Aposolo 27
27
Polo mo sisima kawasona pirapale Romo ree anda nane paisaya ei
1Gupuma Idali andasu nane kawasona bainyae, loma kone wisimiya dina Polo pange dipula alinu mendaa para endali ripinyi kalu ali komea Diuliusi para alisimiya. Go aliri mo Sisaria ree anda para Romo Sisana endali ripinyi ali menda parana kalu ali aisaya. 2Gupuma Andaramidiumi ree anda nane aoma epa kawasona Eisia andasuna ree andanu para polame-ainya monde Masedonia andasu nane Desalonaika ree anda ali Arisadakusi rapu mo kawasona pua piruma puama. 3Yapi kepeandare mo Saidoni ree anda opapala puama. Gupuma Diuliusimi Polo para yarame komala ara nipuna yangonumi enda olemole alenaya andola penaya raparipa. 4Gupuma go ree anda minyapaoma andaa ipa rupara puma mo Saiparusi ipa piru kopali ae rupara puri waru pale pokiki andaai weno naneyame wanduaoma mo pokiki ongepusi epa naneyame wanduaoma popama. 5Gupuma mo Silisia Pambilia andasu laapo nane andaa ipana ree naneyame pupumare mo Lisia andasu nane aisaya anda Maira ree anda para opapala puama. 6Go anda para mo endali ripinyi alinuna kalu alimi kawaso komea Alekasandaria ree anda nane aoma Idali andasu nane polame-ainya andasumare naa go kawaso na ma-piraripa.
7Naare menda parame kenda panda pawasi puala puma Naidusi ree anda para opapala puama. Gupuma mo pokiki naana weno naneyame ipula ara sese pandare mo Kiridi ipa piru kopali ae oro para pokiki ma-embeoma mo Salamoni andasu repara popama. 8Gupuma mo andaa ipa ree nane kendame koma monde Lasea ree anda repara aya anda para nipuna bi mo Epe Kawasonu Suaya ree anda para opapala puama.
9-10Naarelenu waru andapu ambala pereya pange mo Godeme wenaalina koae koae Einu Rambuaisaya Naare Dina ambala perelisayandare mo ipa momalu pula ara puri waru palisaya. Go pandare Polome nimu para kingi pi angele lala ara lalore, Alinuo, na kone sialo eiri go ei, la. Ambia go dina naame pu rendaame komopale pelemandare gore naana olemole raayo alu palia, la. Go kawaso pange olemolenu komea alu pula pe einuyapare alinuna endo-ae koyapanayanda, lalo la. 11Go lapare mo endali ripinyi alimi Polome la angele na-pange mo kawaso realina angele pange mo andere-aripa ali laapona angele komea panga. 12Gupuma go para pokikimi epanda ape ana na-pea, loma menda para alinumi lalore, Andaa ipa rupara puma mo Kiridi andasu nane kawaso suaya lena Pinikisi ree anda para opapala pelemapae, loma angele angele lame. Go para ma-embeo amono pokiki epeleandare ana pilia, loma lame.
Pokiki andaaimi mo ipa momalu waru andapu ma-rekaisaya ei
13Gupuma po engesinda ipula-ainya ambiare popeyae kone suma mo kawaso sese puaya mambo seinimi andima mo ipa rupara wi ei yola ma-minyasiaoma kawaso para ma-suma mo Kiridi ipa piru kopali ae andasu ree naneyame popama. 14Popamapare mo perali naneyame pokiki andaai mo ipa piru kopali ae repara epa mambularipa. 15Monde andaa pokikimi mo kawaso weno naneyame ipuma kawasona pora sese pula ara kawasona kalu ma-koipaoma pora rendepona pope-na-lisaya. Naame kongapu ape-na-yala ara kawaso para pa pirama. Gupuma pokikimi mo kawaso ma-ria puala pa naneyame gone raluma puala pama. 16Gupuma pu piruo puma mo Koloda ipa piru kopaliaoma wi su kapasi menda para koaya naneyame wanduoma pupula ara mo pokiki ma-embeo puama. Go para pula ara naame pu rendaame waru komala ara mo kawaso apu nane kawaso engesi andimbarima ae ipa momalumi ma-lambelu rumbeliayandare yola muma mo andaa kawaso mandaa ma-rongaoma minyasiaoma siama. 17Yola mumare mo andaa kawaso andaa kopeme rongarimi. Akepeanda nimumi monde kawaso andaai puma mo Apirika andasu ree nane ipa mu para pua rulalia kone suma paalame waru komame. Go eina monde kawaso andaai nipuna penayanda nimumi mo palai aka lakipi koraoma pa piruma pokikimi mo kawaso andaai ma-ria penalameya. 18Gupuma pokiki andaai ipula ara mo kawaso andaai pereke pereke waru yaoma lewa lewa palainya yapi kepeminyambandare mo nupindi olemole ipa para mu rumbi rumbi pame.
