Aposolo 25
25
Polome Sisa nipuna angele pangolame lisaya ei
1Gupuma Pesadusi go andasu para naarele repo epa aomare Sisaria ree anda giaoma Diurusaleme ree anda nane opasiala paisaya. 2-3Go para aisimiya Gode repara alinau puaisimiya alinuna kalu alinu pange Isaraelimi mandu rangala pae andaa alinu menda para Polo pange alinu menda para mendaa dina pupuma angele yokanali popa pisimiya. Nimumi Pesadusi para rendaapi angele lala ara lalore, Neeme naa rambameape, lisimiya. Gupuma neeme go ali Diurusaleme ree anda nane epena rapape, lisimiya. Gore nimuna koneme kone siainyadore naa mo porana panga piruma Polo ora lu komaminya kone wisimiya.
4Go eina Pesadusimi nipuna angele yango liada ara lalore, Polore mo Sisaria ree anda nane dipula anda para pia, lisaya. Ongesinda aoma ni Sisaria ree anda nane wala pola lisaya. 5Go eina monde nimina kalu alinu pange ni rapu mendaa dina naana bainya, lisaya. Naana mendaa pumare Polo nipumi koae aunu menda piliandare gore nimimi nipu para angele yokanali paliminya, lisaya.
6Pesadusi nipu mo alinu rapu yapi di ki mendane pereyoma ki mendanena repopu o pa marea ki laapopu aisimiya. Gupuma nipu no Sisaria ree anda nane paisaya. Gore yapi kepea nane nipu mo angele yokanali puae anda para piri lalore, Nimimi Polo ora ki minyu karu ipulupape, lisaya. 7Go eina nimumi Polo karu ipisimiya. Mo Diurusaleme ree anda giaoma kolopea ipisimiya Isaraelimi mandu rangala pae alinumi ipuma reesi para epa ara rendaa pi one mone angele raayosi ma-riaoma epa angele yokanali pisimiya. Gupisimiyapare Pesadusi para la alisimiya angelenuri ora ree wi angelenu na-la lisimiyapare payapo angelenu la lisimiya. 8Go eina Polome nimuna angele yango liada ara lalore, Neme koae au menda ora na-pawa, lisaya. Mo Isaraelimi mandu rangala pae alinuna Rudule Angelenu menda ora na-rungulawa pange nimuna Gode para alinau puaisimiya andaa anda pange ora na-ma-koyaripu pange mo Romo ree anda mundu ali Sisa para pange koae angele menda na-lawa, lisaya.
9Go angelenu pangomare Pesadusimi Isaraelimi mandu rangala pae alinu para mimi pisaya. Go eina nipumi Polo para lalore, Nena koneme nena angele yokanali pi ei ni rapu ara so Diurusaleme ree anda para pula kone wilindare mandana neme pangolale peleyapae, lisaya.
10Go lisayandare Polome angele yango liada ara lalore, Go andare mo Sisa ali nipuna anda pange nipuna angele yokanali puae andayapare go para na angele yokanali pi ei pangenayanda reka ayo, lisaya. Neme mo Isaraelimi mandu rangala pae alinu para koae au ora menda na-pawande eiri neeme kone wili, lisaya.
11Go peapare neme Rudule Angelenu wia ei andoma ni ora lu komalimindare ana pea, runguluma koae ei pularipu manda pa komola, lisaya. Go peapare go ni angele yokanali pi eina ma-mariminde angelere ora ree angele na-loma payapo angelena ni ma-marimindare ali mendame ni muma repaa menda repara ma-alape-na-ya, lisaya. Go einare Sisa nipumi na angele yokanali pi ei waru pangenaya, la doa, lisaya.
12Go einare Pesadusi nipumi go angele pangoma kalesoro alinu rapu angele ambala la wisaya. Gupi loma lalore, Neeme Sisa nipumi nena angele yokanali pi ei pangenayare neme nee Sisa para rapalua, lisaya.
Pesadusimi Akaripa para Polo angele angaa misaya ei
13Go dina naare menda para lombae pupa pupuma perelisaya dinare kini ali Akaripa para nipuna wena Berenisi niipu laapo mo Sisaria ree anda nane mo ali Pesadusi para paliape angele doame ipisipiya.
