Aposolo 26
26
Polome kini ali Akaripa para angele yokanali pisaya ei
1-2Akaripa nipumi Polo para lalore, Nenale angele lapeyale la, lisaya. Gupuma Polome nipuna ki komba puma ara nipuna angele yokanali pi eina lala ara lalore, Kini Akaripao, nemere nee para arale monde Isaraelimi mandu rangala pae alinumi ni para ma-ria ria angele lame eina nena lee wilina ara na angele lalo eiri ora epelea, lisaya. 3Neemere monde Isaraelimi mandu rangala pae alinuna puaeme einu pange nimuna angele yokanali puaeme einu andoma kone sualendare neeme gigimi na-kome na angele pango pirape, lisaya.
4Na Isaraelimi mandu rangala pae wenaalimi ni naki ara pawa einu pange andayoma pawa einu andoma ambala kone wimi. Kuni gipa raayo ambala ririna na andasu para pange werepe nane Diurusaleme ree anda para aripu ei pange Isaraelimi mandu rangala pae wenaali raayome andameae, lisaya. 5Na ao-paliawa einuri nimumi ando-arimili nimumi dema kone suma la yokelemendare la yokenae, lisaya. Nimumi nina aunu kone wimi. Nemere Parisi alinumi puarimi einu mongema pawa, lisaya. Go Parisina au mongeriaya einuri puri waru palea pange repaa mendana mongeriaya einuri neme kone sialoparere rambuaya, lisaya. 6Gupuma Godeme naana apa kasuanu para la wi angele para kone rulayo eina ambia ni go ayondare mo Isaraelimi mandu rangala pae alinumi ni para ma-ria ria angele loma doame ma-karu epame, lisaya. 7Gonde angele la wi ei minyaya kone siala ara naana ki laapo pereyoma angena laapo anda ruru wenaalimi Gode para naare raayo rimbala naarena panda punyaoma yainya puaeme eina ni go para ayo, lisaya. Kini Akaripao, gupuma go angele la wi eina kone rulayo eina mo Isaraelimi mandu rangala pae alinumi ni para ma-ria ria angele loma dame, lisaya. 8Godeme ora ambala komeme wenaalinu wala ma-endaoma ma-rekapeya loma lee ei nimi go para aeme alinumi Godeme go au pea konere akepeanda siape-na-yapae, lisaya.
9Monde Nasarere ree anda ali Yesuna bi ma-lu minyambaluame nemere au menda waru pulame kone waru suaripu, lisaya. 10Go eina neme Diurusaleme ree anda para go au pawa, lisaya. Mo Gode repara alinau puaisimiya alinuna kalu alinumi pape lamendare monde Godena wenaali andapuri dipula anda para ma-loparipu, lisaya. Wenaalinumi go wenaalinu menda luma komena laminya lala pamendare neme pange na kone pea lala pawa, lisaya. 11Gupuma mo wenaaliri mo Godena angele kuruaeme anda raayo para pu rendaa pi au waru pala pumare Yesu para kone na-wima angele lenaya la andala pawa, lisaya. Gupuma mo wenaali para rono waru pangala ara anda ruru mendanuna anda menda paranu lu ralu duame puala pawa, lisaya.
Polome nipu pena Keriso aisaya eina angele lisaya ei
(Aposolo 9:1-19; 22:6-16)
12Go eina go au punuyanda mo Gode repara alinau puaisimiya alinuna kalu alinu nimumi puri kone giame. Go au pua pape, loma ni rapariminda niri Damasikasi ree anda nane puawa, lisaya. 13Kini Alio, naare kalu rikirana ainya porana pula ara yaa naneyame paa andaai epa, lisaya. Mo paa andaairi naare roaya rupa diayapare naare roaya ei lu angulaya, lisaya. Mo ni rapu mendaa para puama alinu monde paa andaaimi ma-kopaliaoma pa eiri andawa, lisaya. 14Gupuma naa raayo suna kondopa lopoma siamono neme Iburu angeleme lee angele koma ni para la eiri pangawa, lisaya. Ande angele komame ni para gurupa epa lalore, Solo, Solo, akepeanda ni para rendaa gialepae, loma la, lisaya. Nena pili auri gurupa. Mena mandana mo mena realimi wakepa ki para andima yola ma-peleandare mo mename giada ara pa yola ma-aliandare mena realimi puri paloma ora yola milianda menana ki pangala ei mandanae, loma la alisaya. 15Gupuma neme lalore, Realio, neere apiyapae, lawa, lisaya. Go eina Realimi lalore, Niri Yesu ae. Neeme ni para yanda liiale, la. 16Go au puaripipare ambiare nee rekoma ape, loma la. Neeme na pupudengi nape ali ainyaya mula ipuma nee para penameyao epa walawande, loma la. Neme ambia go pawande einu neeme andoma wenaali menda para la alainyaya pange neme nee para werepe nane penameyao wadoa aunu la alainyayanda neme nee para ma-ainya laloae, lisaya. 17Go eina neme nee mo Isaraelimi mandu rangala pae wenaali para pange Isaraelimi na-mandu rangala pae wenaali raayo para rapaluandare nimumi nee duame rapelemendare neme nee rambamula, loma la. 18Neeme nimuna leenu kiyainyayanda rapadoae, loma la. Neeme wenaalinu rimbale para aeme ei para perekeminyamboma paa pi ei para epenalape, loma la. Sadanina puri pale ei para aeme wenaali perekeminyamboma Gode repara epa ma-ainyalape, loma la. Go eina neeme go au palindare ni para kone rulaeme wenaali nimuna koae koae ei raayo Godeme wamo puma rambualia, loma la. Gupuma wenaalimi na angele pangelemendare naa ambala yarepema ma-ainyale wenaali rapu raminyekepao epa ainyalape, loma la lisaya.
