Romo 1
1
1Go ramayore ni Polome pie. Yesu Keriso nipuna pupudengi nado ali ayoe. Gode nipuna Epe Angele walanoyanda nipumi ni mumare nipuna aposolo ali anoya ni mea. 2Gonde Epe Angelere Godeme ambaisena nipuna poropedi alinu para la alala ara Godena angele wia bukana pange wape pinya lisaya. 3Go Epe Angelere nipuna Naki ande naana Reali Yesu Kerisona angele lea. Nipuri su ali aulisaya dinare Deipidina repaa ali aisaya. 4Nipuri ande Yaakopi Gode rapu aoma epaya. Ande Godena andaa purimi Yesu Keriso komisayapare wala ma-rekaisaya eiri nipuri ora Godena Naki loma pename walea. 5Godeme Yesu Keriso para kone siala ara ni nipuna angele ma-pamuao-ayo ali ala pawa ei giae. Gupuma Kerisona binu su rando rando paranu aeme wenaali raayo karu puma nipuna angelena kone rulaoma pangenaya giae.
6Romo wenaalio, go lalo eiri nimi para pange laloe. Nimi pange Yesu Keriso para aliminaya Godeme wi lea.
7Go pea eina Godeme nimi para pumi komomare ora nipuna wenaali aliminaya wi lea nimi raayo para wape go pinde. Naana Apa Godeme pange Reali Yesu Kerisome pange nimi para pakama yarame komala ei pange kuma pi ei ginyae.
Polome Gode para ranae angele lea ei
8Go angele kini pula ara go angele laloe. Nimina Yesu Keriso para kone rulademe ei su wenaali raayome pangeleme eina neme nimi raayo para kone suma Yesu Kerisona bina na Gode para ranae angele laloe. 9-10Go lalo eiri ora angele lalo ei Godeme andalae. Go Godere nina pumi raname waru komala ara nipuna pupudengi naluame puayo. Go eiri nipuna Nakina Epe Angele walado ei. Naare raayo nimi para kone siala ara neme yainya puayo ei Godeme andeae. Gode nipuna ranana deandare nimi andola epanoya pora piainyayanda yainya puayo. 11Neme nimi andawe kone waru suaya. Gode nipuna Epe Yaakopi Sipiridimi epeada ei nimi para rali rali paliandare nimina pu puri paloma aliminaya lawae. 12Go lalo eiri gupae. Na kone rulado eimi nimi rambaminya pange nimina kone rulademe eimi ni pange rambaminya pange naa raayome rambamulolo paminaya lawae.
13Na amenuo, go ei kone sialepape. Niri nimi andola epawe kone suayopare ale mendame nina pora rungulu ayae. Keriso repara epenaya mendane wenaali karu epawa rupa nimi rupara kama nane pa aeme wenaali kone ma-lekeyaluame lalo. 14Gapamanimi pia au andeme wenaali para pange na-andeme wenaali para pange wape andeme wenaali para pange wape na-andeme wenaali para pange raayo para neme angele walapeyae. 15Go eina Romo wenaali nimi para pange go Epe Angele walaluame rendepoyao ayoe.
Mo Epe Angelere puri waru palea
16Monde Epe Angelena neme yalame na-kome. Akepeare golere kone rulaeme wenaali rambamula pea Godena puri. Ririnare Isaraelimi mandu rangala pae wenaali ambala. Gupuma werepere Isaraelimi na-mandu rangala pae wenaali rambamula pea puri.
17Monde Epe Angeleme go ei wadanda lawae. Gode nipumi wenaali nipu rapu rendepoyao ma-ao-aya ei wadae. Go eiri kone rulada ei rupara kini pulu ara pange pereyado pange. Ande Godena angele wia bukamere gupi lea.
Ali menda nipuna kone rulada eimi Gode rapu
rendepona ao-aliandare nipu pa-ao-alia.
Godena lee wilinare mendanda rendepona na-aya.