19Yapi mendamere nimuna kimiri monde palai akanu pange andi ae kopenu pange repana pange ma-kepe rumbepe pame. 20Gupuma naare andapumi monde naare kumba danganu paa na-puma na-randare ande pokiki andaai pa puri waru palaoma pa ipula ipula aripa. Go einare naana kone sialore, Naa rambameape ali mendanu na-aemendare naa ora komelema, kone siama.
21Gupuma naare raayo enda na-namenda Polome rekoma ara nimu para lalore, Alinuo, nimimi neme ande lawa angele pangolapameyalore Kiridi ipa piru kopali ae nane aoma na-epola pama. Go na angele pangoma pula pamere go alenda alenda na-ma-bembolala pama, la. 22Nemere nimi para go la gialole nimi menda na-komelemele puri padapape, la. Go kawaso andaai komea ora kodea la. 23Ambia go rimbalare nina raminyeke puma ayo Gode para yainya palanore nipuna eindiolo komea ni repara epa, la. 24Nipumi ni para epa lalore, Polo o, ora paalame na-komape, la. Neere Sisa nipuna lee wilina pua reka ali, la. Go einare Godeme nee para epe au walala ara mo kawaso para nee rapu pulumi alinu raayo endoaya ei alaya, loma mo eindiolome Polo para gurupa la lee ei la. 25Go eina alinu nimimi paalame na-kome kongapu alepape, la. Nemere Gode para kone rulaoma nipuna angele siambayo eina ande ni para lande aunu ora pilia, kone sialo, la.
26Gupiliapare naare ipa piru kopali ae su kapasi menda nane pua pokikimi ma-ria puma pua rulao rumbelea, la.
27Naare ki laapona angena malapu rupa pereyandare mo po rilipu ipula-ainya rimbala mo Aedaria andaa ipa rupara pulamono rimbala u rumu rumuna mo kawaso andaai andere-arimi alinumi ambiare andasu ranamena puluma, kone siame. 28Go eina kopena kenda pi kana andima ipa pia rupa rombo andolame ma-lopainyaoma ali ria laapo mida ipa runane rombo wi ei gurupa andame. Gupuma engesi mo para le puma wala menda wala pua lopaoma ipa pia rupa rombo andamepare ali ria komea pereya ki laapo mida ipa runane rombo gurupa yarepema andame.
29Gupuma mo kawaso andaai kana para puapanaya mo andaa kawaso kuou nane kawaso sese puaya mambo malapu ipa rupara ma-andiambaomare wange wangepu yapi lenayanda yainya pame. 30Mo kawaso andaai andere-arimi alinuri mo kawaso minyapalaoma pongola polameya monde enge kawaso menda mea ipa mandaa lopainyaluameya rapame. Mo kawaso kalu nanere kawaso sese puaya mambo mendane einu ma-lopoma mo alinu para makirada au pulameya kone suma pame.
31Gurupa pamepare Polome mo endali ripinya alinuna kalu ali para pange mo endali ripinyi alinu para lalore, Go andaa kawaso andere-aeme alinu go kawaso rupara na-pidimindare nimiri endape-na-ya, la. 32Gupuma mo endali ripinyi alinumi anda rongedepele kopenu rungulumare ande enge kawasore ipa mandaa ma-siamendare monde kawaso ipame ria pua.
33Yapi doame kepeala-ainyare Polome mo alinu raayome enda nenaya konge waru yala ara lalore, Nimimi enda na-ne kone rando rando siala aliminya naare ki laapo pereyoma angena malapu pereyande, la. 34Go eina nimi para ora lalore, Ambia go puri padaminya enda nalepae, angele go lalondae, loma lala. Nimi raayosi ipa para lopelemendare nimi menda ipa noma na-komola pemeparere nimi raayosi endoma alimi la. 35Polome go loma enda mumare alinu raayona lee wilina ara Gode para Ranae angele loma mo enda muma Polome poloma na. 36Gupuma nimu raayome pange puri rando rando muma nimumi enda name.