Polome nipuna pupudengi ne ei Akaripa para la lisaya ei
19Go eina Kini Akaripao, neme ande yaa naneyame penameyao paa andaai epa eiri neme andoma Realina angele na-runguli ora pangoma pawa, lisaya. 20Mo Damasikasi ree anda wenaali para Diurusaleme ree anda wenaali para mo Diudia andasu raayo nane wenaali para mo Isaraelimi na-mandu rangala pae wenaali para pange nimumi nimuna koae koae einu giaoma Gode para kone menda perekeyo winyayanda angele walawa, lisaya. Neme nimu para lalore, Nimimi wenaali mendame andena nimina koae aunu giaoma epe aunu komea pipape, lawa, lisaya. 21Neme go au pawandare go eina reenare mo Isaraelimi mandu rangala pae alinumi mo Gode repara alinau puaisimiya andaa anda para ni rengepe minyuma ni duame rapame, lisaya. 22Gupuma Godeme ni pa rambameala ei muma ara ambia pange go para reka ara alinu raayo para bi na-wi alinu bi wi alinu para pange la alala pi lisaya. Ande Mosesimi pange Godena poropedi alinumi pange pula peme einu lisimiya rupa neme pange go einu loma la aloayo, lisaya. 23Gurupa Keriso ririna ambala rendaa pi ei mumare gupuma ririna komoma wala rekola pea ali ara nipumi Isaraelimi mandu rangala pae wenaali para pange mo Isaraelimi na-mandu rangala pae wenaali para pange paa aloma rambameala pinyayanda lee ei waloayo, lisaya.
Polome Akaripame endoaya ei minyaya angele walisaya ei
24Gupuma Polome go angele lala-ainya Pesadusimi Polo para wi andapu lala ara lalore, Polo neere keyada ali ale, lisaya. Neemere wape andapu mongede eimi au raayo andaai pele eimi nee go ma-keyadandae, lisaya.
25Polome lalore, Andaa alio, niri keyada ali dia, lisaya. Nemere kone suma ora angele lalo, lisaya.
26Kini Akaripao, neere go aununa reere kone wilindare neme nee para paalame na-kome ara angele laloae, lisaya. Neme kone wiparere go au raayo kundiri na-pi penameyao pa ande einu neeme andoma kone siaende, lisaya. 27Kini Akaripao, Godena poropedi alinumi wape pisimiya ande einuri neemere pangoma kone rulalepae, lisaya. Go einu neme kone sialoparere neeme kone waru rulale kone sialo, lisaya.
28Gupuma Akaripame Polo nipuna angele yango liada ara lalore, Nena konemere niri ambia wangepu Keriso anoya lalepae, lisaya.
29Go lisayanda Polome nipuna angele yango liada ara lalore, Ambia go pange o werepe nane pange Gode para na yainya pe eiri nee pange go piruaeme wenaali raayo pange neme go waloayo angele pangomare ni rupa aliminyaya, lalo, lisaya. Go peapare go seinipunumi ni rongaeme rupa nimi gurupa seinipunumi rongaoma aliminyaya na-lalo, lisaya.
30Gupuma monde kini ali pange mo gapamani andaa ali pange Berenisi pange nimu rapu pirisimiya wenaali pange rekoma minyapalaoma paisimiya.
31Pumare nimunale angele lalolo pula ara lalore, Go aliri koae au menda ora na-peandare gore nipu lu komape-na-ya pange mo dipula anda para pa pirape-na-ya, lisimiya. 32Gupuma Akaripame Pesadusi para lalore, Polome Sisame nipuna angele yokanali pi ei pangenaya wi na-dapayalore anda nane wala pola pae, lisaya.