18Godeme rono pangala ara wenaali nimuna pu para wia koae einuna pange nimuna peme rana na-pi einuna wenaali rali pula pea ei yaa nane ara penameyao walea. Gupi wenaalimi nimuna koae au peme eina mendane wenaalimi Godena ora aya ei andapanaya pora rungulu-aeme. 19Gupi wenaaliri Godeme rendaa aloaya. Gode aya eiri wenaali raayo para kundiri na-pea. Godeme gole nimi para penameyayae.
20Ambalande su yaa kini pao ipuma ambia go pange wenaalimi Gode nipuna puriri na-peredea pange nipuri ora Gode pename andeleme. Gode nipuna wari alenu andoma go ei ora deme. Go einare mendame naa na-ande ara pama angele dapeme pora menda na-wia.
21Wenaali raayomere Gode aya ei kone sialemepare nipu para neere ora Gode ale piri na-lere nipuna angele laluame pange giao-aeme. Gupuma nipu para ranae angele pange na-loaeme. Go au na-piri nimuna konenumiri ale menda kone na-wimi. Gupuma nimuna kalu ruparare rimbale eimi rumbilia. 22-23Nimumi lalore Naare kone waru wi alinu aemae loaemepare nimuri kone na-wi alinu arare ande na-kome pa ao-aya Gode para panda punyaoma yainya na-piri alinumi warualeme alenu para gole panda punyao yainya puaeme. Nimuna yainya puaeme alenuri go alenu manda kimi waruma yainya puaeme. Go alenuri alinu pange yaanu pange pa piri alenu mandana wapuma yainya puaeme.
Koae au rando rando pi ei
24Wenaalimi kone na-wi keyali aunu pemendare Godeme nimuna pumi raname kome aunu pa puairi pena giaya. Nimumi kandi na-pi aunu nimuna do rapu puaeme. 25Gupi alinumiri Gode nipuna ora ree angelere minyapalaoma yayapi ei meme. Godeme wapuma wina lea alenu para panda punyao yainya pu ara nimuna au pao-aemepare ande alenda alenda raayo wapuma wina lea Gode para yainya na-puaeme. Go Godere naame naare raayosi nipuna bi minyasiaminya. Ora laloe.
26Gupuaeme eina Godemere nimuna yala pi konenu pa pu eiri pena lea. Wenanumi gole ali para kone na-wi nipuna wena yango para ri na-pi aunu puaeme. 27Gurupa alinumi pange wena para kone na-wi nipuna ali yango para ri na-pi aunu pulame pu para repana mandana rea. Go einare nimumi nimuna koae aunu pimi einu mandare rendaa muaeme.
28Go alinumiri Godena aunu nimuna kone ririna na-ma-wiri nimuna kandi na-pi aunu pulame pange alinumi na-pape aunu puaemendare Godeme nimuna pinya giaya. 29-30Nimumi kandi na-pi aunu pulu ara go aunu puaeme. Ora kole aunu pange yangome epe au pianda yanda dia au, mendame olemole andapu wi danda wee pambada aunu, ali luma komada aunu, rono pangala aunu, yayapi loma makirae aunu, pange ali menda ma-koyape aunu puaeme. Go koae aunu raayo nimi repara rumbilia. Menda mendana pi lao-aeme pange ali mendana bi ma-koyaluame wenaali ambunana lee rona angele loaeme pange Gode repara yanda luaeme pange nimumi ako lambi luma andainyao puaeme. Gupuma nimumi koae aunu pape eina kone waru suaeme pange ara anginuna angele rungulu-aeme.
31Nimu kone na-wimi. Ale menda gula pange pula loma wala na-pala puaeme. Gupuma menda menda repara epe aunu na-peme pange yarame na-komo peme. 32Godeme angele wi eiri gupae. Gupi aunu puaeme wenaaliri komape ei meapeyae lea. Go lea angele wenaalimi pangalemepare nimuna ande koae einu pa pairi puaeme pange mendane wenaalimi gonde koae einu pemendare Epeleale, pa pae loma loaeme.