14Akaripa Berenisi niipu laapore mo Sisaria ree anda nane ipuma yapi ambonda go para ainya perelisayandare Pesadusimi mo kini Akaripa para Polome pi einu raayo la alisaya. Nipumi lalore, Ambala ririna Pilikasi nipu aripa dinare mo dipula anda para ali menda pa pirinya giaripa, lisaya. 15Ambala ririna niri mo Diurusaleme ree anda para puawa dinare mo Gode repara alinau puaisimiya alinuna kalu alinu pange mo Isaraelimi mandu rangala pae alinuna kalu alinu nipu para ma-ria ria angele loma ni para epa lalore, Nipuri koae aliyale nipuna yangi koae ei alape lo ni para epa lame, lisaya. 16Go angelenu lamenda neme nimuna angele yangi go rupa ambulawa, lisaya. Na Romo alinumiri ali mendame ali menda para go alimi koae aunu nipumi puaya loma ma-riada ara repaa menda para pa ambe na-ma-aloaema, lisaya. Ali mendame ambala ririna mo koae einu pande lo ma-riada alinu rapu komea lena lee angaa andololo pu epa ara angele yokanali puluri ana pea pange nipuna pe einu ambala la ginyayanda angele ambala pangoaema, lisaya.
17Go einare mo alinu ni rapu epamendare ni pa na-pirawa, lisaya. Yapi kepeandare niri mo angele yokanali puaeme anda para puma pua pirawa, lisaya. Gupuma mo aliri ambe karu ipulupape, lawa, lisaya.
18Mo Polo para ma-ria ria puma angele lame alinuri epa reka arimiparere Polome ora koae aunu pi einu epa deme kone siawapare koae au pi angele menda na-epa lame, lisaya. 19Mo Isaraelimi mandu rangala pae alinu nimuna ape loaeme eiri nimuna kone rulaoma Gode repara yainya puaisimiya eina pange ali menda nipuna bi Yesu komisaya eina ape loaeme, lisaya. Go paemepare Yesu nipuri komoma wala rekoma pa aya lo Polome loaya, lisaya. 20Neme kone laapo suma kendame komawa eiri go alinumi Polo para ma-riademe angelenuna reenu wi ei la yokape rupa ma-marawa, lisaya. Go eina Polo para angele angaa meala ara lalore, Pa marea nena rana pi eiri nena angele yokanali pi ei mo Diurusaleme ree anda para ara neme pangolale peleyapae, lo lora pawa, lisaya. 21Go angele lawapare Polome lalore, Niri mo dipula anda rupara pa pidua, loma la gia, lisaya. Gore mo Romo mundu ali Sisame na angelenu nipumi pangoma wamo painyaya, lalo la lisaya. Go eina neme alinu menda para para lalore, Gore epeleale mo endali ripinyi alinu nimimi mo dipula anda runane pa andere-alepape, loma lawa, lisaya. Gupuma neme mo Romo mundu ali Sisa para werepe nane rapalua, lawa, lisaya.
22Go eina Akaripame Pesadusi para lalore, Ora neme Polo nipuna de angelenu pangolandare ana pea, lisaya. Go eina Pesadusimi lalore, Go einare ruli naarena neeme Polona angele pangele, lisaya.
23Yapi mendame Akaripa pange Berenisi niipu laapome andaa mundu ali aluameya loaisimiya aunu loma ipisipiya. Ipumare niipu laapo raida mo mombeaisimiya anda rupara endali ripinyi alinuna mundu alinu pange mo ree anda para aisimiya andaa kalu alinu rapu kondabaoma paisipiya. Pesadusi nipumi nipuna endali ripinyi alinu para mana lalore, Polo karu ipulupa, lisaya. 24Gupuma Pesadusi nipumi lalore, Kini Akaripa nee pange naa rapu go aeme alinuo, nimimi go ali andalepape, lisaya. Mo Diurusaleme ree anda rupara aeme Isaraelimi mandu rangala pae wenaalinu pange go andasu rupara aeme Isaraelimi mandu rangala pae wenaalinu nimu raayome ma-ria ria angele ni para ma-ipuma angele yokanali pame lo la lisaya. Nipu pa apana ali mendame ambala nipu ora lu komainyaloma epala puala pula ara wi andapu loaeme, lisaya. 25Ora dameparere nipumi koae ei menda na-pea pange nipu ora lu komala peme eina reenu menda neme na-andasiado, lisaya. Go einare Polo nipunale Sisa nipumi nipuna angele yokanali pi ei pangenaya lora pula, lisaya. Go einare neme kone suma Sisa para rapalua, lisaya. 26Go einare neme mo Polo nipuna pi einu mo Sisa para wape pape ree angelenu menda ni kone na-wi lisaya. Go einare Polo Kini Akaripa nee para karu epawa, lisaya. Akepeandare nipuna angelenu naa raayome waru kondao pangoma wape paminyayanda karu epawa, lisaya. 27Neme dipula anda para ali menda Sisa para rapaluandare mo nipu para angele yokanali pi eina ree epe rupa na-wape puma rapaluandare go eiri ora kolea, lisaya.