လက္ရွိေရြးခ်ယ္ထားမွု
Aposolo 26: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 26
26
Polome kini ali Akaripa para angele yokanali pisaya ei
1-2Akaripa nipumi Polo para lalore, Nenale angele lapeyale la, lisaya. Gupuma Polome nipuna ki komba puma ara nipuna angele yokanali pi eina lala ara lalore, Kini Akaripao, nemere nee para arale monde Isaraelimi mandu rangala pae alinumi ni para ma-ria ria angele lame eina nena lee wilina ara na angele lalo eiri ora epelea, lisaya. 3Neemere monde Isaraelimi mandu rangala pae alinuna puaeme einu pange nimuna angele yokanali puaeme einu andoma kone sualendare neeme gigimi na-kome na angele pango pirape, lisaya.
4Na Isaraelimi mandu rangala pae wenaalimi ni naki ara pawa einu pange andayoma pawa einu andoma ambala kone wimi. Kuni gipa raayo ambala ririna na andasu para pange werepe nane Diurusaleme ree anda para aripu ei pange Isaraelimi mandu rangala pae wenaali raayome andameae, lisaya. 5Na ao-paliawa einuri nimumi ando-arimili nimumi dema kone suma la yokelemendare la yokenae, lisaya. Nimumi nina aunu kone wimi. Nemere Parisi alinumi puarimi einu mongema pawa, lisaya. Go Parisina au mongeriaya einuri puri waru palea pange repaa mendana mongeriaya einuri neme kone sialoparere rambuaya, lisaya. 6Gupuma Godeme naana apa kasuanu para la wi angele para kone rulayo eina ambia ni go ayondare mo Isaraelimi mandu rangala pae alinumi ni para ma-ria ria angele loma doame ma-karu epame, lisaya. 7Gonde angele la wi ei minyaya kone siala ara naana ki laapo pereyoma angena laapo anda ruru wenaalimi Gode para naare raayo rimbala naarena panda punyaoma yainya puaeme eina ni go para ayo, lisaya. Kini Akaripao, gupuma go angele la wi eina kone rulayo eina mo Isaraelimi mandu rangala pae alinumi ni para ma-ria ria angele loma dame, lisaya. 8Godeme ora ambala komeme wenaalinu wala ma-endaoma ma-rekapeya loma lee ei nimi go para aeme alinumi Godeme go au pea konere akepeanda siape-na-yapae, lisaya.
9Monde Nasarere ree anda ali Yesuna bi ma-lu minyambaluame nemere au menda waru pulame kone waru suaripu, lisaya. 10Go eina neme Diurusaleme ree anda para go au pawa, lisaya. Mo Gode repara alinau puaisimiya alinuna kalu alinumi pape lamendare monde Godena wenaali andapuri dipula anda para ma-loparipu, lisaya. Wenaalinumi go wenaalinu menda luma komena laminya lala pamendare neme pange na kone pea lala pawa, lisaya. 11Gupuma mo wenaaliri mo Godena angele kuruaeme anda raayo para pu rendaa pi au waru pala pumare Yesu para kone na-wima angele lenaya la andala pawa, lisaya. Gupuma mo wenaali para rono waru pangala ara anda ruru mendanuna anda menda paranu lu ralu duame puala pawa, lisaya.
Polome nipu pena Keriso aisaya eina angele lisaya ei
(Aposolo 9:1-19; 22:6-16)
12Go eina go au punuyanda mo Gode repara alinau puaisimiya alinuna kalu alinu nimumi puri kone giame. Go au pua pape, loma ni rapariminda niri Damasikasi ree anda nane puawa, lisaya. 13Kini Alio, naare kalu rikirana ainya porana pula ara yaa naneyame paa andaai epa, lisaya. Mo paa andaairi naare roaya rupa diayapare naare roaya ei lu angulaya, lisaya. Mo ni rapu mendaa para puama alinu monde paa andaaimi ma-kopaliaoma pa eiri andawa, lisaya. 14Gupuma naa raayo suna kondopa lopoma siamono neme Iburu angeleme lee angele koma ni para la eiri pangawa, lisaya. Ande angele komame ni para gurupa epa lalore, Solo, Solo, akepeanda ni para rendaa gialepae, loma la, lisaya. Nena pili auri gurupa. Mena mandana mo mena realimi wakepa ki para andima yola ma-peleandare mo mename giada ara pa yola ma-aliandare mena realimi puri paloma ora yola milianda menana ki pangala ei mandanae, loma la alisaya. 15Gupuma neme lalore, Realio, neere apiyapae, lawa, lisaya. Go eina Realimi lalore, Niri Yesu ae. Neeme ni para yanda liiale, la. 16Go au puaripipare ambiare nee rekoma ape, loma la. Neeme na pupudengi nape ali ainyaya mula ipuma nee para penameyao epa walawande, loma la. Neme ambia go pawande einu neeme andoma wenaali menda para la alainyaya pange neme nee para werepe nane penameyao wadoa aunu la alainyayanda neme nee para ma-ainya laloae, lisaya. 17Go eina neme nee mo Isaraelimi mandu rangala pae wenaali para pange Isaraelimi na-mandu rangala pae wenaali raayo para rapaluandare nimumi nee duame rapelemendare neme nee rambamula, loma la. 18Neeme nimuna leenu kiyainyayanda rapadoae, loma la. Neeme wenaalinu rimbale para aeme ei para perekeminyamboma paa pi ei para epenalape, loma la. Sadanina puri pale ei para aeme wenaali perekeminyamboma Gode repara epa ma-ainyalape, loma la. Go eina neeme go au palindare ni para kone rulaeme wenaali nimuna koae koae ei raayo Godeme wamo puma rambualia, loma la. Gupuma wenaalimi na angele pangelemendare naa ambala yarepema ma-ainyale wenaali rapu raminyekepao epa ainyalape, loma la lisaya.
