Aposolo 28
28
Polo mo Moloda ipa piru kopali ae su para aisaya ei
1Gupuma naame mo su nane epe rupa opapala pumare go ipa piru kopali ae suna biri Moloda lisimiya ei andama. 2Go para arimi alinumi naa rambameala ara ora epe aunu puma kinu meame. Go dinare yai ipuma kupa andaai pandare repana kirarimi.
3Polome repanasinu muma nipuna ki koma para suma ma-puma repana para kiranda mo repana para piri kero nipu riripu panda rungula mealo puma Polona kina epa kapura aripa. 4Mo anda alinumi ande kero nipuna kina epa kapura ei andomare nimuna nimunale angele yokanali pula ara lalore, Go alimiri koae au puma, ali menda liialo panae, lame. Andaa ipa para na-komapare suna gode menda nipuna bi angele yokanali puae epe rupa pangoae gode nipumi Polo ma-komalia, lame.
5Go lamepare Polome nipuna ki randa randaloma mo koae kero repana ralae para ma-kondo loparipa. Go pandare monde kerome kapura lenare ale menda na-pa.
6Mo alinumi Polona dona pamboma rako pupa lopala paleme andama andama puma naarele waru andapuna andere-arimipare ale menda na-panda nimuna kone perekeyo siala ara lalore, Go aliri gode mendayanae, lame.
7Go arima su ranamenare mo ipa piru kopali ae suna arimi wenaalina kalu ali Pupiliusi nipuna e mapu suri andama. Ande ali nipumi naa lamu mumare naare repona nipuna anda para naa ora epe rupa andere-aripa. 8Pupiliusi nipuna apare riripu yainya pange wee yainya pange aoma yainya koma pa siaya. Go eina Polome nipuna anda panda para konda pamboma Gode para yainya puma mo alina dona nipuna ki laapo pua siandare mo alina yainya ma-pereyaripa. 9Go pandare mo ipa piru kopali ae suna yainya rando rando aisimiya wenaali raayo Polo nipu para epamendare nimuna yainya menda mendanu pange ma-pereyaripa.
10Naa para pakama alenda alenda andapu waru giame. Mo kawaso andaaina wala polameya amono pange kawasona pula ara nape alenu pange alenda alenda menda para wala waru giame.
Polo mo Romo ree anda nane opopala pope ei
11Mo Alekasandaria ree anda nane aoma epa andaa kawasore mo po andaai epa ei perelenayanda ande ipa piru kopali ae su para pa ma-siamboaripa. Sumba repo pereya dinare kou nane monde pokiki andaai perelisayandare naame monde kawaso para pua piruma puama. Mo kawasona biri Laapo Runae Koae Gode loma waruma warisimiya. 12Gupuma pumare mo Sirakusi ree anda para opapala puma naare repo go para arima. 13Go para minyapalaoma pu piruo puma mo Rekiumi ree anda para opapala puama. Yapi kepeandare mo andaa ipa nane po koaya nane perali nane masu epa dinare yapi laapo pawa eimi pumare mo Pudioli ree anda para opapala puama. 14Go para mendane Keriso anda repaa alinu pua andasiamapare yapi di warapuri naa rapu aminyae loma kongeyame. Go eina pumare Romo ree anda para opapala puama. 15Gupuma mo Romo ree anda Keriso amenumi naa ipuluma lame ei pangomare mo ree anda laapo para naa mandaala epameya. Mo ree anda laapona biri Apiusina Makedi ree anda pange Kimisu Alinuna Epa Paliala Pisimiya Anda Repo ree anda. Polome nimu andomare Gode para Ranae angele lomare puri waru paloma aripa.
16Gupuma mo Romo ree anda para opapala puamapare Polore nipuna kunuma ainyalamepare ande endali riminyi alimi nipu andere-aripa.
