Zwz Nduq 44
44
Yezsowh Ciqzaw Le Boangx Bihnongx Dix
1 Yezsowh daj goanz saeh dix gvanx ndaw rownz naeh hax: "Aeu kaeuj laep hawj boangx naeh, gaj ka daeh gaj laep daem, nanghgaj paenqdix tw ndaej, yaq daeuq aeu ngaenz paenqdix laep bae ndaw daeh paenqdix. 2Aeu aen zung ngaenz gux laep bae ndaw daeh goanz ex nyeuz daengzle naeh, aeu daj sowh ngaenz dix aeu maz swx kaeuj naeh zaemh laep." Goanz saeh Yezsowh gvanx ndaw rownz naeh zoq biak gaemz Yezsowh hax naeh bae hoak.
3Zangnaw fax hiamq rungh, Yezsowh zoq hawj paenqdix mwz. 4Paenqdix zoq og ndaw chaenh bae, og bae naengz mboq gvae lai, Yezsowh zoq daj goanz saeh dix gvanx ndaw rownz naeh hax: "Mwz naeuz kvaiq ux, mwz daem boangx goanz naeh, daem mex, zoq daj paenqdix hax: ‘Zaeuj gux doiq su ndae, gaenqsu baenzzaqrawz hoak mbowq dwk dix mux? 5Gaenqsu baenzrawz laeg aen zung ngaenz zaeuj gux aeu ndut laeuj daj aeu yaengjmyoaz naeh. Gaenqsu hoakzaqnaeh hoak, mboq hoj saek'i ah.’"
6Goanz saeh Yezsowh gvanx ndaw rownz naeh daem mex paenqdix zoq daj paenqdix hax suq kauq naeh. 7Paenqdix daj goanz saeh Yezsowh gvanx ndaw rownz naeh hax: "Zaeuj le koij baenzzaqrawz hoakzaqnaeh hax mux? Le koij toj mboq rux hoak sowh saeh naeh. 8Mawz lez, koax daekgoanq le koij ruxndeq sowh ngaenz aeu maz swx kaeuj naeh naengz yuq ndaw daeh, le koij zoq daeq Zaznanh daeuq aeu maz hawj mawz. Le koij hoak rawz daeuq maz laek jim ngaenz rownz zaeuj mawz mux? 9Mawz caeu mah, caeu zoah gawz, gawz zoq zoah tai, puj ndai zoq hoak puj koij zaeuj mawz." 10Goanz saeh Yezsowh gvanx ndaw rownz naeh hax: "Awh, zoq hoak zaq gaemz su hax naeh, gaj caeu zoah gawz, gawz zoq hoak puj koij zaeuj gux, puj ndai gawz goj mboq baenzrawz." 11Yaq, paenqdix cenq hih dah daeuj, dangq goanz dangq aj daeh hoakri. 12Goanz saeh Yezsowh gvanx ndaw rownz naeh zoq daeq puj dwx caeu goj daeuj daeuj. Aen zung gaeng naeh yuq ndaw daeh Benqyaqminh, goanz ix nyeuz daengzle naeh. 13Paenqdix leztaen aen zung yuq ndaw daeh Benqyaqminh, paenqdix zoq riag sowj hoakri.#44:13 Paenqdix riag sowj hoakri zawh hax paenqdix mex zoah sowh saeh mboq ndae naeh, ndaw zaw paenqdix yuqraix taeuq. Yaq daeuq aeu za'hoq dah mwz now dij loix, dauh bae dih Yezsowh naeh.#Zwz Nduq 37:34.
14 Yaeuhdaq daj le bihnongx zaiz dix maz taeng rownz Yezsowh. Gau naeh Yezsowh naengz yuq dih naeh, paenqdix zoq gvih mwz doq dix. 15Yezsowh daj paenqdix hax: "Gaenqsu minhminh ruxndeq sowh puj saeq dwx baenzzaq gux naeh toj rux yaengjmyoaz mboqyaq. Gaenqsu naengz hoak sowh saeh naeh mux!" 16Yaeuhdaq hax: "Gaenqpiu mboq miz gaemz daj zaeuj piu hax ej. Gaenqpiu yowngh hax gaeng goj mboq miz ej. Aen zung naeh yuq ndaw mungz piu, piu naengz rux hoak rawz hax mboq zawh gaenqpiu laek mah? Dij Sen ruxndeq gaenqpiu hoak loang gaeng raeuh. Gannaeh, goanz aen zung yuq ndaw daeh dix naeh daj gaenqpiu daengzle zawh puj koij zaeuj piu." 17Yezsowh hax: "Gux toj mboq rux hoakzaqnaeh hoak. Aen zung yuq ndaw daeh gawz, gawz zoq hoak puj koij gux, puj ndai dauh mwz dih dez su naeh vangqdangh."
