Romo 2
2
Godeme wenaali raayo angele yokanali pula pea ei
1Neeme ali menda para ki mala diindare gore neeme angele menda na-de. Akepeare mo nimumi pimi auri pulu arayapare nimu repara ki mala diindare gore nena gole nee ma-koyade. 2Godemere gupi aunu puaeme wenaali para ki mala diiandare gore mandana pia kone wilima. 3Go peapare neemere mongo menda repara ki mala liiale aunu gole nena puale. Neeme Godena angele yokanali pula pea eiri manda na-wanduali.
4Nimimi Gode nipu epealo ara nimi rendaa ambe rana komea na-gi pa maisamba ao-aya eiri onge au pea kone widamepae. Godeme yarame komala eiri nimimi nipu para kone perekeya sialiminyaya piae. Go eiri nimimi kone wimi. 5Go pemepare nimiri angele na-pange nimina puri kana mandana nongopelea. Go einare Godeme koae au peme wenaali para rono pangala ara angele yokanali rendepona pula epeleandare nimiri rendaa andaai gilia.
6Akepeare Godemere ali menda nipuna
pala pilia einuna yangi alala pilia.
7Mendane wenaalimiri epepe aunu puaeme. Go au pulu arare nimumiri Godeme nimu repara epe angele lao pange paa pi ei alo pange na-kome endoma ao-aya ei alenaya wasuaeme. Gupi wenaali para Godeme na-kome naare raayosi endoma ao-ape ei adea. 8Go peapare mendane wenaalimiri nimuna kone pea einu puma epe au pape eiri giaoma koae aunu puaeme. Gupimi wenaali para Godeme rono pangala ara koae ei yango adea. 9Koae au puaeme wenaali para Godeme kendame komea ei pange rendaa pi ei adea. Go rendaa pi ei pange kendame kome einuri Isaraelimi mandu rangala pae wenaali para alomare Isaraelimi na-mandu rangala pae wenaali para pange adea.
10Godeme gupula peapare epe au puaeme wenaaliri paa pi ei alo pange bi wia ei alo pange kuma pi ei alo pilia. Isaraelimi mandu rangala pae wenaali para ririna adea pange Isaraelimi na-mandu rangala pae wenaali para pange gupilia. 11Godeme wenaali rali pula arare menda para kundipa pala menda para yarame komala au na-piri ora mendaa dina raayo para komea kone suma rali pea.
12Mosesina Rudule Angele na-siambaeme Isaraelimi na-mandu rangala pae wenaalinumi koae aunu pilimindare, nimu Rudule Angele na-siambainya golere nimu pa alu pilimi. Isaraelimi mandu rangala pae wenaali nimuri ande Rudule Angele siamba-aeme. Nimu koae au pilimindare nimu go Rudule Angeleme gole rali pilia. 13Wenaali Gode rapu rendepona aeya auri Rudule Angele kone wilima eimi rendepona na-alima. Nipu rapu rendepona aya auri ande Rudule Angeleme lea ei kone suma go angeleme lea au pilimindare gore nipu rapu rendepona apeya.
14Mosesimi wape pea Rudule Angelere Isaraelimi na-mandu rangala pae wenaali repara na-ipisaya. Go pisayapare nimuna koneme lalore Go pipa lisaya ei pangoma pisimiya eimiri ande Rudule Angeleme pipa lea au peme. Ande Rudule Angele nimu repara na-ipisayapare gole nimuna gole lalore Go eiri pape ei o go eiri na-papeya ei lore nimuna gole kone wimi. 15Monde Rudule Angele wia eiri nimuna pu para mandeme lore nimuna puaeme eimi pename wadae. Gupuma pange monde Rudule Angele ora mandeme lore nimuna koneme walea. Koro mendamere nimina koneme lalore Koae au pimie dea pange koro mendamere Epe ei pame loma pename la gilia. 16Go eiri werepe Godemere ande naarena wenaalina kudiripu konenu rali pulu ara pulu pea ei. Go pupudengiri Godeme Yesu Keriso repara adea. Neme waloayo epe angelemere go ei lea.
Rudule Angeleme Isaraelimi mandu rangala pae wenaali para lea ei
17Go peapare neere ake au pelepae. Neeme lalore Niri Isaraelimi mandu rangala pae ali ayo lale. Gupuma Rudule Angele siamba le eimiri nee rambamilia kone siale. Go einare niri Godeme yarepe mea wenaali kone sumare ako lambi liari pamuaeme. 18Godeme neeme painya kone wia eiri neeme kone wili. Rudule Angelere ambala andaende. Go einare pa einu giaoma ora aunu pape einuri kone wili. 19Neeme lalore Niri lee rumbu pi wenaalina pora wada ali pange rimbale para aeme wenaalina paa lale. 20Gupuma nena koneme neere keyalinu para kone ma-siade ali pange nongo nakinu mongeriada ali kone siale. Neeme kone sialore neere Rudule Angele kone wilindare neeme olemole raayo ande kone wili pange neeme lale alenu raayo ora lale kone siale. 21Neeme mendane wenaali walalepare nena gole nee akepeanda na-walalepae. Neeme angele walala ara lalore Pake na-nape lalepare neeme nenale pake noalepae. 22Neeme lalore Ali pe wena na-pake nape loalepare neeme nena gole go auri pualepae. Kana repaname wapuma wiale para yainya puaeme wenaali para neeme angele waru lalepare golenu wia anda repara alenda alenda pake no alepae. 23Neemere raname komala ara ako liala ara lalore Rudule Angele wi einu Godeme naa para geae lale. Go peapare neeme ande Rudule Angele wia einu rungulale eimiri Gode yalame ma-komadepae. 24Ande Godena angele wia bukamere go lea.