Polome Romo ree anda para angele walisaya ei
17Gupuma naare repo pereyandare Polome go para Isaraelimi mandu rangala pae alinuna kalu alinu wi la mipi pandare komea lena mombeame. Mombea pirinya Polo nipumi nimu para lalore, Na amenuo, nemere naana wenaali para pange naana apa kasuanumi peme einu para pange alenda menda na-pawa, la. Koae au menda na-pawapare mo Isaraelimi mandu rangala pae alinumi Diurusaleme ree anda para ni pakama werepuma mumare Romo ree anda alinu para ma-alame, la. 18Gupuma na pawa einu aisa puma angaa meamepare ni komola pea au menda na-andasumare mo Romo ree anda alinumi niri anda rapaluame kone siame, la. 19Go pamepare mo Isaraelimi mandu rangala pae alinumi na-rapalepape lamenda neme Sisame na angele yokanali pi ei pangena loma lora pawa, la. Neme mo Sisa para naa wenaalimi go au pame, loma neme nipu para ma-ria ria angele menda neme lape-na-ya, la. 20Go eina neme nimi wi lawa eiri nimina lee angaa para andamba piri angele doameya lawa, la. Nimiri mo Isaraelimi mandu rangala pae wenaalimi ma-siamboaeme ali nipu ora epapeyandare ma-siambo-ayo, la. Go eina neme nipu ma-siambo-ayo einare ni seinipumi ni go rongayanda, la.
21Gupuma nimumi Polo para lalore, Diudia andasu naneyame nee para wape puma epa ramayo naame na-meama, lame. Gupuma gone aoma epa ali mendame angele menda loma koae angele pange nee para na-la, lame. 22Su raayo paranu gonde repaa para angele loaeme ei pangemapare wenaali andapumi go angelenuna ree pa la la puaeme, lame. Go eina nena kone pea angelenu de einu naame pangolame naame raname komalema, lame.
23Gupuma mo Isaraelimi mandu rangala pae alinumi go naarelena pangaminya loma la sumare Polo nipuna anda para alinu raayo pua mombeame. Gupuma Polome mo alinu para monde Godena Ki Rambuao-aya Eina angelenu wala pua yapi kepele ainya wala puma lo rimbayaripa. Polo nipumi ande Mosesina wape pea rudule angelenumi pange mo Godena poropedi alinuna wape peme eimi nimumi Yesuna angele ora eiyana kone suma kone rulainyayanda wala. 24Mendane alinumi nipumi la angele pangoma kone rularimiparere mendane alinumiri na-pangame. 25Go eina nimuna nimunale kone rando rando suma angele rando lala ara polame-ainya Polome angele komea menda gurupa la. Mo Epe Yaakopi Sipiridimi ande Godena poropedi ali Aisayame nimina apa kasuanu para go lea angelere ora ei lalo pea, la. 26Nipumi lalore,
Go wenaali para pua gupa lape, lea.
Nimimi naare raayo pangoma pangola pemeparere
go eina go angele kone na-wilimiae, lea.
Nimimi naare raayo nimina leeme andoma andola
pemeparere nipuna reere na-andelemeae, lea.
27Go wenaalina konenuri repana para ree wenaalina konenumi ande, lea.
Nimumi nimuna kale ma-poaeme pange
nimuna leere nimuna gole ma-rumbu paeme, lea.
Godeme lalore, Nimumi go aunu na-pula
pemeyalore gore nimuna leeme waru andola
peme pange nimuna kaleme pangola peme
pange nimuna kone epe rupa sula peme.
Ni para perekeyaoma epola pamere
neme ma-epeala pawa, lea.
28Gupuma Polome lalore, Nimimi kone sialiminyaya, lisaya. Godeme nipuna rambamu endoaya angele mo Isaraelimi na-mandu rangala pae wenaali para rapayandare nimumi ora pangeleme, la.
29Go angele landare mo Isaraelimi mandu rangala pae alinumi gioma pula ara angele rando rando loma angeleme ape loma puma angele yokanali pame.
30Polo nipu paluma aisaya anda yangi alala-ainyare kuni gipa laapopu perelisaya. Mo nipuna anda para ainya nipu andola ipisimiya wenaali raayore nipuna anda para ipulupa, loma karu misaya. 31Go eina nipumi paalame na-kome pange mendame Godena angele na-walape angele na-lame. Go einare Godena Ki Rambuao-aya Ei pange Reali Yesu Kerisona pisaya einu raname komoma ara wenaalinu para waloaisaya.
