Zwz Nduq 45
45
Yezsowh Haxdoq Le Bihnongx Zaiz Dix Dix Zawh Gawz
1 Yezsowh yuq doqnaj puj koij dix, gaemx mboq ndaej, zawx daj le bihnongx zaiz dix dungzyinq, dix zoq rongx bae doq puj koij dix: "Gaenqsu gaj goanz gaj og bae baihnog ndeh!" Hoakzaqnaeh gau Yezsowh daj le bihnongx zaiz dix hax dix zawh gawz naeh, zoq mboq miz puj ndai yuq haenz. 2Yaq dix haej vauh vauh, dij goanz Aizjih ruxnyinz. Rownz laux hongz daengz rownz zoq goj ruxndeq mbaed saeh naeh. 3Yezsowh daj le bihnongx zaiz dix hax: "Gux zoq zawh Yezsowh, dez raeuz naengz yuq mbaeuq?" Le bihnongx zaiz dix sawz sowq se, gawz goj yaeng mboq baenz.
4 Yezsowh daj le bihnongx zaiz dix hax: "Gaenqsu maz haenz gux." Paenqdix zoq mwz haenz dix. Gaenqdix hax: "Gaenqgux zawh nongx zaiz su Yezsowh, goanz su kai maz Aizjih naeh. 5Gaj, gannaeh, gaenqsu laek hax aeu gux kai maz inxnaeh ej gvaiq hoakri su mawh. Unj, dij Sen nemz gux maz inxnaeh daekgoanq gaenqsu, zawh dix zawx do leux aen mingh dij goanz. 6Inxnaeh kaeujpyaek haeuz mboq yawz song bi, yaeg ndaej song bi, naengz miz haj bi nowngzlaeng ndaem mboq baenz, yowngh caeu goj mboq miz. 7Dij Sen nemz gux maz inxnaeh daekgoanq gaenqsu, zawh jeuq su, leux aen mingh su, hawj su naengz miz yaiz. 8Hoakzaqnaeh lez maz, nemz gux maz inxnaeh, mboq zawh gaenqsu, zawh dij Sen. Dix hawj gux daj dez laux hongz Aizjih dungzlumj, laux hongz hoak gaeng goj maz cham gux. Dij Sen hawj gux hoak zaeujrownz rownz laux hongz, hawj gux gvanx daengz Aizjih nauq. 9Gannaeh, gaenqsu cenq dauh mwz dih dez raeuz naeh naeuz kvaiq ux, mwz daj dix hax: ‘Lug zaiz mawz Yezsowh hoakzaqnaeh hax: Dij Sen hawj gux maz Aizjih hoak laux gvanx ndaw Aizjih naeh, mawz maz dih gux inxnaeh ndeh, laek dangzgoah. 10Mawz, boangx luglan mawz, paenq moaz paenq mbej mawz, nanghgaj zawh gaenqmawz, daengzle yuq ndaw Goazsanz ndowj baenz, daj gux yuq dungzzawj. 11Naengz miz haj bi yaeg, gux yuq dih naeh zowngx mawz, yaj mawz, rownz mawz, sowh gaenq mawz naeh, daengzle ndoqndangj nauq mawh.’" 12Yaq Yezsowh daeuq daj le bihnongx zaiz dix hax: "Gaenqsu daj nongx zaiz gux Benqyaqminh ndaej ta taen singjringh, zawh baeg ndiang gux daj su hax kauq. 13Gaenqsu haxdoq dez raeuz, gaenqgux yuq Aizjih inxnaeh najta dwx baenzzaqrawz, gaenqsu taen gaeng gaenqsu goj haxdoq dix nauq, yaq zowz dez raeuz maz inxnaeh naeuz kvaiq ux." 14Yaq, Yezsowh gud hoz nongx zaiz dix, Benqyaqminh, haej, Benqyaqminh goj gud hoz Yezsowh haej. 15Dix zup le goz dix, umj le goz dix, faengz daengz haej saw, yaq le bihnongx zaiz dix zoq daj dix koanx yowngh koanx yowngh.
Laux Hongz Nemz Yezsowh Mwz Raep Dez Dix Daeuj Aizjih
16Laux hongz Aizjih daj sowh puj baihdawj dix naeh ruxnyinz le bihnongx zaiz Yezsowh maz zawj Yezsowh. Paenqdix gaj goanz gaj faengz. 17Yaq laux hongz bae daj Yezsowh hax: "Gaenqmawz yaix le bihnongx zaiz mawz hoakzaqnaeh hoak, yaix doihdo paenqdix dah gaenqjin naeuz naek ux, dauh mwz ndaw Zaznanh. 18Dauh mwz raep dez su daj rownz paenqdix daeuj dih gux inxnaeh. Gux aeu Aizjih dih namh yawz hawj paenqdix, hawj paenqdix ndaej jin gaenq van inxnaeh. 19Gannaeh, gux nemz mawz yaix le bihnongx zaiz mawz hoakzaqnaeh hoak, yaix paenqdix aeu chowz Aizjih inxnaeh mwz, aeu mwz raep dez su, lug paenqdix daj mijmez paenqdix daeuj. 20Ndaw Aizjih gaenq ndae zawh gaenq paenqdix gangq, baenznaeh yaix paenqdix laek sezndai za'hoq ndaw rownz."
21 Yezsowh hoakzaq laux hongz nemz naeh, aeu jij aen chowz ux daj aeu sowh kaeujpyaek yuq ka loh jin naeh hawj le bihnongx zaiz dix, 22daeuq aeu ndangnungh hawj paenqdix goanz ux tauq ux, gaj aeu hawj Benqyaqminh sam baeg ndeaj ngaenz daj haj tauq ndangnungh. 23Sowh gaenq Yezsowh aeu soangq hawj dez dix naeh zawh: ngihsip do dij loix, miz sip do taek, sip do meh, sip do taek naeh dah gaenq ndae Aizjih, sip do meh naeh dah kaeuj, binx, daj sowh kaeujpyaek hawj dez dix yuq ka loh jin naeh. 24Yaq, Yezsowh nemz le bihnongx zaiz dix dauh mwz. Gau paenqdix dauh mwz naeh, Yezsowh daj paenqdix hax: "Gaenqsu yuq ka loh laek dungzjiang oaj."
Le Bihnongx Zaiz Yezsowh Dauh Maz Rownz Raep Dez Paenqdix
25Paenqdix ni Aizjih mwz Zaznanh, mwz dih dez paenqdix Yaqgowh naeh. 26Paenqdix haxdoq Yaqgowh: "Yezsowh naengz yuq, yuq Aizjih hoak laux saeq dwx daih ngih naeh, gvanx daengz Aizjih nauq." Yaqgowh sawz sowj se, unj dix mboq sinq paenqdix. 27Paenqdix zoq aeu suq kauq Yezsowh daj paenqdix hax naeh, haxdoq dix nauq. Yaqgowh, dez paenqdix, leztaen sowh chowz Yezsowh aeu maz raep dix naeh, ndaw zaw zux daeh rowngh nyeuz. 28Yixsowhleh hax: "Lug zaiz gux Yezsowh naengz yuq, zohgoanz naeh gux mboq miz gaeng nwh eh, gannaeh gux naengz mboq tai, gux bae lez dix ta ux."
လက္ရွိေရြးခ်ယ္ထားမွု
Zwz Nduq 45: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.