Isaraelimi mandu rangala pae wenaali nimimi
pame eina Isaraelimi na-mandu rangala pae
wenaalimiri Godena bi koyao-aeme.
25Neemere ande Rudule Angele wi einu pangoma siamba ara pu alindare gore nena yongale rungulaya eiri epeleapare neeme ande Rudule Angeleme lea einu pange na-pu alindare gore nena yongale rungulaya auri pa ei. 26Go peapare Isaraelimi na-mandu rangala pae ali mendame yongale rungulaya au na-pi ara gole ande Rudule Angele wi einu pangoma siamba ara pu alindare Godemere gupi aliri yongale runguda au puaya ali dea. 27Go eina Isaraelimi na-mandu rangala pae wenaalimiri yongale runguda au na-pi ara gole ande Rudule Angele wi einu pangoma siamba ara puaeme eina Isaraelimi mandu rangala pae wenaali nimi para angele deme. Ande Rudule Angele wape pupale winya pange ande yongale runguli au puma gole yapare nimimi na-raluaeme. Mo Isaraelimi na-mandu rangala pae wenaali nimuri nimuna yongale na-rungulaemepare gole ande Rudule Angele pa pangeme. 28Go einare go einu raayosi gupi loma da. Ali menda dona yongale rungulia eimi nipu ora Isaraelimi mandu rangala pae ali na-ma-aulaya. Dona yongale runguli ali raayosi Isaraelimi mandu rangala pae alinu dia. 29Go peapare ora eiri gupa. Ali menda nipuna pu ruparanda Isaraelimi mandu rangala pae ali aliandare gore nipuri ora Isaraelimi mandu rangala pae ali go ayanda. Go eiri nipuna pu Godena ei loma ale ali komea. Godena Epe Yaakopi Sipiridimi komea alina rupara Isaraelimi mandu rangala pae ali ma-aulalia. Rudule Angeleme go au na-mapalia.
လက္ရွိေရြးခ်ယ္ထားမွု
Romo 2: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 2
2
Godeme wenaali raayo angele yokanali pula pea ei
1Neeme ali menda para ki mala diindare gore neeme angele menda na-de. Akepeare mo nimumi pimi auri pulu arayapare nimu repara ki mala diindare gore nena gole nee ma-koyade. 2Godemere gupi aunu puaeme wenaali para ki mala diiandare gore mandana pia kone wilima. 3Go peapare neemere mongo menda repara ki mala liiale aunu gole nena puale. Neeme Godena angele yokanali pula pea eiri manda na-wanduali.
4Nimimi Gode nipu epealo ara nimi rendaa ambe rana komea na-gi pa maisamba ao-aya eiri onge au pea kone widamepae. Godeme yarame komala eiri nimimi nipu para kone perekeya sialiminyaya piae. Go eiri nimimi kone wimi. 5Go pemepare nimiri angele na-pange nimina puri kana mandana nongopelea. Go einare Godeme koae au peme wenaali para rono pangala ara angele yokanali rendepona pula epeleandare nimiri rendaa andaai gilia.
6Akepeare Godemere ali menda nipuna
pala pilia einuna yangi alala pilia.
7Mendane wenaalimiri epepe aunu puaeme. Go au pulu arare nimumiri Godeme nimu repara epe angele lao pange paa pi ei alo pange na-kome endoma ao-aya ei alenaya wasuaeme. Gupi wenaali para Godeme na-kome naare raayosi endoma ao-ape ei adea. 8Go peapare mendane wenaalimiri nimuna kone pea einu puma epe au pape eiri giaoma koae aunu puaeme. Gupimi wenaali para Godeme rono pangala ara koae ei yango adea. 9Koae au puaeme wenaali para Godeme kendame komea ei pange rendaa pi ei adea. Go rendaa pi ei pange kendame kome einuri Isaraelimi mandu rangala pae wenaali para alomare Isaraelimi na-mandu rangala pae wenaali para pange adea.
10Godeme gupula peapare epe au puaeme wenaaliri paa pi ei alo pange bi wia ei alo pange kuma pi ei alo pilia. Isaraelimi mandu rangala pae wenaali para ririna adea pange Isaraelimi na-mandu rangala pae wenaali para pange gupilia. 11Godeme wenaali rali pula arare menda para kundipa pala menda para yarame komala au na-piri ora mendaa dina raayo para komea kone suma rali pea.