လက္ရွိေရြးခ်ယ္ထားမွု
Aposolo 28: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 28
28
Polo mo Moloda ipa piru kopali ae su para aisaya ei
1Gupuma naame mo su nane epe rupa opapala pumare go ipa piru kopali ae suna biri Moloda lisimiya ei andama. 2Go para arimi alinumi naa rambameala ara ora epe aunu puma kinu meame. Go dinare yai ipuma kupa andaai pandare repana kirarimi.
3Polome repanasinu muma nipuna ki koma para suma ma-puma repana para kiranda mo repana para piri kero nipu riripu panda rungula mealo puma Polona kina epa kapura aripa. 4Mo anda alinumi ande kero nipuna kina epa kapura ei andomare nimuna nimunale angele yokanali pula ara lalore, Go alimiri koae au puma, ali menda liialo panae, lame. Andaa ipa para na-komapare suna gode menda nipuna bi angele yokanali puae epe rupa pangoae gode nipumi Polo ma-komalia, lame.
5Go lamepare Polome nipuna ki randa randaloma mo koae kero repana ralae para ma-kondo loparipa. Go pandare monde kerome kapura lenare ale menda na-pa.
6Mo alinumi Polona dona pamboma rako pupa lopala paleme andama andama puma naarele waru andapuna andere-arimipare ale menda na-panda nimuna kone perekeyo siala ara lalore, Go aliri gode mendayanae, lame.
7Go arima su ranamenare mo ipa piru kopali ae suna arimi wenaalina kalu ali Pupiliusi nipuna e mapu suri andama. Ande ali nipumi naa lamu mumare naare repona nipuna anda para naa ora epe rupa andere-aripa. 8Pupiliusi nipuna apare riripu yainya pange wee yainya pange aoma yainya koma pa siaya. Go eina Polome nipuna anda panda para konda pamboma Gode para yainya puma mo alina dona nipuna ki laapo pua siandare mo alina yainya ma-pereyaripa. 9Go pandare mo ipa piru kopali ae suna yainya rando rando aisimiya wenaali raayo Polo nipu para epamendare nimuna yainya menda mendanu pange ma-pereyaripa.
10Naa para pakama alenda alenda andapu waru giame. Mo kawaso andaaina wala polameya amono pange kawasona pula ara nape alenu pange alenda alenda menda para wala waru giame.
Polo mo Romo ree anda nane opopala pope ei
11Mo Alekasandaria ree anda nane aoma epa andaa kawasore mo po andaai epa ei perelenayanda ande ipa piru kopali ae su para pa ma-siamboaripa. Sumba repo pereya dinare kou nane monde pokiki andaai perelisayandare naame monde kawaso para pua piruma puama. Mo kawasona biri Laapo Runae Koae Gode loma waruma warisimiya. 12Gupuma pumare mo Sirakusi ree anda para opapala puma naare repo go para arima. 13Go para minyapalaoma pu piruo puma mo Rekiumi ree anda para opapala puama. Yapi kepeandare mo andaa ipa nane po koaya nane perali nane masu epa dinare yapi laapo pawa eimi pumare mo Pudioli ree anda para opapala puama. 14Go para mendane Keriso anda repaa alinu pua andasiamapare yapi di warapuri naa rapu aminyae loma kongeyame. Go eina pumare Romo ree anda para opapala puama. 15Gupuma mo Romo ree anda Keriso amenumi naa ipuluma lame ei pangomare mo ree anda laapo para naa mandaala epameya. Mo ree anda laapona biri Apiusina Makedi ree anda pange Kimisu Alinuna Epa Paliala Pisimiya Anda Repo ree anda. Polome nimu andomare Gode para Ranae angele lomare puri waru paloma aripa.
16Gupuma mo Romo ree anda para opapala puamapare Polore nipuna kunuma ainyalamepare ande endali riminyi alimi nipu andere-aripa.