လက္ရွိေရြးခ်ယ္ထားမွု
Romo 1: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 1
1
1Go ramayore ni Polome pie. Yesu Keriso nipuna pupudengi nado ali ayoe. Gode nipuna Epe Angele walanoyanda nipumi ni mumare nipuna aposolo ali anoya ni mea. 2Gonde Epe Angelere Godeme ambaisena nipuna poropedi alinu para la alala ara Godena angele wia bukana pange wape pinya lisaya. 3Go Epe Angelere nipuna Naki ande naana Reali Yesu Kerisona angele lea. Nipuri su ali aulisaya dinare Deipidina repaa ali aisaya. 4Nipuri ande Yaakopi Gode rapu aoma epaya. Ande Godena andaa purimi Yesu Keriso komisayapare wala ma-rekaisaya eiri nipuri ora Godena Naki loma pename walea. 5Godeme Yesu Keriso para kone siala ara ni nipuna angele ma-pamuao-ayo ali ala pawa ei giae. Gupuma Kerisona binu su rando rando paranu aeme wenaali raayo karu puma nipuna angelena kone rulaoma pangenaya giae.
6Romo wenaalio, go lalo eiri nimi para pange laloe. Nimi pange Yesu Keriso para aliminaya Godeme wi lea.
7Go pea eina Godeme nimi para pumi komomare ora nipuna wenaali aliminaya wi lea nimi raayo para wape go pinde. Naana Apa Godeme pange Reali Yesu Kerisome pange nimi para pakama yarame komala ei pange kuma pi ei ginyae.
Polome Gode para ranae angele lea ei
8Go angele kini pula ara go angele laloe. Nimina Yesu Keriso para kone rulademe ei su wenaali raayome pangeleme eina neme nimi raayo para kone suma Yesu Kerisona bina na Gode para ranae angele laloe. 9-10Go lalo eiri ora angele lalo ei Godeme andalae. Go Godere nina pumi raname waru komala ara nipuna pupudengi naluame puayo. Go eiri nipuna Nakina Epe Angele walado ei. Naare raayo nimi para kone siala ara neme yainya puayo ei Godeme andeae. Gode nipuna ranana deandare nimi andola epanoya pora piainyayanda yainya puayo. 11Neme nimi andawe kone waru suaya. Gode nipuna Epe Yaakopi Sipiridimi epeada ei nimi para rali rali paliandare nimina pu puri paloma aliminaya lawae. 12Go lalo eiri gupae. Na kone rulado eimi nimi rambaminya pange nimina kone rulademe eimi ni pange rambaminya pange naa raayome rambamulolo paminaya lawae.
13Na amenuo, go ei kone sialepape. Niri nimi andola epawe kone suayopare ale mendame nina pora rungulu ayae. Keriso repara epenaya mendane wenaali karu epawa rupa nimi rupara kama nane pa aeme wenaali kone ma-lekeyaluame lalo. 14Gapamanimi pia au andeme wenaali para pange na-andeme wenaali para pange wape andeme wenaali para pange wape na-andeme wenaali para pange raayo para neme angele walapeyae. 15Go eina Romo wenaali nimi para pange go Epe Angele walaluame rendepoyao ayoe.
Mo Epe Angelere puri waru palea
16Monde Epe Angelena neme yalame na-kome. Akepeare golere kone rulaeme wenaali rambamula pea Godena puri. Ririnare Isaraelimi mandu rangala pae wenaali ambala. Gupuma werepere Isaraelimi na-mandu rangala pae wenaali rambamula pea puri.
17Monde Epe Angeleme go ei wadanda lawae. Gode nipumi wenaali nipu rapu rendepoyao ma-ao-aya ei wadae. Go eiri kone rulada ei rupara kini pulu ara pange pereyado pange. Ande Godena angele wia bukamere gupi lea.
Ali menda nipuna kone rulada eimi Gode rapu
rendepona ao-aliandare nipu pa-ao-alia.
Godena lee wilinare mendanda rendepona na-aya.