37Monde andaa kawasona alinu andapu ali ria ki laapo pereya angena repo pereya ki laapopu pereya su mindipu alinu pirama. 38Gupuma enda anana nomare mo kawaso andaai yapa pinyaya mo alinumi mo laisi kilinumi andea enda maida pale palepu mo ipa rupara ma-loparimi.
Kawaso kolisaya ei
39Gupuma yapi landa su andomare a pareyapae, kone siamepare ipa kusu kariaoma kombapi para pua konda pamboma kekele wi ei andomare nimuna kawaso andaai go para ma-pelema, kone siame.
40Go eina monde kawaso sese puaya mambo kope rungulu pariminda no ipa rupara sula penalomare mo kawaso ma-perekeyao-aya ei rongarimi kopenu pange kalasiarimi. Mo kawaso kalu nane palai aka komea ma-andioma pome riala-ainya mo ipa kekelena penaya go au pame. Go au pamendare ipa repaa lena naa puama. 41Go pamepare mo kawasore ipa mu wia lena raloma-ainya mo kawaso kalu mendanere mu para ora kusamba ara ora kerepema-ainya ande apu nanere mo andaa ipa momalumi epala puala pula ara ma-werepeminyambepe puma ande kawaso apu nanere adubi koya.
42Mo endali ripinyi alinumi dipula alinu ipa para ki mongema pongola puapana kone suma raayo lu komaminya kone suma angele lame. 43Go lamepare monde endali ripinyi alinuna kalu alimi Polo rambamula kone siandare mo alinumi la siame ei runguluma sese pa. Nipumi angele lala ara lalore, Ipana ki mongeaeme alinu nimiri ambala ipa para pongolainyaoma ipa ree nane pulupa, la. 44Alinu nimi menda parare mo kawaso adubili eina rungulinu mumare nimina kimi ripinya pula ara ipa rungula pulupape, la. Go eina alinu raayo mo su nane puma epe rupa opapala puama.
လက္ရွိေရြးခ်ယ္ထားမွု
Aposolo 27: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 27
27
Polo mo sisima kawasona pirapale Romo ree anda nane paisaya ei
1Gupuma Idali andasu nane kawasona bainyae, loma kone wisimiya dina Polo pange dipula alinu mendaa para endali ripinyi kalu ali komea Diuliusi para alisimiya. Go aliri mo Sisaria ree anda para Romo Sisana endali ripinyi ali menda parana kalu ali aisaya. 2Gupuma Andaramidiumi ree anda nane aoma epa kawasona Eisia andasuna ree andanu para polame-ainya monde Masedonia andasu nane Desalonaika ree anda ali Arisadakusi rapu mo kawasona pua piruma puama. 3Yapi kepeandare mo Saidoni ree anda opapala puama. Gupuma Diuliusimi Polo para yarame komala ara nipuna yangonumi enda olemole alenaya andola penaya raparipa. 4Gupuma go ree anda minyapaoma andaa ipa rupara puma mo Saiparusi ipa piru kopali ae rupara puri waru pale pokiki andaai weno naneyame wanduaoma mo pokiki ongepusi epa naneyame wanduaoma popama. 5Gupuma mo Silisia Pambilia andasu laapo nane andaa ipana ree naneyame pupumare mo Lisia andasu nane aisaya anda Maira ree anda para opapala puama. 6Go anda para mo endali ripinyi alinuna kalu alimi kawaso komea Alekasandaria ree anda nane aoma Idali andasu nane polame-ainya andasumare naa go kawaso na ma-piraripa.
7Naare menda parame kenda panda pawasi puala puma Naidusi ree anda para opapala puama. Gupuma mo pokiki naana weno naneyame ipula ara sese pandare mo Kiridi ipa piru kopali ae oro para pokiki ma-embeoma mo Salamoni andasu repara popama. 8Gupuma mo andaa ipa ree nane kendame koma monde Lasea ree anda repara aya anda para nipuna bi mo Epe Kawasonu Suaya ree anda para opapala puama.
