilila kukwinyu amazyu ghagho ghalekanite na Mazyu Amiza ghagho mukapokela, umuntu yunuyu ichighune chibanje papache.
10Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.
Namumo u Pabuli akabela mutumiwa
11Mwee bakamu bane, leka imbabuzye: Amazyu Amiza ghagho nkalumbilila kukwinyu ghate gha bantu, awe. 12Pakuti intakaghapokelapo ku muntu yumo pamo ukumanyisiwa, awe. Loli nkaghapokela ukwendela mu buvumbuli, bubo u Yesu Kilisitu umwenecho akanvumbulila.
13 #
Imbo. 8.3, 22.4-5, 26.9-11 Amwe mwivuye nizya nkalo yane bo inchili indi mu Chiyuda. Mwivuye namumo nkachivwimila ichipanga icha Chala ukusita ichisa nukuyezya pakuchinangannya. 14#Imbo. 22.3Ane nkabachila aba Yuda abinji abankulile yane mulwitiko ulwa Chiyuda, sona nkiyula nkani pakukonka inyiho izya banyenya bitu.
15 #
Imbo. 9.3-6, 22.6-10, 26.13-18 Loli u Chala akampaghulila zila bo inchili na pakupapiwa bulo, nukunyitizya muchisa chache. Bo ahoboka nane, 16akanvumbulila ane u Mwana wache, umwakuti imulumbilile pakasi pabantu babo bate ba Yuda. Intakabukako na ku muntu nayumoyumo pakulaba amahala, awe. 17Intakabukako nako ku Yelusalemu ku bantu babo bakaba batumiwa, bo ane inchili pakuba mutumiwa. Loli umwakusita ukuzyela nkabuka ku Alebiya, sona pisinda pache nkanyokela ku Damasika. 18#Imbo. 9.26-30Pisinda pache bo ghachilapo amaka matatu, nkabuka ku Yelusalemu ukuti nangale nu Pitala nukwikala nawe abasabata babili. 19Intakamwennyapo umutumiwa uyunji, loli mwene u Yakobo,#1.19 Intakamwennyapo…Yakobo: Pamo umutumiwa uyunji, pamo umuntu yuyo nkamwennyapo akaba we Yakobo. yuyo mukamu uwa Mwene.
20Nkusimikizya pamaso pa Chala ukuti zizyo nabasimbila, zite zyabumyasi, awe. 21Pisinda pache nkabuka ku Siliya, sona na ku Kilikiya.
22Loli ivipanga vyosi ivya Kilisitu ivya mu Yudeya vitakamanya ane pamaso. 23Bakivwanga bulo vivyo vikaneniwanga ukuti, “Umuntu yuyo pakwanda akatuvwimagha, ilelo akulumbilila nizya lwitiko, lulo akayezyapo pakulunangannya.” 24Po bakamupala u Chala pachifukwa icha nene.
လက္ရွိေရြးခ်ယ္ထားမွု
Aba Galatiya 1: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Galatiya 1
1
1Ane ne Pabuli, nene intakitiziwa nu muntu pamo abantu pakuba mutumiwa, loli nkitiziwa nu Yesu Kilisitu, sona nu Chala Uwise, yuyo akamuzyusya kubufwe. 2Ane na bakamu bane bosi babo bali poka nane, tukuvisimbila ivipanga ivya mu Galatiya. 3Ichisa nu mutende ivyakufuma kwa Chala Utata, sona ni vyakufuma kwa Mwene witu u Yesu Kilisitu vibanje namwe.
4U Kilisitu akiyipa mwene pachifukwa icha mbibi zyitu ukuti atupoke ku nkulilo iya mbibi iyi, ukuyana nu bwighane ubwa Chala witu, sona yuyo we Tata. 5U Chala achindikiwanje bwila na bwila! Ameni.
Ghataliko Amazyu Amiza aghanji
6Nkubaswigha nkani pakuti mwamuleka umwalubilolubilo bulo, yuyo akabitizya amwe ni chisa icha Kilisitu nukupindukila ku mazyu amiza aghanji bulo, 7ghagho ghate Mazyu Amiza aghanaloli, awe. Loli balipo abantu bamo babo bakubapungannya nukuyezya pakughanyongannya Amazyu Amiza agha Kilisitu. 8Loli napapo tungaba aswe, pamo uwantumi uwakumwanya, alumbilile kukwinyu amazyu ghagho ghalekanite na Mazyu Amiza ghagho tukalumbilila kukwinyu, umuntu yunuyu ichighune chibanje papache. 9Ngati mumo twanenela kale, po losi ulu nkupyanizya sona ukuti nanti umuntu yumo akulumbilila kukwinyu amazyu ghagho ghalekanite na Mazyu Amiza ghagho mukapokela, umuntu yunuyu ichighune chibanje papache.
10Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.
Namumo u Pabuli akabela mutumiwa
11Mwee bakamu bane, leka imbabuzye: Amazyu Amiza ghagho nkalumbilila kukwinyu ghate gha bantu, awe. 12Pakuti intakaghapokelapo ku muntu yumo pamo ukumanyisiwa, awe. Loli nkaghapokela ukwendela mu buvumbuli, bubo u Yesu Kilisitu umwenecho akanvumbulila.
13 #
Imbo. 8.3, 22.4-5, 26.9-11 Amwe mwivuye nizya nkalo yane bo inchili indi mu Chiyuda. Mwivuye namumo nkachivwimila ichipanga icha Chala ukusita ichisa nukuyezya pakuchinangannya. 14#Imbo. 22.3Ane nkabachila aba Yuda abinji abankulile yane mulwitiko ulwa Chiyuda, sona nkiyula nkani pakukonka inyiho izya banyenya bitu.
15 #
Imbo. 9.3-6, 22.6-10, 26.13-18 Loli u Chala akampaghulila zila bo inchili na pakupapiwa bulo, nukunyitizya muchisa chache. Bo ahoboka nane, 16akanvumbulila ane u Mwana wache, umwakuti imulumbilile pakasi pabantu babo bate ba Yuda. Intakabukako na ku muntu nayumoyumo pakulaba amahala, awe. 17Intakabukako nako ku Yelusalemu ku bantu babo bakaba batumiwa, bo ane inchili pakuba mutumiwa. Loli umwakusita ukuzyela nkabuka ku Alebiya, sona pisinda pache nkanyokela ku Damasika. 18#Imbo. 9.26-30Pisinda pache bo ghachilapo amaka matatu, nkabuka ku Yelusalemu ukuti nangale nu Pitala nukwikala nawe abasabata babili. 19Intakamwennyapo umutumiwa uyunji, loli mwene u Yakobo,#1.19 Intakamwennyapo…Yakobo: Pamo umutumiwa uyunji, pamo umuntu yuyo nkamwennyapo akaba we Yakobo. yuyo mukamu uwa Mwene.
20Nkusimikizya pamaso pa Chala ukuti zizyo nabasimbila, zite zyabumyasi, awe. 21Pisinda pache nkabuka ku Siliya, sona na ku Kilikiya.
22Loli ivipanga vyosi ivya Kilisitu ivya mu Yudeya vitakamanya ane pamaso. 23Bakivwanga bulo vivyo vikaneniwanga ukuti, “Umuntu yuyo pakwanda akatuvwimagha, ilelo akulumbilila nizya lwitiko, lulo akayezyapo pakulunangannya.” 24Po bakamupala u Chala pachifukwa icha nene.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.