လက္ရွိေရြးခ်ယ္ထားမွု
Aposolo 25: POLENT23
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 25
25
Polome Sisa nipuna angele pangolame lisaya ei
1Gupuma Pesadusi go andasu para naarele repo epa aomare Sisaria ree anda giaoma Diurusaleme ree anda nane opasiala paisaya. 2-3Go para aisimiya Gode repara alinau puaisimiya alinuna kalu alinu pange Isaraelimi mandu rangala pae andaa alinu menda para Polo pange alinu menda para mendaa dina pupuma angele yokanali popa pisimiya. Nimumi Pesadusi para rendaapi angele lala ara lalore, Neeme naa rambameape, lisimiya. Gupuma neeme go ali Diurusaleme ree anda nane epena rapape, lisimiya. Gore nimuna koneme kone siainyadore naa mo porana panga piruma Polo ora lu komaminya kone wisimiya.
4Go eina Pesadusimi nipuna angele yango liada ara lalore, Polore mo Sisaria ree anda nane dipula anda para pia, lisaya. Ongesinda aoma ni Sisaria ree anda nane wala pola lisaya. 5Go eina monde nimina kalu alinu pange ni rapu mendaa dina naana bainya, lisaya. Naana mendaa pumare Polo nipumi koae aunu menda piliandare gore nimimi nipu para angele yokanali paliminya, lisaya.
6Pesadusi nipu mo alinu rapu yapi di ki mendane pereyoma ki mendanena repopu o pa marea ki laapopu aisimiya. Gupuma nipu no Sisaria ree anda nane paisaya. Gore yapi kepea nane nipu mo angele yokanali puae anda para piri lalore, Nimimi Polo ora ki minyu karu ipulupape, lisaya. 7Go eina nimumi Polo karu ipisimiya. Mo Diurusaleme ree anda giaoma kolopea ipisimiya Isaraelimi mandu rangala pae alinumi ipuma reesi para epa ara rendaa pi one mone angele raayosi ma-riaoma epa angele yokanali pisimiya. Gupisimiyapare Pesadusi para la alisimiya angelenuri ora ree wi angelenu na-la lisimiyapare payapo angelenu la lisimiya. 8Go eina Polome nimuna angele yango liada ara lalore, Neme koae au menda ora na-pawa, lisaya. Mo Isaraelimi mandu rangala pae alinuna Rudule Angelenu menda ora na-rungulawa pange nimuna Gode para alinau puaisimiya andaa anda pange ora na-ma-koyaripu pange mo Romo ree anda mundu ali Sisa para pange koae angele menda na-lawa, lisaya.
9Go angelenu pangomare Pesadusimi Isaraelimi mandu rangala pae alinu para mimi pisaya. Go eina nipumi Polo para lalore, Nena koneme nena angele yokanali pi ei ni rapu ara so Diurusaleme ree anda para pula kone wilindare mandana neme pangolale peleyapae, lisaya.
10Go lisayandare Polome angele yango liada ara lalore, Go andare mo Sisa ali nipuna anda pange nipuna angele yokanali puae andayapare go para na angele yokanali pi ei pangenayanda reka ayo, lisaya. Neme mo Isaraelimi mandu rangala pae alinu para koae au ora menda na-pawande eiri neeme kone wili, lisaya.
11Go peapare neme Rudule Angelenu wia ei andoma ni ora lu komalimindare ana pea, runguluma koae ei pularipu manda pa komola, lisaya. Go peapare go ni angele yokanali pi eina ma-mariminde angelere ora ree angele na-loma payapo angelena ni ma-marimindare ali mendame ni muma repaa menda repara ma-alape-na-ya, lisaya. Go einare Sisa nipumi na angele yokanali pi ei waru pangenaya, la doa, lisaya.
12Go einare Pesadusi nipumi go angele pangoma kalesoro alinu rapu angele ambala la wisaya. Gupi loma lalore, Neeme Sisa nipumi nena angele yokanali pi ei pangenayare neme nee Sisa para rapalua, lisaya.
Pesadusimi Akaripa para Polo angele angaa misaya ei
13Go dina naare menda para lombae pupa pupuma perelisaya dinare kini ali Akaripa para nipuna wena Berenisi niipu laapo mo Sisaria ree anda nane mo ali Pesadusi para paliape angele doame ipisipiya.