Polome nipuna pupudengi ne ei Akaripa para la lisaya ei
19Go eina Kini Akaripao, neme ande yaa naneyame penameyao paa andaai epa eiri neme andoma Realina angele na-runguli ora pangoma pawa, lisaya. 20Mo Damasikasi ree anda wenaali para Diurusaleme ree anda wenaali para mo Diudia andasu raayo nane wenaali para mo Isaraelimi na-mandu rangala pae wenaali para pange nimumi nimuna koae koae einu giaoma Gode para kone menda perekeyo winyayanda angele walawa, lisaya. Neme nimu para lalore, Nimimi wenaali mendame andena nimina koae aunu giaoma epe aunu komea pipape, lawa, lisaya. 21Neme go au pawandare go eina reenare mo Isaraelimi mandu rangala pae alinumi mo Gode repara alinau puaisimiya andaa anda para ni rengepe minyuma ni duame rapame, lisaya. 22Gupuma Godeme ni pa rambameala ei muma ara ambia pange go para reka ara alinu raayo para bi na-wi alinu bi wi alinu para pange la alala pi lisaya. Ande Mosesimi pange Godena poropedi alinumi pange pula peme einu lisimiya rupa neme pange go einu loma la aloayo, lisaya. 23Gurupa Keriso ririna ambala rendaa pi ei mumare gupuma ririna komoma wala rekola pea ali ara nipumi Isaraelimi mandu rangala pae wenaali para pange mo Isaraelimi na-mandu rangala pae wenaali para pange paa aloma rambameala pinyayanda lee ei waloayo, lisaya.
Polome Akaripame endoaya ei minyaya angele walisaya ei
24Gupuma Polome go angele lala-ainya Pesadusimi Polo para wi andapu lala ara lalore, Polo neere keyada ali ale, lisaya. Neemere wape andapu mongede eimi au raayo andaai pele eimi nee go ma-keyadandae, lisaya.
25Polome lalore, Andaa alio, niri keyada ali dia, lisaya. Nemere kone suma ora angele lalo, lisaya.
26Kini Akaripao, neere go aununa reere kone wilindare neme nee para paalame na-kome ara angele laloae, lisaya. Neme kone wiparere go au raayo kundiri na-pi penameyao pa ande einu neeme andoma kone siaende, lisaya. 27Kini Akaripao, Godena poropedi alinumi wape pisimiya ande einuri neemere pangoma kone rulalepae, lisaya. Go einu neme kone sialoparere neeme kone waru rulale kone sialo, lisaya.
28Gupuma Akaripame Polo nipuna angele yango liada ara lalore, Nena konemere niri ambia wangepu Keriso anoya lalepae, lisaya.
29Go lisayanda Polome nipuna angele yango liada ara lalore, Ambia go pange o werepe nane pange Gode para na yainya pe eiri nee pange go piruaeme wenaali raayo pange neme go waloayo angele pangomare ni rupa aliminyaya, lalo, lisaya. Go peapare go seinipunumi ni rongaeme rupa nimi gurupa seinipunumi rongaoma aliminyaya na-lalo, lisaya.
30Gupuma monde kini ali pange mo gapamani andaa ali pange Berenisi pange nimu rapu pirisimiya wenaali pange rekoma minyapalaoma paisimiya.
31Pumare nimunale angele lalolo pula ara lalore, Go aliri koae au menda ora na-peandare gore nipu lu komape-na-ya pange mo dipula anda para pa pirape-na-ya, lisimiya. 32Gupuma Akaripame Pesadusi para lalore, Polome Sisame nipuna angele yokanali pi ei pangenaya wi na-dapayalore anda nane wala pola pae, lisaya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.