12Mosesina Rudule Angele na-siambaeme Isaraelimi na-mandu rangala pae wenaalinumi koae aunu pilimindare, nimu Rudule Angele na-siambainya golere nimu pa alu pilimi. Isaraelimi mandu rangala pae wenaali nimuri ande Rudule Angele siamba-aeme. Nimu koae au pilimindare nimu go Rudule Angeleme gole rali pilia. 13Wenaali Gode rapu rendepona aeya auri Rudule Angele kone wilima eimi rendepona na-alima. Nipu rapu rendepona aya auri ande Rudule Angeleme lea ei kone suma go angeleme lea au pilimindare gore nipu rapu rendepona apeya.
14Mosesimi wape pea Rudule Angelere Isaraelimi na-mandu rangala pae wenaali repara na-ipisaya. Go pisayapare nimuna koneme lalore Go pipa lisaya ei pangoma pisimiya eimiri ande Rudule Angeleme pipa lea au peme. Ande Rudule Angele nimu repara na-ipisayapare gole nimuna gole lalore Go eiri pape ei o go eiri na-papeya ei lore nimuna gole kone wimi. 15Monde Rudule Angele wia eiri nimuna pu para mandeme lore nimuna puaeme eimi pename wadae. Gupuma pange monde Rudule Angele ora mandeme lore nimuna koneme walea. Koro mendamere nimina koneme lalore Koae au pimie dea pange koro mendamere Epe ei pame loma pename la gilia. 16Go eiri werepe Godemere ande naarena wenaalina kudiripu konenu rali pulu ara pulu pea ei. Go pupudengiri Godeme Yesu Keriso repara adea. Neme waloayo epe angelemere go ei lea.
Rudule Angeleme Isaraelimi mandu rangala pae wenaali para lea ei
17Go peapare neere ake au pelepae. Neeme lalore Niri Isaraelimi mandu rangala pae ali ayo lale. Gupuma Rudule Angele siamba le eimiri nee rambamilia kone siale. Go einare niri Godeme yarepe mea wenaali kone sumare ako lambi liari pamuaeme. 18Godeme neeme painya kone wia eiri neeme kone wili. Rudule Angelere ambala andaende. Go einare pa einu giaoma ora aunu pape einuri kone wili. 19Neeme lalore Niri lee rumbu pi wenaalina pora wada ali pange rimbale para aeme wenaalina paa lale. 20Gupuma nena koneme neere keyalinu para kone ma-siade ali pange nongo nakinu mongeriada ali kone siale. Neeme kone sialore neere Rudule Angele kone wilindare neeme olemole raayo ande kone wili pange neeme lale alenu raayo ora lale kone siale. 21Neeme mendane wenaali walalepare nena gole nee akepeanda na-walalepae. Neeme angele walala ara lalore Pake na-nape lalepare neeme nenale pake noalepae. 22Neeme lalore Ali pe wena na-pake nape loalepare neeme nena gole go auri pualepae. Kana repaname wapuma wiale para yainya puaeme wenaali para neeme angele waru lalepare golenu wia anda repara alenda alenda pake no alepae. 23Neemere raname komala ara ako liala ara lalore Rudule Angele wi einu Godeme naa para geae lale. Go peapare neeme ande Rudule Angele wia einu rungulale eimiri Gode yalame ma-komadepae. 24Ande Godena angele wia bukamere go lea.
Isaraelimi mandu rangala pae wenaali nimimi
pame eina Isaraelimi na-mandu rangala pae
wenaalimiri Godena bi koyao-aeme.
25Neemere ande Rudule Angele wi einu pangoma siamba ara pu alindare gore nena yongale rungulaya eiri epeleapare neeme ande Rudule Angeleme lea einu pange na-pu alindare gore nena yongale rungulaya auri pa ei. 26Go peapare Isaraelimi na-mandu rangala pae ali mendame yongale rungulaya au na-pi ara gole ande Rudule Angele wi einu pangoma siamba ara pu alindare Godemere gupi aliri yongale runguda au puaya ali dea. 27Go eina Isaraelimi na-mandu rangala pae wenaalimiri yongale runguda au na-pi ara gole ande Rudule Angele wi einu pangoma siamba ara puaeme eina Isaraelimi mandu rangala pae wenaali nimi para angele deme. Ande Rudule Angele wape pupale winya pange ande yongale runguli au puma gole yapare nimimi na-raluaeme. Mo Isaraelimi na-mandu rangala pae wenaali nimuri nimuna yongale na-rungulaemepare gole ande Rudule Angele pa pangeme. 28Go einare go einu raayosi gupi loma da. Ali menda dona yongale rungulia eimi nipu ora Isaraelimi mandu rangala pae ali na-ma-aulaya. Dona yongale runguli ali raayosi Isaraelimi mandu rangala pae alinu dia. 29Go peapare ora eiri gupa. Ali menda nipuna pu ruparanda Isaraelimi mandu rangala pae ali aliandare gore nipuri ora Isaraelimi mandu rangala pae ali go ayanda. Go eiri nipuna pu Godena ei loma ale ali komea. Godena Epe Yaakopi Sipiridimi komea alina rupara Isaraelimi mandu rangala pae ali ma-aulalia. Rudule Angeleme go au na-mapalia.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.