18Godeme rono pangala ara wenaali nimuna pu para wia koae einuna pange nimuna peme rana na-pi einuna wenaali rali pula pea ei yaa nane ara penameyao walea. Gupi wenaalimi nimuna koae au peme eina mendane wenaalimi Godena ora aya ei andapanaya pora rungulu-aeme. 19Gupi wenaaliri Godeme rendaa aloaya. Gode aya eiri wenaali raayo para kundiri na-pea. Godeme gole nimi para penameyayae.
20Ambalande su yaa kini pao ipuma ambia go pange wenaalimi Gode nipuna puriri na-peredea pange nipuri ora Gode pename andeleme. Gode nipuna wari alenu andoma go ei ora deme. Go einare mendame naa na-ande ara pama angele dapeme pora menda na-wia.
21Wenaali raayomere Gode aya ei kone sialemepare nipu para neere ora Gode ale piri na-lere nipuna angele laluame pange giao-aeme. Gupuma nipu para ranae angele pange na-loaeme. Go au na-piri nimuna konenumiri ale menda kone na-wimi. Gupuma nimuna kalu ruparare rimbale eimi rumbilia. 22-23Nimumi lalore Naare kone waru wi alinu aemae loaemepare nimuri kone na-wi alinu arare ande na-kome pa ao-aya Gode para panda punyaoma yainya na-piri alinumi warualeme alenu para gole panda punyao yainya puaeme. Nimuna yainya puaeme alenuri go alenu manda kimi waruma yainya puaeme. Go alenuri alinu pange yaanu pange pa piri alenu mandana wapuma yainya puaeme.
Koae au rando rando pi ei
24Wenaalimi kone na-wi keyali aunu pemendare Godeme nimuna pumi raname kome aunu pa puairi pena giaya. Nimumi kandi na-pi aunu nimuna do rapu puaeme. 25Gupi alinumiri Gode nipuna ora ree angelere minyapalaoma yayapi ei meme. Godeme wapuma wina lea alenu para panda punyao yainya pu ara nimuna au pao-aemepare ande alenda alenda raayo wapuma wina lea Gode para yainya na-puaeme. Go Godere naame naare raayosi nipuna bi minyasiaminya. Ora laloe.
26Gupuaeme eina Godemere nimuna yala pi konenu pa pu eiri pena lea. Wenanumi gole ali para kone na-wi nipuna wena yango para ri na-pi aunu puaeme. 27Gurupa alinumi pange wena para kone na-wi nipuna ali yango para ri na-pi aunu pulame pu para repana mandana rea. Go einare nimumi nimuna koae aunu pimi einu mandare rendaa muaeme.
28Go alinumiri Godena aunu nimuna kone ririna na-ma-wiri nimuna kandi na-pi aunu pulame pange alinumi na-pape aunu puaemendare Godeme nimuna pinya giaya. 29-30Nimumi kandi na-pi aunu pulu ara go aunu puaeme. Ora kole aunu pange yangome epe au pianda yanda dia au, mendame olemole andapu wi danda wee pambada aunu, ali luma komada aunu, rono pangala aunu, yayapi loma makirae aunu, pange ali menda ma-koyape aunu puaeme. Go koae aunu raayo nimi repara rumbilia. Menda mendana pi lao-aeme pange ali mendana bi ma-koyaluame wenaali ambunana lee rona angele loaeme pange Gode repara yanda luaeme pange nimumi ako lambi luma andainyao puaeme. Gupuma nimumi koae aunu pape eina kone waru suaeme pange ara anginuna angele rungulu-aeme.
31Nimu kone na-wimi. Ale menda gula pange pula loma wala na-pala puaeme. Gupuma menda menda repara epe aunu na-peme pange yarame na-komo peme. 32Godeme angele wi eiri gupae. Gupi aunu puaeme wenaaliri komape ei meapeyae lea. Go lea angele wenaalimi pangalemepare nimuna ande koae einu pa pairi puaeme pange mendane wenaalimi gonde koae einu pemendare Epeleale, pa pae loma loaeme.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.