Aba Efeso 1
1
1 #
Imbo. 18.19-21, 19.1 Ane ne Pabuli, umutumiwa uwa Kilisitu u Yesu ukuyana nu bwighane ubwa Chala.
Nkubasimbila amwe mwe bantu abazelu aba Chala babo bali mu Efeso, sona babo basubiliwa mwa Kilisitu u Yesu.
2Ichisa nu mutende ivyakufuma kwa Chala u Tata witu, sona nu Mwene u Kilisitu u Yesu vibanje namwe.
Ulusayo ulwabuzimu mwa Kilisitu
3Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya. 4Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache. 5Pachifukwa ichakuti akatughana akatuyanizya zila ukuti atupokele pakuba bana bache mwa Yesu Kilisitu. Akabomba zinizi pachifukwa ichakuti akalondagha pakulanjizya ichisa chache. 6Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo. 7#Kols. 1.14Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala, 8chicho akatupa pachifukwa icha maka na mahala ghache. 9Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu. 10Ulubatiko ulu, lulo u Chala akwiza pakumalizya bo akabalilo kakwana lwakuti, u Chala akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu.
11Ivintu vyosi vikubombiwa ukuyana na kabatikile na kadumulile aka Chala. U Chala akatusala mwa Kilisitu ukuti tubanje bantu abache na bache. Pakuti iyi yikaba yo fundo yache, ukuyana namumo akadumulila po pabwandilo. 12Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.
13Namwe bulo mukaba bantu aba Chala, bo mwivwa amazyu aghanaloli, ghagho gho Mazyu Amiza aghabupoki bwinyu. Amwe mukasubila mwa Kilisitu, sona u Chala akabika ichidindo papinyu ukulanjizya ukuti mwe bantu abache na bache pakubapa u Muzimu Umuzelu, yuyo akabalayizya. 14U Muzimu Umuzelu yunuyu we chikole icha vintu vivyo u Chala akabalayizya abantu bache, sona nukuti naloli u Chala akwiza pakubapoka abantu, babo akabasatula ukuti babanje bache na bache. U Chala apaliwanje nukupokela ubuchindamu.
Ulwiputo ulwa Pabuli
15Pachifukwa ichi, bo nivwa nizya lwitiko lwinyu mwa Mwene u Yesu, sona nu lughano lwinyu pabantu bosi abazelu aba Chala, 16intalekitepo nalumolumo pakumupalizya u Chala pachifukwa icha mwemwe. Nkubakumbuka amwe munyiputo zyane ukumulaba, 17u Chala uwa Mwene witu u Yesu Kilisitu, sona nu Tata umuchindamu, ukuti abape umuzimu uwamahala nu wabuvumbuli ukuti mumumanye akiza. 18Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache. 19Nkulonda sona ukuti mumanye amaka ghache ghagho ghachilite ni chipimilo ghagho ghali pambombo mumwitu, aswe twe tukusubila, ukuyana na maka ghache amakulu nkani. 20#Mas. 110.1Akabombezya amaka ghalaghala pakumuzyusya u Kilisitu kubufwe nukumwikazya kunyobe yache indilo muchisu icha kumwanya. 21Ilelo u Kilisitu akulaghila pamwanya pa bamwene bosi, na balaghili bosi, na basongo bosi aba kumwanya, sona ali pamwanya pamatabwa ghosi, ghagho abantu bangitiziwa nagho akabalilo aka, pamo na kabalilo kako kakwiza. 22#Mas. 8.6#Kols. 1.18U Chala akavibika ivintu vyosi pasi panyayo izya Kilisitu, sona akamwikazya pamwanya pavintu vyosi pakuba mutu uwa chipanga. 23Ichipanga ichi gho mubili uwa Kilisitu, sona chizuye nu Kilisitu yunuyu, yuyo akwizuzya ivintu vyosi umwakufikapo.
လက္ရွိေရြးခ်ယ္ထားမွု
Aba Efeso 1: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.