Zwz Nduq 42
42
Yaqgowh Nemz Boangx Lug Dix Mwz Aizjih Swx Kaeuj
1 Yaqgowh ruxndeq Aizjih miz kaeuj, zoq daj le lug zaiz dix hax: "Gaenqsu baenzrawz goanz lej lez naj goanz mawj?" 2Gaenqdix daeuq hax: "Gux ruxnyinz Aizjih miz kaeuj, gaenqsu bae dih naeh swx kaeuj, gaenqraeuz zux mboq rux yaeg tai." 3Daeklaeng, sip goanz goz Yezsowh zoq bae Aizjih swx kaeuj. 4Yaqgowh mbu luglaj dix Benqyaqminh mex zoah gaenq mboq ndae, dix zoq mboq nemz Benqyaqminh, goanz nongx zaiz Yezsowh naeh, daj le goz dix zaemh bae. 5Ndaw Zaznanh goj kaeujpyaek mboq yawz, puj jenjyaeg miz lai. Sip goanz lug zaiz Yixsowhleh daj daenh zaemh bae swx kaeuj. 6Zwz naeh, Yezsowh yuq Aizjih hoak saeq dwx, kaeuj zawh dix gvanx gangq. Baenzzaqnaeh, le goz Yezsowh bae taeng yaq, zoq gvih mwz doq Yezsowh. 7Yezsowh taen le goz dix, dix ruxnaj paenqdix, gaj dix hoakdoi mboq ruxnaj, dix daj paenqdix daeh hez daeh hez, cham paenqdix: "Gaenqsu daeq rawz daeuj?" Paenqdix yaeng: "Gaenqpiu zawh daeq Zaznanh daeuj inxnaeh swx kaeuj."
8 Yezsowh ruxnaj le goz dix, gaj le goz dix mboq ruxnaj dix. 9Yezsowh nwh ndaej koax daekgoanq song mbaed paen'hwnz dix naeh, zoq cog le goz dix, daj paenqdix hax: "Gaenqsu mboq zawh maz swx kaeuj, gaenqsu daz maz jem Aizjih inxnaeh baenzzaqrawz, mbaedmawq maz saeuh dih piu." 10Paenqdix daj dix hax: "Saeq piu aj, mboq zawh baenzzaqnaeh naeuj, le koij zawh maz swx kaeuj zaeh naeuj. 11Le koij zawh lug zaiz laux ndeu, le koij zawh puj swh, mboq zawh daz maz hoak yowngh ndai, zawh maz swx kaeuj zaeh naeuj." 12Yezsowh daj paenqdix hax: "Mboq zawh, gaenqsu zawh maz dih inxnaeh jem dih inxnaeh baenzzaqrawz, mbaedmawq daz maz saeuh gaenqpiu." 13Paenqdix hax: "Dez le koij zawh dij goanz Zaznanh. Le koij mbaednduq miz sipngih bihnongx zaiz, goanz nongx zaiz ex nyeuz daengzle naeh gannaeh daj dez le koij zaemh yuq ndaw Zaznanh, miz goanz ux haeuz mboq miz." 14Yezsowh daeuq daj paenqdix hax: "Gaenqsu zawh maz jem dih piu baenzzaqrawz, mbaedmawq daz maz saeuh piu. 15Gux aeu laux hongz hoak puj jinghzang raeuz, gux daj su haxgoak daekgoanq, jixzawh gaenqsu mboq zowz goanz nongx zaiz ex su maz inxnaeh, gaenqsu zoq mboq ndaej ni inxnaeh mwz. Gux hoakzaqnaeh zux ruxndeq su zawh mboq zawh hax swh. 16Gaenqsu gawz dauh mwz goanz ux, mwz zowz goanz nongx zaiz su naeh daeuj, puj ndai yuq inxnaeh kaeng taj. Hoakzaqnaeh zux ruxndeq su zawh mboq zawh hax swh. Jixzawh su haxyai, gux haxdoq su zaehzaeh, gux zoq ruxndeq su zawh puj gaeng singjringh." 17Yaq, Yezsowh aeu paenqdix mwz ndaw lauz kaeng sam vaenz.
18Taeng vaenz daih sam naeh, Yezsowh daj paenqdix hax: "Gaenqgux mbu dij Sen, gux mboq rux luanq hawj dij goanz tai, nanghgaj gaenqsu biak kauq gux bae hoak, gaenqsu zoq ndaej zaeu mwznaj. 19Jixzawh gaenqsu zawh puj swh, le bihnongx su goanz ux yuq inxnaeh kaeng. Puj ndai zoq tw kaeuj dauh mwz rownz, puj yuq ndaw rownz zux miz yowngh jin, zux mboq rux yaeg tai. 20Yaq gaenqsu zowz nongx zaiz ix su daeuj dih gux inxnaeh, hoakzaqnaeh gux zoq ruxndeq suq kauq su hax naeh zawh zaeh, gaenqsu zoq mboq zoah tai." Yezsowh hax gah, paenqdix zoq awj.