9-10Naarelenu waru andapu ambala pereya pange mo Godeme wenaalina koae koae Einu Rambuaisaya Naare Dina ambala perelisayandare mo ipa momalu pula ara puri waru palisaya. Go pandare Polome nimu para kingi pi angele lala ara lalore, Alinuo, na kone sialo eiri go ei, la. Ambia go dina naame pu rendaame komopale pelemandare gore naana olemole raayo alu palia, la. Go kawaso pange olemolenu komea alu pula pe einuyapare alinuna endo-ae koyapanayanda, lalo la. 11Go lapare mo endali ripinyi alimi Polome la angele na-pange mo kawaso realina angele pange mo andere-aripa ali laapona angele komea panga. 12Gupuma go para pokikimi epanda ape ana na-pea, loma menda para alinumi lalore, Andaa ipa rupara puma mo Kiridi andasu nane kawaso suaya lena Pinikisi ree anda para opapala pelemapae, loma angele angele lame. Go para ma-embeo amono pokiki epeleandare ana pilia, loma lame.
Pokiki andaaimi mo ipa momalu waru andapu ma-rekaisaya ei
13Gupuma po engesinda ipula-ainya ambiare popeyae kone suma mo kawaso sese puaya mambo seinimi andima mo ipa rupara wi ei yola ma-minyasiaoma kawaso para ma-suma mo Kiridi ipa piru kopali ae andasu ree naneyame popama. 14Popamapare mo perali naneyame pokiki andaai mo ipa piru kopali ae repara epa mambularipa. 15Monde andaa pokikimi mo kawaso weno naneyame ipuma kawasona pora sese pula ara kawasona kalu ma-koipaoma pora rendepona pope-na-lisaya. Naame kongapu ape-na-yala ara kawaso para pa pirama. Gupuma pokikimi mo kawaso ma-ria puala pa naneyame gone raluma puala pama. 16Gupuma pu piruo puma mo Koloda ipa piru kopaliaoma wi su kapasi menda para koaya naneyame wanduoma pupula ara mo pokiki ma-embeo puama. Go para pula ara naame pu rendaame waru komala ara mo kawaso apu nane kawaso engesi andimbarima ae ipa momalumi ma-lambelu rumbeliayandare yola muma mo andaa kawaso mandaa ma-rongaoma minyasiaoma siama. 17Yola mumare mo andaa kawaso andaa kopeme rongarimi. Akepeanda nimumi monde kawaso andaai puma mo Apirika andasu ree nane ipa mu para pua rulalia kone suma paalame waru komame. Go eina monde kawaso andaai nipuna penayanda nimumi mo palai aka lakipi koraoma pa piruma pokikimi mo kawaso andaai ma-ria penalameya. 18Gupuma pokiki andaai ipula ara mo kawaso andaai pereke pereke waru yaoma lewa lewa palainya yapi kepeminyambandare mo nupindi olemole ipa para mu rumbi rumbi pame.
19Yapi mendamere nimuna kimiri monde palai akanu pange andi ae kopenu pange repana pange ma-kepe rumbepe pame. 20Gupuma naare andapumi monde naare kumba danganu paa na-puma na-randare ande pokiki andaai pa puri waru palaoma pa ipula ipula aripa. Go einare naana kone sialore, Naa rambameape ali mendanu na-aemendare naa ora komelema, kone siama.
21Gupuma naare raayo enda na-namenda Polome rekoma ara nimu para lalore, Alinuo, nimimi neme ande lawa angele pangolapameyalore Kiridi ipa piru kopali ae nane aoma na-epola pama. Go na angele pangoma pula pamere go alenda alenda na-ma-bembolala pama, la. 22Nemere nimi para go la gialole nimi menda na-komelemele puri padapape, la. Go kawaso andaai komea ora kodea la. 23Ambia go rimbalare nina raminyeke puma ayo Gode para yainya palanore nipuna eindiolo komea ni repara epa, la. 24Nipumi ni para epa lalore, Polo o, ora paalame na-komape, la. Neere Sisa nipuna lee wilina pua reka ali, la. Go einare Godeme nee para epe au walala ara mo kawaso para nee rapu pulumi alinu raayo endoaya ei alaya, loma mo eindiolome Polo para gurupa la lee ei la. 25Go eina alinu nimimi paalame na-kome kongapu alepape, la. Nemere Gode para kone rulaoma nipuna angele siambayo eina ande ni para lande aunu ora pilia, kone sialo, la.