Polome Romo ree anda para angele walisaya ei
17Gupuma naare repo pereyandare Polome go para Isaraelimi mandu rangala pae alinuna kalu alinu wi la mipi pandare komea lena mombeame. Mombea pirinya Polo nipumi nimu para lalore, Na amenuo, nemere naana wenaali para pange naana apa kasuanumi peme einu para pange alenda menda na-pawa, la. Koae au menda na-pawapare mo Isaraelimi mandu rangala pae alinumi Diurusaleme ree anda para ni pakama werepuma mumare Romo ree anda alinu para ma-alame, la. 18Gupuma na pawa einu aisa puma angaa meamepare ni komola pea au menda na-andasumare mo Romo ree anda alinumi niri anda rapaluame kone siame, la. 19Go pamepare mo Isaraelimi mandu rangala pae alinumi na-rapalepape lamenda neme Sisame na angele yokanali pi ei pangena loma lora pawa, la. Neme mo Sisa para naa wenaalimi go au pame, loma neme nipu para ma-ria ria angele menda neme lape-na-ya, la. 20Go eina neme nimi wi lawa eiri nimina lee angaa para andamba piri angele doameya lawa, la. Nimiri mo Isaraelimi mandu rangala pae wenaalimi ma-siamboaeme ali nipu ora epapeyandare ma-siambo-ayo, la. Go eina neme nipu ma-siambo-ayo einare ni seinipumi ni go rongayanda, la.
21Gupuma nimumi Polo para lalore, Diudia andasu naneyame nee para wape puma epa ramayo naame na-meama, lame. Gupuma gone aoma epa ali mendame angele menda loma koae angele pange nee para na-la, lame. 22Su raayo paranu gonde repaa para angele loaeme ei pangemapare wenaali andapumi go angelenuna ree pa la la puaeme, lame. Go eina nena kone pea angelenu de einu naame pangolame naame raname komalema, lame.
23Gupuma mo Isaraelimi mandu rangala pae alinumi go naarelena pangaminya loma la sumare Polo nipuna anda para alinu raayo pua mombeame. Gupuma Polome mo alinu para monde Godena Ki Rambuao-aya Eina angelenu wala pua yapi kepele ainya wala puma lo rimbayaripa. Polo nipumi ande Mosesina wape pea rudule angelenumi pange mo Godena poropedi alinuna wape peme eimi nimumi Yesuna angele ora eiyana kone suma kone rulainyayanda wala. 24Mendane alinumi nipumi la angele pangoma kone rularimiparere mendane alinumiri na-pangame. 25Go eina nimuna nimunale kone rando rando suma angele rando lala ara polame-ainya Polome angele komea menda gurupa la. Mo Epe Yaakopi Sipiridimi ande Godena poropedi ali Aisayame nimina apa kasuanu para go lea angelere ora ei lalo pea, la. 26Nipumi lalore,
Go wenaali para pua gupa lape, lea.
Nimimi naare raayo pangoma pangola pemeparere
go eina go angele kone na-wilimiae, lea.
Nimimi naare raayo nimina leeme andoma andola
pemeparere nipuna reere na-andelemeae, lea.
27Go wenaalina konenuri repana para ree wenaalina konenumi ande, lea.
Nimumi nimuna kale ma-poaeme pange
nimuna leere nimuna gole ma-rumbu paeme, lea.
Godeme lalore, Nimumi go aunu na-pula
pemeyalore gore nimuna leeme waru andola
peme pange nimuna kaleme pangola peme
pange nimuna kone epe rupa sula peme.
Ni para perekeyaoma epola pamere
neme ma-epeala pawa, lea.
28Gupuma Polome lalore, Nimimi kone sialiminyaya, lisaya. Godeme nipuna rambamu endoaya angele mo Isaraelimi na-mandu rangala pae wenaali para rapayandare nimumi ora pangeleme, la.
29Go angele landare mo Isaraelimi mandu rangala pae alinumi gioma pula ara angele rando rando loma angeleme ape loma puma angele yokanali pame.
30Polo nipu paluma aisaya anda yangi alala-ainyare kuni gipa laapopu perelisaya. Mo nipuna anda para ainya nipu andola ipisimiya wenaali raayore nipuna anda para ipulupa, loma karu misaya. 31Go eina nipumi paalame na-kome pange mendame Godena angele na-walape angele na-lame. Go einare Godena Ki Rambuao-aya Ei pange Reali Yesu Kerisona pisaya einu raname komoma ara wenaalinu para waloaisaya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.