Aba Efeso Ukwanda
Ukwanda
Ukalata uwa Pabuli ukubasimbila Aba Efeso ichakwanda pavyosi akunena ukuti u Chala “Akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu” (1.10). Sona akubalaba abantu aba Chala ukuti ubumi bwabo bubanje bwakuyana ni vintu ivikulu vivyo u Chala akabatika pakubabombela abantu ukuti babanje muntu weka ukwendela mu bupoka nu Yesu Kilisitu.
Kubwandilo umusimbi uwa ukalata uyu akunena nizya bupoka pakunena nizya mumo u Tata u Chala akabasalila abantu bache, mumo akabahobokelela imbibi zyabo nukubasatula kumbibi zyabo ukwendela mwa Yesu Kilisitu, u Mwana wache, sona namumo mukasimikizizya u Muzimu Umuzelu ivintu ivikulu vivyo u Chala akalayizya.
Ivintu ivyinji vikubombeziwa pakulanjizya ubupoka ubwa bantu aba Chala pakumamatilana poka nu Kilisitu: Ichipanga gho mubili uwa Kilisitu, u Kilisitu we mutu; pamo pakuba buzengi, u Kilisitu we libwe ilya pankuto; pamo pakuba muchi, u Kilisitu we mulume. Ukalata uyu akulingannya ifundo inkulu nkani iyakuti umusimbi akulongoziwa ni nyinong'ono izya chisa icha Chala pakwendela mwa Kilisitu. Ivintu vyosi vikuboneka mulukozyo mulughano ulwa Kilisitu, ni chakwiyipa nu luhobokelo, ni chisa sona nukuswefiwa.
Ivyamukasi
Ukwanda 1.1-2
U Kilisitu ni chipanga 1.3—3.21
Ubumi ubupya mwa Kilisitu 4.1—6.20
Amazyu aghabumalilo 6.21-24
လက္ရွိေရြးခ်ယ္ထားမွု
Aba Efeso Ukwanda: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.