14Akaripa Berenisi niipu laapore mo Sisaria ree anda nane ipuma yapi ambonda go para ainya perelisayandare Pesadusimi mo kini Akaripa para Polome pi einu raayo la alisaya. Nipumi lalore, Ambala ririna Pilikasi nipu aripa dinare mo dipula anda para ali menda pa pirinya giaripa, lisaya. 15Ambala ririna niri mo Diurusaleme ree anda para puawa dinare mo Gode repara alinau puaisimiya alinuna kalu alinu pange mo Isaraelimi mandu rangala pae alinuna kalu alinu nipu para ma-ria ria angele loma ni para epa lalore, Nipuri koae aliyale nipuna yangi koae ei alape lo ni para epa lame, lisaya. 16Go angelenu lamenda neme nimuna angele yangi go rupa ambulawa, lisaya. Na Romo alinumiri ali mendame ali menda para go alimi koae aunu nipumi puaya loma ma-riada ara repaa menda para pa ambe na-ma-aloaema, lisaya. Ali mendame ambala ririna mo koae einu pande lo ma-riada alinu rapu komea lena lee angaa andololo pu epa ara angele yokanali puluri ana pea pange nipuna pe einu ambala la ginyayanda angele ambala pangoaema, lisaya.
17Go einare mo alinu ni rapu epamendare ni pa na-pirawa, lisaya. Yapi kepeandare niri mo angele yokanali puaeme anda para puma pua pirawa, lisaya. Gupuma mo aliri ambe karu ipulupape, lawa, lisaya.
18Mo Polo para ma-ria ria puma angele lame alinuri epa reka arimiparere Polome ora koae aunu pi einu epa deme kone siawapare koae au pi angele menda na-epa lame, lisaya. 19Mo Isaraelimi mandu rangala pae alinu nimuna ape loaeme eiri nimuna kone rulaoma Gode repara yainya puaisimiya eina pange ali menda nipuna bi Yesu komisaya eina ape loaeme, lisaya. Go paemepare Yesu nipuri komoma wala rekoma pa aya lo Polome loaya, lisaya. 20Neme kone laapo suma kendame komawa eiri go alinumi Polo para ma-riademe angelenuna reenu wi ei la yokape rupa ma-marawa, lisaya. Go eina Polo para angele angaa meala ara lalore, Pa marea nena rana pi eiri nena angele yokanali pi ei mo Diurusaleme ree anda para ara neme pangolale peleyapae, lo lora pawa, lisaya. 21Go angele lawapare Polome lalore, Niri mo dipula anda rupara pa pidua, loma la gia, lisaya. Gore mo Romo mundu ali Sisame na angelenu nipumi pangoma wamo painyaya, lalo la lisaya. Go eina neme alinu menda para para lalore, Gore epeleale mo endali ripinyi alinu nimimi mo dipula anda runane pa andere-alepape, loma lawa, lisaya. Gupuma neme mo Romo mundu ali Sisa para werepe nane rapalua, lawa, lisaya.
22Go eina Akaripame Pesadusi para lalore, Ora neme Polo nipuna de angelenu pangolandare ana pea, lisaya. Go eina Pesadusimi lalore, Go einare ruli naarena neeme Polona angele pangele, lisaya.
23Yapi mendame Akaripa pange Berenisi niipu laapome andaa mundu ali aluameya loaisimiya aunu loma ipisipiya. Ipumare niipu laapo raida mo mombeaisimiya anda rupara endali ripinyi alinuna mundu alinu pange mo ree anda para aisimiya andaa kalu alinu rapu kondabaoma paisipiya. Pesadusi nipumi nipuna endali ripinyi alinu para mana lalore, Polo karu ipulupa, lisaya. 24Gupuma Pesadusi nipumi lalore, Kini Akaripa nee pange naa rapu go aeme alinuo, nimimi go ali andalepape, lisaya. Mo Diurusaleme ree anda rupara aeme Isaraelimi mandu rangala pae wenaalinu pange go andasu rupara aeme Isaraelimi mandu rangala pae wenaalinu nimu raayome ma-ria ria angele ni para ma-ipuma angele yokanali pame lo la lisaya. Nipu pa apana ali mendame ambala nipu ora lu komainyaloma epala puala pula ara wi andapu loaeme, lisaya. 25Ora dameparere nipumi koae ei menda na-pea pange nipu ora lu komala peme eina reenu menda neme na-andasiado, lisaya. Go einare Polo nipunale Sisa nipumi nipuna angele yokanali pi ei pangenaya lora pula, lisaya. Go einare neme kone suma Sisa para rapalua, lisaya. 26Go einare neme mo Polo nipuna pi einu mo Sisa para wape pape ree angelenu menda ni kone na-wi lisaya. Go einare Polo Kini Akaripa nee para karu epawa, lisaya. Akepeandare nipuna angelenu naa raayome waru kondao pangoma wape paminyayanda karu epawa, lisaya. 27Neme dipula anda para ali menda Sisa para rapaluandare mo nipu para angele yokanali pi eina ree epe rupa na-wape puma rapaluandare go eiri ora kolea, lisaya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.