Yaeuhdaq Vanz Yezsowh Zoangq Benqyaqminh
18 Yaeuhdaq daeq mwz haenz Yezsowh, hax: "Zaeuj aj, mawz dwx daj laux hongz dungzlumj, gaj vanz mawz hawj koij hax gaemz ux, laek jihdwk koij. 19Mawz ndaej cham le koij, dez le koij naengz zaeu mbaeuq, le koij naengz miz bihnongx zaiz tem mbaeuq. 20Le koij ndaej haxdoq mawz, dez le koij naengz miz, dix haeuz jeq, goj naengz miz goanz nongx zaiz ex ux tem. Goanz nongx ex naeh, zawh zwz dez le koij baenz puj jeq maz zowngx. Goaz ndiang maengx ex naeh haeuz tai yaq, meh dix saeh dez dix zowngx gaj doiq lug zaiz naeh, gannaeh haeuz low gaj maeng ex naeh, dez le koij nwh dix taeuq. 21Yaq mawz yaix le koij zowz maeng ex naeh daeuj dih mawz inxnaeh, hawj mawz ta'taen dix singjringh. 22Le koij zoq daj mawz hax maeng lug naeh ni dez dix mboq ndaej. Jixzawh dix ni, dez dix zoq rux tai. 23Mawz daj le koij hax, jixzawh maeng nongx ex le koij naeh mboq daj le koij zaemh daeuj, le koij zoq mboq ndaej taen mawz.
24"Yaq, le koij zoq mwz dih dez le koij naeh, aeu gaemz kauq mawz haxdoq dix. 25Gvaq ndaej ndauj ux, dez le koij yaix le koij daeuq daeuj saeh dix swx kaeuj tem. 26Le koij zoq daj dez le koij hax, jixzawh dix mboq hawj nongx ex le koij daj le koij zaemh daeuj, le koij zoq daeuj inxnaeh taen naj mawz mboq baenz, jixzawh dix hawj nongx ex le koij daj le koij zaemh daeuj, le koij zoq daeuj. 27Dez le koij zoq daj le koij hax, yah mez dix gaengnaeh zux saeh dix zowngx doiq lug zaiz doag. 28Miz goanz ux haeuz ni dix mwz rawz yaq, taengdiak gannaeh, dez le koij goj mboq sanz taen dix. Dez le koij nwh maz goanz ni dix naeh ingj zoah do'bo jin nownzcumj nauq. 29Dez le koij hax: ‘Su zowz maeng ex naeh daeq haenz gux bae, jixzawh dix baenzzaqrawz, hawj laux jeq to kau gux hoak rawz hoak ah? Hawj gux yuqraix daengz tai saw raj?’
30-31"Aen mingh dez koij daj aen mingh maeng naeh dungzrangh, gannaeh koij dauh mwz dih dez koij naeh. Jixzawh dix leztaen maeng lug naeh mboq daj le koij zaemh yuq, dix daeh lez mboq miz maeng lug naeh, dix zoq rux tai. Hoakzaqnaeh le koij zoq hawj dix laux jeq to kau naeh yuqraix daengz tai saw. 32Koij daj dez koij hax, koij hawj maeng lug naeh baenzrawz mboq ndaej, jixzawh koij hawj dix baenzrawz, mboq zowz dix dauh maz, zoq hawj dix gvaiq koij daengz zohgoanz. 33Gannaeh vanz mawz hawj koij yuq inxnaeh, daeb maeng ex naeh hoak puj koij mawz, hawj maeng naeh daj le goz dix zaemh mwz. 34Jixzawh maeng naeh mboq daj le koij zaemh mwz, le koij dauh mwz taen dez le koij mboq baenz. Le koij mboq zawx taen dez le koij baenz rawz."
လက္ရွိေရြးခ်ယ္ထားမွု
Zwz Nduq 44: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.