26Gupiliapare naare ipa piru kopali ae su kapasi menda nane pua pokikimi ma-ria puma pua rulao rumbelea, la.
27Naare ki laapona angena malapu rupa pereyandare mo po rilipu ipula-ainya rimbala mo Aedaria andaa ipa rupara pulamono rimbala u rumu rumuna mo kawaso andaai andere-arimi alinumi ambiare andasu ranamena puluma, kone siame. 28Go eina kopena kenda pi kana andima ipa pia rupa rombo andolame ma-lopainyaoma ali ria laapo mida ipa runane rombo wi ei gurupa andame. Gupuma engesi mo para le puma wala menda wala pua lopaoma ipa pia rupa rombo andamepare ali ria komea pereya ki laapo mida ipa runane rombo gurupa yarepema andame.
29Gupuma mo kawaso andaai kana para puapanaya mo andaa kawaso kuou nane kawaso sese puaya mambo malapu ipa rupara ma-andiambaomare wange wangepu yapi lenayanda yainya pame. 30Mo kawaso andaai andere-arimi alinuri mo kawaso minyapalaoma pongola polameya monde enge kawaso menda mea ipa mandaa lopainyaluameya rapame. Mo kawaso kalu nanere kawaso sese puaya mambo mendane einu ma-lopoma mo alinu para makirada au pulameya kone suma pame.
31Gurupa pamepare Polome mo endali ripinya alinuna kalu ali para pange mo endali ripinyi alinu para lalore, Go andaa kawaso andere-aeme alinu go kawaso rupara na-pidimindare nimiri endape-na-ya, la. 32Gupuma mo endali ripinyi alinumi anda rongedepele kopenu rungulumare ande enge kawasore ipa mandaa ma-siamendare monde kawaso ipame ria pua.
33Yapi doame kepeala-ainyare Polome mo alinu raayome enda nenaya konge waru yala ara lalore, Nimimi enda na-ne kone rando rando siala aliminya naare ki laapo pereyoma angena malapu pereyande, la. 34Go eina nimi para ora lalore, Ambia go puri padaminya enda nalepae, angele go lalondae, loma lala. Nimi raayosi ipa para lopelemendare nimi menda ipa noma na-komola pemeparere nimi raayosi endoma alimi la. 35Polome go loma enda mumare alinu raayona lee wilina ara Gode para Ranae angele loma mo enda muma Polome poloma na. 36Gupuma nimu raayome pange puri rando rando muma nimumi enda name.
37Monde andaa kawasona alinu andapu ali ria ki laapo pereya angena repo pereya ki laapopu pereya su mindipu alinu pirama. 38Gupuma enda anana nomare mo kawaso andaai yapa pinyaya mo alinumi mo laisi kilinumi andea enda maida pale palepu mo ipa rupara ma-loparimi.
Kawaso kolisaya ei
39Gupuma yapi landa su andomare a pareyapae, kone siamepare ipa kusu kariaoma kombapi para pua konda pamboma kekele wi ei andomare nimuna kawaso andaai go para ma-pelema, kone siame.
40Go eina monde kawaso sese puaya mambo kope rungulu pariminda no ipa rupara sula penalomare mo kawaso ma-perekeyao-aya ei rongarimi kopenu pange kalasiarimi. Mo kawaso kalu nane palai aka komea ma-andioma pome riala-ainya mo ipa kekelena penaya go au pame. Go au pamendare ipa repaa lena naa puama. 41Go pamepare mo kawasore ipa mu wia lena raloma-ainya mo kawaso kalu mendanere mu para ora kusamba ara ora kerepema-ainya ande apu nanere mo andaa ipa momalumi epala puala pula ara ma-werepeminyambepe puma ande kawaso apu nanere adubi koya.
42Mo endali ripinyi alinumi dipula alinu ipa para ki mongema pongola puapana kone suma raayo lu komaminya kone suma angele lame. 43Go lamepare monde endali ripinyi alinuna kalu alimi Polo rambamula kone siandare mo alinumi la siame ei runguluma sese pa. Nipumi angele lala ara lalore, Ipana ki mongeaeme alinu nimiri ambala ipa para pongolainyaoma ipa ree nane pulupa, la. 44Alinu nimi menda parare mo kawaso adubili eina rungulinu mumare nimina kimi ripinya pula ara ipa rungula pulupape, la. Go eina alinu raayo mo su nane puma epe rupa opapala puama.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.