21Yaq paenqdix goanz lej daj goanz hax: "Mbong saeh now to nongx zaiz raeuz naeh gaenqraeuz hoak loang dwx, gaenqraeuz leztaen ndaw zaw dix yuqraix, gaj sowh gau dix vanz raeuz laek hoakzaqnaeh, gaenqraeuz goj mboq biak dix. Mbaed naeh, laenh taeng gaenqraeuz yah!" 22Loixbenq hax: "Gux mboq zawh daj su hax yaq mawj? Laek haij maeng naeh, gaj gaenqsu mboq biak, raeuz hawj dix tai, gannaeh dij Sen hawj raeuz baenzzaqnaeh yah." 23Miz goanz ux saeh paenqdix hoak fanzyih, baenzzaqnaeh le goz Yezsowh faeklaih Yezsowh mboq rux biak kauq Cizboahlaiz. 24Yezsowh ueqnaj ni bae haej gau ux. Yaq dix daeuq dauh maz daj paenqdix hax kauq, dix yaix daenh laeg Cizmyenx maz, yuq doqnaj daengzle aeu zowg puk Cizmyenx.
Boangx Lug Yaqgowh Dauh Mwz Zaznanh
25 Yezsowh nemz dij goanz aeu kaeuj laep ndaw daeh le goz dix, daeuq aeu ngaenz le goz dix aeu maz swx kaeuj naeh laep bae ndaw daeh le goz dix, goj laep gaenqjin hawj paenqdix dauh mwz yuq ka loh miz yowngh jin. Puj baihdawj Yezsowh zoq hoakzaq Yezsowh hax naeh bae hoak. 26Le goz Yezsowh aeu kaeuj dah mwz now dij loix, ni dih naeh mwz. 27Zang'haemh, taeng dih ced naeh, paenqdix miz goanz ux aj daeh kun dij loix, zux ruxndeq sowh ngaenz dix aeu maz swx kaeuj naeh naengz yuq ndaw daeh. 28Dix zoq daj le bihnongx dix hax: "Ngaenz gux daeuq aeu hawj gux naeuj ah! Gaenqsu lez, yuq ndaw daeh gux!" Paenqdix tukzaw, mbu daengz mboq zawh haxnyaeux, hax: "Dij Sen hawj raeuz miz saeh dwx yah."
29Paenqdix dauh mwz taeng Zaznanh dih dez paenqdix Yaqgowh naeh, paenqdix zoq aeu suq saeh naeh laemh dwk dez paenqdix, hax: 30"Laux gvanx ndaw Aizjih naeh, hwt piu, hax piu zawh daz bae jem dih paenqdix baenzzaqrawz, mbaedmawq daz bae saeuh paenqdix. 31Gaenqpiu daj dix hax: ‘Gaenqpiu zawh puj swh, mboq zawh sowh dij goanz mawz hax naeh naeuj. 32Gaenqpiu mbaednduq miz sipngih bihnongx zaiz, zawh lug zaiz laux dez ndeu. Miz goanz bihnongx ux gannaeh haeuz mboq miz, goanz ex nyeuz daengzle naeh gannaeh daj dez le koij yuq ndaw Zaznanh.’ 33-34Gaj laux gvanx ndaw Aizjih naeh daj piu hax: ‘Le bihnongx su goanz ux yuq inxnaeh kaeng. Puj ndai zoq tw kaeuj dauh mwz rownz, puj yuq ndaw rownz zux miz yowngh jin, zux mboq rux yaeg tai. Yaq zowz goanz nongx zaiz ix su daeuj dih gux inxnaeh. Hoakzaqnaeh gux zoq ruxndeq gaenqsu zawh mboq zawh puj swh. Jixzawh su zawh puj swh, mboq zawh sowh dij goanz gux hax naeh, gux zoq zoangq bihnongx su, mwznaj dih piu gaenqsu ngaiq maz rawz zoq maz rawz.’"
35Paenqdix laemh kauq gah, paenqdix zoq zoaj daeh. Gawz goj mboq naemz, ndaw daeh paenqdix gaj daeh gaj naengz miz ngaenz. Paenqdix daj dez paenqdix leztaen ngaenz ndaw daeh, gaj goanz gaj mbu. 36Yaqgowh, dez paenqdix, daj paenqdix hax: "Gaenqsu gaj zwz gaj hawj lug zaiz gux mboq miz. Yezsowh haeuz mboq miz yaq, Cizmyenx goj mboq miz. Gaenqsu naengz daz zowz Benqyaqminh bae. Sowh saeh naeh baenzzaqrawz daeuj gaj now to gux mux?" 37Loixbenq daj dez dix hax: "Jixzawh gaenqgux mboq zowz dix daeuq dauh maz, mawz zoq kaj doiq lug zaiz gux. Mawz aeu gaenqdix hawj gux, gux hoak rawz goj daeuq zowz dix dauh maz." 38Yaqgowh hax: "Gux mboq hawj maeng lug zaiz naeh daj gaenqsu zaemh bae gah, goz dix haeuz mboq miz yaq, zux low gaj goanz doag dix. Jixzawh gaenqsu zowz dix bae, yuq ka loh miz gaeng saeh, gaenqsu toj hawj laux jeq gux yuqraix daengz tai saw mbyoh."
လက္ရွိေရြးခ်ယ္ထားမွု
Zwz Nduq 42: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.